 |
 |
Gecemiz.az |  |
 |
Şəhriyar Nəsib oğlu Quliyev (25 may 1990, Ağdam rayonu – 21 oktyabr 2020, Füzuli rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin giziri; 2020-ci ildə Qarabağ müharibəsi zamanı Füzulinin azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Şəhriyar Quliyev | |
|---|---|
 | |
| Şəxsi məlumatlar | |
| Doğum adı | Şəhriyar Nəsib oğlu Quliyev |
| Doğum tarixi | |
| Doğum yeri | Ağdam rayonu, Azərbaycan |
| Vəfat tarixi | (30 yaşında) |
| Vəfat yeri | Füzuli rayonu, Azərbaycan |
| Dəfn yeri | Sumqayıt Şəhidlər Xiyabanı |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2009—2020 |
| Rütbəsi | |
| Döyüşlər | |
| Təltifləri |
     |
Şəhriyar Nəsib oğlu Quliyev 1990-cı il, mayın 25-də Ağdam rayonunun Xaçındərbətli kəndində anadan olub.[2][1]
2008-ci ildə Sumqayıt şəhər M. Füzuli adına 15 nömrəli tam orta məktəbdən məzun olub.[1][1]
2009-cu ildə Tovuz Rayon Hərbi Komissarlığı tərəfindən müddətli həqiqi hərbi xidmətə çağırılıb və 2009–2010-cu illərdə N saylı hərbi hissədə xidmət edib.[1]
2010-cu ildə hərbi hissənin nəzdində "Gizir hazırlığı kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 9 avqust 2010-cu il tarixli əmri ilə "K/gizir" hərbi rütbəsi, Silahlı Qüvvələrin Baş Qərargah rəisi, general-polkovnik Nəcməddin Sadıqovun 14 iyun 2019-cu il tarixli əmri ilə "gizir" hərbi rütbəsi verilib.[1]
Azərbaycan Silahlı Qüvvələrində xidmət etdiyi 10 il ərzində xüsusi əməliyyat taborunun xüsusi əməliyyat qrupunun kəşfiyyatçısı vəzifəsində xidmət edib.[1]
Müxtəlif illərdə müdafiə nazirinin əmrləri ilə "Qüsursuz xidmətə görə" 3-cü dərəcəli medalı, "Azərbaycan Silahlı Qüvvələrinin 95 illiyi" yubiley medalı, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın, Hadrutun və Füzulinin azad edilməsi uğrunda gedən döyüş əməliyyatlarına qatılıb. Oktyabrın 21-də Füzuli rayonu ərazisində döyüş tapşırığının icrası zamanı şəhid olub.[1] Sumqayıt Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə" və "Vətən uğrunda" medalları ilə təltif edilib.[4][5][6][7]
Evli idi. Ramal və Camal adında 2 oğlu var.
 |
 |
GECEMIZ.AZ |  |
 |
|