Vikipediya Inzibatcilara Muraciet Arxiv Iyul Dekabr 2025 - Wikipedia - Gecemiz.az

Salam hörmətli idarəçilər, Atakhanli Nemoralis samral Turkmen Qədir Sura Shukurlu Vikipediyada daha əvvəl Cenab Ulvi adı ilə səhv açılmış və silinmiş məqalənin mövzusu olan Ulvi Əliyev haqqında qaydalara uyğun şəkildə məqalə yaratmaq niyyətindəyəm. Qeyd etmək istəyirəm ki, bu işi tamamilə könüllü olaraq, heç bir maddi və ya digər qarşılıq almadan edirəm. Vikipediya-nın Ücretli Töhfələr Siyasətinə əsasən şəffaflığı təmin etmək üçün bu məlumatı əvvəlcədən təqdim edirəm. Hörmətlə, Çınarcan (müzakirə) 20:58, 6 iyul 2025 (UTC)

Siyasət ödəniş alırsınızsa və ya hansısa yaxınlığınız/marağınız/əlaqəniz varsa bunları açıqlamağı tələb edir. Ödəniş almırsız deyirsiz, şəxsi tanıyırsız ya da marağınız var? Yoxdursa açıqlama vermə gərəyi niyə duyursunuz, çünki var? Böyük ehtimalla məqalə silinəcək, çünki şəxs ensiklopedik deyil. Hörmətlə, Qədir (müzakirə) 21:06, 6 iyul 2025 (UTC)

Salam. Qədir

Mən burda ödəniş almadan, şəxsi marağım olmadan fəaliyyət göstərirəm. Sadəcə mövzunu tanıdığım və daha əvvəl səhv açılıb-silinmə hallarını bildiyim üçün, ehtiyac yaranmasın deyə əvvəlcədən şəffaf davranmaq istəmişdim.

Sizin bu cür "ödəniş alırsınızsa, çünki var?" kimi ittiham dolu yanaşmanızı isə əsassız hesab edirəm. Əgər ortada sübut və ya fakt yoxdursa, kiminsə niyyətinə bu formada şübhə ilə yanaşmaq Vikipedi prinsiplərinə uyğun deyil.

Mən fəaliyyətimdə siyasətlərə riayət edirəm və hər hansı qayda pozuntusuna yol vermirəm.

Təşəkkür edirəm. Çınarcan (müzakirə) 21:11, 6 iyul 2025 (UTC)

Yaxşı oxuyun, yazılıb ki, xüsusi marağınız yoxdursa açıqlama tələb olunmur. Yoxdursa niyə açıqlama vermə kimi bir məcburiyyət hiss edirsiniz? Qeyri-ensiklopedik şəxslərin məqaləsini yaratmaq spam və destruktiv sayılır, bu da o qəbildəndir. Bu qədər əsassız israrınız bu şübhələrin gerçək olmasına inanmağa vadar edir. Hörmətlə, Qədir (müzakirə) 22:03, 6 iyul 2025 (UTC)

Mən bir məsələni qeyd etmək istəyirəm. Siz mənə cavab yazırsınız, sonra həmin cavabı silib açıqlamaya sadəcə 'aydındı' yazırsınız. Ardınca isə 10 dəqiqə sonra eyni sildiyiniz mesajı yenidən yazırsınız. Açığı, bu cür davranış anlaşılmaz təsir bağışlayır və qarşı tərəfi çaşdırır. Əgər mövzu barədə fikriniz dəqiqdirsə, buyurun, bir dəfə yazın, qalsın. Yoxsa bu cür silib-yenidən yazmaq nə etikdir, nə də Vikipediya prinsiplərinə uyğundur. Nəyisə artığ bu məsələni uzatmağ istəmirəm... Çınarcan (müzakirə) 22:09, 6 iyul 2025 (UTC)

Gərəksiz israrınızdan sonra yazdım. Uzatmırsız, amma hələ də yazırsız :) Hörmətlə, Qədir (müzakirə) 22:16, 6 iyul 2025 (UTC)

Qədir bəy, xidmətli statusunda istifadəçiyə alay və emoji ilə cavab vermək nə etik, nə də Vikipediya prinsiplərinə uyğundur. Müzakirə mədəniyyətinə riayət etməyinizi xahiş edirəm. Mövzu mənim tərəfimdən bağlandı. Çınarcan (müzakirə) 22:21, 6 iyul 2025 (UTC)

Cənab Ülvi ensiklopedik şəxs deyil. TikTokda ya da orda-burda bir neçə min izləyicisinin olması o şəxsi Vikipediya üçün əhəmiyyətli biri etmir. Yadıma gəlir ki, bu məqalə bir neçə dildə olan Vikipediyada daha yaradılmışdı, hamısını sildirmişəm. Nəzərə alın ki, bu fəaliyyət qadağandır. Nemoralis (müzakirə) 21:11, 6 iyul 2025 (UTC)

Qeyd etdiyiniz kimi, əvvəllər müxtəlif dillərdə bu adda məqalələrin yaradıldığını və silindiyini bilirəm, lakin bu fəaliyyətlərin heç biri mənim tərəfimdən həyata keçirilməyib və onlarla heç bir əlaqəm yoxdur.

Mən yalnız Azərbaycan Vikipediyasında qaydalara uyğun ensiklopedik məqalə olub-olmamasını yoxlayaraq fəaliyyət göstərmək niyyətindəydim.

Əgər bu fəaliyyət qaydalara zidd hesab olunursa və mövzu ensiklopedik deyilsə, qərara hörmətlə yanaşaram. Sadəcə əvvəlki fəaliyyətlərlə bağlı üzərimə məsuliyyət götürmədiyimi qeyd etmək istərdim.

