Muzakire Ilisu - Wikipedia - Gecemiz.az

Məqalədəki fikirlər tamamilə səhv verilmışdir.Hörmetli hemkar tarixi bilgilərinizi dəqiqləşdirməyiniz gərəkdir.Heç gürcü tarixçileri bu iddiada ola bilmirler.cünki tarixi faktlara esaslanmaq lazımdır. — Bu imzasız yazı Kinqmart (m • t) adlı istifadəçi tərəfindən əlavə edilib;.

Hörmətli Kinqmart (müzakirə • töhfələr • statistikalar), məqalədə hansı fikirlərin doğru olmadığını düşünürsəniz, xahiş edirəm, burada qeyd edin. --Vago 09:55, 19 Avqust 2010 (UTC)

Hörmətli Vago nəzərinizə çatdırıram ki İlisunun köklü sakinləri ingiloylar deyil vaxtilə gürcü kilsəsinin təsiri altına düşərək xristianlığı (ortodoks cərəyanı yəni provaslav) qəbul etmiş qıpçaqların nəsilləridir.Həmin qıpçaqlar dağıstan xalqları olan saxurlar və avarlarla daha cox qaynayıb qarışmışlar nəinki dinlərini 3 dəfə dəyişmış indi özlərini gürcü adlandıran ingiloylarla.Azərbaycanlı kəlməsi coğrafi məkanla bağlı bir addır.Həmin dövrə aid etmək olmaz.İlisu sultanlığı məqaləsində səthi olsa belə həmin mövzuya obyektiv bir yanaşma hiss olunur.Həmin məqaləyə nəzər yetirsəniz pıs olmaz.İradlarımı coxsaylı ilisu ziyalılarının adından bildirirəm.Təşəkkürümü əvvəcədən bildirirəm. — Bu imzasız yazı Kinqmart (m • t) adlı istifadəçi tərəfindən əlavə edilib;

Məqalədə qarışıqlıq olduğu ilk baxışdan görünür. Siz hansı hissələrin necə dəyişdirilməsini istəyirsinizsə, qeyd edin, müzakirə edib bir qərara gələrik.--Vago 13:28, 19 Avqust 2010 (UTC)

Mən kompleks araşdırmalarının nəticələri əsasında aşağıdakıları müzakirə üçün sizə təqdim edirəm.İlisu kəndi Qax rayonundan 12 km məsafədə yerləşir.Kənd bir yaşayış məskəni kimi XIII əsrdən məskunlaşmışdır.Kənddə ilk məskunlaşan insanlar İlisudan 3 km-lik bir məsafədə vaxtilə mövcud olmuş indi isə Kəndtala adlandırılan ərazidə yaşayan insanlar olmuşlar.Həmin ərazidəki qədim məzarların üzərindəki kufi xətti ilə yazılan epiqrafik nümunələr bunu bir daha sübut edir.XIII əsrdən başlayaraq Qax ərazisindən köçən insanlar İlisunun kifayət qədər genişlənməsində rol oynamışlar.XVII əsrin sonlarından etibarən kənd İlisu sultanlığının mərkəzinə çevrilmışdir.Kənd 8 məhəllədən və əhalinin etnik-sosial tərkibi baxımından 95 nəsildən ibarətdir. Kəndin Səngər, Bucaq ,Dabaq, Qala ,Tovla-tala, Bacar, Bəytabun, Qaradolaq (vaxtilə mövcud olmuş 2 məhəllə Sarılar obası və Cuhud oba məhəlləri indi digər məhəllərlə birləşmişdir) adından göründüyü kimi tarixi bir zərurətlə formalaşdır. bu nəsillərin 15-ə yaxını dağıstan xalqlarından olan saxur və avarlarla bağlıdır. Yalnız 2 nəsil Qorqu(Georgi) uşağı və Zrablar (Zurab) ingiloy əsillidir. — Bu imzasız yazı Kinqmart (m • t) adlı istifadəçi tərəfindən əlavə edilib;

