 |
 |
Gecemiz.az |  |
 |
Fərrux Mirzəmməd oğlu Həşimov (24 mart 1988, Sumqayıt – 31 oktyabr 2020, Xocavənd rayonu) — Azərbaycan Müdafiə Nazirliyinin Hərbi Dəniz Qüvvələrinin kapitan-leytenantı; 2020-ci ildə Qarabağ müharibəsi zamanı Xocavənd rayonu ərazisində, Qızılqaya zirvəsi (432.9 m.) uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Fərrux Həşimov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Sumqayıt, Azərbaycan SSR |
| Vəfat tarixi | (32 yaşında) |
| Vəfat yeri | Xocavənd rayonu, Azərbaycan |
| Dəfn yeri | Sumqayıt Şəhidlər Xiyabanı |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Hərbi Dəniz Qüvvələri |
| Xidmət illəri | 2010—2020 |
| Rütbəsi | Şablon:Kapitan-leytenant/Azərbaycan |
| Döyüşlər | |
| Təltifləri |
       |
Fərrux Mirzəmməd oğlu Həşimov 1988-ci il, martın 24-də Sumqayıt şəhərində anadan olub.[2][1]
2006-ci ildə Cəmşid Naxçıvanski adına hərbi liseydən məzun olub.[1]
2010-cu ildə Azərbaycan Ali Hərbi Dənizçilik Məktəbini, 2011-ci ildə Heydər Əliyev adına Azərbaycan Ali Hərbi Məktəbini və "Zabitlər kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 23 iyun 2010-cu il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 10 il ərzində DGD desant gəmiləri divizionunun orta desant gəmisinin (D431) şturmanı, DGD desant gəmiləri divizionunun orta desant gəmisisi (D431) komandirinin köməkçisi, hərbi hissənin naviqasiya və okean xidməti hidrometeorologiya bölməsinin zabiti-bölmə rəisinin köməkçisi, hərbi hissənin hidrometeorologiya bölməsi rəisinin köməkçisi, hidroqrafiya gəmiləri divizionu qərargah rəisinin naviqasiya üzrə köməkçisi, xüsusi təyinatlı dəstənin (sualtı müdafiə) xüsusi təyinatlı qrupunun zabiti (qrup komandirinin köməkçisi)-dalğıc, xüsusi təyinatlı dəstənin xüsusi təyinatlı qrup komandiri - dalğıc, xüsusi təyinatlı taborun (xüsusi əməliyyatlar) gəmi əməliyyatları dəstəsinin xüsusi təyinatlı qrup komandiri-dalğıc, gəmi əməliyyatları dəstəsinin xüsusi təyinatlı qrup komandiri-dalğıc vəzifələrində xidmət edib.[1]
Müxtəlif illərdə müdafiə nazirinin əmrləri ilə "Qüsursuz xidmətə görə" 3-cü dərəcəli medalı, Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın, Hadrutun, Füzulinin və Qubadlının azad edilməsi uğrunda gedən döyüş əməliyyatlarına qatılıb. Oktyabrın 31-də Xocavənd rayonu ərazisində, Qızılqaya zirvəsi (432.9 m.) istiqamətində döyüş tapşırığının icrası zamanı şəhid olub.[1] Sumqayıt Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Qubadlının azad olunmasına görə" və "Vətən uğrunda" medalları ilə təltif edilib.[4][5][6][7][8]
Evli idi. Hüseyn adında oğlu var.
 |
 |
GECEMIZ.AZ |  |
 |
|