Təşəkkür edirəm. Çınarcan (müzakirə) 21:17, 6 iyul 2025 (UTC)

Əlavə olaraq qeyd edim ki, şəxsin ensiklopedik olub-olmamasına qərar verərkən yalnız sosial media izləyici sayı və şəxsi təəssürat yox, mövcud müstəqil və etibarlı mənbələrin olub-olmaması əsas götürülməlidir. Cənab Ülvi ilə bağlı bir neçə fərqli media qurumunda yayımlanmış xəbərlər və müsahibələr mövcuddur. Bir neçə nümunəni əlavə edirəm:

• Marmara Gazetesi
• Lent.az
• Manset.az

Bu kimi etibarlı mənbələr mövcud olduğu halda mövzu üzərindən şəxsi yanaşma ilə deyil, qaydalara uyğun qiymətləndirmə aparılması daha məqsədəuyğundur. Qərar idarəçilərə aiddir, lakin arqument kimi mövcud mənbələrin nəzərə alınmasını tövsiyə edirəm.

Təşəkkür edirəm. Çınarcan (müzakirə) 21:35, 6 iyul 2025 (UTC)

Bu mənbələrin hamısı şəxsdən alınmış müsahibələrdir. Mən də müsahibə vermişəm 2-3 sayta. Məqaləmi yaradarsız? Nemoralis (müzakirə) 21:37, 6 iyul 2025 (UTC)

Məqalə yaradılması üçün əsas şərtlərdən biri şəxslə bağlı yayımlanan məqalələrin yalnız müsahibə olması yox, həm də onun fəaliyyəti və fəaliyyəti ilə bağlı üçüncü tərəf xəbər materiallarının mövcudluğudur. Cənab Ülvi haqqında yayımlanan materiallar arasında təkcə müsahibələr deyil, onun fəaliyyəti və sosial mediada uğurları ilə bağlı xəbər xarakterli yazılar da yer alır.

Əgər təqdim etdiyiniz nümunədə olduğu kimi yalnız şəxsin öz müsahibəsi varsa və heç bir xəbər, analitik və ya fəaliyyət analizi yoxdur, təbii ki, belə halda ensiklopediklik meyarı ödənməz. Amma bu halda təqdim etdiyim mənbələrdə həm müsahibə, həm də xəbər materialları var.

Mənbələrin tam siyahısını nəzərdən keçirmənizi tövsiyə edirəm:

• Marmara Gazetesi
• Lent.az
• Manset.az

Və qərarı yenə də qaydalara əsaslanaraq verməyinizi rica edirəm. Çınarcan (müzakirə) 21:40, 6 iyul 2025 (UTC)

Xeyr, mənbə müstəqil şəkildə şəxsin fəaliyyətini araşdırıb paylaşmalıdır, müsahibə alıb paylaşmaq nə jurnalistikadır nə də Vikipediyada etibarlı mənbə hesab olunur. Hər 3 mənbədəki xəbərin başlığı uzaqdan qışqırır ki, mən müsahibəyəm. Nemoralis (müzakirə) 21:46, 6 iyul 2025 (UTC)

Bəli, tamamilə doğrudur ki, yalnız şəxsin verdiyi müsahibələr ensiklopediklik üçün yetərli sayılmır. Amma təqdim etdiyim mənbələr arasında təkcə müsahibə yox, şəxsin fəaliyyəti, sosial mediada qazandığı nəticələr və ictimaiyyətə təsiri ilə bağlı xəbər xarakterli materiallar da yer alır.

Məqalə meyarları sadəcə mənbənin müsahibə olub-olmamasına görə yox, ümumi mənbə müxtəlifliyi və şəxsin fəaliyyəti ilə bağlı müstəqil məlumatların olub-olmamasına əsaslanır.

Hər bir halda, təqdim etdiyim mənbələri yenidən nəzərdən keçirməyinizi və mövzunun yalnız "başlıqdan qışqırır" təəssüratına yox, faktiki məzmuna əsasən qiymətləndirilməsini tövsiyə edirəm.

Əlavə müzakirəyə ehtiyac olarsa, qaydalara əsaslanan arqumentlərlə davam etməyə hazıram. Çınarcan (müzakirə) 21:51, 6 iyul 2025 (UTC)

Hörmətli Çınarcan. İlk olaraq, zəhmət olmasa, mənə cavab yazanda süni intellektlə yox öz sözlərinizlə yazın. Eyni cümləni dəfələrlə yazıb nəyəsə nail ola bilməyiniz çətindir. Yuxarıda da qeyd etmişəm ki, müsahibə etibarlı mənbə deyil, şəxsin öz dediklərini xəbər saytına qoyub paylaşıblar, bu qədər. Şəxs mən Nobel qazanmışam desə onu da paylaşacaqlar. Bu qədər sadə. Nemoralis (müzakirə) 21:57, 6 iyul 2025 (UTC)

Qeydinizə hörmətlə yanaşıram. Əvvəlki mesajlarımda da bildirmişdim ki, yalnız şəxsin dediklərinə əsaslanan mənbələr ensiklopediklik üçün kifayət etmir. Lakin təqdim etdiyim mənbələrin bir hissəsində yalnız müsahibə yox, eyni zamanda onun fəaliyyəti və ictimai təsiri barədə məlumatlar da mövcuddur.

Əlavə olaraq qeyd edim ki, buradakı fikirlərim və yazdıqlarım şəxsən özümə aiddir, süni intellekt və ya hər hansı avtomat vasitə ilə yazılmayıb. İstənilən halda şəxsi təəssüratdan çox, qaydalara və konkret mənbələrin məzmununa əsaslanaraq qərar verilməsinin daha doğru olduğunu düşünürəm. Vikipediya şəxsi yanaşma ilə yox, müstəqil mənbələrin faktiki məzmunu ilə işləyən platformadır.

