Türkiyəli məşhur aktyor Ahmet Kural “Gassal” serialındakı roluna görə İtaliyada “Ən yaxşı kişi aktyor” mükafatını qazanıb.

“gecemiz.az” xəbər verir ki, bu barədə Türkiyə KİV məlumat yayıb.

Serialdakı “Baki” obrazını canlandıran aktyor İtaliyanın Qlobal Seriallar Festivalında Beynəlxalq “Komediya” kateqoriyasında “Maximo Best Actor Award” mükafatını qazanıb.

Ahmet Kural mükafatı alarən bildirib ki, “Gassal” “ölüləri yumaqla çörək qazanan” “Baki”nin əhvalatını, onun daxili səyahətini geniş izləyici kütləsinə çatdırır.

Qeyd edək ki, Qlobal Seriallar Festivalı televiziya və rəqəmsal platformalarda populyarlıq qazanan layihələri qiymətləndirməyə hədəflənib.

Əlavə edək ki, Ahmet Kural keçmiş sevgilisi, türkiyəli məşhur müğənni Sıla ilə aralarında yaşanan qalmaqallardan sonra 1 il 4 ay həbs edilmişdi. İzləyicilər onun bundan sonra populyarlığını itirdiyini düşünsə də, aktyor “Gassal”dakı roluna görə yenidən tamaşaçıların rəğbətini toplamağı bacardı.