 |
 |
Gecemiz.az |  |
 |
Hacı Qasım raketi, Şəhid Hacı Qasım raketi və ya tam adı ilə Şəhid Hacı Qasım Süleymani Ballistik Raketi — Müdafiə Nazirliyinin Aviasiya Sənayesi Təşkilatı tərəfindən istehsal edilmiş ballistik raket. Ballistik raket 20 avqust 2020-ci ildə o vaxtkı prezidentin iştirakı ilə təqdim edilmişdir. İran hərbi rəsmiləri bu raketin mənzilinin 1400 km, çəkisinin 7 ton və döyüş başlığının 500 kiloqram partlayıcı daşıma qabiliyyətinə malik olduğunu bildirmişdirlər. Raket 12 Mach sürətinə qədər sürətlənə və hədəfi 6 Mach sürətlə vurmağı bacarır.
| Hacı Qasım | |
|---|---|
.jpg) | |
| Tipi | Ballistik raket |
| Ölkə | |
| İstismar illəri | 2020–davam edir |
| İstehsal tarixçəsi | |
| İstehsalçı | İran Aviasiya Sənayesi Təşkilatı |
| Xüsusiyyətləri | |
| Ağırlığı | 7 ton |
| Mühərrik | Qatı yanacaq |
| Sürət | 12 Mach |
| Uzunluğu | 11 m |
 Vikianbarda əlaqəli mediafayllar | |
Şəhid Hacı Qasım raketi və ya tam adı ilə “Şəhid Hacı Qasım Süleymani Ballistik Raketi”, Müdafiə Nazirliyinin Aviasiya Sənayesi Təşkilatı tərəfindən istehsal edilmiş ballistik raketdir. Raketin təqdimatı 20 avqust 2020-ci ildə baş tutmuşdur.[1][2] İranın o zamankı prezidenti olan Həsən Ruhani də virtual olaraq bu mərasimdə iştirak etmişdir. Bu raket İslam İnqilabı Keşikçiləri Korpusunun bölmələrinə təqdim edilmişdir.[3]
Tasnim Xəbər Agentliyi tərəfindən verilmiş məlumata əsasən, Hacı Qasım raketi Fateh-110 raketlərinin yeni nəsil hədəfləri vuran bilən raketi hesab edilir və raketdən müdafiə sistemlərindən yan keçmə qabiliyyətinə malikdir.[4]
İran hərbi rəsmilərinin verdikləri məlumata əsasən, bu raket "yerdən buraxıla bilən, taktiki, mobil və uçuşa nəzarət texnologiyalarına əsaslanaraq" istehsal edilmişdir. Raketin gövdəsinin uzunluğu 11 metr, gövdəsinin diametri isə təqribən 85-95 sm təşkil edir. Raketin döyüş başlığının çəkisi 500 kq, maksimal sürəti isə 12 Mach təşkil edir. Raketin ümumi çəkisi 7 ton olub, 8 qanadlıdır. Raketin vurma dəqiqliyinin (hədəfdən yayınma payı) 10 metrdən aşağı olduğu bildirilmişdir.[5]
Bu raket İranın ən yeni ballistik raketi hesab olunur və 1400-1800 kilometrlik əməliyyat mənzilinə malikdir. Raketin 100% İranın yerli istehsalı olduğu bildirilmişdir.[6][7][8]
Bu raket bərk yanacaqla işləyir və Zülfüqar və Dezful raketlərindən sonra İranın istehsal etmiş olduğu ən uzun mənzilli ballistik raketlərindən biri hesab olunur. Raketin döyüş başlığı gövdəsindən ayrıla bilir və Siccil kimi uzun mənzilli raketlərlə eyni əməliyyat mənzilinə malik olsa da, lakin uzunluğu onlardan daha qısadır. Raketin hədəfi vurma sürətinin 5 Mach olduğu iddia edilmişdir. Raketin digər xüsusiyyətlərinə gövdənin arxa hissəsində yerləşdirilmiş stabilizator qanadcıqlar və gövdə diametrindən daha kiçik diametrli nəzarət qanadcıqları olan ayrıla bilən döyüş başlığı daxildir.
Bu ballistik raketin adı Amerika qüvvələrinin İraqa etdikləri raket hücumu nəticəsində həlak olmuş olan Qasım Süleymaninin (İslam İnqilabı Keşikçiləri Korpusunun Qüds qüvvələrinin keçmiş komandanı) xatirəsinə verilmişdir.
İran Müdafiə Nazirliyinin mətbuat katibinin 2023-cü ilin sentyabr ayında bu raketin İsraildəki hədəfləri vurmaq üçün hazırlandığını iddia etmişdir.[5]
 |
 |
GECEMIZ.AZ |  |
 |
|
