Vikipediya Addeyisme Muracietleri Arxiv Mart 2025 - Wikipedia - Gecemiz.az

Mehmanxana məqaləsinin adını dəyişdirmək olmaz. Çünki, o məqalə ancaq hotel haqqında deyil. Məqaləni oxuyun. Məqalə mehmanxana biznesinin təsnifatları haqda məlumat verir. Orada hostel, inn, lodge, SPA və s. haqda məlumatlar var. Dəyisdirəcəyiniz halda o məlumatları nə edəcəksiniz? Siləcəksiniz?

Mehmanxana məqaləsinin adı yerindədir. Problem bu məqalədədir. Az. dilində otel sözü internet resurslarında işlənə bilər, bu təmamilə başqa məsələdir. Preambulada bu haqda məlumat vermək olar, sinonimlər kimi. NR SHENER (müzakirə) 23:16, 22 mart 2025 (UTC)

@Samral, gətirdiyiniz misal lüğət deyil, orada misallar gətirilir. Konkret bu halda hansısa yazıçının öz əsərində islətdiyi söz, variant verilib. Bu həmin yazıçının yanasması, seçimidir. NR SHENER (müzakirə) 23:20, 22 mart 2025 (UTC)

@NR SHENER, qeyd etdiyim link “AzLeks” saytındandır. Vaxtınız olanda o sayta nəzər yetirin. O sayt lüğətlər toplusudur. Və məhz mənim qeyd etdiyim “otel” sözündə də sonda nə yazılıb? “Azərbaycan dilinin izahlı lüğəti”. Ümumiyyətlə izahlı lüğətlər necə tərtib olunur? O dildə yazan tanınmış yazıçıların əsərlərindən sitatlar şəklində. Nr Shener, belə başa düşürəm ki, bu mövzulara çox yad birisiz. Belə olan halda sizə tövsiyə edirəm ki, vikicəmiyyətin vaxtını almayasız. samral ^müzakirə 15:40, 24 mart 2025 (UTC)

Hörmətli @Samral tövsiyəniz üçün təşəkkür edirəm amma elə əvvəlcə baxıb sonra rəy yazmışam. Yenə təkrar edirəm, 2 linkdən biri bildilchin.az, ki, o da boşdur, yəni ana səhifədir. O birisi də isə "AzLeks", yəni yazıçıların əsərlərindən nümunələrdir. Həmin yerdə elə mehmanxana sözü də var. Nə olsun? Orda mehmanxana sözü olmasaydı başqa məsələ. Yəni məntiqi tuta bilmədim. Bu sözün bir neçə varianta yazılışı var və bu da elə preambulada verilib. Yazıçı isə öz əsərində istədiyi formada istədiyi sözü yaza bilər, hətta özündən söz də icad edib yaza bilər. Öz fantaziyasının məhsulu kimi. Bu yayılmış bir praktikadır. Buna görə də məqalədəki böyük bir hissəni, məlumatları silib əvəzində heç nə yazmamaq (düzgün hesab etdiyiniz formada) insanları məlumat almaqdan məhrum etməkdir. Ona görə silinmiş həmin məlumatları geri qaytamanızı xahiş edirəm. İstinadları mən yerinə yerləşdirəcəyəm.

O ki, qaldı kiminsə vaxtını almağa heç kim sizi vaxt itirib cavab verməyə məcbur etmir, üstəlik kiməsə ağıl öyrədib göstəriş verməyə də ixtiyar verməyib. Bir az fikir verin yazanda. Təcrübəniz ola bilər, verdiyiniz töhvələrin də sayı çox ola bilər, amma bu sizə rəy bildirməkdə monopoliya yaratmağa, kimin yazıb kimin yazmamağına qərar verməyə, xüsusi siyahı tutmağa ixtiyar vermir. NR SHENER (müzakirə) 23:16, 24 mart 2025 (UTC)

@NR SHENER, bir var bilməmək. Bir də var bilməməkdə inad etmək. Sizinki çox təəssüf ki, 2-cidir. Mən sizə deyirəm ki, “AzLeks” saytından qeyd etdiyim link Azərbaycan dilinin izahlı lüğətidir siz elə hey deyirsiz ki, yazıçı. Bu onu göstərir ki, sizin nə Vikipediyanın fəlsəfəsindən xəbəriniz var, nə lüğətçilikdən, nə də lüğətlərin onlayn istifadəsindən. Bütün bunları bilməmək bir yana, indi də məndən tələb edirsiz ki, müəllif hüququ pozuntusu edilərək copy-paste edilərək AzVikiyə əlavə edilmiş mətni geri qaytarım. Bu o deməkdir ki, siz Müəllif hüquqları anlayışından da xəbərsizsiniz, Vikipediya qaydalarından da. Ona görə sizə deyirəm ki, vaxt almayın. Nəzərə alsaq ki, təzəsiz, eybi yox, mən 1-2 izah verəcəm yenə də. Amma son dəfə. “Bildilçin.az” saytında nəsə texniki problem var, ona görə linki düzgün açmır. Amma bu elə də qlobal və həlli mümkünsüz bir problem deyil. Həlli çox sadə və asandır. Saytın ana səhifəsində düz ekranın mərkəzində axtarış bölməsi var. Ora “otel” sözünü yazmaq kifayətdir ki, aydın olsun ki, bu söz izahlı lüğətlə yanaşı, “Azərbaycan dilinin sinonimlər lüğəti” (N.Seyidəliyev, İ.Məmmədov), “Azərbaycanca-Rusca lüğət” (Bakı Slavyan Universiteti), “Azərbaycanca-İngiliscə lüğət” (Azərbaycan Dövlət Dillər Universiteti) və “Azərbaycanca-Fransızca lüğət”də (Azərbaycan Dillər Universiteti) də mövcuddur. Sırf “Abşeron”a gəldikdə, məncə, belə etmək olar: Əsil adı “JW Marriot Absheron” olan indiki “Abşeron” oteli barədə “Abşeron (otel)” məqaləsində məlumat verilsin. Sovet dövründə tikilmiş və indiki “Abşeron” otelinə qədər fəaliyyət göstərmiş “Abşeron” mehmanxanası (məlum məsələ Sovet dövründə “otel” sözündən çox “mehmanxana” daha çox istifadə edilirdi) barədə isə “Abşeron (mehmanxana)” məqaləsində məlumat verilsin. samral ^müzakirə 02:52, 25 mart 2025 (UTC)

