Pakistan Ermənistanla diplomatik münasibətlər qurmağa Azərbaycanla məsləhətləşmələrdən sonra başlayıb.

“gecemiz.az” xəbər verir ki, bu barədə məlumatı “AnewZ” telekanalı yayıb.

Bildirilib ki, Pakistanın bu addımı Vaşinqtonda Azərbaycan, ABŞ və Ermənistan liderlərinin görüşündən sonra Bakı ilə razılaşdırılıb.  

Qeyd edək ki, avqustun 31-də Ermənistan və Pakistan xarici işlər nazirləri Ararat Mirzoyanla Məhəmməd İshaq Dar iki ölkə arasında diplomatik əlaqələrin qurulmasına dair birgə kommünike imzalayıblar. İmzalanma mərasimi Çində Şanxay Əməkdaşlıq Təşkilatının sammiti çərçivəsində baş tutub.