Hörmətli Kinqmart (müzakirə • töhfələr • statistikalar), çox maraqlı və dəyərli məlumatlardır. Araşdırmalarınızın əsaslanacağı mənbələri də bura qeyd etsəniz, heç şübhəsiz, bu məlumatlar səhifəyə yerləşdiriləcək. Çünki məqalədə bəhs olunan və mübahisə mövzusu olan məlumatlara dair mənbə göstərilməyib.--Vago 05:50, 20 Avqust 2010 (UTC)

Hər birinizi salamlayıram. Əvvəlcə İlusu oykonimi haqqında İlisu bulağı məqaləsində məlumat verilmişdir. Yaşayış məntəqəsinin yaranma tarixi haqqında isə "Azərbaycan toponimlərinin ensklopediyası lüğətinin I cildinin 257-ci səhifəsində məlumat vardır. Həmin məlumatı icazənizlə məqaləyə yerləşdirərdim. --Sultan11 06:35, 20 Avqust 2010 (UTC)

Siz həmin məlumatları yerləşdirin, sonra hamısına birlikdə baxarıq "saf-çürük" edərik.--Vago 06:37, 20 Avqust 2010 (UTC)

Bəzi düzəliş və əlavələrinizi etdim, bir də nəzər yetirmənizi xahiş edirəm. --Vago 08:02, 20 Avqust 2010 (UTC)

İlisu kəndi dünya miqyasında dərin köklərə dayanan maarifçilik ənənəsinə malik yeganə yaşayış məskənlərindən biri hesab olunur.Kəndin yetirmələrindən olan 3 akademik,73 elmlər doktoru və 150-yə yaxın elmlər namizədi elmin müxtəlif sahələrində nailiyyətlər qazanmışlar.---şəklində olan qeyri-esniklopedik və təsdiq edilməyən məlumatları lütfən israrla məqaləyə daxil etməyin.--Asparux Xan Bulqar (talk) 18:59, 20 may 2013 (UTC)Cavabla

Bəzi lazımi kosmetik dəyişikliklər etdim. Lütfən mənbələrə istinad etməyi unutmayın. Hörmətlə !--Asparux Xan Bulqar (talk) 04:47, 22 may 2013 (UTC)Cavabla

Hörmətli həmkar öncə aydınlaşdırın görün maarifçilik nədir, maarifçi kriteriyaları nədir hansı fəaliyyətlərinə görə insana maarifçi demək münkündür, daha sonra baxın görün İlisuda doğulmuş və ya əsli buradan olan kiməsə maarifçi demək münkündürmü ? Əgər kiminsə maarifçi olduğunu təsdiq etsəz şablonu buyurub silərsiz. Hörmətlə !--Asparux Xan Bulqar (talk) 05:35, 22 may 2013(UTC)

Hörmətli həmkar bir müddətdir sizin tam bilgiyə malik olmadığınız sahələrə ciddi-cəhdlə düzəlişlər etmək istəyiniz haqqında hələlik müsbət söz demək mümkün deyil siz yaxşı olar bu sualları ritorik bir tərzdə özünüzə verin.Əvvəla nəzərinizə catdırıram ki göstərilən say son illərin dəqiqləşmələri aparılmadığına görə hələ azdır.500 ilə yaxın tarixi və 1500 nəfərə qədər əhalisi olan kiçik yaşayış məskənin bu sayda ziyalı yetişdirməsinin özü maarifçilik ənənəsinin məhsulu deyildirmi!!! Özünüzü çox çətinliyə salıb beyninizi yormayın, atalar məsəlində deyildiyi kimi görünən dağa bələdçi lazım deyil.Sadə halda izahı isə 2+2=4!!!!Kinqmart (talk)00:31, 23 may 2013 (UTC)Cavabla

