İsrailin zərbəsi nəticəsində Husi hökumətinin azı 10 üzvü həlak olub

Yəməndə üsyançı "Ənsar Allah" hərəkatının yaratdığı hökumətin azı 10 üzvü İsrailin Sənaya endirdiyi zərbələr nəticəsində öldürülüb.

Oxu.Az TASS-a istinadən xəbər verir ki, husilər Yəmənin üsyançı baş nazirinin və digər nazirlərin ölümünü təsdiqləyiblər.

Məlumata görə, hökumət başçısı ilə birgə ölənlər baş nazirin müavini Cəlal ər-Ruveyşan, xarici işlər naziri Camal Amer, informasiya naziri Haşim Şərafəddin, yerli idarəetmə naziri Məhəmməd əl-Mədəni, iqtisadiyyat naziri Muin əl-Mahakri, ədliyyə naziri Mücahid Əhməd, nəqliyyat naziri Məhəmməd Kahim, əmək naziri Samir Bacala, təhsil naziri Həsən əl-Səadi və idman naziri Məhəmməd əl-Mövluddur.

Qeyd edək ki, ölən baş nazirin yerinə onun birinci müavini Məhəmməd Miftah keçib.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş