İsrailin Baş naziri Benyamin Netanyahu yaxın günlərdə Vaşinqtona səfər edəcək və iyulun 7-də Ağ Evdə ABŞ Prezidenti Donald Trampla danışıqlar aparacaq.

“gecemiz.az” xəbər verir ki, bu barədə “Axios”un müxbiri Barak Ravid məlumat yayıb.

Görüşün gündəliyi hələlik rəsmi olaraq açıqlanmasa da, əsas müzakirə mövzularının İran ətrafında yaranmış vəziyyət və Qəzza zolağındakı gərginlik olacağı gözlənilir.