Hörmətli həmvətənim əgər sizə istəmədən xoş gəlməyən hər hansı bir söz yazmışamsa sizdən üzr istəyirəm. İndi isə bir neçə kəlimə düzəlişlər haqqında: dostum hər ali təhsilə sahib kəs ziyalı ola bilməz, belə ki mənim sizə ziyalı nədir sualını verməyimə ehtiyyac yoxdur əminəm ki bunun cavabını özünüz də bilirsiz. O ki qaldı 3 akademik, 73 elmlər doktoru və 150 elmlər namizədinə bunlar da yəqin ki Rus işğalından sonra təhsil görmüş insanlar arasından çıxıb (burada bəziləri haqqında qısa məlumatlar mövcuddur): hərçənd onların adlarını da məqaləyə daxil etsəz yəqin (100 %) mən etiraz etməzdim. Rus işğalına qədər ölkəmizdə olan təhsil səviyyəsi və təhsildə olan gerilik hamımıza gün kimi aydındı və o dövrlərdə Azərbaycanda yaşamış yaratmış və bizdən biri olan maarifçilərin (baxın: Просвещение (эпоха) — БСЭ—>Age of Enlightenment və Azərbaycanda cəhalətə qarşı mübarizə aparmağa çalışan maarifçiləri yada salın və onların içərisində İlisudan olanların adlarını qeyd edin lütfən) də adları bizə bəllidir (İndi də o insanları yenə də dini cəhalətə üstünlük verən müəyyən qrup insanların təbliği ilə yeni formalaşan xüsusi çəkiyə sahib kütlə dinsiz adlandırır). Məsələn ola bilər ki siz əsli-nəsli bir tərəfdən və hər iki tərəfdən (ata və ana xətti) İlisudan olan həmvətənimiz olasız və yəqin ki öz elinizi-obanızı sevəsiz —>buna heç kəs söz deməz axı, ancaq bununla bərabər siz əgər onun haqqında ensiklopediyada yazırsızsa onda mütləq şişirtmələrdən uzaq durmalısız. Sizin Qax rayonu üzrə təqdim etdiyiniz məlumatlar bizim üçün çox dəyərlidir, sizinlə müzakirə zamanı maraqlarımız kəsişən məqalələrdə yeni bilmədiyimiz məlumatlar əldə etməyimizə səbəb olur. Sizə buradakı könüllü fəaliyyətinizdə uğurlar arzu edirəm. Hörmətlə !--Asparux Xan Bulqar (talk) 03:35, 23 may 2013 (UTC)Cavabla

Hörmətli Asparux Xan Bulqar,öncədən onu deyim ki, "rus işğalından sonra" müqayisəsi yanılışdır.Yəni 1905,1929,1931-ci il də anadan olmuş akademiklərin zəhmətinə kölgə salmaq hardasa 1923-cü ildə anadan olmuş Ziya Bünyadovun və ya 1928-ci ildə anadan olmuş Budaq Budaqovunda zəhmətinə,əməyinə kölgə salmaq deməkdir.Mən zatən müstəqillik dövründən sonra anadan olmuş(1991) akademik tanımıram Azərbaycanda.--Atilla (talk) 17:05, 10 sentyabr 2014 (UTC)Cavabla

Hörmətli idarəçilər İstifadəçi:Turalhemidli artıq 3 -cü dəfədir ki, səyfədəki İlisu kəndinin meyadan gəlməsi haqqında ki, məlumatları dəyişdirir. Baxmayaraq ki, Azərbaycan toponimlərinin ensklopedik lüğətində (II cilddə. Bakı-2007. I cild, səh.257) göstərilib ki, «Azərbaycanın qədim yaşayış məntəqələrindən olan bu kənd bir zamanlar yerli azərbaycanlıların və Dağıstanın Saxur rayonundan köçüb gəlmiş saxurların İlisu adlı yerdə məskunlaşması nəticəsində yaranmışdır». Bundan başqa İlisu ensiklopedik məlumat kitabında da (Vətən nəşriyyatı Bakı-20121.s.9-17) əlavə olaraq İlisunun yerli əhalisinin azərbaycanlıar olduğu göstərilib.Səyfədə bu mənbələr göstərilsədə Tualhemidli artıq 3-cü dəfədir ki, mətindən yerli azərbaycanlılar hissəsini silir. Lütfən bu məsələyə diqqət yetirəsiniz.

