 |
 |
Gecemiz.az |  |
 |
Bu səhifədə iş davam etməkdədir. |
One Piece (ワンピース, Wan Pīsu?, azərb. Van Pis) — Eyiçiro Odanın eyniadlı manqası əsasında çəkilən serial. Serial Netflix, Tomorrow Studios və Shueisha şirkətləri tərəfindən istehsal olunur.
| One Piece | |
|---|---|
| ing. One Piece | |
| Janr | macəra, fentezi, komediya, dram |
| Bəstəkar |
Sonya Belousova Ciona Ostinelli |
| İstehsalçı ölkə |
 ABŞ  Yaponiya |
| Dil | ingiliscə |
| İlk çıxış tarixi | 31 avqust 2023 |
| Mövsüm sayı | 1 |
| Seriya sayı | 8 |
| Davametmə müddəti | 60 dəq., 50 dəq. |
| Telekanal | Netflix |
| IMDb | ID11737520 |
| netflix.com/title/802178… | |
Birinci mövsüm Netflix saytında 2023-cü ilin avqustun 31-də buraxılmışdı.[1] O, həm fanatlar, həm də tənqidçilər tərəfindən müsbət qəbul olunub.[2][3]
2017-ci ildə Weekly Shōnen Jump jurnalın redaktoru Hiroyuki Nakano bəyan edib ki, Tomorrow Studios və Shueisha One Piece manqanın 20 il yubileyi ilə əlaqədar Amerkikan serialı istehsal etməyə başlayacaqlar.[4][5]
2020-ci ilin yanvarında Eyiçiro Oda açıqlamışdı ki, birinci mövsüm on seriyadan ibarət olmalıdır.[6] Mayın 20-də prodüser Marti Adelstayn xəbər verib ki, çəkilişlər həmin ilin avqustunda Cape Town Film Studios-da başlamalı idi, lakin, COVID-19 pandemiyasına görə, onların tarixi sentyabra köçürülmüşdü. O, həmin intervyusunda həmçinin qeyd etmişdir ki, on seriyanın ssenariləri artıq yazılıb və kastinq təxminən iyul ayında aparılacaq.[7] Halbuki, layihənin icraçı prodüseri və ssenari müəllifi Mett Ouens sentyabrda qeyd etmişdi ki, kastinq hələ baş başlamamış.[8][9][10]
2021-ci ilin martında serialın istehsalı Project Roger adı və Stiven Maedanın başçılığı altında yenidən başlamışdı.[11][12] Həmin ay bəyan olunmuşdu ki, pilot seriyasının rejisoru Mark Cobst olacaq.[13] 2022-ci ilin fevralında bəyan olunub ki, layihənin yaradıcı rejisoru və brendinin dizayneri Arisu Kaşivagi olacaq.[14][15]
2023-cü ilin iyulunda Oda açıq məktubunda yazmışdı ki, bir sıra çəkilmiş səhnələr onları "dünyaya çıxartmaq üçün yetəricə yaxşı deil" (ing. weren't good enough to put out into the world). Nəticədə, onlar yenidən çəkilmişdi.[16][17][18] Bundan əlavə, Oda Liffinin ssenaridə özü kimi olmadığını qeyd etmişdi. Lakin o, Qodoyun həmin ssenari əsasında oyunu görəndən sonra fikrini dəyişmişdi.[16][17] The New York Times intervyusunda Oda vurğulamışdı ki, manqa ilə müqayisədə serialda daha çox dialoq olur, çünki manqada illüstrasiya üçün daha çox yer lazdımdır. Keçmiş oxşar adaptasiyaların uğursuz olduqlarını qeyd edərək, ondan bu layihə ilə bağlı narahat olub olmadığından soruşulub. Oda cavab verib ki, "Netflix razılaşdı ki, mən qanə qalmadığım müddətcə, onlar şounu buraxmayacaq. Mən ssenariləri oxudum, qeydlər verdim və materialın düzgün şəkildə uyğunlaşdırıldığından əmin olmaq üçün qoruyucu it kimi işlədim".[19]
 |
 |
GECEMIZ.AZ |  |
 |
|