"əfəndi" titul olduğu üçün kiçik hərflə yazılmalı deyil? Medineli92 (müzakirə) 05:36, 24 mart 2025 (UTC)

Xeyr. Yousiphh (müzakirə) 17:45, 24 mart 2025 (UTC)

"əfəndi"nin böyük hərflə yazılmsının səbəbi nədir? "Azərbaycan dilinin orfoqrafiya normalarına görə dilimizdəki "bəy", "ağa", "əfəndi" kimi titullar aid olduğu sözdən əvvəl gəldikdə böyük, sonra gəldikdə kiçik hərflə yazılmalıdır." - Grammar Azi. Medineli92 (müzakirə) 08:32, 25 mart 2025 (UTC)

@Medineli92 Adının bir parçasına çevrildiyi üçün. Məsələn bax: Fuad-Xan Talışinski. Yousiphh (müzakirə) 11:03, 25 mart 2025 (UTC)

Fikrimcə, azərbaycandilli mənbələrdə baxmaq lazımdır. Zohrab Javad (müzakirə) 18:56, 24 mart 2025 (UTC)

@Zohrab Javad Bəs mənbə olmasa? "Muhamməd" olaraq qalmalıdır? Niyə məhz "Muhamməd"? Niyə dilimizdəki ən sadə qaydalara əsaslanaraq Məhəmməd yazmayaq? Yousiphh (müzakirə) 21:21, 24 mart 2025 (UTC)

Mənbə olmasa… indi deməyə çətinlik çəkirəm. Zohrab Javad (müzakirə) 22:26, 24 mart 2025 (UTC)

@Yousiphh, Zohrab Javad, bu məsələ azviki üçün problemli məsələdir. Elə məqalələr var ki, adlandırmasında bu ifadələr kiçiklə yazılıb, eləsində də böyüklə. Məsələn, "paşa" bəzi məqalələrdə böyüklə verilib, bəzilərində kiçik. İndi götürüb standartlaşdırmaq da olmur, ki, hansını yazasan. Mənbələrdə böyüklə verilənlər də var, hansı ki, mənbələr əsas götürülür. Ona görə də bu daha geniş müzakirənin mövzusudur. Hörmətlə, Qədir (müzakirə) 06:09, 8 aprel 2025 (UTC)

@Gadir, mənim üçün əsas Muhammədin Məhəmməd olaraq dəyişdirilməsidir. Yousiphh (müzakirə) 23:32, 8 aprel 2025 (UTC)

@Yousiphh, internetdə axtarış zamanı dublikatları çıxanda 3 mənbə qalır, 3-ü də bir cür yazıb (muhamməd, maqomed, məhəmməd). ərəb mənşəli ad bizim dilə "məhəmməd" kimi keçsə də, məcbur deyil ki, hər "muhammad" bizdə olsun "məhəmməd". məsələn, mənim sinif yoldaşımın adı "muhamməd"dir, elə necə var, elə də deyirik :3 əkrəm. 20:02, 12 aprel 2025 (UTC)

Sizin sinif yoldaşınızın adı ilə tarixi şəxsiyyətin adı necə eyniləşdirilə bilər? Azərbaycan dilində "Muhammad" adı Məhəmməd olaraq yazılır. Kiminsə uydurma yeni qaydaları məni maraqlandırmır. Azərbaycanda uşaqlara verilən adlardakı səhvlər göz önündədir. Yousiphh (müzakirə) 09:33, 13 aprel 2025 (UTC)

