 |
 |
Gecemiz.az |  |
 |
Topqarağac məscidi — 1899-1902-ci illərdə tikilmiş tarix-memarlıq abidəsi, məscid. Azərbaycanın Şəki şəhərində yerləşir.
| Topqarağac məscidi | |
|---|---|
 | |
 | |
| 41°11′14″ şm. e. 47°10′14″ ş. u.HGYO | |
| Ölkə |
 Azərbaycan |
| Şəhər | Şəki |
| Yerləşir | M.Ə.Rəsulzadə küçəsi, 70 |
| Tikilmə tarixi | 1899-1902 |
| Vəziyyəti | stabil |
| İstinad nöm. | 4973 |
| Kateqoriya | Məscid |
| Əhəmiyyəti | Yerli əhəmiyyətli |
  Topqarağac məscidi |
|
 Vikianbarda əlaqəli mediafayllar | |
Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə minarə yerli əhəmiyyətli daşınmaz tarix və mədəniyyət abidələrinin siyahısına salınıb.
Topqarağac məscidi 1899-1902-ci illərdə Şəki şəhərinin Topqarağac məhəlləsində tikilib. İç sahəsi 24x12 metr, eyvanının sahəsi isə 24x4.5 metrdir. Məscid biçmiş kərpic və çaylaq daşından tikilib.[1]
Azərbaycanda sovet işğalından sonra rəsmi olaraq 1928-ci ildən dinlə mübarizəyə başladılar.[2] Həmin ilin dekabrında Azərbaycan KP MK-i bir çox məscid, kilsə və sinaqoqları maarifləndirici istiqamətlərdə istifadə üçün klubların balansına verdi.[3] Əgər 1917-ci ildə Azərbaycanda 3.000 məscid var idisə 1927-ci ildə bu rəqəm 1.700, 1928-ci ildə 1369, 1933-cü ildə isə 17 idi.[3][4] Bu dövrdə Topqarağac məscidi də ibadətə bağlanıb. Məscidin binasından anbar və tikiş sexi kimi istifadə olunub.[1]
Azərbaycan müstəqilliyini yenidən bərpa etdikdən sonra məscidin həm özü həm də nəzdində mədrəsə fəaliyyət göstərməyə başlayıb.[1]Azərbaycan Respublikası Nazirlər Kabinetinin 2 avqust 2001-ci ildə verdiyi 132 nömrəli qərar ilə yerli əhəmiyyətli daşınmaz tarix və mədəniyyət abidələrinin siyahısına salınıb.[5] 2018-ci ildə məscid ibadətə bağlanıb.[6]
 |
 |
GECEMIZ.AZ |  |
 |
|