Əgər sizdə mənbələrin məzmununu tam araşdırmadan yalnız başlıq və müsahibə etiketi ilə qiymətləndirmə varsa, bunu da qeyd etmək yerinə düşər. Çınarcan (müzakirə) 22:02, 6 iyul 2025 (UTC)

Başa düşmürəm, bir mövzuya aydınlıq gətirmək üçün israr etməyim, süni intellektlə yazdığım deməkdirmi Çınarcan (müzakirə) 22:03, 6 iyul 2025 (UTC)

Salam. Patrullar bu hesabların ip məlumatlarına baxa bilir? Sofia (müzakirə) 17:25, 1 iyul 2025 (UTC)

Xeyr, baxa bilmir. Nemoralis (müzakirə) 18:01, 1 iyul 2025 (UTC)

☹☹☹ Sofia (müzakirə) 18:06, 1 iyul 2025 (UTC)

Patrullarla bağlı olan tələbləri IPyə baxa bilmə tələbləri ilə birləşdirsək, bu hüququ patrullara da vermək olar. Müzakirəyə ehtiyac var. Ətraflı: mw:Special:PermanentLink/7717563#Clarification on manual granting. Nemoralis (müzakirə) 18:55, 1 iyul 2025 (UTC)

Fondun qlobal siyasətinə əsasən 6 ay fəaliyyət və 300 redaktəsi olan istifadəçilərə bu hüququ vermək olar manual olaraq. Nemoralis (müzakirə) 21:33, 6 iyul 2025 (UTC)

Salam. 100-dən artıq məqalədə xaric keçid kimi Wikisun göstərilib. AWB/JWB ilə yoxlaya bilərsiniz. Sofia (müzakirə) 22:13, 1 iyul 2025 (UTC)

Keçən dəfə təmizləmişdim. Yenə əlavə edilib? Hörmətlə, Qədir (müzakirə) 20:24, 4 iyul 2025 (UTC)

May-iyun ayında yaradılan məqalələrdə qalıb hələ də. Sofia (müzakirə) 20:29, 4 iyul 2025 (UTC)

Saytı blok siyahısına aldım. Buna rahat bir vaxtı baxa bilərəm, istəsəz ona kimi silinməsində kömək edə bilərsiz. Hörmətlə, Qədir (müzakirə) 20:40, 4 iyul 2025 (UTC)

@Sofia, indi yoxladım, təxmini 300 məqalədir. Ya əllə təmizləmək lazımdır, ya da bot bu işi görməlidir. İstifadəçilər (@Samral, @Ulviyya Karim, @Elvinsadiqov) tərəfindən xarici keçid kimi verilmiş bu saytın keçidləri silinib məqalələrə müvafiq olaraq mənbə/mənbəsiz/qaralama şablonları əlavə edilməlidir, həmçinin İstifadəçi:Elvinsadiqov tərəfindən yaradılan məqalələr kateqoriyasızdır. AWB/JWB ilə və ya digər üsullarla edə bilirsinizsə siz edin və ya başqası da müdaxilə edə bilər. Sonra unudulmadan bu başlığı yekunlaşdıraq. Ping: @White Demon, @Nemoralis, @ChanisCaucasi. Hörmətlə, Qədir (müzakirə) 09:51, 5 iyul 2025 (UTC)

@Gadir, botlarla təmizlənməsi mümkündürsə, edək lütfən. Kateqoriyasızları çalışacıq həll edək. “Məqalələrə mənbəsiz və ya qaralama şablonları əlavə edilməlidir” fikrinizlə isə əsla razı deyiləm. Çünki buna əsas yoxdur. Məqalələr nə mənbəsizdi, nə də qaralama formasında. samral ^müzakirə 13:24, 6 iyul 2025 (UTC)

@Samral, Sofia həll edib. "Müvafiq olaraq" yazmışam, yəni hansına lazımdırsa. Məsələn, mən sadəcə xarici keçid kimi həmin sayt qeyd edilmiş və məzmunu qaralama məqalə kriteriyalarına cavab verən məqalələr görmüşəm və ola bilər ki, onları siz yaratmamısınız/yazmamısınız. Hörmətlə, Qədir (müzakirə) 13:30, 6 iyul 2025 (UTC)

Keçidlər silindi, kateqoriyalar da düzələr. Sofia (müzakirə) 18:03, 6 iyul 2025 (UTC)

@Gadir, onları qeyd edin, zəhmət olmasa, düzəldim. samral ^müzakirə 16:20, 7 iyul 2025 (UTC)

@Samral, düzü, adlarını xatırlamıram, "insource:" ilə axtarış edəndə bir neçəsini görmüşdüm. Hörmətlə, Qədir (müzakirə) 16:22, 7 iyul 2025 (UTC)

Salam.Müəllif Süleyman Qaçay oğlu Alıyevlə bağlı hazır məqaləni yerləşdirmək istəyirəm wiki ens.-yaya sadəcə bloklanıram.Zəhmət olmasa bu problemi çözməkdə mənə kömək edin.Məqaləni yayımlaya bilim. Mr.Zakir Alıyev (müzakirə) 12:27, 2 iyul 2025 (UTC)

Qaralama səhifənizdəki məzmunu məqalə kimi dərc etməyi deyirsinizsə, dərc etsəniz də o halı ilə silinəcək. Cari versiya uyğun deyil, digər məqalələrə baxaraq təkmilləşdirə bilərsiniz. Ən əsası isə nəzər yetirin: VP:ALİM və VP:VND. Hörmətlə, Qədir (müzakirə) 13:37, 2 iyul 2025 (UTC)

salam məndədə bu problem yaşanır siz problemi çözə bildiz həll etdizsə mənlədə paylaşsaz çox şad olaram Kimyahəryerdə (müzakirə) 16:58, 3 iyul 2025 (UTC)

Anlamadım mən heç bir yerdən kömək almamışam tamamilə öz təxəyyülüm ilə bu məqaləni yazıram.Və dünəndə həqiqətən bu təcrübəni etdim və etdiklərimi ora yazdım.Xaiş edirəm elə edin paylaşılsın məqaləm Kimyahəryerdə (müzakirə) 16:56, 3 iyul 2025 (UTC)

