Meheddin Allahverdiyev - Wikipedia - Gecemiz.az

1962-ci ildə Sumqayıt şəhərində anadan olmuşdur. Mərkəzi Ordu İdman Klubunun (Moskva şəhəri) yetirməsidir. Məşqiçisi (1980−1990-cı illərdə) SSRİ-nin baş məşqiçisi II qat Dünya çempionu, SSRİ-nin əməkdar idman ustası, SSRİ-nin əməkdar məşqiçisi cənab Sapunov Qennadi Andreyeviç olmuşdur.

1982–1984-cü ildə Leninqrad Hərbi İnstitutunu bitirmişdir (SSRİ-nin Müdafiə nazirinin əmrinə əsasən ordu zabiti rütbəsi verilmişdir). 1981–1986-cı illərdə Bakı şəhəri İdman Akademiyasında məşqçi–müəllim fakültəsini bitirmişdir. 1986-cı ildə Moskvada mart ayında Sov.İKP XXVII qurultayının bağlanışında Azərbaycan SSRİ respublikasının bayraqdarı olmuşdur. 1987-ci ildə noyabr ayında ABŞ-nin Albani şəhərində keçirilən yunan–roma güləşi üzrə Dünya Kuboku yarışında dünyanın ən texnikalı güləşçisi və yarışın ən böyük mükafatına layiq görülüb.

1988–1993-cü illərdə Bakı Dövlət Universitetinin hüquq fakültəsini bitirmişdir. 1988-ci ildə 26 yaşında yay olimpiya oyunları ərəfəsində aldığı zədə ilə əlaqədar olaraq könüllü idmandan ayrılıb.

1992–1993-cü illərdə Azərbaycan Respublikasının İdman naziri, 1992–1997-ci illərdə Azərbaycan Respublikası Milli Olimpiya Komitəsinin prezidenti olmuşdur.

SSRİ-nin əməkdar idman ustasıdır. Ehtiyatda olan Sovet zabitidir.

Avropa çempionu, 6 dəfə Dünya Kubokunun (üç şəxsi, üç komanda hesabı), 3 dəfə SSRİ kubokunun sahibi, SSRİ çempionu, Olimpiya oyunlarının 4-cü mükafatçısı və Azərbaycan Respublikasının əməkdar məşqiçi adına layiq görülmüşdür. Ailəlidir, iki övladı var. 40–45 yaşlar arasında Dünya çempionu olmuşdur.

• 1980 – SSRİ kuboku (Bişkek — Furunze) – I yer (şəxsi hesabda)
• 1981 – SSRİ kuboku (Rusiya — Kirov) – I yer (şəxsi hesabda);
• 1982 – SSRİ kuboku (Ukrayna — Donetski) – I yer (şəxsi hesabda);
• 1983 – Dünya kuboku (Yunanıstan – Soloniki)- 2 ədəd qızıl (şəxsi və komanda hesabında)
• 1984 – Hərbiçilərin SSRİ çempionatı (Belarus — Minsk) – I yer;
• 1984 – Avropa çempionatı (İsveç — Yönköpinq) – rekort hesabla I yer (60:0);
• 1984 – Dünya kuboku (Finlandiya — Suonenyoki) – 2 ədəd qızıl (şəxsi və komanda hesabında);
• 1985 – SSRİ çempionatı (Rusiya — Krasnoyarsk) – I yer;
• 1985 – Dünya çempionatı (Norveç — Kolbotn) – I yer;
• 1986 – Dünya çempionatı (Budapeşt, Macarıstan)- (böyük üstünlüklə) I yer;
• 1987 – Dünya çempionatı (Fransa – (Qlermon — Feqan)) – (qızıl medal) I yer;
• 1987 – Dünya kupoku (ABŞ — Albani) – 2 ədəd qızıl (şəxsi və komanda hesabında)(Dünyanın ən texnikalı güləşçisi və yarışın ən böyük mükafatına layiq görülüb);
• 1988 – XXIV Yay olimpia oyunları – 4-cü mükafatçı (aldığı zədə ilə əlaqədar);
• 2006 – Dünya çempionatı (40–45 yaşlar arasında) (58kq çeki dərəcəsində) (Latviya–Riqa) – Dünya çempionu.^[2]

Məhəddin Allahverdiyev 1980-ci ildə Qırğızıstannin Furunze şəhərində SSRİ Kubojunun qalibi oldu. Bir il sonra, 1981-ci ildə Məhəddin Allahverdiyev Rusiyanın Leninqrad şəhərində gənclər arasında SSRİ Çempionatının qızıl medalına sahib oldu. Buna görə də Məhəddin Allahverdiyev həmin il SSRİ-ni Kanadada baş tutan gənclər arasında Dünya Çempionatında təmsil etdi. Məhəddin Allahverdiyev həmin turnirin final görüşündə məğlub oldu və gənclər arasında Dünya Çempionatının gümüş medalın sahibi oldu. 1981 və 1982-ci illədə Məhəddin Allahverdiyev SSRİ biricilinin gənclər arasinda qalibi oldu. Məhəddin Allahverdiyev SSRİ-nin əməkdar idman ustasıdir.

• "Məhəddin Allahverdiyevdən, Bakı, Azərbaycan » Azərbaycan Prezidentinin Rəsmi internet səhifəsi". president.az (az.). İstifadə tarixi: 2024-12-26.
• "Üçqat Dünya çempionu Prezidentdən iş istədi". musavat.com. İstifadə tarixi: 2024-12-26.