@Yousiphh, səhv bəzən gerçək ola bilir, Vikipediya üçün də gerçəklər başda etibarlı mənbələr, sonra dildir. Elə buna görədir ki, Mehmed adını Məhməd yaza bilmirik, yaxud da mənbələrdə Murat kimi verilibsə, onu götürüb Murad edə bilmərik, hansı ki, ikisi də yaxın olsa da, fərqli adlardır. Dolayı yolla da olsa, Vikipediyanı milliləşdirmək doğru deyil. Əvvəla mənbələr nəzərə alınmalıdır, yoxdursa, dilə baxmaq olar, bunu ümumi qaydada deyirəm, tək bu başlıqla əlaqəli deyil. Hörmətlə, Qədir (müzakirə) 10:16, 13 aprel 2025 (UTC)

ikisinin də insan olmağı, məncə, kifayətdir. bu "düzgünlük" məsələsi ilə bağlı buradakı şərhimə nəzər yetirə bilərsiniz :3 əkrəm. 10:34, 13 aprel 2025 (UTC)

@Gadir Buna milliləşdirmə deyilmir. Bu dlin norma və qaydalarıdır. Sizin məntiqiniz ilə sabah yeni bir ad və ya şəhər adı ortaya çıxacaq və biz onu xarici dildə xaricilərin yazdığı kimi yazmalıyıq? Bəs necə oxunmalıdır həmin söz? Kompüter "computer" yazılır? "Murat" adı niyə məhz türk dilindəki kimi yazılmalıdır? Bu hansı qayda-qanuna əsasən belə qəbul edilir sizin tərəfinizdən? Heç ərəbcə bu at "t" hərfi ilə bitmir. "Murat"lar bizim dilimizin norma və qaydalarına əsasən Murad olaraq yazılmalıdır. Eynən Məhəmməd adındakı kimi. "Mehmed" adına gəlincə. Bu Vikipediyada son illərdə dəyişdirmiş bir şeydir. Əgər bizim ədəbiyyatımıza (yəni yazılı qaynaqlara) baxsanız görərsiniz ki, sovet və indiki dövrdə də "Mehmed" adları "Məhməd" yazılıb. Çünki bu bizim dil normalarımıza uyğundur. Fateh Sultan Məhmədin adı son dövr dərsliklərinə qədər Sultan II Məhəmməd yazılırdı. İndi sual olunur bu türk dilinə toxunulmazlıq haradan yaranıb? Niyə türkcə "Murat"ı Murad etmək olmaz? Yousiphh (müzakirə) 13:33, 13 aprel 2025 (UTC)

@Yousiphh, türk dilində "Murat" və Murad" fərqli adlardır, "Ahmet" və "Ahmed" və "Mehmet" və "Mehmed" kimi (bizdəki "Sadıq", "Sadiq" "Sadıx" örnəyi kimi). Mənim dediyim odur ki, adı Türkiyə türkcəsində Murat olan şəxsin adı bizim mənbələrdə də elə Murat olaraq verilibsə, elə də yazılmalıdır, burada dil qaydası pozulmayıb. Sabah-birigün bizdə (yəni Azərbaycanda) Murat adlı şəxsə məqalə yaradılanda durub bunu ortaya atıb onu d ilə yazası deyilik ki. Hörmətlə, Qədir (müzakirə) 14:01, 13 aprel 2025 (UTC)

Problem də burasındadır ki, bu adların heç biri fərli adlar deyil. Sadıq və Sadiq, İsa və İsi fərqli adlardır. Ahmed və Ahmet isə eyni addır. Çox xahiş edirəm türk dilinin qrammatikasını oxuyun. Yousiphh (müzakirə) 14:09, 13 aprel 2025 (UTC)

Mənaca eyni addır, amma yazılışı fərqlidir. Bir növ qohum ad demək olar. Eynilə Stephen → Steven, Jon → John, Philip → Phillip, Alan → Allan, Marc → Mark kimi. Sadıq → Sadiq → Sadıx da buna uyğundur. Bu, bir adın fərqli lakin oxşar formalarıdır, buna tam eyni ad demək olmaz. Hörmətlə, Qədir (müzakirə) 14:22, 13 aprel 2025 (UTC)

@Gadir Bu göstərdiyiniz bütün adlar bizim dilimizin qrammatika və normalarına uyğunlaşdırılaraq yazılır. Siz harada Jon adlı birinin adının elə olduğu kimi "John" yazıldığını görmüsünüz? Və yaxud Filip/Filipp adı? Niyə axı ən aydın və açıq dilimizin qaydası məhz türk dilindəki adlara gələndə dəyişməz olaraq qalmalıdır?! "Muhammad" (və ya burada yazıldığı kimi "Muhamməd") adı bizim dilimizdə Məhəmməd olaraq yazılır. Yousiphh (müzakirə) 13:11, 14 aprel 2025 (UTC)

@Yousiphh, “john” ilə “ahmet” eyni şey deyil. “john” adının tələffüzü yazılışından fərqli — “con” olduğu üçün o cür yazılır. “ahmet”i isə elə yazıldığı kimi tələffüz edirik. “əhməd” adı “ahmet”in etimoloji qohumudur; əgər bu yolla getsək, gərək “john”, “иван” əvəzinə hamısına “yəhya” yazaq. düz gəlmir, məncə :3 əkrəm. 10:42, 16 aprel 2025 (UTC)

