 |
 |
Gecemiz.az |  |
 |
 | Səhifənin qısa məzmunu: Özünüz və ya əlaqəniz olan mövzular haqqında məqalələr yaratmaqdan və ya əgər belə məqalələr varsa, onlar üzərində dəyişiklik etməkdən çəkinin. Çünki mövzu özümüz və ya maraqlı olduğumuz mövzular olduqda neytral davranmaqda çətinlik çəkə bilərik. Bu cür məqalələr çox vaxt neytrallıq, yoxlanıla bilənlik və əhəmiyyətlilik kimi əsas prinsiplərimizlə ziddiyət təşkil edir. Buna görə də, belə bir məqalə varsa, onun müzakirə səhifəsində bu barədə müraciət etməyə üstünlük verin. |
Vikipediyada avtobioqrafiya yazmaq maraqların toqquşmasına bir nümunədir və qəti şəkildə tövsiyə olunmur. Özünüz və ya əlaqəli olduğunuz mövzular haqqındakı məqalələri yalnız aydın şəkildə vandalizm halları və ya yaşayan insanların bioqrafiyaları siyasətinin açıq və ciddi şəkildə pozulması hallarında redaktə etməlisiniz. Əgər belə bir məqalə artıq mövcuddursa, digər dəyişikliklər üçün birbaşa redaktə etməkdən çəkinin, bunun yerinə, müzakirə səhifələri vasitəsilə redaktə sorğularından istifadə edin.
Vikipediya indiyə kimi bu cür məqalələrin əhəmiyyəti, faktiki düzgünlüyü və neytrallığı ilə bağlı bir çox uzunmüddətli mübahisələr yaşamışdır. Belə redaktələrdən uzaq durmaq Vikipediyanın neytrallığını qoruyur və müəyyən bir baxış bucağının yeridilməsinin qarşısını alır. Avtobioqrafiya yazmaq tövsiyə olunmur, çünki neytral və yoxlanıla bilən avtobioqrafiya yazmaq çətindir və burada bir çox "tələlər" mövcuddur.
Əgər bir mövzu ilə bağlı başqa yerlərdə yazılarınız dərc olunubsa, sizin bu sahədəki bilik və təcrübələrinizdən istifadə edərək Vikipediya məqalələrinə töhfə qatmağınızı yalnız təqdir edərik. Bununla belə, hər bir Vikipediya məqaləsi öz mövzusunu neytral, ədalətli və əhatəli şəkildə əhatə etməlidir ki, bütövlükdə mövzu haqqında bilikləri inkişaf etdirsin. Lütfən Vikipediya oxucularının biliklərini zənginləşdirərkən qərəzlərinizi qəbul edin və onları minimuma endirin. Əsas məqsədi məqaləni yazan şəxsin maraqlarını irəli çəkmək üçün olan məqalələr siyasətlərimizə əsasən tez bir vaxtda silinəcək.
Deyilənlərə görə, Zafod Bibelbroksun[ing.] doğumu zamanı zəlzələlər, sunamilər, qasırğalar, alov fırtınaları, qonşuluqdakı üç ulduzun partlaması və dərhal ardınca ona qarşı Qalaktik sektorundakı bütün əsas torpaq sahibləri tərəfindən ümumilikdə altı milyon yeddi yüz əlli mindən çox təzminat iddiası ilə məhkəmə ərizələrinin verilməsi hadisəsi baş verib. Lakin bu barədə bunu deyən yeganə şəxs elə Bibelbroksun özüdür və bu barədə bir neçə fərqli nəzəriyyə mövcuddur.
Yuxarıdakı sitat avtobioqrafiyalarla bağlı bir sıra fundamental problemləri göstərir:
Katonun bəzi dostları ondan bir çox ləyaqəti və nüfuzu olmayan insanın heykəli olduğu halda, onun niyə heykəlinin olmadığını soruşduqda o, belə cavab verir: "Mənə görə xalqın Katon üçün niyə heykəl qoyulduğunun səbəbini soruşmağındansa, niyə heykəl qoymadıqlarını soruşması daha üstündür."
