Silahlılardan qaçmaq istəyən 13 nəfər boğulub öldü

Nigeriyada 13 nəfər silahlı şəxslərdən xilas olmağa çalışarkən boğularaq həlak olub, daha 22 nəfər isə itkin düşüb.

Lent.az xarici mediaya istinadla bildirir ki, hadisə ölkənin şimal-qərbində yerləşən Zamfara ştatında, Birnin Maqaji bölgəsində baş verib. Silahlı şəxslər bölgəyə hücum etdikdən sonra yerli sakinlər xilas olmaq üçün çayın kənarına qaçıblar. Orada yeganə qayığa minmək istəyən insanlar çox olduğundan qayıq həddindən artıq yüklənib və çevrilib.

Çərşənbə günü Reuters xəbər vermişdi ki, silahlı şəxslər Zamfara ştatında azı iki nəfəri qətlə yetirib və daha 100-dən çoxunu girov götürüblər. Məlumdur ki, Nigeriyanın bu ucqar kənd rayonları tez-tez kəndləri qarət edən və insanları fidyə məqsədilə qaçıran silahlı dəstələrin hücumlarına məruz qalır.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş