Istifadeci White Demon Qaralama 2 - Wikipedia - Gecemiz.az

• Azərbaycandilli layihələrin ən az birində fəaliyyət göstərməlidir (Azərbaycan vətəndaşıdırsa, Vikimedia layihələrinin ən az birində fəaliyyət göstərməlidir);
• yaşı 16-dan az olmamalıdır;
• Vikimedia layihələrində ümumilikdə 500 və daha artıq redaktəyə malik olmalıdır;
• azərbaycandilli layihələrin heç birində qeyri-müəyyən müddətə blokda olmamalıdır;
• oflayn tədbirlərin ən az birində iştirak etməlidir (oflayn tədbirlər dedikdə istifadəçi qrupunun üzvlərinin iştirakı ilə baş tutan görüşlər, təlimlər, vikidüşərgələr və digər tədbirlər nəzərə tutulur);
• üzvlük idarə heyətinə müraciət əsasında baş verir. Üzv olmayan şəxs öz istifadəçi adını, şəxsi adını, yaşını, daimi yaşadığı ölkəni, fəaliyyəti və oflayn tədbirlərdə iştirakı barədə bu məqsədlə yaradılmış platforma vasitəsilə qısa məlumat verməlidir. Şəxs oflayn tədbirlərdə iştirakı barədə digər istifadəçi qrupu üzvlərinə istinad edə bilər.

İdarə heyəti müraciətçinin yuxarıda qeyd olunan tələblərə uyğun olub olmadığını yoxlayır və onun üzvlüyünü təsdiqləyir. Digər layihələrdə bloklanmış istifadəçilər də istifadəçi qrupunun üzvülüyünə müraciət edə bilər. İdarə heyəti istifadəçinin bloklama səbəbini nəzərdən keçirərək istifadəçinin üzvlüyünü təsdiqləyə bilər.

• İdarə heyətinin seçkilərində seçici, və ya namizəd qismində iştirak etmək;
• istifadəçi qrupunun fəaliyyəti, qrupun görüşləri, oflayn tədbirlər və yeniliklər barədə xəbərdar olmaq;
• idarə heyəti tərəfindən azərbaycandilli icmanı beynəlxalq tədbirlərdə təmsil etmək üçün seçilmək;^[a]
• istifadəçi qrupunun adından oflayn və onlayn tədbirlər keçirmək;
• idarə heyətinin üzvlərinin işinə rəsmi assistent kimi köməklik göstərmək.

• Özü könüllü şəkildə üzvlükdən imtina etdiyini bildirərsə;
• İstifadəçi azərbaycandilli layihələrin hər hansı birindən qeyri-müəyyən müddətə bloklanarsa;
• Universal Davranış Kodeksini pozursa;
• istifadəçi qrupunun məqsədlərinə zidd hərəkətlər edərsə.

• İstifadəçi qrupunun İdarə heyəti beş üzvdən ibarətdir: Sədr (baş koordinator), sədr müavini, kommunikasiyadan məsul şəxs, xəzinədar, layihələr üzrə koordinator.
  • Sədrin vəzifələri: İdarə heyətinin işini ümumi olaraq təşkil etmək və fəaliyyətinə nəzarət etmək, qərarların qəbul etməsini və konsensusun əldə olunmasını təmin etmək, yeni layihələrin və təşəbbüslərin planlaşdırılmasına dəstək vermək
  • Sədr müavininin vəzifələri: Sədrin fəaliyyətini dəstəkləmək və ona kömək etmək, sədrin iştirak edə bilmədiyi hallarda onu əvəz etmək və onun vəzifələrini yerinə yetirmək, idarə heyətinin üzvləri arasında kommunikasiyanı təmin etmək.
  • Kommunikasiyadan məsul şəxsin vəzifələri: Sosial media hesablarını idarə etmək, oflayn və onlayn tədbirlər haqqında paylaşımlar etmək, qrupun elektron poçt ünvanına gələn məktubları cavablandırmaq, istifadəçi qrupuna edilən müraciətləri və təklifləri digər idarə heyəti üzvlərinə çatdırmaq.
  • Layihə koordinatorunun vəzifələri: Oflayn vikipediya tədbirlərinin planlaşdırılması və onların keçirilməsində iştirak etmək, onlayn viki layihələrinin (Vikibahar, Viki Yeri Sevir, Mövzulu aylar və s.) keçirilməsinə təmin etmək və həmin layihələrə nəzarət etmək, layihələrin statistik hesabatlarını tərtib etmək.
  • Xəzinədarın vəzifələri: Qrant müraciətlərini hazırlamaq və layihələrin büdcələrini planlaşdırıb nəzarət etmək, yerli təşkilatlarla əməkdaşlıq təşəbbüsləri göstərmək, istifadəçi qrupunun fəaliyyəti haqqında hesabatlar hazırlamaq

• İstifadəçi qrupunun fəaliyyətlərini koordinasiya etmək və strateji inkişafını təmin etmək;
• istifadəçi qrupuna üzvlük müraciətlərinin tələblərə uyğunluğunu yoxlamaq və üzvlüyü təsdiqləmək;
• istifadəçi qrupunun adından keçirilən onlayn və oflayn tədbirlərə təşəbbüs göstərmək, və ya təşkilinə razılıq vermək;
• beynəlxalq tədbirlərdə istifadəçi qrupunu təmsil edəcək istifadəçiləri seçmək;^[a]
• istifadəçi qrupunun fəaliyyəti haqqında 1 illik hesabatlar hazırlamaq;
• istifadəçi qrupunun üzvləri arasında etik və inklüziv mühitin qorunmasına nəzarət etmək;
• ictimaiyyətlə, KİV-lə, dövlət və qeyri-dövlət təşkilatları ilə kommunikasiyanı təmin etmək;
• istifadəçi qrupu üzvlüyü şərtlərinə uyğun gəlməyən üzvləri üzvlükdən çıxarmaq.

• Azərbaycanda daimi yaşamaq;
• Azərbaycan Respublikasının vətəndaşı olmaq;
• yaş həddinin 18 yaşdan az olmaması;
• növbəti 2 il ərzində fəaliyyət göstərməyə və oflayn görüşlərdə iştirak etmək imkanına malik olmaq;
• istifadəçi qrupunun üzvü olmaq (ən az 1 il);
• azərbaycandilli layihələrdə ümumilikdə ən azı 10 min redaktə sayının olması;
• azərbaycandilli layihələrdə ən az 3 illik fəaliyyət göstərməsi;
• azərbaycandilli layihələrdə son iki il ərzində ciddi bloku olmamalıdır. Ciddi blok dedikdə icmanın ümumi qərarı ilə qeyri-müəyyən vaxta və 3 aydan çox müddətə olan bloklanmalar nəzərdə tutulur;
• namizəd olmaq üçün inzibatçı və bürokrat kimi statuslar tələb olunmur. İstifadəçi hüququndan asılı olmayaraq yuxarıdakı tələbləri qarşılayan hər kəs namizəd ola bilər.

• Şəxs özü könüllü olaraq idarə heyətindən çıxdığını bildirdikdə;
• istifadəçi qrupunun üzvlüyündən çıxarıldıqda;
• illik minimum 400 redaktə etmədikdə;
• mütəmadi olaraq İdarə heyətinin işində iştirak etmədikdə, ona verilən işləri görməkdən boyun qaçırdıqda;
• mütəmadi olaraq zəruri oflayn tədbirlərdə və görüşlərdə iştirak etmədikdə;
• istifadəçi qrupunun məqsədlərinə zidd hərəkət etdikdə;
• idarə heyətindən uzaqlaşdırma barədə qərar idarə heyətinin qalan digər üzvləri arasında əldə olunan yekdil fikir birliyi əsasında verilir (ən az 3 üzv qərarı dəstəkləməlidir).

