Qizilveng Dagi - Wikipedia - Gecemiz.az

Qızılvəng dağı – Babək rayonu ərazisində dağ (hünd. 957,8 m). Naxçıvan dağarası çökəkliyinin cənub-şərq qurtaracağındakı Nehrəm platosunun cənub-qərb kənarında zirvə. Araz çayının sol sahilində, Nehrəm kəndindən 4,8 km cənub-qərbdədir. Orta Eosenin Lütet mərtəbəsinin aşağı hissəsinə aid Alt Dərəlik yarımlay dəstəsinin konqlomeratlarından təşkil olunmuş günbəzvari yüksəklikdir. Tektonik cəhətdən Naxçıvan qoyulma çökəkliyinin cavan çöküntüləri ilə örtülmüş Culfa qalxımının şimal-şərq qanadında yerləşir.

QIZILBURUN DAĞI – Babək rayonu ərazisində Qızılvəng dağının əhali arasında işlədilən başqa adı.^[1]

Həmçinin bax:

↑ Naxçıvan Ensiklopediyası. I cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 596. ISBN 5-8066-1468-9.