P.S.Maraqlı olan bir məqamda deyim ki, bu istifadəçi vikipediya profilində milliyyətini türk kimi qeyd edib, ancaq onun vikipediyadaki fəaliyyəti antitürk, antiazərbaycanlı xarakteri daşıyır.--namikilisu 07:53, 6 noyabr 2014 (UTC)

Düşünürəm ki, hər iki istifadəçi bizim üçün dəyərli fəaliyyətə sahib şəxslərdir. Bu səbəbdən məsələni qarşılıqlı ittihamlar şəkilində yox müzakirə formasında davam etdirilməsinin tərəfdarıyam. Təklif edirəm ki, sözü keçən məqalənin müzakirə səhifəsində hər iki şəxs öz arqumentlərini səsləndirsin və əlində olan mənbələlərə bunları əsaslandırsın. Bundan sonra digər aktiv vikipediyaçıların iştirakı ilə bir qərar çıxarılar. Birdə hörmətli namikilisu lütfən heç bir vikipediyaçını antitürk fəaliyyətə göstərməkdə ittihma etməyin. Hörmətlə:--Baskervill (talk) 02:22, 7 noyabr 2014 (UTC)Cavabla

Hörmətli Baskervill mənim əlimdə əsaslar və faktlar var.Sadəcə burada daha istəmirəm uzadım bu mövzunu.--namikilisu 16:23, 7 noyabr 2014 (UTC)

Vikipediyaya gəlişimdə ən əsas məqsəd məqaləsi istənilən səviyyədə olmayan türk dövlətlərini düzəltmək olub və demək olar ki, hamısında redaktələrim var, bəzilərində isə yarıdan çoxu mənə aiddir. Bir adam mənimlə bağlı ittiham irəli sürməkdən əvvəl gərək məni tanıya. İdarəçilər görür mən hansı sahədə yazıram. Vikipediya tərəfsiz yerdi, mən də beynəlxalq tanınan bir tarixə düzəliş edirəm. İlisunun tarixi ilə bağlı həm ingiliscə, həm də rusca xeyli mənbə var. Hamısında da saxurlar tərəfindən salındığını göstərir. Mənşəyi bilinməyən Mannanı, Kutini türk eləyən Azərbaycan tarixçilərindən sitat gətirib İlisunu türklər qurub demək tarixi təhqir etməkdir. Ölkədə olan millətlərin tarixinin saxtalaşdırılması etniklərin haqlı etirazına səbəb olur. Bu elə də uzaq tarix deyil, yaxın tarixdi. İlisunun son sultanı Danyal Sultan belə saxur olduğu halda İlisunu necə türklər qura bilər?

Hörmətlə:--Turalhemidli (talk) 02:34, 8 noyabr 2014 (UTC)Cavabla

Əvvəla İlisu sultanlığı və onun sultanları haqqında olan məlumatlar hələ heç də İlisu demək deyil. Bu sultanlığın 300 illik tarixi var. Sultanlıq dövründəki durumu və sultanların milliyyətinə əsaslanıb bütün İlisunun tarixi haqqında fikir yürütmək düzgün deyil. Qaldı ki, rus vikipediyasına. Elə o vikipediyada Saxur xanlığı (rus. Цахурское ханство) məqaləsində 8 sinif kitabını mənbə göstəriblər. Necə olur rus vikipediyasında sizə sərf edən məqalədə bu mənbə etibarlı olur, sərf etməy halda isə Azərbaycan Milli Elmlər Akademiyasının AZƏRBAYCAN TOPONİMLƏRİNİN ENSİKLOPEDİK LÜĞƏTİ etibarsız olur? Və rus vikipediyasında olan İlisu səyfəsinin dediyin halda olmasına səbəb rusiyada yaşayan, milliyətcə saxur Elman Novruzovun səyfəyə patrulluğu nəticəsidir. O ağına bozuna baxmadan səyfəyə edilən heç bir əlavəni qəbul etmir və heç bir mənbə ilə razılaşmır. San ki, sizin fəliyyətiniz Elmanın fəaliyyətini xatırladır.--namikilisu 09:12, 8 noyabr 2014 (UTC)