Bunu deyirsiniz? Bunu bloq açaraq orada paylaşa bilərsiniz, biz burada ensiklopediya yazırıq, ensiklopedik və elmi üslubda. VP:EƏ, VP:VND və digər ensiklopediya məqalələri ilə tanış olun. Hörmətlə, Qədir (müzakirə) 21:31, 3 iyul 2025 (UTC)

Zəhmət olmasa münasibət bildirin. Folklor İnstitutu AMEA (müzakirə) 09:20, 4 iyul 2025 (UTC)

Zəhmət olmasa, şəxslərin bütün elmi məqalələrinin adlarını məqalələrə daxil etməyin. Vikipediya nədir, nə deyil tanış olun. Həmçinin istifadəçi adınız qaydalara ziddir. Bu adla fəaliyyət göstərə bilməzsiniz, VP:İAD səhifəsinə müraciət edin, əks halda, fəaliyyətiniz məhdudlaşdırılacaq. Nəzərinizə çatdırım ki, redaktə etdiyiniz məqalələrdəki şəxslərlə və təşkilatlarla olan əlaqələrinizi və maraqlarınızı, həmçinin ödəniş alırsınızsa, onu da qaydalara əsasən istifadəçi səhifənizdə açıqlamalısınız. Hörmətlə, Qədir (müzakirə) 10:09, 4 iyul 2025 (UTC)

Mən həmin təşkilatın işçisiyəm. Məqalə adları ilə bağlı fikriizi nəzərə alacam. Müəssisəni təmsil etdiyim üçün təşkilatın adına uyğun ad seçməkdə zəhmət olmasa köməklik edəsiniz Folklor İnstitutu AMEA (müzakirə) 10:48, 4 iyul 2025 (UTC)

Ümumiyyətlə, işlədiyiniz yerlə bağlı məqalələri redaktə etməyiniz tövsiyə olunmur. İstifadəçi adı seçimi üçün, buyurun, tanış olun: İstifadəçi adı qaydaları. Hörmətlə, Qədir (müzakirə) 11:34, 4 iyul 2025 (UTC)

Salam, son yerləşdirdiyim ziyalı və xeyriyyəçi şəxsə aid məqalənin dəfələrlə silindiyinin şahidi oluram. Bu barədə köməklik göstərin. Lazımı təqdirdə məlumatları ötürüm özünüz daha uyğun qaydada yerləşdirin. Məlumatlar əsaslıdır, istinadlar və hadisələrə dair fotoşəkillər də var. Habil™Ibadov (müzakirə) 08:21, 8 iyul 2025 (UTC)

Şəxs VP:ŞEƏ qaydalarını ödəmir. Hörmətlə, Qədir (müzakirə) 08:22, 8 iyul 2025 (UTC)

O bölməni oxuduqdan sonra məqaləni yerləşdirmə qərarında hər hansısa bir problemin olmayacağı qənaətinə gəlinmişdir. Şəxsin əgər ölkədə əhəmiyyətli hadisələrdə, xüsusi işlərdə adı keçirsə bu ensklopedik şəxs kimi əlavə edilə bilər. Buna xeyriyyəçilik əməlləri daxildir. Rayon məktəblərinin əsaslı təmiri, kənd yolllarının bərpası, şəhid üçün büst hazırlatdırılması və s. Məqaləyə yenidən baxılması xahiş olunur. Habil™Ibadov (müzakirə) 08:29, 8 iyul 2025 (UTC)

Adı keçirsə əlavə edilə bilməz, VP:ƏSAS kriteriyası ödənilməlidir; şəxsin fəaliyyətinə dəyər verən tərəfsiz mənbələr mövcud olmalıdır. Hörmətlə, Qədir (müzakirə) 08:33, 8 iyul 2025 (UTC)

Aydındır bu mənbələr tərəfsizdir, biz indi bu məqaləni dərc etməliyik. Nə edə bilərik? Köməklik göstərin zəhmət olmasa. Habil™Ibadov (müzakirə) 08:42, 8 iyul 2025 (UTC)

Tərəfsiz deyil və məqalə dərc edilməyəcək. Şərtlərimizi ödəmir. Hörmətlə, Qədir (müzakirə) 08:42, 8 iyul 2025 (UTC)

Aydındır, bu müzakirə panelini arxivləşdirin və ya silin zəhmət olmasa. Təşəkkürlər. Habil™Ibadov (müzakirə) 09:30, 8 iyul 2025 (UTC)

Salam. Naxçıvan Olimpiya İdman Kompleksi adlı məqalə silinmişdir. Məqalənin mövzusu rəsmi dövlət obyektidir və ictimai əhəmiyyət daşıyır. Bu səbəbdən onun ensiklopedikliyi aydın şəkildə əsaslandırıla bilər.

Müzakirə səhifəsində aşağıdakı rəsmi və etibarlı mənbələri təqdim etmişəm:

• Naxçıvan MR Gənclər və İdman Nazirliyi – Olimpiya Kompleksi
• Azərbaycan Gimnastika Federasiyası – Naxçıvanda gimnastika turniri
• Heydər Əliyev İrs Mərkəzi – Kompleksin açılışı haqqında

Silinməni həyata keçirən istifadəçi Nemoralis təqdim etdiyim izah və mənbələrə baxmayaraq, məqalənin bərpasına razı olmadı və əlavə müzakirəyə açıq olmadığını bildirdi.

Xahiş edirəm, bu məsələni nəzərdən keçirəsiniz və məqalənin bərpası barədə qərar verəsiniz. Məqalənin təkmilləşdirilməsi və mənbələrlə zənginləşdirilməsi üçün könüllü olaraq dəstək göstərməyə hazıram.

