İsrail Müdafiə Ordusunun zirehli tank bölmələri bu gün səhər Qəzza zolağının cənubunda Rəfah şəhərinə daxil olublar. 

“gecemiz.az” xəbər verir ki, bu barədə məlumatı “The Times of Israel” qəzeti yayıb. 

Bildirilir ki, İsrail ordusu Rəfahın şərq hissəsində HƏMAS hədəflərinə zərbələr endirir. 

Xatırladaq ki, mayın 6-da HƏMAS-ın İsraillə atəşkəsə razılaşdığı barədə məlumat yayılıb. Bununla belə, İsrail hökuməti Rəfahda hərbi əməliyyatların davam etdirilməsi barədə qərar qəbul edib.

***

İsrail Müdafiə Ordusunun Mətbuat xidmətinin yaydığı məlumata görə, israilli hərbçilər Qəzza və Misir sərhədində “Rəfah” nəzarət-buraxılış məntəqəsinə nəzarəti ələ keçiriblər:

“Kəşfiyyat məlumatlarına görə, “Rəfah” nəzarət-buraxılış məntəqəsindən terror məqsədləri üçün istifadə edilib. İsrail Müdafiə Ordusunun qoşunları Qəzza zolağı tərəfdən məntəqəyə nəzarəti təmin etməyə nail olub”.