Bu gün UEFA Konfrans Liqasında 3-cü təsnifat mərhələsinə yekun vurulacaq.

“gecemiz.az” xəbər verir ki, Azərbaycanın turnirdəki təmsilçilərindən “Araz-Naxçıvan” da cavab matçına çıxıb.

Elmar Baxşıyevin komandası Kiprdə “Omoniya”nın qonağı olub. Bakıda keçirilən ilk görüşdə rəqibinə 4 cavabsız qolla uduzan “Araz-Naxçıvan”ı səfərdə də çətin oyun gözləyirdi. Bu dəfə 5 cavabsız qol buraxmış Azərbaycan təmsilçisi avrokuboklarla vidalaşıb.

“Omoniya” pley-off mərhələsində PAOK (Yunanıstan) – “Volfsberger” (Avstriya) cütünün məğlubu ilə görüşəcək.

Konfrans Liqası

3-cü təsnifat mərhələsi, cavab oyunu

14 avqust

“Omoniya” (Kipr) – “Araz-Naxçıvan” 5:0

Qollar: Villi Semedo, 9. Stevan Yovetiç, 23. Evandro, 31; 45+4. Mateuş Musialovski, 79.

İlk oyun – 4:0

Baş hakim: Yakob Kehlet (Danimarka)

Nikosiya. GSP stadionu.