 |
 |
Gecemiz.az |  |
 |
| Atakişi Quliyev | |
|---|---|
| Atakişi Ağadədə oğlu Quliyev | |
| Doğum tarixi | |
| Doğum yeri | Lənkəran, Azərbaycan SSR |
| Vətəndaşlığı |
.svg){kind=small} Azərbaycan SSR  Azərbaycan |
| Milliyyəti | azərbaycanlı |
| Dini | islam |
| İxtisası | Hidromeliorasiya, Texniki qurğular |
| Təhsili | Lənkəran şəhər 3 saylı tam orta məktəb, Azərbaycan Politexnik İnstitutu |
Atakişi Ağadədə oğlu Quliyev (20 avqust 1934, Lənkəran, Azərbaycan SSR) — Azərbaycan Respublikasının əməkdar mühəndisi, ictimai-siyasi xadimi və memuar müəllifi. Daş karxanaları və sənaye müəssisələrində uzun illər rəhbər vəzifələrdə çalışmışdır.
Atakişi Quliyev 1934-cü ildə Lənkəran şəhərinin Sütəmurdov kəndində anadan olmuşdur. 1952-ci ildə Lənkəran şəhər 3 saylı orta məktəbini bitirmiş, daha sonra Azərbaycan Politeknik İnstitutunun (indiki Azərbaycan Texniki Universiteti) hidromeliorasiya fakültəsinə daxil olmuşdur.
1957-ci ildə ali təhsilini başa vurduqdan sonra Azərbaycan Çayçılıq və Subtropik Bitkilər Elmi Tədqiqat İnstitutunun Lənkəran filialında mühəndis-mexanizator və Lənkəran Su Tikinti Qurğuları İdarəsində mexanik kimi çalışmışdır.
1958-ci ildə Bakı şəhərinə köçərək Qaradağ rayonu ərazisində yerləşən sənaye müəssisələrində fəaliyyətini davam etdirmişdir.
1967-ci ilin fevralında Güzdək Tikinti Materialları Kombinatına direktor, 1968-ci ilin martında isə Qaradağ Tikinti Materialları Kombinatının direktoru təyin olunmuşdur. 1980-ci ildə Qaradağ sement zavodunun iqtisadi göstəricilərinin zəif olması səbəbilə, müəssisəyə rəhbər göndərilmiş və onun rəhbərliyi dövründə istehsal və plan göstəriciləri yüksəldilmişdir.
1985-ci ilin martında Qaradağ Rayon Xalq Deputatları Soveti İcraiyyə Komitəsinin sədri seçilmişdir. SSRİ dağıldıqdan sonra 1991-ci ilin dekabrında Qaradağ Rayon İcra Hakimiyyətində birinci müavin vəzifəsinə təyin edilmişdir.
Daha sonra “Bakışəhərtikinti” trestində müdir müavini vəzifəsində çalışmışdır.
- “V.İ. Leninin 100 illiyi” yubiley medalı (1970)
- “Şərəf nişanı” ordeni (1971)
- “Qırmızı Əmək Bayrağı” ordeni (1977)
- SSRİ Xalq Təsərrüfatı Nailiyyətləri Sərgisinin gümüş medalı (1968)
- “Azərbaycan Respublikasının Əməkdar mühəndisi” fəxri adı (1982)
Atakişi Quliyev 2013-cü ildə “Daş karxanalarından keçən ömrüm – yada düşənlər” adlı xatirə kitabını nəşr etdirmişdir. Bu kitabda onun həyat yolu, sənaye rəhbərliyi və Azərbaycan SSR dövründə yaşadığı təcrübələr öz əksini tapmışdır.
 |
 |
GECEMIZ.AZ |  |
 |
|