Vikipediya Patrul Namizedleri Arxiv 2025 - Wikipedia - Gecemiz.az

Rüfət Həsənli · (müzakirə · töhfələr · silinən fəaliyyətlər · bütün vikilər · Xtools sayğacı · Supercount sayğacı · qeydlər · bloklanma qeydləri · hüquqları (istifadəçinin hüquqlarını dəyişdir)

• AzVikidə uzun illərdir təcrübəyə malikəm. Bu müddətdə töhfələrimin əhəmiyyətli bir hissəsi keyfiyyətsiz vəziyyətdə olan, anonim və ya təcrübəsiz istifadəçilər tərəfindən redaktə edilmiş məqalələrin aşkar edilərək düzəldilməsindən ibarət olmaqla spam və vandalizm tipli redaktələrin əleyhinə yönəlib. Hüququn verilməsi, düşünürəm ki, bu istiqamətdə fəaliyyətimə müsbət təsir edəcək. --Rüfət Həsənli 01:59, 10 iyun 2025 (UTC)

Son məqalələrinizdən bəzilərinə nəzər yetirdim; təəssüf ki, Gavur qəbiristanlığı və Avey Dövlət Tarix-Mədəniyyət Qoruğu adlı məqalələrdə copy-paste hallarına yol verdiyinizi aşkarladım. Fəaliyyətinizin tamamına baxmamışam, bu məqalələr yeni vaxtlarda yaratdıqlarınızdır. Amma nəzərinizə çatdırım ki, bu fəaliyyət sizdən avtopatrul statusunun alınmasına belə gətirib çıxara bilər. Hörmətlə, Qədir (müzakirə) 17:30, 10 iyun 2025 (UTC)

Bəli, Gavur qəbiristanlığı və Avey Dövlət Tarix-Mədəniyyət Qoruğu məqalələrini müvafiq mənbələrdən məlumatları köçürərək yaratmışdım, lakin görə biləcəyiniz kimi, "İş gedir" şablonu yerləşdirmişdim. Yəni, o məqalələri həmin vəziyyətdə saxlamaq niyyətim yoxdur. -- Rüfət Həsənli 17:13, 11 iyun 2025 (UTC)

Fərq etmir. Ad fəzası fərq etmədən, istifadəçi səhifələrinizdə belə müəlliflik hüquqları ehtiva edən məzmuna icazə verilmir. Bu, ümumi olaraq bütün Vikipediya layihələrinə şamil edilir. Hörmətlə, Qədir (müzakirə) 17:17, 11 iyun 2025 (UTC)

• Rüfət Həsənli, töhfələriniz və könüllü olduğunuz üçün təşəkkür edirəm. Ümumilikdə fəaliyyətiniz yaxşıdır, amma qərar verə bilməyim üçün fəaliyyətlərinizi gözdən keçirməliyəm. Gördüyüm qısa bir neçə iradı da sizə bildirirəm.

Ümid edirəm ki, müəlliflik hüquqları məsələsində daha məsuliyyətli yanaşacaqsınız.

• Eyni anda birdən çox məqalə üzərində işləyirsinizsə, bunu istifadəçi alt səhifələrinizdə və ya qaralama ad fəzasında etmək doğru olar. Özümdən bilirəm, mən də eyni zamanda 5-10 məqalə üzərində paralel işlədiyim vaxtlar olur. Demək istədiyim odur ki, elə olur vaxt məhdudiyyətindən məqalələrin bitirilməsi prosesi uzanır və bu da normaldır. {{İş gedir}} şablonunun məqalələrdə çox qalmağı yaxşı deyil və alt səhifələr və qaralama fəzası elə bu hallar üçündür.
• Fikir vermişəm, bəzi məqalərinizdə bu hal var. Preambulada təqdimatda tiredən sonra xüsusi adlar istisna olmaqla cümlə kiçiklə başlamalıdır. Məsələn, Baorisa hieroglyphica, Baorisa kimi məqalələrdə bunu yanlış etmisiniz.

Çalışacam bu həftə ərzində müraciətinizə geri dönüş edə bilim. O vaxta kimi töhfə verməyə davam edin və o zamana kimi başqaları da fikirlərini bildirə bilərlər. Hörmətlə, Qədir (müzakirə) 15:57, 17 iyun 2025 (UTC)

Nəzakətiniz və izahınız üçün mən təşəkkür edirəm. Bəli, bu ay müəyyən səbəblərdən vaxt məhdudiyyəti yaşayıram, bu səbəbdən məqalələrin təkmilləşdirilməsinə kifayət qədər vaxt ayıra bilmirəm. Həmçinin işlədiyim məqalələrin bir çoxu ilə bağlı internetdə və ədəbiyyatda məlumat azlığı var, bu səbəbdən işin gedişi ləng davam edir. İnşəAllah bu ayın sonlarından daha aktiv fəaliyyət göstərib həmin natamam məqalələrin bir qismini yekunlaşdırmağı nəzərdə tutmuşam. Tiredən sonra balaca başlamaq məsələsində isə buna diqqət etməyə çalışıram, fəqət Baorisa və Baorisa hieroglyphica məqaləsində onu elə yazmağımın səbəbi cümlənin "Erebidlər" sözü ilə başlaması idi. Xüsusi isim kimi böyüklə yazmışdım. -- Rüfət Həsənli 20:06, 17 iyun 2025 (UTC)

Məncə kiçiklə verilməlidir. Məsələn, bura baxın. @Sortilegus, sizcə necə olmalıdır? Hörmətlə, Qədir (müzakirə) 20:33, 17 iyun 2025 (UTC)

Bəli, Azərbaycan dilinin orfoqrafiya qaydalarına uyğun olaraq heyvan və bitki növ, cins, fəsilə, dəstə, qrup, şöbə və s. adları kiçik hərflə yazılmalıdır. Təbii ki, əgər adlandırmada xüsusi ad yoxdursa. Məsələn, "Pikasso güvəsi"ndə "Pikasso"nun böyük hərflə yazılması düzgündür. Ölkə və ya şəhər adı da olsa böyüklə yazılmalıdır.--Sortilegus (müzakirə) 23:47, 17 iyun 2025 (UTC)

•  N Uğursuz: Təəssüf ki, müraciətinizi "uğursuz" olaraq yekunlaşdırmalı oluram. Fəaliyyətinizi yoxladım və bir çox müəlliflik hüququ pozuntularına rast gəldim. (bax: İstifadəçi:Rüfət Həsənli/Qaralama/3 və İstifadəçi:Rüfət Həsənli/Qaralama/Bakı Dövlət Universiteti Tələbə Hüquq Jurnalı) Üstəlik, bu pozuntular son fəaliyyətlərinizi əhatə edir. Xahiş edirəm ki, müəlliflik hüququları ilə qorunan məzmunu hətta istifadəçi səhifənizə və üzərində iş davam etdiyi səhifələrə belə daxil etməyin. Məzmunu çalışın öz sözlərinizlə yazmağa üstünlük verin və ya cümlə üslubunu və sözləri maksimum dəyişdirin. Lütfən həvəsdən düşməyin və bir müddət sonra təkrar müraciət edin. Hörmətlə, Qədir (müzakirə) 06:33, 20 iyun 2025 (UTC)

  Çox sağ olun diqqətiniz və tövsiyələriniz üçün. İnşəAllah gələcək fəaliyyətimdə bu kimi nüanslara daha diqqətli yanaşmağa çalışacağam. -- Rüfət Həsənli 14:37, 20 iyun 2025 (UTC)