Bunu mən yox, yuxarıda nümunə gətirmiş Gadir deyir. Sizin yazdıqlarınıza gəlincə. Bu yazdıqlarınız hansı qrammatika qaydasına və ya normasına əsaslanır? Azərbaycanca Əhməd, türkcə Ahmed/Ahmet, tatarca Әхмәт/Əxmət hamısı eyni adı ifadə edir. Niyə bütün dillərdəki adlar dilimizin orfoepiyasına uyğunlaşdırılmalı, bircə türk dilini toxunulmaz qalmalıdır? Xahiş edirəm faktiki suala cavab verin, nümunələrlə artıq bu müzakirə çox uzanıb. Yousiphh (müzakirə) 12:25, 16 aprel 2025 (UTC)

qədirin dediklərində mənimkilərə zidd nəsə görmədim, şəxsən. öz yazdıqlarımı da “əcnəbi adların transkripsiya olunması” praktikası ilə əsaslandırıram. saydığınız “əhməd”lər mənim yuxarıda qeyd etdiyim kimi — etimoloji nöqteyi-nəzərdən qohum, ancaq fərqli adlardır. eynilə “john”, “иван” və “yəhya” kimi. türk dilinə ayrı-seçkilik-zad da eləmirəm; bilmirəm sizə bu hallüsinasiyanı nə gördürür. məsələ burasındadır ki, “john”un tələffüzünü əsas alanda bizdə həmin tələffüzə uyğun gələn yazılış “con”dur. “ahmet”in tələffüzünü əsas alanda isə həmin tələffüzə uyğun gələn yazılış yenə “ahmet”dir. “məhəmməd” əfəndi barəsində isə onu deyə bilərəm ki, məqalənin adı, əlbəttə, “məhəmməd”ə dəyişdirilə bilər, ancaq o şərtlə ki, haqqındakı azərbaycandilli mənbələr ondan yazanlar “məhəmməd”dən istifadə eləsinlər. bu isə yuxarıda qeyd elədiyim kimi “keys deyil”. “etimoloji qohumluq” da məqalələrin adlandırılması üçün əsas təşkil eləmir. yeri gəlmişkən, iki cümlədən bir “türk dilinin qrammatikası”nı mövzuya, ədəbi dildə desək, soxmayın, çünki dəxli yoxdur. əkrəm. 18:18, 16 aprel 2025 (UTC)

@Əkrəm, xahiş edirəm, müzakirəni daha sakit aparaq, mən də Yousiphhin tez-tez türk dili məsələsinə ilişməsini doğru hesab etmirəm, amma belə cavab vermək də yaxşı deyil, müzakirəni yaxşı istiqamətə aparmır. @Nemoralis, siz isə yanlış etmisiniz, KM-da müzakirə aparılacaqsa, buradakı adlandırma status-kvo qalmalıdır, çünki tək belə hal bu deyil. Zəhmət olmasa, bu yanlışı düzəldin. Hörmətlə, Qədir (müzakirə) 18:28, 16 aprel 2025 (UTC)

жаль. halbuki, qeyd elədiyim kimi, çalışırdım, ədəbi dildə deyim :c

nemoralisin uzun müzakirələrə nəsə allergiyası var, deyəsən, bu artıq ikincidir. əgər hər müraciət birbaşa qəbul olunacaqsa, bu səhifənin mənası nədir ki? əkrəm. 18:40, 16 aprel 2025 (UTC)

Həqiqətən bu müzakirə mövzudan çox uzaqlaşır. Burada adlandırma ilə bağlı mənbələrə əsaslanaraq qərar verilməlidir. Mənbə yoxdursa, dilə, dil qaydalarına əsaslanılmalıdır. Son bir şərh yazacam, sonra lazımi yerlərdə müzakirəyə davam edə bilərik. Mən də Məhəmməd adının Muhəmməd kimi yazılmasında problem görmürəm, bu, bu adın fərqli bir şəklidir artıq. Azərbaycan dilində bir şəxsin adı Murat isə onu götürüb Murad yazmaq olmayacaq. Məsələ türk dili ilə bağlı da deyil, əgər azərbaycancada mənbələr Murad kimi qeyd edirlərsə, yaza bilərik, mənbə yoxdursa da bu səhv deyil. Türk dilində hazırda da istifadə edilən həm Mehmed adı var, həm də Mehmet forması. Digər dillərdəki adların transliterasiya olunması başa düşüləndir, mənbələr də transliterasiya edir. Hörmətlə, Qədir (müzakirə) 15:31, 16 aprel 2025 (UTC)

@Gadir Problem də elə budur: siz qrammatika qaydalarına əsaslanmırsınız. Heç türk dili qrammatikasına da baxmadığınıza əminəm. Yazırsınız ki, "Mən də Məhəmməd adının Muhəmməd kimi yazılmasında problem görmürəm". Problem görüb-görməməkdən, sizin və ya mənim seçimimiz burada əsas ola bilməz. Azərbaycan dilində "محمد" adı Məhəmməd olaraq yazılır. Buradakı "Muhamməd" adı tamamilə səhvdir və nə dilimizin qrammatika normalarına, nə də ciddi bir qaynağa əsaslanır. Yousiphh (müzakirə) 16:56, 16 aprel 2025 (UTC)