İdarə heyətinə seçkilər hər 2 ildən bir baş tutur.

• Bir şəxs idarə heyətinə ardıcıl olaraq ən çox 2 dəfə seçilə bilər. Bir şəxs ardıcıl olaraq 3-cü dəfə sədr ola bilməz. Ümumilikdə bir şəxsin idarə heyətinə seçilmə sayında məhdudiyyət yoxdur;
• seçkilərin dəqiq tarixi idarə heyəti tərəfindən 2 ay qabaqcadan qərarlaşdırılır və bu barədə məlumat istifadəçi qrupunun bütün üzvlərinə verilir. Bundan sonra seçki prosesi başlayır;
• 2 ay ərzində namizəd şəxslər öz namizədliklərini təqdim etməlidirlər. Namizədlər fəaliyyətləri haqqında, niyə namizəd olduqları haqqında və idarə heyətinin tərkibində necə fəaliyyət göstərməyi planlaşdırdıqları haqqında qısa məlumat verməlidir. Bu dövrdə istifadəçi qrupunun üzvləri namizədlərə öz suallarını verə bilərlər;
• idarə heyəti namizədlərin şərtlərə uyğun olub-olmadıqlarını yoxlamalıdır. Ancaq tələbləri ödəyən namizədlər seçkidə iştirak edə bilərlər;
• seçkilərdə ancaq 6 ay əvvəldən istifadəçi qrupuna üzv olmuş şəxslər iştirak edə bilərlər. Səsvermə anonim formada aparılır. İdarə heyətinə namizəd olan şəxslər də səsvermədə iştirak edə bilər;
• seçki prosesi seçicilərin namizədləri yuxarıdan aşağıya doğru sıralaması formasında aparılır (ətraflı). Hər seçici ən çox münasib gördüyü namizədi ilk sırada göstərir, ən az münasib gördüyü namizədi son sırada göstərir. İdarə heyətinə namizəd olan şəxslər seçkilərdə özlərini dəstəkləyə bilməzlər. Seçkilərə əsasən ən çox bal toplayan 5 namizəd idarə heyətinə seçilir. Namizədlərin balları bərabər olduqda və həmin bərabərlik bəzi namizədlərin idarə heyətinə seçilməməsinə təsir edərsə, ən çox ilk sırada göstərilmiş namizəd(lər)ə üstünlük verilir. Əgər status-kvo davam edərsə, ən çox 2-ci yerdə göstərilmiş namizədə üstünlük verilir və s.
• səsvermənin gedişatına idarə heyəti tərəfindən seçilmiş 2 üzv nəzarət edir. Biri idarə heyətinin üzvü, digəri idarə heyətindən olmayan istifadəçi qrupu üzvü ola bilər;
• seçilən 5 namizəd öz aralarında səsvermə ilə idarə heyətinin sədrini seçirlər. Digər vəzifələr də seçilən namizədlər arasında bölüşdürülür. Sonradan vəzifə yerləri dəyişdirilə bilməz.
• idarə heyətindən uzaqlaşdırma və ya istefa halları baş verdikdə vakant yerlər üçün növbədənkənar seçkilər keçirilməlidir və idarə heyətindəki vakant yerlər üçün üzvlər seçilməlidir. Növbədənkənar seçkilər haqqında məlumat 1 ay qabaqcadan verilir. İdarə heyətindən uzaqlaşdırma halı daimi seçkilərin baş tutmasına 6 ay qalmış baş verərsə, idarə heyəti mövcud tərkiblə fəaliyyətinə davam etməlidir və bu halda növbədənkənar seçkilər keçirilmir. Bu vaxt ərzində həmin vəzifəni müvəqqəti olaraq idarə heyəti üzvlərindən biri öz üzərinə götürür.