. Gecemiz.az

Qriqori Cursin - Wikipedia - Gecemiz.az

Ana Səhifə - Qriqori Cursin

Qriqori Çursin Filippoviç (rus. Григорий Филиппович Чурсин; 10 (22) yanvar 1874[1] və ya 22 yanvar 1874[2], Yeysk, Kuban vilayəti[d][1] – 15 oktyabr 1930[3][2], Tiflis[3]) — Sovet etnoqrafı və Qafqaz üzrə mütəxəssis, Leninqrad Universitetinin professoru.

Qriqori Çursin
Doğum tarixi 10 (22) yanvar 1874[1] və ya 22 yanvar 1874(1874-01-22)[2]
Doğum yeri
  • Yeysk, Kuban vilayəti[d], Rusiya imperiyası[1]
Vəfat tarixi 15 oktyabr 1930(1930-10-15)[3][2] (56 yaşında)
Vəfat yeri
  • Tiflis, Gürcüstan SSR, ZSFSR, SSRİ[3]
Elm sahələri etnoqrafiya, tarix, qafqazşünaslıq
İş yeri
  • Sankt-Peterburq Dövlət Universiteti

Həyatı

redaktə

1874-cü il yanvarın 10-da Yeyskdə dülgər ailəsində anadan olub.[4] 1888-ci ildə şəhər məktəbini bitirib, Tiflis Müəllimlər İnstitutuna daxil olub. 1894-cü ildə buradan məzun olub. İnqilabi aksiyalarda iştirak etdiyinə görə Mangistaudakı qalaya sürgün edilib. 1897-ci ildə qayıdıb Qafqaz Filoksera Komitəsinə təlimatçı kimi işləməyə başlayıb. Eyni zamanda etnoqrafik material da toplamağa başlayıb. 1905-1916-cı illərdə Zaqafqaziya Statistika Komitəsində redaktor işləyib. 1916-1918-ci illərdə Tiflisdəki Qafqaz muzeyində Qafqaz etnoqrafiyası şöbəsinin kuratoru vəzifəsində çalışıb. 1921-ci ildən 1924-cü ilə qədər Tiflisin kitab depolarında işləyib. 1924-cü ildə Zaqafqaziya Mərkəzi İcraiyyə Komitəsi yanında Zaqafqaziya Elmi Birliyinin Tarix-etnologiya şöbəsinin müdiri təyin edilib. Eyni zamanda SSRİ Elmlər Akademiyasının Qafqaz Tarix-Memarlıq İnstitutunda da işləyib. 1928-ci ildən Zaqafqaziya Kommunist Universitetinin elmi-tədqiqat və tarix kafedrasında çalışmışdır. 1930-cu il oktyabrın 15-də Tiflisdə vəfat etmişdir.[5]

İstinadlar

redaktə
  1. ↑ 1 2 3 4 https://bioslovhist.spbu.ru/person/3194-cursin-grigorij-filippovic.html.
  2. ↑ 1 2 3 4 საქართველოს ბიოგრაფიული ლექსიკონი (gürc.). 2001.
  3. ↑ 1 2 3 4 ГРИГОРИЙ ФИЛИППОВИЧ ЧУРСИН (1874-1930).
  4. ↑ Д. В. Боднарчук, Е. А. Ростовцев. "Чурсин Григорий Филиппович". Биографика (rus).
  5. ↑ Джапуа З. Д., Барциц Н. С. Григорий Филиппович Чурсин (1874—1930) // Кунсткамера (rus). № 2(4). 2019. 204—215. 2024-03-09 tarixində arxivləşdirilib.
Mənbə — "https://az.wikipedia.org/wiki/?q=Qriqori_Çursin&oldid=8055165"
GECEMIZ.AZ