 |
 |
Gecemiz.az |  |
 |
Əli Xanəli oğlu Əliyev (qaz. Әли Ханәлиұлы Әлиев; 27 oktyabr 1980[1][2], Almatı, SSRİ) — yarımmüdafiəçi mövqeyində çıxış etmiş Qazaxıstan futbolçusu. Məşqçi.
| Əli Əliyev | ||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Əli Əliyev 2008-ci ildə | ||||||||||||||||||||||||||||||||||||||||||||||||||||||||||||||||||||||
| Ümumi məlumatlar | ||||||||||||||||||||||||||||||||||||||||||||||||||||||||||||||||||||||
| Doğum tarixi | 27 oktyabr 1980[1][2] (44 yaş) | |||||||||||||||||||||||||||||||||||||||||||||||||||||||||||||||||||||
| Doğum yeri | ||||||||||||||||||||||||||||||||||||||||||||||||||||||||||||||||||||||
| Vətəndaşlığı | ||||||||||||||||||||||||||||||||||||||||||||||||||||||||||||||||||||||
| Boyu | 175 sm | |||||||||||||||||||||||||||||||||||||||||||||||||||||||||||||||||||||
| Mövqeyi | yarımmüdafiəçi | |||||||||||||||||||||||||||||||||||||||||||||||||||||||||||||||||||||
| Karyerası | ||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||
Əli Əliyev 27 oktyabr 1980-ci ildə Almatı şəhərində anadan olub. Milliyətcə azərbaycanlıdır.[3][4] Əcdadları 1944-cü ildə Gürcüstan SSR-dən Qazaxıstan SSR-yə deportasiya ediliblər.[3]
Almatı şəhərində yerləşən 2 saylı İxtisaslaşdırılmış Uşaq-Gənclər Olimpiya Ehtiyatları Məktəbinin yetirməsi olan Əli, peşəkar futbolçu karyerasına 1997-ci ildə, Qazaxıstan Birinci Liqasında çıxış edən "Kayrat-2" klubunda start verib.[5] 1998-2000-ci illər ərzində "MOİK-Kayrat", 2001-2006-cı illər ərzində isə "Kayrat" komandasının heyətində çıxış edib. "Kayrat"ın heyətində bir dəfə çempionatın, iki dəfə isə ölkə Kubokunun qalibi olub.
2007-ci ildə Türkiyəyə yollanıb və beş il burada çıxış edib. Bu müddət ərzində o, "Akçaabat Sebatspor" (2007), "Kayseri Ərciyəsspor" (2007—2009), "Qartalspor" (2009—2010) və "Diyarbakırspor" (2010—2011) komandalarında forma geyinib.
2012-ci ilin yanvarında Qazaxıstana qayıdıb və Pavlodarın "İrtış" klubu ilə müqavilə bağlayıb.[6] Lakin yeni komandasında oyun praktikası baxımından çətinlik çəkdiyindən, yayda Kostanayın "Tobol" klubuna keçmək qərarına gəlib.[7]
2013-cü ildə Öskemen şəhərinin "Vostok" klubunda çıxış edib.[8] 2014 mövsümündə Çimkəndin "Ordabası" komandasında oynayan məşqçi kimi fəaliyyət göstərib.[9]
2015-ci ildə Petropavlovskun "Kızıl-Jar" komandasına transfer olunub. 2018-ci ilə qədər burada çıxış edən futbolçu, klubun heyətində ümumilikdə 84 oyun keçirib, 6 qol vurub.[5]
7 iyul 2002-ci ildə Estoniya milli komandasına qarşı keçirilmiş yoldaşlıq oyununda Qazaxıstan milli futbol komandasının heyətində debüt edib. Yığmanın heyətində ikinci və sonuncu görüşünü 23 may 2008-ci ildə yoldaşlıq oyunu çərçivəsində Rusiya millisinə qarşı keçirib.[10]
2019-cu ilin yanvar ayında Qazaxıstan Birinci Liqasında çıxış edən "Kızıl-Jar" klubuna baş məşqçi təyin olunub.[11] Mövsümün yekununda "Kızıl-Jar" Birinci Liqanın qalibi olub və Premyer Liqada çıxış etmək hüququ qazanıb, Əliyev isə Birinci Liqanın ən yaxşı məşqçisi adını qazanıb.[12]
2021-ci ilin yanvar-aprel aylarında "Şaxtyor Qarağandı", iyun-noyabr aylarında isə "Astana-Jas" komandasında baş məşqçi kimi çalışıb.[5]
2022-ci ilin yanvar-aprel ayları aralığında "Jenis" klubunun baş məşqçisi olub. Eyni ilin aprel ayında ikinci dəfə "Kızıl-Jar" klubunun "sükanı arxasına" keçib. 2025-ci ilin yanvar ayında komandadan ayrılıb.[13]
2025-ci lin fevral ayında Qazaxıstan milli komandasının müvəqqəti baş məşqçisi təyin olunub.[14]
Əlinin kiçik qardaşı Pirəli də peşəkar futbolçu olub. Karyerası ərzində yalnız Qazaxıstan klublarının formasını geyinmiş futbolçu, yarımmüdafiəçi və müdafiəçi mövqelərində çıxış edib.[15]
Kayrat
Kızıl-Jar
 |
 |
GECEMIZ.AZ |  |
 |
|
