 |
 |
Gecemiz.az |  |
 |
Fukuoka Kamera Muzeyi (ミュゼふくおかカメラ館, Myuza Fukuoka Kamerakan?) – Yaponiyanın Toyama prefekturasının Takaoka şəhərində yerləşən fotoqrafiya muzeyi. Muzey kameraya və fotoqrafiyaya həsr olunmuşdur.
| Fukuoka Kamera Muzeyi | |
|---|---|
 | |
 | |
| Açılış tarixi | 16 sentyabr 2000 |
| Mövzu | kamera[d] |
| Ölkə | |
| Yerləşir | Takaoka[d] |
| Telefon | +81-766-64-0550 |
| 36°42′41″ şm. e. 136°55′47″ ş. u.HGYO | |
| camerakan.com | |
 Vikianbarda əlaqəli mediafayllar | |
Muzey 16 sentyabr 2000-ci ildə Toyama prefekturasının Fukuoka qəsəbəsində (indiki Takaoka şəhəri) açılmışdır. Tikinti işləri 5 aprel 1999-cu ildə başlamış və 25 iyul 2000-ci ildə yekunlaşmışdır.[1] 2024-cü ildən muzeyin direktoru həvəskar fotoqraf Masahiro İşidodur.[2]
Muzey kamera, fotoqrafiya və videomədəniyyətə həsr olunmuşdur. Kolleksiya sərgiləri ilə yanaşı, muzeydə Nobuyoşi Araki, Mitsuaki İvaqo, Şinzo Maeda və Şotaro Akiyama kimi yerli fotoqrafların, eləcə də,[3] xarici fotoqrafların işlərindən ibarət sərgilər keçirilir, fotoqrafiya müsabiqələri təşkil olunur.[1] Muzey Nikon və Fujifilm fotomüsabiqələrinin qalibləri üçün keçirilən sərgilərə ev sahibliyi edir.[4][5] Muzey kolleksiyasına müxtəlif ölkə, dövr və istehsalçıya aid olan 1000 kamera, 1000 kitab və 120 foto daxildir.[3] 100–200 eksponatla keçirilən kolleksiya sərgiləri tarix, şəxs və funksiya mövzuları üzrə baş tutur.[6]
Muzey binası memar Tadao Ando tərəfindən dizayn edilmişdir. Bu, Toyama prefekturasında Tadao Ando tərəfindən dizayn edilmiş yeganə tikilidir. İki mərtəbədən ibarət muzey binasının sahəsi 951,93 m², döşəmə sahəsi 1325,27 m² təşkil edir. Burada çoxməqsədli zal, xüsusi sərgi zalı, daimi sərgi zalı, təlim otağı, ofis, anbar, sərgi otaqları yerləşir.[1]
 |
 |
GECEMIZ.AZ |  |
 |
|
