Vikipediyaya xoş gəlmisiniz!

Olimpiya (Mane) — Fransa rəssamı Eduard Manenin 1863-cü ildə tamamladığı rəsm əsəri. Realizm cərəyanının nümunəsi olan əsər hal-hazırda Parisdə yerləşən Orse muzeyində sərgilənir. Tablo ilk dəfə 1865-ci ildə Paris Salonunda rəssamın digər əsəri olan "Əsgərlər tərəfindən xor baxılan İsa" rəsmi ilə birlikdə sərgiləndiyində böyük bir qalmaqala səbəb olmuşdur. Əsərdə fahişə olduğu təəssüratı oyandıran çılpaq ağ bir qadın üzərində yastıqlar olan bir yatağa uzanmış halda təsvir edilmişdir. Qadına əlində bir buket çiçək tutan zənci bir xidmətçi və qara pişik yoldaşlıq edir. Mane klassik tabloların əksinə, heç bir əlavə fikir ehtiva etməyən gerçək bir çılpaq çəkmişdir. Dövrün tamaşaçıları və tənqidçiləri bir tanrı yerinə fahişənin mövzu edildiyi, kəskin ana xətlərə və təzad ehtiva edən sərt rənglərə sahib rəsm əsəri ilə qarşılaşdıqda çox təəccüblənmişdirlər. Rəsmdə təsvir edilən qadının izləyənlərə utanmazca baxması, işığın qadının solğun bədəninə və üzərində yatdığı atlaz ədyallarda əks olunması maraq çəkmişdir. (Davamı...)

Ənuşirəvan İbrahimi — siyasətçi, repressiya qurbanı. 21 Azər hərəkatının iştirakçısı Azərbaycan Demokrat Firqəsi Mərkəzi Komitəsinin üzvü, Tudə Partiyasının İdarə Heyətinin üzvü. 1982-ci ildə siyasi fəaliyyətinə görə həbs olunub, 1987-ci ildə Tehranda Evin həbsxanasında edam olunub. Azərbaycan Milli Hökumətinin baş prokuroru Firudin İbrahiminin qardaşıdır. (Davamı...)

Bakının görməli yerlərinin siyahısı — Azərbaycanın paytaxtı və ən böyük şəhəri olan Bakı şəhərinin turizm potensialı ilə bağlıdır. Siyahıda şəhərin turistik və görməli yerləri — teatrlar, kinoteatrlar, saraylar, konsert zalları, parklar, muzey və qoruqlar, habelə ibadət yerləri, idman arenaları və s. öz əksini tapmışdır. Ümumi məlumat olaraq sahəsi 2130 km² olan Bakı şəhəri Abşeron yarımadasında, Xəzər dənizinin qərb sahilində yerləşir və şəhərin tərkibinə 12 inzibati rayon, 5 şəhər tipli qəsəbə və 32 kənd daxildir. Şəhərin mərkəzi hissəsi Bakı buxtasına pilləli enən amfiteatrda yerləşir. Bakının dəniz sahili hissəsi okean səviyyəsindən təqribən 28 metr (92 ft) aşağıdır. Bakı şəhərində və Abşeron yarımadasında insanlar çox qədim zamanlardan məskunlaşmış və burada yaşayış məntəqələri yaratmışlar. Buna səbəb Bakı şəhərinin fiziki-coğrafi şəraiti şimaldan-cənuba, qərbdən-şərqə gedən miqrasiya və ticarət yollarının kəsişməsi mərkəzində yerləşməsi, iqlim şəraiti və ən qədim zamanlardan yer üzünə çıxan nafta adlanan yanacaq və enerji sərvəti olmuşdur. Bakı Qafqazda ən əhəmiyyətli turistik məkanlardan biri sayılır.

(Davamı...)

• Arxiv

• Rusiyanın Amur vilayətində içərisində 49 nəfərin olduğu An-2 təyyarəsi qəzaya uğrayıb.
• Rusiyanın Yekaterinburq şəhərində azərbaycanlılara qarşı baş tutan hücumda 5 nəfər öldürülüb, ən azı 50 şəxs saxlanılıb.
• İsrailin İrana hərbi zərbələri (şəkildə) nəticəsində İrana məxsus bir çox hərbi və nüvə obyektləri vurulub, bəzi hərbi və mülki vəzifəli şəxslər öldürülüb.
• Hindistanın Əhmədabad şəhərində baş verən təyyarə qəzası nəticəsində 260-dan çox insan həlak olub.
• "The Beach Boys" rok qrupunun həmtəsisçisi Brayan Vilson 82 yaşında ölüb.

Aktual hadisələr: HƏMAS–İsrail müharibəsi • Rusiya–Ukrayna müharibəsi • Sudanda vətəndaş müharibəsi

(bax • redaktə • tarixçə)

• Arxiv
• Məqalə təklif et

• Osmanlı sədrəzəmi Parqalı İbrahim Paşa Xürrəm Sultanın yerinə keçirtmək və Sultan Süleyman Qanuniyə hədiyyə etmək üçün İtaliya qrafinyası Culiya Qonzaqanın (şəkildə) ələ keçirilməsi əmrini vermişdir.
• İlk antisemitlərdən biri olan Mnasey yəhudilərin eşşəkləri ilahiləşdirdiyini və qızıl eşşək başına sitayiş etdiklərini iddia etmişdir.
• Azərbaycanlılar, ermənilər və udinlər birləşərək 1625-ci ildə Qarabağ və Gəncədə Səfəvi hakimiyyətinə qarşı Mıxlı baba hərəkatını başlatmışdırlar.
• 1951-ci ildə Misirdə "Coca-Cola" və "Pepsi"nin islam qanunlarına görə icazəli olması ilə əlaqədar fətva verilmişdir.
• Filippində karaokedə iştirak etmək bəzən həyat üçün təhlükə yarada bilir.

4 avqust: Ziştovi sülh müqaviləsinin imzalanması, Azərbaycan-Portuqaliya diplomatik əlaqələrinin qurulması

1791 — Osmanlı İmperiyası ilə Avstriya arasında Ziştovi sülh müqaviləsi imzalanmışdır.

1914 — Birinci Dünya müharibəsi ərəfəsində Almaniya Belçika torpaqlarına soxulmuşdur.

1916 — Birinci Dünya müharibəsi ərəfəsində Liberiya Almaniyaya müharibə elan etmişdir.

1924 — Meksika və Sovet ittifaqı arasında diplomatik əlaqələr yaradılmışdır.

1940 — Latviya SSRİ-yə birləşdirilmişdir.

1992 — Azərbaycan Respublikası Portuqaliya ilə diplomatik əlaqələr qurmuşdur.

1995 — Xorvatiyanın müstəqillik uğrunda müharibə ərəfəsində Fırtına əməliyyatı başlamışdır.

Digər günlər: 3 avqust – 4 avqust – 5 avqust