Salamlar. Sadəcə üçüncü şəxs kimi yazdıqlarınıza və etiraz etdiyiniz məsələlərə nəzər yetirdim. Və ola bilər mənim fikrim sizlərdən biri üçün önəmli olmaya, ancaq qısa olaraq deyim Namik bəyin yazdığı ilə razılaşıram. Hörmətli Tural bəy, əgər tutarlı istinad yoxdursa lütfən ya məsələnin həllini sonraya saxlayın ya da buna problem kimi baxmayın. Bütün istinad ola biləcək nəsnələr saxurların əlehindədir və İlisu məntəqəsinin salınmasına dolayı da olsa aydınlıq gətirir. O ki, qaldı rusdilli vikiyə - orada oturanlar bizə münasibətdə qatılıq baxımından haylardan da üstündülər və hər yolla adımızla bağlı hər məslədə bizi qaralamağa çalışırlar. Hər kəsə hörmətlə !--Asparux Xan Bulqar (talk) 11:09, 8 noyabr 2014 (UTC)Cavabla

Azərbaycan Milli Elmlər Akademiyasının yazdıqlarına istinad eləsək mənşəyi bilinməyən Aratta, Lullubi, Kuti və Manna da türkdü, İrandilli olan Parfiya və Midiya da türkdü. Deyəsən siz ya ümumən tarix oxumursuz ya da tarixi elə ancaq bizimkilərin yazdığıyla ölçürsüz. Asparux Xan Bulqar yazdıqlarıma diqqətlə fikir verin sonra fikir bildirin , mən deyirəm bununla bağlı onlarla mənbəm var qayıdıb deyirsiz ki, istinad yoxdursa problem kimi baxmayın. Tarixə hissi yox elmi baxmaq lazımdı cənablar. Onsuz qədimdə nə olmasından asılı olmayaraq bu indiki gerçəkliyi dəyişmir. Elə haray həşir salırsız ki, elə bir gəlib İlisuda dövlət quracağıq

Hörmətlə:--Turalhemidli (talk) 14:21, 8 noyabr 2014 (UTC)Cavabla

Tural bəy, onlarla olduğunu iddia etdiyiniz mənbələri bir-bir burada qeyd edib müzakirəni mübahisə həddinə gətirməməli idiniz. Biz demirik ki, müzakirə etməyək ! İlisuda artıq dövlət var-yazı yazmaqla kimsə onu felən dəyişə bilməz-necə ki, rusdilli vikidə bunu zənn edənlər var ! Buyurun Potto-dan başqa bir neçə daha fərqli mənbə göstərin ki, İlisunu bina edən ilk sakinlər haqda fikir versin. Hörmətli Tural bəy, mənim də təhrifdən xoşum gəlmir elə ona görə ilkin mənbələri üstün tuturam. Əgər belə mənbələr varınızdırsa bölüşün bizə də köməyi olsun. Hörmətlə !--Asparux Xan Bulqar (talk) 13:10, 8 noyabr 2014 (UTC)Cavabla

Şəxsən mən hər iki tərəfin məlumatlarının məqaləyə əlavə edilməsinin tərəfdarıyam. Məsələn ingilis dilli vikidə mübahisəli yer adları ilə bağlı bəzən 10 müxtəlif iddia əks etdirlir. Hansının daha doğru ola biləcəyinə isə belədə oxucu qərar verir. Hörmətlə:--Baskervill (talk) 12:15, 9 noyabr 2014 (UTC)Cavabla

Hörmətli Baskervill. Zatən indiyə kimi məqalədə dediyiniz iki tərəfin məlumatları olmuş və qalmaqdadır. Sadəcə bu məlumatların bir tərəfli silinməsi bu müzakirələrə səbəb oldu--namikilisu 18:16, 9 noyabr 2014 (UTC)