Fut Qar - Wikipedia - Gecemiz.az

Fut Qar (Buddist Ailəsi Yumruğu) - Cənubi Şaolin döyüş sənətlərinə aid edilən və əsasən Hung Ga və Choy Gar sistemləri əsasında yaranmış müasir döyüş üslubudur.Bu üslub əsasən,yumruq zərbələri,ovucla vurulan zərbələr və aşağı təpiklərlə xarakterizə olunur.Çevik ayaq hərəkətləri,dairəvi bloklar və rəqibin gücündən ona qarşı istifadə etmək prinsipləri ilə də seçilir.

"Fut Ga Kuen" ifadəsi "Buddist Ailə Yumruğu" kimi tərcümə olunur."Ga" Kanton dilində "ailə" anlamına gəlir.Bu ad Fujian bölgəsindəki Cənubi Şaolin Monastrında öyrədilən döyüş sənətləri ilə bağlı istifadə olunub və həmin bacarıqları ümumiləşdirən bir anlayış kimi tanınıb.

"Fut Ga" adı ilə rəsmi şəkildə yaradılmış üslublardan biri,Çin Xalq Respublikasının Guandong əyalətində yerləşən Dinghu dağı yaxınlığındakı Qingyun məbədində yaranmışdır.Tarixinin erkən dövrlərində bu məbədin rahibləri,Cənubi Kung Funun beş ən məşhur sisteminə yiyələnmiş ustalardan döyüş sənətlərini öyrənmək imkanı əldə etmişdilər.Bu beş əsas sistem - Lau Gar,Li Gar,Mok Gar,Choy Gar və Hung Gar - həmin üslubları yaradan ustaların soyadlarını daşıyır.^[1]

Keçmişdə yaşamış rahib Leung Tin-jiu dövrünün məşhur döyüş sənəti üslublarını təhlil edərək,onların hər birindən faydalı olan texnikaları götürmüş,qeyri-effekiv hesab etdiklərini isə bir kənara qoymuşdur.Leung Siu-jongun təmsil etdiyi əsasən Choi Gar və Yao Loon-kwongun Hung Gar üslublarının birləşməsi nəticəsində Sil Lum Fut Gar,yəni "Şaolin Buddist Ailəsi" meydana gəlmişdir.^[2]

Leung Tin-chiu tərəfindən inkişaf etdirilən Fut Gar üslubunun bir qolu hal-hazırda dünyanın müxtəlif məktəblərində qismən tədris olunmaqdadır.Bu sənətin yayılmasına isə onun ilhamını daşıyan yeganə davamçısı - Chen Rong-en (1922-2015) rəhbərlik etmişdir.Leung Tin-jiu üslubunda olan Fut Gar döyüş sənəti Çində ən çox "Uçan Əjdaha Dəyənək Forması"ilə tanınır;bu forma Kung Fu icmasında "Dəyənək Formalarının Şahı" kimi qəbul olunur.Kanadanın Ontario vilayətinin Mississauga şəhərində Sifu Richard Chow tərəfindən idarə olunan Milli Fut Gar Kung Fu Tədris Mərkəzi,Ustad Chen-in birbaşa rəhbərliyi ilə Fut Gar öyrədilən ən uzun müddət fəaliyyət göstərən məktəb hesab olunur.^[3]2004-cü ildən etibarən Çində Ustad Chen-in yaxından nəzarət etdiyi yeni bir məktəb fəaliyyət göstərməkdədir.2007-ci ilin noyabr ayında isə Fut Ga Kung Fu üzrə təlimçiləri qlobal miqyasda bir araya gətirmək məqsədilə Beynəlxalq Fut Gar Federasiyası yaradılmışdır.

Yarım əsr əvvəl Baffalo şəhərində Wong Ting-fong "Qızıl Əjdaha Kung Fu Cəmiyyəti"nin qapılarını açdı.O,tanınmış ustad Leong Tin-chiu-nun şagirdi olmuşdur.1974-cü ildə fəaliyyətini dayandırarkən,öz adı ilə yeni bir məktəbin açılması üçün bu işi Sifu Norman Mandarino-ya tapşırmışdır.Sifu Mandarino,Usta Wong-un yetişdirdiyi ən istedadlı və sədaqətli şagirlərdən biri idi.O,ustadının himayəsi ilə "Qızıl Əjdaha Kung Fu Cəmiyyəti"ni yaradaraq bu sənətin yolunu davam etdirdi.