İnsanın sənəddə adı elədirsə və mənbələr də elə yazırsa, biz bunu öz yanımızdan dəyişə bilmərik. O ad varsa, deməli, qoyulub və onu da yazmalıyıq. Səhv də olsa, düz də olsa, Vikipediya əvvəla mənbələrə əsaslanır. Hörmətlə, Qədir (müzakirə) 18:12, 16 aprel 2025 (UTC)

@Gadir Hansı sənəd? Azərbaycanda kimin adı "Muhamməd" qoyulub, həmin şəxs bu adla məşhur olub və indi mən həmin ada qarşı çıxım? Sizin artıq nəyi müdafiə etdiyinizi anlamıram. Bu müzakirədə iki şəyi başa salmağa çalışmışam: 1. Muhammad/Muhamməd adı səhvdir. Bu tarixi şəxsin adı bizim dilimizdə Məhəmməd olaraq yazılmalıdır. 2. Türk dilidəki Ahmed/Ahmet - Əhməd, Murat - Murad, İsmail - İsmayıl və s. və i. kimi nümunələr bu cür yazımalıdır. Bu bizim dilin qrammatikasının qayda və normalarına əsasən bu cürdür. Bu gün əgər bu adları olduğu kimi yazmağa başlasaq, onda gərək bütün dillərdəki adlara toxunmayaq. Sabah Şekspir Shakespeare olaraq yazılsın kimi şeylərə gətirib çıxardacaq. Öz dilimizi türk dilindən aşağı görməyək lütfən. Yousiphh (müzakirə) 18:38, 16 aprel 2025 (UTC)

@Yousiphh, 2-ci bənddə sadaladıqlarınızı davam etdirib bütün “con”ları, “иван”ları “yəhya”, bütün “devid”ləri “davud” eləyək, deyirəm. nə düşünürsünüz? əkrəm. 18:42, 16 aprel 2025 (UTC)

@Əkrəm, Con, İvan Yəhyadan, Devid isə Davuddan kifayət qədər fərqlənir və həmişə bu etibarlı mənbələrdə elə yazılır. Devid Bekhemi Davud Bekhem yazaq deyirsiz? Yuxarıda özünüz də Google axtarış nəticəsi paylaşmısız və gördüyünüz kimi bu şəxsə Muhamməd deyən yoxdur. Nemoralis (müzakirə) 18:47, 16 aprel 2025 (UTC)

“kifayət qədər” — bu sərhəddi harada çəkəcəyik? ərəb dilindəki محمد bizim dilə tarixən “məhəmməd”, türk dilinə “muhammet”, ruslara “магомед”, “мохаммед” və sair, ingilis dilinə isə “mohammad”, “muhammed”, “muhammad” və s. kimi keçib. @Yousiphh-in də arqumenti, “at least”, mən başa düşən qədər, belədir ki, etimoloji cəhətdən qohum olan adlar bizdəki tarixi variantına əsasən — bu nümunədə “məhəmməd” kimi yazılmalıdır. əgər rəhbər kimi bunu tutacağıqsa, mən sadalayanları da eyni səbəbdən dəyişməliyik. qayda necə qaydadır ki, bir yerdə əməl eləyib digərində eləmirik?

google axtarış nəticəsini nəzərdən keçirsəniz və mənim həmin keçidin ardı ilə yazdığımı oxusanız, görərsiniz ki, necə ki, “muhamməd” dominant variant deyil, eynilə də “məhəmməd”. əkrəm. 18:54, 16 aprel 2025 (UTC)

Sizin Muhamməd adı üçün göstərdiyiniz tək nümunə sinif yoldaşınızın adının Muhamməd olmasıdır. Nemoralis (müzakirə) 18:58, 16 aprel 2025 (UTC)

bu, deyəsən, gözdən qaçıb əkrəm. 19:11, 16 aprel 2025 (UTC)

Facebook, pulsuz sayt yaratma saytında yaradılmış sayt və Vikipediya klonları? Nemoralis (müzakirə) 19:16, 16 aprel 2025 (UTC)

mən də yuxarıda onu demişəm onsuz da. yazılanları oxumayanda məsələdən bu cür uzaq qalırsınız və mən də yazdıqlarımı 2-3 dəfə təkrarlamalı oluram. mənim iddiam yoxdur ki, “muhamməd” çoxlu sayda etibarlı mənbədə öz əksini tapıb. amma axtarışda çıxanlardan düz-əməllilərini seçəndə “məhəmməd” də üstün gəlmir. söhbət ondan gedirdi ki, belə bir vəziyyətdə bu ikisi arasından hansını nə cür seçək. əkrəm. 19:22, 16 aprel 2025 (UTC)

@Əkrəm Siz açıq şəkildə "whataboutism" edirsiniz. Mən belə bir şey deməmişəm. Bilmək istəyirsinizsə Əfqanistanın Azərbaycandakı səfirlərinin adları Mohammad olaraq yazılıb (bax: Mohammad Şaker Karqar, Mohammad Taqi Xalili) və mən buna etiraz etməmişəm və etmirəm. Mənim etirazım bu uydurma "Muhamməd" (nədənsə a və ə hərfləri ilə) adınadır. Həm də bu şəxs haqqında bu adı təsdiqləyəcək Azərbaycandilli mənbə də yoxdur. İndi siz mənim yuxarıdakı suallarıma cavab verin lütfən. Yousiphh (müzakirə) 18:54, 16 aprel 2025 (UTC)

