 |
 |
Gecemiz.az |  |
 |
Həyat Ulduzu (ing. Star of Life) — Təcili tibbi yardım xidmətlərini tanımaq üçün istifadə olunan simvol. Bu simvol, mavi rəngli altı ulduzdan ibarətdir və ulduzun bütün sərhədləri ağ rənglə əhatə olunub. Ortasında qədim tibbi simvol olan "Asklepius" çubuğu (Rod of Asclepius) yerləşir. Həyat ulduzuna təcili tibbi xidmətlərə aid olan təcili yardım maşınlarında, tibb işçilərinin geyimlərində və digər tibbi yardım vasitələrində rast gəlinir. Həmçinin bu simvolu liftlərdə görmək olar. Tibbi qolbaqlarda da bu simvolu görmək olar. Adətən vəziyyəti çox ağır olan xəstələrin qoluna taxılır.
Həyat ulduzunun mənşəyi ABŞ-yə gedib çıxır. 1963-cü ildə "Amerika Tibb Assosiasiyası" Həyat ulduzunu tibbi tanınma üçün "universal" bir simvol olaraq dizayn etmişdir. Təşkilat bu simvolu ticarət nişanı kimi qeydiyyata almamış, onu istehsalçılara "sərbəst istifadə edilməsi" üçün təqdim etdiklərini bəyan etmişdir.[1] Eyni zamanda bu simvol, tibbi problemləri olan şəxslərin üzərində daşıdığı kartlarda istifadə edilmək üçün nəzərdə tutulmuşdur.[2] Həyat ulduzunun istifadəsindən əvvəl, ABŞ-də təcili yardım maşınlarında adətən narıncı rəng xaç istifadə edilirdi. Bu, "Cenevrə Konvensiyası"na görə istifadəsi məhdudlaşdırılmış olan "Qırmızı Xaç"ın tərs versiyasına oxşayırdı. 1973-cü ildə "Amerika Qırmızı Xaç Komitəsi", narıncı xaçın, onların loqosuna çox oxşadığını bildirərək etiraz etmişdi.[3] Bununla əlaqədar, "Təcili Tibbi Xidmətlər Şöbəsi"nin rəhbəri Doktor Dovson Mils, Həyat ulduzunun ABŞ-də "Təcili Tibbi Xidmətlər üçün milli tanıtım simvolu" olaraq istifadə edilməsi üçün rəsmi icazə istəmişdir.[4] 1977-ci ildə bu, ABŞ-da milli standart olaraq qəbul edilmişdir.[5]
 |
 |
GECEMIZ.AZ |  |
 |
|