"Britannika Ensiklopediyası" (1797)
Əgər həyatınız və nailiyyətləriniz yoxlanıla bilən və həqiqətən əhəmiyyətlidirsə, kimsə yəqin ki, gec-tez sizin haqqınızda məqalə yaradacaq. Bununla belə, özünüz haqqında məqalə yaratmaq qətiyyətlə tövsiyə edilmir: biz burada bioqrafiya istəyirik, avtobioqrafiyalar yox.
Əgər siz həqiqətən ensiklopediklik meyarlarına cavab verə biləcəyinizi düşünürsünüzsə və əgər məqalənizin neytral və PR xarakterli olmamalı olduğunu qəbul etməyə hazırsınızsa, məqaləni birbaşa yaratmaq əvəzinə, qaralama səhifəsində (Qaralama:Məqalə adı) məqalə üzərində işləməyiniz və ya təcrübəli digər istifadəçilərə müraciət etməyiniz təşviq olunur. Bu, sizə məlum olmayan tərəfləri aşkar edə biləcək müstəqil baxışlar təqdim edir və könüllü redaktorların sərf etdiyi vaxtı və əməyi qiymətləndirdiyinizi göstərir.
Həmçinin sizin özünüz yazmadığınız və başqa birinin sizin adınıza ödəniş və ya bir şey müqabilində yazmasını istədiyiniz məqalələr ödənişli redkatorluq qaydalarına tabedir. Həmçinin nəzərə almalısınız ki, bu xidmətlərlə maraqlanan insanları hədəf alan müxtəlif fırıldaqlar da var. Ödənişli redaktorlar məqaləni silinməkdən "qoruya" bilməzlər. Bəzi redaktorlar öz maraq dairələrinə və vaxt imkanlarına görə təmənnasız da sizə kömək edə bilərlər. Ancaq nəzərə alın ki, onlar könüllüdürlər və onlardan daha çoxunu tələb etməyə haqqınız yoxdur.
Öz neytrallığınız xarici mənbələr və ya analizlər olmadan düzgün şəkildə müəyyənləşdirilə bilməz. Şüursuz qərəzlər avtobioqrafik məqalələrdə geniş yayılıb və problemli məsələdir, bu da neytrallığa və yoxlanıla bilməyə təsir göstərir. Həmçinin, yeni redaktorların özləri haqqında məqalə yazmaqda maraqlı olmasına daha çox rast gəlinir ki, bu da onların Vikipediyada redaktə qaydalarına bələd olmaması ilə bağlı mövcud problemləri daha da artırır.
Hətta orijinal tədqiqat aparmadan yoxlanıla bilən avtobioqrafiya yaza biləcəyinizə inansanız belə, yenə də neytral bir nəticə əldə edə bilməyə bilərsiniz. Əhəmiyyətli bir şəxs kimi, dərc etdiyiniz materialların çoxluğu və ya əsərlərinizin müxtəlif dillərə tərcümə olunması və digər ölkələrdə səhnələşdirilməsi kimi obyektiv məlumatlara diqqət yetirə bilərsiniz. Həcmi və ya miqyası göstərən nümunələr, adətən, qəsdən özünü tərifləmə kimi qəbul edilən qeyri-neytral bir üslub yarada bilər. Eyni şəkildə, dini inanclarınız, qeyri-ensikopedik ailə üzvlərinizin karyerası və ya sadəcə məşhur dostlarınızın olması kimi dərin bioqrafik detallara yer vermək yoxlanıla bilən və ya uyğun olmaya bilər.
Özünüz haqqınızda neytral və obyektiv yazmaq çətindir. Ümumiyyətlə, bunu başqalarının etməsinə icazə verməlisiniz.
Məqalənin müzakirə səhifəsində material əlavə etmək və ya təkliflər vermək məqbul hesab olunur — müstəqil redaktorların bunları məqaləyə əlavə etmələrinə və ya təsdiq edib-etməmələrinə imkan verin.
Siz, həmçinin məqalənin müzakirə səhifəsində açıq şəkildə özünüzü təqdim etməlisiniz.