İnzibatçı ilə olan müzakirəm Hörmətlə, Çınarcan (müzakirə) 10:09, 9 iyul 2025 (UTC)

Belə məqalə yoxdur. Həmçinin bu qeyd etdikləriniz ilkin mənbədir və qəbul edilmir. Hörmətlə, Qədir (müzakirə) 10:11, 9 iyul 2025 (UTC)

Belə məqalə olmadığını məndə bilirəm diqqətlə oxuyun silinən məqalə yazmışam və dövlət obyektidir ictimai əhəmiyyət daşıyır silinməsi düzgün hesab oluna bilməz. Bərpa olunaraq mənbələr əlavə oluna bilər. Çınarcan (müzakirə) 10:20, 9 iyul 2025 (UTC)

Qeyd etdiyiniz adda məqalə ümumiyyətlə mövcud olmayıb, bəlkə adı düzgün yazmamısınız? Hörmətlə, Qədir (müzakirə) 10:23, 9 iyul 2025 (UTC)

Buyurun Bəli hərf səhfi olub düz deyirsiniz. Qeyd edim məqalə vaxtı ilə düzgün ad olaraq açılmayıb. HörmətləÇınarcan (müzakirə) 10:26, 9 iyul 2025 (UTC)

Yazdıqlarınızdan Azərbaycan dilinə bələd olmadığınız görünür, indi konkret nəyi istəyirsiniz? Hörmətlə, Qədir (müzakirə) 10:34, 9 iyul 2025 (UTC)

İstədiyim sadəcə budur ki, təqdim etdiyim əsaslar əsasında "məqalə bərpa olunsun" və təkmilləşdirilərək saxlanılsın. Zatən bu isdəyimi ilk mesajda belə qeyd etmişəm. Əgər buna qərar verilərsə, könüllü olaraq məqaləyə mənbə əlavə etməyə hazıram.

Hörmətlə, Çınarcan (müzakirə) 10:42, 9 iyul 2025 (UTC)

Hörmətli Qədir. Qeyd edim ki Silinmiş məqalənin mövzusu hər hansı özəl mülk deyil, dövlət tərəfindən yaradılmış və idarə olunan rəsmi bir idman kompleksidir. Bu kimi ictimai və rəsmi obyektlərin, sadəcə mənbə çatışmazlığı səbəbilə silinməsi düzgün yanaşma hesab oluna bilməz. Məqalənin bərpa olunaraq mötəbər mənbələrlə təkmilləşdirilməsi daha məqsədəuyğun olardı. Çınarcan (müzakirə) 10:51, 9 iyul 2025 (UTC)

Məqalədə heç bir mənbə olmayıb, belə işləmək istəyirsinizsə, buyurun qaralama səhifənizdə işləyin. Hörmətlə, Qədir (müzakirə) 10:58, 9 iyul 2025 (UTC)

Xahiş edirəm həmin məqalənin məzmununu qaralama səhifəmə köçürün Orada üzərində işləyib mənbələrlə zənginləşdirərək yenidən təqdim etmək istəyirəm.

Hörmətlə, Çınarcan (müzakirə) 11:10, 9 iyul 2025 (UTC)

Reklam məzmundur, əlavə etmişdim amma sonra yoxlayanda MHP (müəlliflik hüquqları pozuntusu) aşkarladım və silməli oldum. Özünüz yarada bilərsiniz. Hörmətlə, Qədir (müzakirə) 11:39, 9 iyul 2025 (UTC)

Salam. Məqalə yaratdım yerləşdirmək mümkün olmadı. Zərərli fəaliyyət kimi dəyərləndirildi. Səbəb? Və kömək zəhmət olmazsa. Aazizadeh (müzakirə) 21:39, 5 iyul 2025 (UTC)

Göstərilən səbəbi açıq yazın. Nemoralis (müzakirə) 22:24, 6 iyul 2025 (UTC)

Salam.

Kapital Bank məqaləsini redaktə etməyim üçün icazə verməyinizi xahiş edirəm. Farizaliyev25 (müzakirə) 06:21, 7 iyul 2025 (UTC)

  Qəbul edilmədi: Vikipediyada maraqlarınız olan və ya işlədiyiniz yerlərlə əlaqəli mövzuları redaktəyə etməyə icazə verilmir. Məqalə qeyri-ensiklopedik əlavələrdən, reklam və təbliğat məzmundan və müəlliflik hüquqlarının pozulması səbəbindən mühafizə olunub, açılmayacaq. Kukla hesablar yaratmağa davam etməyin. Hörmətlə, Qədir (müzakirə) 08:30, 7 iyul 2025 (UTC)

Qədir, məqalənin redaktəsinə bu cür məhdudiyyət qoymaq doğru deyil. Maraqlı olan şəxsin məqaləni redaktə etməsinin qadağan oldunduğu hansı qaydada yazılıb, zəhmət olmasa istinad verə bilərsinizmi? Edilən redaktə qaydaları pozursa, qarşısı alına bilər, amma "redaktə edən şəxsin məqalədə marağı var deyə birdən qaydanı pozar, ona görə redaktə etməsinə icazə vermirəm" yanaşması doğru deyil. Məqalənin də əvvəlki versiyasına baxdım və orada bir neçə cümlədən başqa elə də ciddi etiraz doğuran bir şey görmürəm. Təklif edirəm ki, məqalənin qaralama versiyasını işləsinlər, normal olarsa, indiki məqalə onunla əvəz olunsun.--Wertuose (müzakirə) 08:44, 7 iyul 2025 (UTC)