“whataboutism” deyəndə ki, əgər bir qaydanı əsas götürəcəyiksə, bütün məqalələr üçün götürməliyik, mənim demək istədiyim odur. və əgər əfqanıstan səfirlərinin adlarına qarışmırsınızsa, onda aşağıdakı malayziyalı “muhammad puteh” niyə? və əgər qərəziniz yalnız türk dilindən keçən “muhamməd”ədirsə, bayaq bizə deyirdiniz ki, “türk dilinə ayrı-seçkilik”, bu halda elə siz özünüz ayrı-seçkilik edirsiniz. əkrəm. 19:10, 16 aprel 2025 (UTC)

@Əkrəm Sizi bu üslubda yazışmağı dayandırmağa çağırıram. Məni ikiüzlülükdə ittiham etməyə haqqınız yoxdur. Birinci Azərbaycan dilində yazmağı öyrənin. İkidən bir rus və ingilis dilində atmacalarınız və verdiyiniz absurd nümunələr ilə müzakirəni mənasız bir səpkiyə çəkmisiniz. Necə olur ki, keçmiş Malayziya kralının adı V Məhəmməd olaraq yazılır, amma üzgüçünün adı "Muhammad" olaraq!? Yuxarıda sizə Azərbaycan dili haqqında azı 3 dəfə sual ünvanlamışam. Nə siz, nə də @Gadir bir dəfə belə "bax, Azərbaycan dilinin qrammatikasının bu qaydasına əsasən "Muhamməd" düzdür və ya qalmalıdır" deyə cavab vermədiniz mənə. Bu məsələni bu qədər uzatmağınız "sadəcə hər mövzuda mən dediyim və mən istədiyim kimi olmalıdır" düsturuna əsaslandığınızı düşünürəm. Yousiphh (müzakirə) 19:33, 16 aprel 2025 (UTC)

@Yousiphh, belə düşünürsünüzsə, sadəcə təəssüf edirəm, çünki mən də, Əkrəm də, bu səhifə ilə maraqlanan digər istifadəçilər də həmişə məntiqə və ensiklopediya qaydalarına əsaslanaraq addəyişmələri icra ediblər, öz istəklərinə yox. Dəfələrlə olub ki, sizdən qısa aydınlaşdırmalar tələb etmişəm ki, siz də təqdim etmisiniz və ardından sorğularınız icra edilib. Qaydalarımızda "Muhamməd" adı səhvdir və istifadə edilə bilməz yazılıb? Yazılmayıb, yazılsa da, əgər mənbələr elə də yazırsa, eləcə də adamın adı elə qoyulubsa da ensiklopediyada da o formada yazıla bilər. Hörmətlə, Qədir (müzakirə) 22:35, 16 aprel 2025 (UTC)

Ümumiyyətlə, bu mövzuda dəqiq və ətraflı müzakirə lazımdır. Bu boyda bu müzakirə gedib, amma məqalənin adı niyə məhz Məhəmməd olmalıdır, konkret bir səbəb göstərilməyib. Yeganə göstərilmiş səbəb odur ki, guya bizim dildə konkret elə qayda var imiş ki, Məhəmmədə oxşayan bütün adlar bizim dildə Məhəmməd kimi yazılmalıdır. Bir ad müxtəlif dillərə keçdikdə dəyişikliyə uğraya və fərqli formalara düşə bilər. Məsələn, Mişel, Maykl, Mixail, Mixaylo, Mikayıl, Mikael və s. bütün bu adlar bir addan törəmiş, fərqli dillərə keçib fərqliləşən adlardı. Onda gəlin bəlkə Mişel Platininin adını Mikayıl Platini yazaq, Maykl Ceksonun adını Mikayıl Cekson edək? Çünki bizim dildəki versiya Mikayıldır. Sousou no Frieren 21:14, 16 aprel 2025 (UTC)

@White Demon, bəli dəyişə bilər. Amma indi bu 2 istifadəçi bunun üçün nə mənbə göstərə bilirlər, nə səbəb. Gadir mənim müzakirə səhifəmdə Əli Şamili mənbə kimi göstərir, amma heç oxumayıb o mənbəni. Orda yazarın özü yazıb ki, bizim dildə Məhəmməd yazılır amma mən bu xalqa hörmət üçün Muhamməd yazacam. Buyrun, bu da Məhəmməd yazılan mənbə. Ümid edirəm artıq bu mənasız müzakirə sonlanacaq. Nemoralis (müzakirə) 21:30, 16 aprel 2025 (UTC)

Mən sadəcə bu məqaləni nəzərdə tutmurdum. Bu vəziyyət başqa məqalələrdə yaşana və bənzər müzakirə başlaya bilər. Sousou no Frieren 21:34, 16 aprel 2025 (UTC)

Bəli, ona görə neçənci dəfədir yazıram ki, bu müzakirənin yeri artıq Kənd meydanıdır, bura yox. Nemoralis (müzakirə) 21:36, 16 aprel 2025 (UTC)

