 |
 |
Gecemiz.az |  |
 |
Bu məqaləni vikiləşdirmək lazımdır. |
Bu məqalədə heç bir məlumatın mənbəsi göstərilməmişdir. |
Minirə Xulusi qızı Dilbazi (9 aprel 1937, Bakı) — musiqiçi, sənətşünaslıq namizədi (1982), professor (1993), Bakı Musiqi Akademiyasının ümumi fortepiano kafedrasının müdiri. AHİŞ-in Fəxri Fərmanı ilə təltif olunmuşdur.
| Minirə Dilbazi | |
|---|---|
 | |
| Ümumi məlumatlar | |
| Doğum tarixi | 9 aprel 1937 (88 yaş) |
| Doğum yeri | |
| Musiqiçi məlumatları | |
| Fəaliyyəti | pianoçu, musiqiçi |
| Musiqi aləti | piano |
| Təhsili | |
Minirə Xulusi qızı Dilbazi 1937-ci ildə Bakı şəhərində anadan olmuşdur. Əslən Qazax rayonunun Xanlıqlar kəndinin Dilbazilər soyundandır. Ü.Hacıbəyov adına Bakı Musiqi Akademiyasını (Azərbaycan Dövlət Konservatoriyasını) fortepiano ixtisası üzrə müvəffəqiyyətlə bitirdikdən sonra 1961-ci ildə ümumi fortepiano kafedrasında pedaqoji fəaliyyətə başlamışdır (müəllim, baş müəllim, dosent). 1993-cü ildən indiyə qədər professor və kafedra müdiri vəzifələrində çalışır. İşlədiyi 40 il müddətində onun sinfini 240 nəfər bitirmişdir. Bu tələbələrdən bəziləri aşağıda qeyd olunan şəxslərdir:
M.X.Dilbazinin pedaqoji fəaliyyəti elmi-tədqiqat işi ilə sıx əlaqələndirilir. 1982-ci ildə Moskvada Ümumittifaq Elmi-Tədqiqat İncəsənət İnstitutunda namizədlik dissertasiyasını müvəffəqiyyətlə müdafiə etdikdən sonra o, sənətşünaslıq namizədi dərəcəsi almışdır.
M.X.Dilbazi 30-a yaxın elmi və metodiki işin müəllifidir. Onun aşağıdakı elmi işləri xüsusilə qeyd edilməlidir: "Bakının musiqi keçmişindən (XIX əsrin ikinci yarısı – XX əsrin əvvəli)" monoqrafiyası. "İşıq", Bakı, 1985, 136 s. Bu kitabda ilk dəfə tədqiq olunmamış arxiv materialları elmi dövriyyəyə daxil edilir və "Azərbaycanın musiqi tarixi", "Fortepiano ifaçılığı tarixi" fənnlərinin tədrisində dərs vəsaiti kimi istifadə olunur.
"Tarixin səhifələri Peterburq estradasında" elmi məqaləsi – "Sovetskaya muzıka" jurnalı, Moskva,1993, № 12 s.136-137. Bu məqalədə müəllif rus oxucusuna Azərbaycan musiqi mədəniyyətinin tarixinə dair maraqlı məlumatlar təqdim etmişdir.
Elmi-metodiki işləri arasında 6 metodik broşür, o cümlədən, 3 tədris proqramı nəşr edilmişdir. Bunlardan "Müasir dövrdə ümumi fortepiano tədrisinin təkmilləşdirilməsinə dair" (Bakı, 1995, 42 s.) metodiki işi və başqaları qeyd edilə bilər.
Müxtəlif ixtisaslı peşəkar musiqiçilərin yetişdirilməsində, "Ümumi fortepiano fənninin rolu və əhəmiyyəti" mövzusunda l Ümumrespublika elmi-metodiki konfransının keçirilməsinə müəllim, aspirant və tələbələrin cəlb olunmasında M.X.Dilbazinin təşkilatçılıq və elmi bacarığı xüsusi olaraq qeyd edilməlidir.
Azərbaycanın şəhər və rayonlarında ziyalıların, məktəblilərin və zəhmətkeşlərin qarşısında tələbələrinin iştirakı ilə keçirdiyi leksiya-konsertlər yerli qəzetlərdə dəfələrlə qeyd edilmiş və buna görə M.X.Dilbazi bir çox Fəxri Fərmanlarla təltif olunmuşdur. Azərbaycan təhsilinin inkişafına göstərdiyi xidmətlərinə görə Azərbaycan Respublikası Prezidenti tərəfindən "Əməkdar müəllim" adına layiq görülmüşdür.
Xüsusilə qeyd etmək lazımdır ki, M.X.Dilbazi Bakı Xalq Konservatoriyası təşkil olunduğu gündən ümumi fortepiano fənnini tədris etmişdir. Gənclər və zəhmətkeşlərin musiqi-estetik tərbiyəsində fəal iştirakına görə AHİŞ-in Fəxri Fərmanı ilə təltif olunmuşdur. Respublikanın əmək veteranıdır.
 |
 |
GECEMIZ.AZ |  |
 |
|