Davamlı kukla hesablar yaradıb problemli redaktələrlə məşğul olurlar, mühafizə olunması normaldır. Davamlı bu məqalədəki redaktələri izləmək və təftiş etmək fikrim yoxdur. Məqaləyə sadəcə reklam/PR, copy-paste və qeyri-ensiklopedik əlavələr etməklə məşğul olurlar. Maraqlı olan şəxs məqalədə konstruktiv redaktələr edə bilmirsə o zaman redaktəsinə icazə verilmir. Ümumiyyətlə redaktə etmək isə tövsiyə olunmur, bu qədər problemli redaktələrdən və kukla hesablardan sonra mühafizə edilib. Pozuntuları aşkarlayıb tədbir görmüşəm, hətta məqalə illərdir copy-paste halda qalıb ki, silib yenidən özüm yazmışam. Qaralamanı qaralama səhifəsində işləsinlər, o da qaydalara uyğun, əks halda, yenə silinəcək. İstifadəçi fəzasında məzmun sərbəst deyil. Hörmətlə, Qədir (müzakirə) 08:56, 7 iyul 2025 (UTC)

Bütün məqalələrdəki redaktələri izləmək və təftiş etmək onsuz da mümkün deyil, amma bunu əsas gətirib bütün məqalələri bloklamırıq axı. Məqaləni bloklamaqdan əlavə istifadəçiləri də bloklamısınız və buna görə qaralama ad fəzasında da işləyə bilmirlər. Kukla hesab olduqlarına görə bloklanıblar, amma ola bilər ki, hamısı eyni yerdə işlədikləri üçün IP-ləri eynidir və bir hesabda yazdığınız xəbərdarlığı digər hesabı işlədən şəxs görmür. Ümumiyyətlə, bu tərzdə aqressiv bloklamalar doğru deyil. Dediyiniz fikirdən belə çıxır ki, tələbə öz oxuduğu təhsil müəssisəsi haqqında, yaxud hansısa alim öz elm sahəsi haqqında məqalə yazmamalıdır. Əksinə, əlaqəli olan şəxslərin məqalələr üzərində işləməsi tövsiyə olunur, bunun üçün təlimlər keçirilir, təbliğat aparılır. Amma razıyam ki, məqalədə reklam və copy-paste məlumatların olmasına icazə verilməməlidir və bunun qarşısını almaq lazımdır. Etirazınız yoxdursa, bankın adını daşıyan hesab istisna olmaqla, məqalədə son fəaliyyət göstərən istifadəçilərin blokunu açım ki, qaralamada fəaliyyət göstərsinlər. Məqalənin mühafizə səviyyəsini isə hələlik yalnız inzibatçıların redaktəsi üçün açıq qoyacam.--Wertuose (müzakirə) 14:41, 7 iyul 2025 (UTC)

Birinci qeyd etdiyiniz cümləni ona görə demişəm ki, xəbərdarlıqlara da məhəl qoymurlar, əsaslı qaytarılmış redaktələri iqnor edərək geri qaytarırlar, elə bil belə də olmalıdır. Bura bax: İstifadəçi müzakirəsi:Kapitalbank. Görmək yox, konkret iqnor edirlər, sonra bloklananda da xahiş edirlər ki, bloku açın. İstifadəçilər destruktiv fəaliyyət göstərirlər, ortada maraq toqquşması var (problem yaradanda artıq blok və mühafizə tətbiq olunur) və bura elə bil sanki bankın fərdi səhifəsi imiş kimi qaydaları və xəbərdarlıqları iqnor edərək necə gəldi əlavələr edirlər, bura bankın saytı deyil. Hesab edirəm ki, mühafizə yerindədir və açıldığı təqdirdə təkrar problemli redaktələr davam edəcək. Özü də məqalə tam mühafizə edilməyib, təcrübəli istifadəçilər, marağınız varsa elə siz özünüz də açıqlayaraq düzgün şəkildə redaktələr apara bilərsiniz, təbii ki. Onsuz da hamısı oranın əməkdaşı olduğu üçün bu müraciət edən şəxs elə öz qaralamasında məzmun üzərində işləyə bilər. Amma qaralamada da nə reklam/PR ola, nə müəlliflik hüquqları pozuntusu, nə də qeyri-ensiklopedik məzmun. Neytral, mənbələrə əsaslanan və stil kitabçasına uyğun məqalə ola. Məsuliyyətli olmaq lazımdır, on ildir məqalə o gündədir və siz də daxil bir çox təcrübəli istifadəçinin orada redaktələri olub. Belə məqalələrimiz çoxdur. Ümumiyyətlə, mövzu kənara çıxmasın, amma sizin belə mövzularda qəfil aktivləşərək gəlib fikir bildirməyiniz düzgün deyil, yəqin ki, sizə kənardan müraciətlər olunub və onun nəticəsində bu başlığa şərh yazmağa qərar vermisiniz. Bunu daha öncəki qoşulduğunuz müzakirələrə əsaslanaraq deyirəm. Hörmətlə, Qədir (müzakirə) 15:39, 7 iyul 2025 (UTC)