Bu mənbə mənbə deyil bəs? Necə edək indi? Hörmətlə, Qədir (müzakirə) 23:01, 16 aprel 2025 (UTC)

@Gadir,   Qəbul edilmədi. Məqalənin adının belə qalması ilə bağlı əsaslı səbəb göstərilməyib, amma əksi göstərilib. Bu müzakirə təkcə bu məqaləyə təsir etmir, ona görə də etirazı olan Kənd meydanında müzakirə açmalıdır. Nemoralis (müzakirə) 18:40, 16 aprel 2025 (UTC)

@Nemoralis, ümumiyyətlə, резко müzakirənin ortasında gəlib müzakirəyə qoşulmaq, arqumentlər bildirmək əvəzinə müzakirəni sonlandırmaq nə dərəcədə düzgündür? əkrəm. 18:47, 16 aprel 2025 (UTC)

Müzakirə keçən aydan bəri davam edir, günlərlə şərhsiz qalıb, "резко" qoşulmağın fərqi yoxdur. Gadir özü də yuxarıda yazıb ki, bu problemli məsələdir və daha geniş müzakirə mövzusudur. Ona görə niyə Muhammədin elə qalmalı olduğunu Kənd meydanında müzakirə etməlisiniz ki, digər məqalələrə də təsir etsin. Bu başlıq bu məqalə üçündür. Yuxarıda ikiniz də etibarlı mənbələrdən danışmısız amma elə bir mənbə göstərməmisiniz. Nemoralis (müzakirə) 18:55, 16 aprel 2025 (UTC)

Mənim keçən ilin oktyabrında açdığım "Addəyişmə bürokratiyası" başlığının adı tam olaraq bu müzakirəyə uyğun gəlir. Nemoralis (müzakirə) 18:57, 16 aprel 2025 (UTC)

əgər bu prosesin müzakirələrlə aparılması belə problemli olacaqsa, mən də razıyam, adm ləğv olunsun, təcrübəli istifadəçilərə, yaxud avtopatrullara verilsin. əkrəm. 19:18, 16 aprel 2025 (UTC)

günlərlə şərhsiz qalanda gəlib sonlandırardınız da onda. niyə müzakirədəki hər iştirakçının aktiv danışmağa başladığı vaxtı seçdiniz ki, special:recentchanges-i çox məşğul edirdik? etibarlı mənbələrin azlığı elə problemin əsasıdır burada. əgər dominant sayda mənbə “məhəmməd əfəndi” yazsa idi, kimin ağzı nə idi ki, dəyişməsin? buradakı söhbət artıq “etibarlı mənbələr olmayanda hansı qaydanı əsas götürməliyik” idi; bilmirəm, qərarı verməmişdən əvvəl oxudunuz, ya yox. əkrəm. 19:16, 16 aprel 2025 (UTC)

Vikipediya:Kənd meydanı. Buradakı müzakirəyə davam etməyəcəm. Nemoralis (müzakirə) 19:18, 16 aprel 2025 (UTC)

@Yousiphh, hər nə qədər yekunlaşdırmaq istəsəm də, görürəm ki, yazdıqca şərhlər yazılır. Hər nə qədər qısa tutmağa çalışsam da, çalışıram, özümü ifadə edim, ona görə də uzanır.

Əvvəla, belə emosional yanaşma sərgiləmək düzgün deyil. Burada da eynisini etmisiniz. Adın "X" formasında yazılması dil qaydalarını pozmur, ad elədirsə və mənbələr də o cür də qeyd etməyə borcludurlarsa, yaxud mənbələr o formada qeyd edirlərsə, nə edə bilərik ki? Burada söhbət şəxs adından gedir. Xarici adların transliterasiyası barədə danışmayacam, ki, o, ayrı və aydın mövzudur və o adlandırmalar birinci qayda olaraq həm mənbələrə görə aparılır (lap transliterasiyaya zidd geniş yayılmış formada da versiya var isə), həm də adların tələffüzünə uyğun olaraq və qaydalarımıza əsasən transliterasiya edilərək yazılır (bu, ensiklopediya üçün ikinci şərtdir).

Siz, adicə, en:Muhammad (name) səhifəsinə nəzər yetirin, görün ki, bu adın neçə-neçə müxtəlif formaları var. İndi o şəxslərin hamısının adlarını məqalələri yaradıldıqda vahid versiya olaraq Məhəmməd yazmalıyıq? Məsələ də elə budur. Əvvəla mənbələrə baxılmalı, daha sonra da tətbiq edəcəyimiz standartlara əsasən qərarlar verməliyik.

Nümunə deyirsiniz, nümunə yuxarıda. Şəxsiyyətin nə önəmi var? Bu gün adı Muhamməd qoyulan, Murat qoyulan şəxslər gələcəyin potensial ensiklopedik şəxsləri ola bilər. Hər halda bu adların bu formada qoyulmasına bir qadağa tətbiq edilməyib. Siz mənə ümumiyyətlə qayda göstərə bilərsiniz ki, Murat mütləq Murad yazılmalıdı? Harada yazılıb belə bir şey? Bəli, uyğun olmaya bilər, amma tərcih məsələsidir. Şəxsin adının lap qaydalara zidd də olsa səhv olması hüquqi baxımdan istifadə olunması ilə bağlı məhduddiyyət yaratmır. Bu mövzuda mövqeyini bilmirəm, amma Мурад 97 bu barədə daha məlumatlı olar.

