"Bona Dea" — Roma mifologiyasında məhsuldarlıq, sağlamlıq və məsumluq ilahəsi, qadınların himayədarı. Yaxşı ilahənin təsvirləri daha çox bir əlində bolluq buynuzu, digər əlində isə içində ilan olan kasa olan qadından ibarətdir. İlk növbədə, onun kultu e.ə. III əsrdə Tarentin fəthindən sonra Romaya nüfuz etmişdir. Onun adı tabu idi və buna görə də hətta qədim yazıçılar onun həqiqətən kim olduğuna dair müxtəlif fərziyyələrə malik idilər. Öz kultunun xüsusiyyətlərini nəzərə alaraq, Bona Dea əsasən Favnın qızı Favna ilə eyniləşdirilir.
Onun əsas məbədi Aventin təpəsinin yamacında yerləşirdi. Bona Dea qədim Roma cəmiyyətinin həm zadəganları, həm də aşağı təbəqələri tərəfindən ehtiramla qarşılanırdı.