Bu şərhiniz ümumiyyətlə Vikipediyanı şəxsi saytınız hesab etdiyinizi göstərir. Bundan əvvəl də yazdığınız "davamlı bu məqalədəki redaktələri izləmək və təftiş etmək fikrim yoxdur" cümləsi də buranın tək sahibi olduğunuzu düşündüyünüzü deməyə tam əsas verir. Üstəlik bu sizin ilk belə yanaşma göstərdiyiniz hal deyil, dəfələrlə olub, iradlar da bildirilib, amma belə görünür ki, nəticə çıxarmaq fikriniz yoxdur. Son şərhinizin son cümlələrində mənə ünvanladığınız "öncəgörmə"nizdən isə belə çıxır ki, heç kim sizin müdaxilə etdiyiniz məqaləyə dair fikir bildirməməlidir, yoxsa onu tərəfli olmaqda ittiham edəcəksiniz. Aşağıda yerləşdirdiyiniz şablon da inzibatçı statusunuzdan sui-istifadə etməyinizə daha bir sübutdur. Bu səhifə inzibatçılara müraciət səhifəsidir və 11 nəfərə ünvanlanıb, sizin şəxsi müzakirə səhifəniz deyil ki, öz şəxsi rəyinizə əsasən hansısa müzakirənin başa çatdığını hamının adından elan edəsiniz. Düzünü bilmək istəyirsinizsə, sizin də bəzən bu və ya digər məqalələrlə bağlı canfəşanlığınız məndə bəzi suallar doğurur, amma bu cür fikirlərimi sizin kimi ortalığa atıb başqalarında yanlış təsəvvür yaratmıram. Mən adətən redaktələrimi son dəyişikliklərə baxaraq edirəm. Maraqlı gələn mövzudursa, fikir bildirirəm, bununla bağlı sizə hesabat, izahat vermək kimi bir öhdəliyim də yoxdur. Təbii ki, təkcə mən yox, az-vikidəki heç bir istifadəçi sizə hesabat vermək məcburiyyətində deyil. Xahiş edirəm, nəzərə alın və istifadəçiləri ittiham etməkdən əl çəkin. Özünüzü az-vikinin tək inzibatçısı kimi aparmaq vərdişinizdən də əl çəkməyinizi tövsiyə edirəm. Hörmətlə,-- Wertuose (müzakirə) 12:34, 8 iyul 2025 (UTC)

Digər inzibatçı yoldaşlardan da həm burada edilən müraciətlə, həm də Qədirin burada nümayiş etdirdiyi davranışla bağlı münasibət bildirmələrini xahiş edirəm. Araz Yaquboglu, Atakhanli, Nicat49, Sortilegus, Sura Shukurlu, Toghrul R, Turkmen, White Demon.--Wertuose (müzakirə) 12:39, 8 iyul 2025 (UTC)

Vikipediya ilə bağlı elə qayda yoxdur ki, şəxs özü ilə bağlı əlaqəli bir mövzuda məqalə yarada bilməz. Düzdü, bu tövsiyə olunmur, amma qadağan olunmayıb və blok səbəbi deyil. Kapital Bank məqaləsi problemli məqalədir, qeyri-ensiklopedik məlumatlar və reklam xarakterli məlumatları tez-tez yerləşdirirlər. Sözügedən istifadəçilərdən biri copy-paste məlumatlardan istifadə etmədən, reklam xarakterli məlumatlar daxil etmədən (məsələn, köhnə versiyaların birində "Azərbaycanda liderdir" ilə bitən cümlə gördüm, belə cümlələrdən qaçınılmalıdır) məqaləni işləsələr çox yaxşı olar. Bir də ki, köhnə versiyalarda gördüm, bankın keçirdiyi hər sosial layihə haqqında ətraflı məlumat vermək, Müşahidə Şurası və s. hər birinin üzvünü qeyd etməyə ehtiyac yoxdur, bunlar ensiklopedik məlumatlar sayılmır. Sousou no Frieren 14:02, 8 iyul 2025 (UTC)

@White Demon, əlbəttə, qeyd etmişəm, tövsiyə olunmur. Artıq ardıcıl belə pozucu hallarda da inzibati tədbir görülür və mənim etdiyim də məhz budur. Hesablar isə sırf burada maraq toqquşması pozuntularına görə olduqlarına görə bloklanıb, nəzər yetirin: Kateqoriya:Kapitalbank istifadəçisinin kuklaları. Bu hesablar burada bir məqsədlə fəaliyyət göstəriblər ancaq, o da uyğun olmayan fəaliyyət və xəbərdarlıqlara məhəl qoymayandan və istifadəçilərin əsaslı redaktələrini əsassız geri qaytarmağa davam etdikdən sonra artıq bloklanıblar. Mən burada nə isə yanlış etməmişəm. Hörmətlə, Qədir (müzakirə) 14:10, 8 iyul 2025 (UTC)

• Sizin əsassız ittiham və fikirlərinizə burada cavab verməyəcəm. Çünki yazılarımı təhrif edirsiniz, qeyd etdiyiniz cümləyə kifayət qədər əsaslı cavab vermişəm. Həmçinin fəaliyyətinizdəki həmin hallarla və digər problemlərlə bağlı da lazım gəldikdə müvafiq səhifələrdə bu barədə əsaslı faktlarla müzakirə başladacağam. Bu məsələ bitib, {{başlıq həll edildi}} şablonunu mahiyyəti üzrə ona görə qoymuşam. Şablonda da qeyd edilib, məsələ ilə bağlı etirazınız varsa şablonu silə bilərsiniz, yazacaqlarınız başqa mövzu ilə bağlıdırsa yeni müzakirə açmalısınız. Zəhmət olmasa, mənimlə bağlı narazılığınız varsa, bunu əsaslandıraraq müvafiq olaraq aidiyyəti üzrə VP:Ş/VP:Ş/İH səhifələrində müzakirə başladın. Hansı ki, mən bu vəziyyətlə də bağlı indi də, bundan əvvəlki müraciətlərdə də geniş açıqlamalar vermişəm və etiraz edən olmayıb. Verilən qərar Vikipediya qaydalarına uyğundur və həll yolu ilə müraciət mübahisəsiz yekunlaşdırılıb. Qərara etirazınız varsa müzakirə açın. Vikipediya və icma inzibatçılardan ibarət deyil. Hörmətlə, Qədir (müzakirə) 13:03, 8 iyul 2025 (UTC)

Salam, bu faylın lokalda qalması nə dərəcədə doğrudur? Şəxsin sərbəst lisenziyalı faylı varsa Commons-a yerləşdirilsə olmaz? Sofia (müzakirə) 03:07, 9 iyul 2025 (UTC)

Salam. Şəxsin azad şəkli olmadığından yükləmişəm. Commonsa baxdım yox idi. Olanda əlbəttə buradan silinəcək. Araz Yaquboglu (müzakirə) 04:44, 9 iyul 2025 (UTC)