Nemoralis, sizə müzakirə səhifənizdə cavab verdim.

Ümumiyyətlə, bu səhifədə bu qədər müzakirə aparılmalı deyil. Ümumi müzakirələr KM-da aparılmalı, mövzu ilə bağlı dəqiqləşdirmələr isə müvafiq müzakirə səhifələrində edilməli, sonra sorğu bura əlavə olunmalıdır.

White Demon, bura nəzər yetirməyinizi xahiş edirəm. Ardınca isə bu məsələni KM-da həll etməyi təklif edirəm. Hörmətlə, Qədir (müzakirə) 21:31, 16 aprel 2025 (UTC)

Bu qədər söz, ingilislər demiş wall of text yazmısız, amma yenə də izah edə bilməmisiz ki, niyə mütləq indiki Muhamməd qalmalıdır. Yuxarıda Məhəmməd yazılan mənbə göstərmişəm. Sonlandırın artıq. Nemoralis (müzakirə) 21:34, 16 aprel 2025 (UTC)

Fikrimcə, şəxsi adlar orijinaldan transliterasiya olunmalıdır. Halbuki, Azərbaycan dilində konkret olaraq ərəb, fars və türk adları adətən uyğunlaşdırılır (Murad Boz, Qasım-Comərd Tokayev, Məhəmməd Abuxousa); bəzən isə yox (Mohamed Keyta, Mohammad Şaker Karqar, Maqomed Daudov). Yəni, üzr istəyirəm, amma burada apardığınız müzakirə bir az mənasızdır, çünki ortada olan suala konkret bir cavab yoxdur. İkisi də ola bilər. İkisə də məqalədə əks olunmalıdır. Amma, həqiqətən də doğru saya bildiyimiz variant yoxdur ortada. Bilirəm ki, göstərdiyim nümunələr texniki baxımdan etibarsızdır, çünki onları elə Vikipediyanın özündən tapmışam. Lakin, biz hamımız bilirik ki, Vikipediyadan kənar baxsaq, nəticə eyni olacaq. --Мурад 97 (müzakirə) 10:18, 17 aprel 2025 (UTC)

@Мурад 97 Əlbəttə artıq mənasızlaşıb. Daha aydın arqumentlərlə bu mövzu Kənd meydanında müzakirə olunmalıdır. Tək aydın məsələ bu uydurma "Muhamməd" adıdır. Yoxdur belə bir ad və ya transliterasiya olunmuş ad. Dilimizin qaydalarına əsasən ola bilməz. Ya "Məhəmməd", ya "Muhəmməd", ya da "Muhammad" və ya "Mohammad" olmalıdır. Birinci a, sonrakı ə şəklində yazılmış bu ad kiminsə uydurmasıdır. Çünki qumuq dilində Məhəmməd "Магьаммат" və "Мухаммад" yazılır. Yousiphh (müzakirə) 17:58, 17 aprel 2025 (UTC)

Əslində, problem onda deyil ki, dil qaydalara zidd olan yazılış variantları olur. Problem ondadır ki, normal dil standartlarımız mövcud deyil. --Мурад 97 (müzakirə) 12:53, 18 aprel 2025 (UTC)

@Мурад 97, konkret olaraq elə tələb var ki, uşağın adı Muhamməd ya da Murat ola bilməz? Dediyim kimi bir addan törəmiş versiyalardır. Hörmətlə, Qədir (müzakirə) 13:56, 18 aprel 2025 (UTC)

Kimsə bu gün uşağına nə ad qoyması bu məsələni, konkret bu tarixi şəxsin adını, dilimizin qrammatika və normalarını dəyişmir. Niyə mübahisəni bu qədər uzadırsınız? Yousiphh (müzakirə) 15:29, 18 aprel 2025 (UTC)

Uşaq adları və xarici vətəndaşların adları iki ayrı məsələdir. Hətta, Azərbaycanda anadan olmayan vətəndaşların adları bundan ayrı məsələdir (misal üçün, Maqomedxan Maqomedov). --Мурад 97 (müzakirə) 15:32, 18 aprel 2025 (UTC)

@Мурад 97, Azərbaycanda son 5 il ərzində 382 nəfərə "Muhamməd" adı verilib. 33 nəfərə Muhammədəli. 11 nəfərə Muhammədali. Sousou no Frieren 16:55, 18 aprel 2025 (UTC)

LOL. Bələliklə, qaydalar faktiki olaraq işləmir. Bunu əvvəl də yazırdım, amma vəziyyətin lap bu dərəcədə xaotik olduğunu gözləmirdim. --Мурад 97 (müzakirə) 17:03, 18 aprel 2025 (UTC)

Bu da maraqlı xəbərdir. Sousou no Frieren 18:10, 18 aprel 2025 (UTC)

Maraqlıdır, amma bunları daha ətraflı KM-da danışmağa başlayaq, burada deyil. Hörmətlə, Qədir (müzakirə) 18:20, 18 aprel 2025 (UTC)