 |
 |
Gecemiz.az |  |
 |
Behaviour Interactive (fr. Behaviour Intéractif Inc.) — videooyunlarının inkişafında ixtisaslaşan müstəqil Kanada şirkəti. 1992-ci ildə təsis edilən şirkətin baş qərargah Kanadanın Monreal şəhərində yerləşir. Şirkətin Çilinin Santyaqo şəhərində bir filialı var.
| Behaviour Interactive Inc. | |
|---|---|
 | |
| Ümumi məlumatlar | |
| Tipi | Özəl şirkət |
| Sənaye | Kompüter oyunları sənayesi |
| Məhsulu | Videooyunlar |
| Təsis tarixi | 1992) |
| Baş qərargahın yeri | |
| Struktur | |
| İşçi sayı | 375 (2014) |
| Rəhbərlik | |
| Təsisçi | Remi Rasin |
| bhvr.com | |
Şirkət "Megatoon Entertainment Group" adıyla Remi Rasin tərəfindən 1992-ci ildə Kvebek şəhərində təsis edilmişdir.[1][2] 1994-cü ildə Rasin, CD-ROM üçün interaktiv əyləncə proqram təminatları üzrə ixtisaslaşan Monreal-əsaslı "Multimedia Interactive" (MMI) şirkətinin təsisçilərindən biri olmuşdur.[3] 1996-cı ildə şirkətlərin ikisi də, "Malofilm Communications" şirkətinə satılmış, 1997-ci ildə isə "Behaviour Interactive" adı altında birləşmişdilər.[3] 1999-cu ildə Rasin və bir neçə səhmdar studiyanı geri almış, 2000-ci ildə isə adını "Artificial Mind & Movement Inc." (A2M) qoymuşdular.[1][3] 2008-ci ilin noyabr ayında şirkət Santyaqo-əsaslı "Wanako Games" studiyasını "Activision Blizzard"dan almışdır.[4] 2010-cu ildə şirkət adını yenidən "Behaviour Interactive" olaraq dəyişmişdir.[1]
21 iyun 2018-ci ildə "Bethesda Softworks" şirkəti "Behaviour Interactive" studiyasını və "Warner Bros." şirkətini müəllif hüquqları və müqavilə pozuntusu iddialarına görə məhkəməyə vermişdir.[5] "Bethesda" bu şirkətlərin vaxtilə "Behaviour Interactive"in hazırladığı "Fallout Shelter" videooyununun buraxılış-əvvəli kodundan əsaslanaraq "Qərb dünyası"-mövzulu bir videooyunu buraxdıqlarını iddia etmişdir. Bu müəllif hüquqlarının pozuntusuna oyunun qeympleyi, animasiyaları və interfeys dizaynı kimi amillərinin "Fallout Shelter"dəki ekvivalentlərinə çox bənzəməsi daxildir.[6]
15 yanvar 2019-cu ildə "Westworld" applikasiyası Google Play və App Store onlayn satış platformalarından çıxarılmışdır. Oyun daxilində verilən açıqlamada oyunçuların oyunu ləğv edilənə qədər, yəni 16 aprel 2019-cu ilə qədər oynaya biləcəkləri bildirilmişdir.[7]
 |
 |
GECEMIZ.AZ |  |
 |
|