Yoqa Institutu - Wikipedia - Gecemiz.az

Yoqa İnstitutu 1918-ci ildə Bombay yaxınlığındakı Versova çimərliyində Dadabhai Naorojinin iqamətgahı olan The Sands-də Şri Yoqendra tərəfindən təsis edilmişdir. Bütün kasta və dinlərə mənsub kişilər,qadınlar və uşaqlar üçün pulsuz təlimlər təklif edən ilk yoqa mərkəzi idi.^[3]

1919-cu ildə Şri Yoqendra Nyu-Yorkun Bear dağında Amerika Yoqa İnstitutunun əsasını qoymaq üçün Amerikaya yollandı.1927-ci ilə kimi müxtəlif ölkələrə səyahət edərək yoqanı tədris etdi və həmin ildə ailə həyatı qurdu.

1933-cü ildə Yoqa İnstitutu özünün ilk elmi nəşri olan YOQA jurnalını çap etdirmişdir.Zamanla bu nəşr Yoqa və Tam Sağlamlıq adı ilə tanınmışdır.^[4]1940-cı ildə institutun nəşrləri mikrosürətə alındı.Corciya ştatının Oqltorp Universitetindəki Sivilizasiya sərdabəsinə yerləşdirildi.Və orada 6000 il sonra oxunmaq ümidi ilə əbədiyyətə verildi.

1948-ci ildə Yoqa İnstitutu Santakruzda daimi qərargah əldə etdi.1951-ci ildə Hindistan Hökuməti,institutun elmi nəzarəti altında yoqa mövzusunda ilk mədəni sənədli filmi ərsəyə gətirdi.

1957-ci ildə Hindistanda diqqətəlayiq hadisələrdən biri də Mərkəzi Hökumətin institutdan yoqa üzrə ümumi araşdırma aparmağı tələb etməsi olmuşdur.

1970-ci ildə Yoqa İnstitutu tərəfindən Tibb Tədqiqat Bölməsi təsis olunmuşdur.Bu bölmənin əsas məqsədi psixosomatik və psixiatriya sahəsində elmi tədqiqatların aparılması olmuşdur.Layihə Hindistanın Təbii Təbabət və Homeopatiya üzrə Mərkəzi Şurasının dəstəyi ilə həyata keçirilmişdir.Qısa müddət ərzində institut genişlənərək^[5] Avstraliya,Braziliya,Kanada,Finlandiya,Fransa,İtaliya,Yaponiya,Cənubi Amerika,İsveçrə,Yuqoslaviya və Birləşmiş Krallıqda nümayəndəlikləri qurulmuşdur.

1997-ci ildə Dalay Lamanın sədrliyi ilə keçirilmiş Ümumdünya Ev Sahiblərinin Yoqa Konfransı,Yoqa İnstitutunun təşəbbüsü ilə təşkil olunmuşdur.^[6]2008-ci ilin dekabrında isə institut yenidən diqqətləri üzərinə çəkdi.Mumbayda açılan və klassik yoqaya əsaslanan ilk yoqa muzeyi 5000 illik irsi - rəsmlər,ədəbiyyat,məktublar və tarixi avadanlıqlar vasitəsilə ziyarətçilərə təqdim etdi.

Yoqa İnstitutu 25 dekabr 2017-ci il tarixində 99 illik fəaliyyətini tamamladı.Böyük yubiley mərasiminin açılışında Hindistan Respublikasının vitse-prezidenti Venkaiah Naidu və Maharaştra ştatının qubernatoru C.Vidyasagar Rao iştirak etmişdir.

Yoqa İnstitutu Hindistan Hökumətinin tanıdığı elmi mərkəzlərdən biridir.1924-cü ildə institutun banisi Yoqendra və orientalist,sanskrit və fəlsəfə üzrə mütəxəssis Surendranath Dasgupta tərəfindən Prana üzərində ilk elmi tədqiqat həyata keçirilmişdir.1951-ci ildə Harvard Universitetindən və YUNESKO-dan gəlmiş mütəxəssislər-Dr.Theresa Browne və Dr.J.B.Millovanavich-Yoni mudranın fizioloji və psixoloji təsirini öyrənmək məqsədilə institutda elmi tədqiqat aparmışlar.

Yoqa İnstitutu təkcə qədim biliklərlə kifayətlənmir.Bu bilikləri elmin müasir metodları ilə birləşdirərək yeni yollar açır.Bundan əlavə,valideynlərin və şagirdlərin imtahan stresini yoqa vasitəsilə necə yüngülləşdirə biləcəyi ilə bağlı tədqiqat aparmaq üçün Hindistanın İttifaq Səhiyyə və Ailə Rifahı Nazirliyindən 35 lakh rupi məbləğində maliyyə dəstəyi almışdır.

2004-cü ildə Yoqa İnstitutu tərəfindən "Caring Heart" adlı elmi tədqiqat layihəsinə başlanıldı.Onlar sübut etməyə çalışdılar ki,sadəcə dərmanlarla yox,yoqaya əsaslanan həyat tərzi ilə də ürək xəstəlikləri nəzarət altına alına və hətta geriyə döndərilə bilər.