@Araz Yaquboglu bəy, faylı silsəz düzgün olar, bu formada qalması düzgün deyil. "president.az"dan bir şey tapıb əlavə etmək olar. Hörmətlə, Qədir (müzakirə) 10:05, 9 iyul 2025 (UTC)

Mən axtardım tapmadım. Olanda silərik. Tanıtım üçün lazımdı. Digər deputatların da belə faylları var. Yükləyəndə commonsa silərik. Araz Yaquboglu (müzakirə) 10:49, 9 iyul 2025 (UTC)

Əslində, MM-in icazəsi yoxdursa hamısı silinməlidir, müəlliflik hüququ pozuntusu olaraq gedir; azvikinin bununla bağlı vəziyyəti yaxşı deyil. Ədalətli istifadə olaraq dəyərləndirmək mümkün deyil, şəxslər ölməyib və azad fotoları yaradılıb Commonsa yüklənilə bilər və ya azad fayl axtarıb tapmaq olar. Olmadı müraciət edib təsdiqləyərək VRT ilə özləri yükləyə bilərlər. Dediyiniz kimi, digər fayllar da varsa onlar da silinməlidir. Hörmətlə, Qədir (müzakirə) 10:56, 9 iyul 2025 (UTC)

• Qeyd: Bu başlıq arxivləşdirilə bilər, bu məsələ ilə vaxt ayırıb şəxsən özüm məşğul olacağam. Hörmətlə, Qədir (müzakirə) 23:00, 15 iyul 2025 (UTC)

Salam!Mirzə Qədim İrəvaninin səhifəsinə onun şəklini yerləşdirmişəm,müəllif Əməkdar rəssam Telman Abdinovdur (qardaşım).Amma portreti silə bilərlər.Xahiş edirəm kömək edin silməsinlər.Rusca səhifəyə də yerləşdirmək istəsəm də alınmadı.Mümkünsə kömək edin. İmran Abdin (müzakirə) 14:44, 14 iyul 2025 (UTC)

Belə şəkillərin Vikipediyada istifadəsi üçün müəllifin yazılı icazəsi lazımdır. Belə ürəyimiz istəyən şəkli götürüb buraya qoya bilmərik, müəlliflik hüquqlarına riayət etməliyik. Nemoralis (müzakirə) 15:17, 14 iyul 2025 (UTC)

Salam. İcbari tibbi sığorta sistemi adlı məqalənin bərpasını xahiş edirəm. Bütün ölkələrin vikipediya səhifəsində sistem ilə bağlı məqalə mövcuddur. Xahiş edirəm ki, bərpasına dəstək olardınız.

~2025-19271-0 (müzakirə) 15:22, 15 iyul 2025 (UTC)

 Y Cavablandırılıb, odur ki, bağlanılır. Hörmətlə, Qədir (müzakirə) 19:23, 15 iyul 2025 (UTC)

çox xahis edirem köməklik göstərəsiz 1992ci ildə şəhid olmuş dayım Bayram Məhəmməd oğlu Məmmədovun adina basqa adamin məlumatlari yuklənib redaktəmin qəbul edilməsinə koməklik göstərəsiz Samirə Haqverdiyeva (müzakirə) 18:49, 16 iyul 2025 (UTC)

VP:HƏRBÇİ ilə tanış olun. Hörmətlə, Qədir (müzakirə) 22:11, 17 iyul 2025 (UTC)

"Dövlət" "Devlet" olaraq yazılmışdı onu dəyişdim. Və əsasda Qədir bəyin əhəmiyyət şablonu izahını nəzərə alaraq oradan sildim. Bu səbələrə görə avtomatik silinmişdi. Mən onları düzəltdim zəhmət olmasa nəzər yetirin və köməklik göstərin. Təşəkkürlər. Nurlan2004 (müzakirə) 07:54, 18 iyul 2025 (UTC)

Cavablandırılıb. Hörmətlə, Qədir (müzakirə) 04:02, 19 iyul 2025 (UTC)

Salam. Məqalədəki şablonda xəta var, yoxsa təkca məndə elə görsənir? Sofia (müzakirə) 07:36, 21 iyul 2025 (UTC)

"Elmi təsnifat" bölməsi? Hörmətlə, Qədir (müzakirə) 11:18, 21 iyul 2025 (UTC)

Hə, "daha ətraflı" düyməsi ilə əlaqəli xətadır deyəsən Sofia (müzakirə) 11:27, 21 iyul 2025 (UTC)

Digər məqalələrdə də var. @Sortilegus bilər. Hörmətlə, Qədir (müzakirə) 11:31, 21 iyul 2025 (UTC)

@Əkrəm... Nemoralis (müzakirə) 11:34, 21 iyul 2025 (UTC)

evə gedəndə baxacam əkrəm. 14:22, 21 iyul 2025 (UTC)

«inspect element»nən baxmadım (baxa bilmədim), amma əgər burdakı kodu düz başa düşmüşəmsə, hər hansı bir table.collapsed yaradılmadığı üçün common.js-ə edilən son əlavənin buraya təsiri olmamalıdır. hər ehtimala qarşı qaytardım, bir az keçsin (geriqaytarılma effekt göstərsin), düzəlsə, evə gedəndə həmin o common.js əlavəsi üçün daha yaxşı bir alternativ fikirləşərəm :3 əkrəm. 14:30, 21 iyul 2025 (UTC)

update: düz bilmişəm, onluq deyilmiş;   fixed :3 əkrəm. 16:48, 21 iyul 2025 (UTC)

Azərbaycan milli badmintoncusu Aqil Qabilov haqqinda meqale yaratmaq isteyirem Stroxill (müzakirə) 07:56, 22 iyul 2025 (UTC)

 Y İstifadəçinin müraciəti inzibatçı Nemoralis-in müzakirə səhifəsində artıq cavablandırılıb. Hörmətlə, Qədir (müzakirə) 22:25, 24 iyul 2025 (UTC)