Əgər Vikipediyada sizin haqqınızda məqalə varsa, biz onun dəqiq, ədalətli, balanslı və neytral olmasını istəyirik — yəni etibarlı mənbələrdən alınan, istinad edilən fikirləri dəqiq əks etdirsin. Əgər məqaləni daha balanslı edəcək etibarlı mənbələrin olduğunu düşünürsünüzsə, digər redaktorlara həmin mənbələri göstərməklə öz töhfələrinizi verə bilərsiniz.
Dəyişikliklərinizin dərhal və ya ümumiyyətlə tətbiq olunmaması sizi məyus edə bilər, lakin digər redaktorlarla ünsiyyət zamanı nəzakətli qalın. Əgər başqaları təklif etdiyiniz dəyişikliklərlə razı deyilsə, münaqişənin həlli yollarına müraciət edə bilərsiniz. Məsələn, fikir ayrılıqlarını həll etmək üçün inzibatçılara müraciət səhifəsinə müraciət edə bilərsiniz — burada müstəqil iştirakçılar problemlərlə bağlı sizə kömək edə bilərlər. Əgər redaktorların yaşayan insanların bioqrafiyaları məzmun siyasətlərinə zidd fəaliyyətlərindən narahatsınızsa, bu barədə də inzibatçılara müraciət səhifəsinə müraciət edə bilərsiniz. Həmçinin, yaşayan şəxslərin bioqrafiyalarına zidd — mənbəsiz və ya zəif mənbəli, həmçinin tərəfli, böhtan ehtiva edən və ya uyğunsuz (xoşunuza gəlməyən deyil) məzmunla, eləcə də mübahisə yaşadığınız digər hallarla bağlı da inzibatçılara müraciət səhifəsinə müraciət edə bilərsiniz.
Aydın və mübahisəsiz hallarda özünüzlə əlaqəli səhifələri redaktə etməyə icazə verilir. Yəni vandalizmi geri qaytara bilərsiniz; amma bu, açıq-aşkar vandalizm olmalı, məzmun mübahisəsi olmamalıdır. Eyni şəkildə, evlilik vəziyyəti, hazırkı iş yeri, doğum yeri və s. kimi bariz səhv məlumatları rahatlıqla silə bilərsiniz. (Bu barədə müzakirə səhifəsində qeyd edin.) Əgər məlumat müxtəlif cür yozula bilirsə, ehtiyatlı davranmaq və bunun əvəzinə redaktə sorğusu göndərmək daha yaxşıdır.
Əgər sizin haqqınızda olan məqalədəki materialla bağlı hüquqi problemləriniz varsa, xahiş olunur, bütün detallarla birlikdə dərhal info
wikimedia.org ünvanına e-poçt göndərin. Amma Vikipediyada (məqalələr, müzakirə səhifələri, müraciət səhifələri) qanunla təhdidlə məşğul olmayın. Bunu etmək Vikipediya qaydalarının ciddi şəkildə pozulmasıdır və bu hərəkətləriniz təhdidinizi geri çəkənə kimi redaktə imkanlarınızın məhdudlaşdırılmasına səbəb olacaq.
Əgər haqqınızda olan məqalədə foto yoxdursa və ya daha keyfiyyətlisini təqdim edə bilirsinizsə, uyğun şəkildə azad lisenziya altında onu əlavə etməkdə sərbəstsiniz. (Əgər şəkli özünüz çəkməmisinizsə, məsələn, tanıtım materiallarından götürülmüş fotolardırsa, həmin şəkli bu cür lisenziya altında paylaşmaq üçün hüquqi icazələrinizin olduğundan əmin olun.)
 Vikipediya qaydaları və təlimatları | |||||||||
|---|---|---|---|---|---|---|---|---|---|
| Məzmun |
| ||||||||
| Davranış | |||||||||
| Silmə |
| ||||||||
| Qaydaların tətbiqi |
| ||||||||
| lər |
| ||||||||
| Mübahisələr |
| ||||||||
| Layihə məzmunları |
| ||||||||
| Səsvermə |
| ||||||||
| VMF; |
| ||||||||
 |
 |
GECEMIZ.AZ |  |
 |
|
