 |
 |
Gecemiz.az |  |
 |
"Zaman piramidası" (alm. Zeitpyramide) – sənətçi Manfred Laberə məxsus olan və Almaniyanın Vemdinq şəhərində tikintisi davam edən ictimai sənət əsəri. Piramidanın tikintisi 1993-cü ildə – Vemdinq şəhərinin 1200 illiyi münasibətilə başlanmışdır. Hər 10 ildən bir yeni blokun quraşdırılması ilə tikilən piramida 120 blokdan ibarət olacaq və 3183-cü ildə tamamlanacaq.[1]
| Zaman piramidası | |
|---|---|
 | |
 | |
| Ümumi məlumatlar | |
| Ölkə | |
| Koordinatlar | 48°53′03″ şm. e. 10°43′17″ ş. u.HGYO |
| Texniki detallar | |
| Material | beton |
| Dizayn və konstruksiya | |
| Memar | Manfred Laber |
| Digər məlumatlar | |
| zeitpyramide.de | |
 Vikianbarda əlaqəli mediafayllar | |
Vemdinq şəhərinin əsası 793-cü ildə qoyulmuşdur və şəhər 1993-cü ildə 1200 illik yubileyini qeyd etmişdir. "Zaman piramidası" yerli sənətçi Manfred Laber tərəfindən 1993-cü ilin iyununda bu 1200 illik zaman dövrünü qeyd etmək və insanlara 1200 illin nə mənaya gəldiyini "hiss etdirmək" məqsədilə yaradılmışdır.[1]
Hər bir blokun 10 ildən bir qoyulması və tikintinin 1190 il sonra yekunlaşdırılması planlaşdırılır. Bu zamana layihənin başlanğıcında ilkin blokun qoyulması da daxildir. Layihənin 1200 il yox, 1190 il davam etməsi bununla izah olunur.[2] Bütün blokların beton olması planlaşdırılsa da, gələcək bloklar gələcək nəsillərin əlində olacaq yeni materiallardan asılı olaraq dəyişə bilər.[3]
Sənət əsəri müəllif olmadan tamamlanacaq və tamamlanması yerli icma tərəfindən davam etdiriləcək.[4]
Manfred Laber 5 may 1932-ci ildə Vemdinq şəhərində doğulmuşdur. 1950-ci illərdə Berlində rəssamlıq təhsili almışdır. İspaniyanın Alkanar bələdiyyəsində və Fransanın Mormouron kommunasında sənət əsərləri yerləşir. Alkanar onun yaşadığı yerlərdən biri olmuşdur. Laber 17 avqust 2018-ci ildə ölmüşdür.[5]
"Zaman piramidası" Vemdinqin şimal qurtaracağında yerləşən dairəvi bir təpənin üzərisindəki beton bünövrədə yerləşir.[6] İlk blok 1993-cü ilin oktyabrında yerləşdirilmişdir.[1] 6,5 ton ağırlığında olan dördüncü və ən son qoyulmuş blok 9 sentyabr 2023-cü ildə saat 15:06-da yerləşdirilmişdir.[7] Növbəti – beşinci blok 2033-cü ildə yerləşdiriləcək.[8][9] Layihə ilkin olaraq yerli şirkətlərin ianələri əsasında maliyyələşmişdir. Layihə Vemdinqdə yerləşən bir fond tərəfindən idarə olunur.[10]
Sənət əsərinin yekun modeli Vemdinq şəhərində nümayiş etdirilmişdir.[1] Plana görə "Zaman piramidası"nın tamamlanması 4 mərhələdən ibarət olacaq. Birinci qat 64 blokdan ibarət olacaq və 2623-cü ildə tamamlanacaq. İkinci qat 36 blokdan ibarət olacaq və 2983-cü ildə tamamlanacaq. İkinci qat birinci qatın üzərisində yerləşəcəyi üçün tikintisi zamanı qaldırıcı vasitələrdən istifadə olunacaq. Üçüncü qat 16 blokdan ibarət olacaq və 3143-cü ildə tamamlanacaq. Sonuncu və dördüncü qat 4 blokdan ibarət olacaq və piramidanın tikintisini yekunlaşdıracaq. "Zaman piramidası" 3183-cü ildə tamamlananda 120 daş və beton blokdan ibarət olması planlaşdırılır. Hər bir blok 1,2 m uzunluğunda, 1,2 metr genişliyində və 1,8 metr hündürlüyündədir. Qonşu bloklar arasındakı məsafə 0,6 metr təşkil edir.[2]
 |
 |
GECEMIZ.AZ |  |
 |
|
