ABŞ Çinə mikroçip tədarükü ilə bağlı yeni məhdudiyyətlər tətbiq etdi

ABŞ Prezidenti Donald Trampın administrasiyası Çinin Amerikanın qabaqcıl texnologiyalarına, o cümlədən mikroçiplərə çıxış imkanlarını məhdudlaşdırıb.

Oxu.Az xəbər verir ki, bu barədə "Bloomberg" agentliyi məlumat yayıb.

Bildirilib ki, ABŞ Ticarət Nazirliyi Cənubi Koreyanın "Samsung", "SK Hynix" və Amerikanın "Intel" şirkətlərinin istehsal üçün lazım olan texnologiyaları Çinə idxal etmək icazələrini ləğv edib.

Qeyd edək ki, həmin icazələr şirkətlərə hər dəfə ABŞ hakimiyyət orqanlarından ayrıca lisenziya almadan Çinə mikroçip istehsalı üçün avadanlıq idxal etməyə imkan verirdi.

Yeni qərara əsasən, sözügedən üç şirkətin Çinə məhdudiyyətsiz avadanlıq idxalı üçün mövcud lisenziyalarının müddəti 120 gündən sonra başa çatacaq.

Xatırladaq ki, ABŞ Çinə çip ixracına ilk məhdudiyyətləri 2022-ci ilin oktyabrında tətbiq edib və o vaxtdan bəri bu məhdudiyyətlər dəfələrlə sərtləşdirilib.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş