 |
 |
Gecemiz.az |  |
 |
| Rəvan Bağırov |
|---|
Rəvan Aydın oğlu Bağırov (30 oktyabr 1986, Bakı, Azərbaycan SSR) — azərbaycanlı radioaparıcı, kreativ direktor, bloqqer, qrafik dizayner, peşəkar fotoqraf, MANPASI səhər radio şousu və YouTube layihəsinin yaradıcısı və aparıcılarından biri.[1][2][3] O, daha çox DJ Fatehlə birgə yaratdıqları MANPASI YouTube layihəsi ilə, şəxsi Instagram səhifəsində özünəməxsus tərzdə paylaşdığı məzmun ilə, eləcə də MANPASI səhər radio şousunun aparıcılarından biri kimi tanınır.[4][5][6][7][8]
Rəvan Bağırov 30 oktyabr 1986-cı ildə Bakı şəhərində Aydın və İradə Bağırovlar ailəsində anadan olmuşdur. Atası Aydın Bağırov ümumi cərrah, anası İradə Bağırova orta məktəbdə riyaziyyat müəllimi vəzifəsində çalışır. 1993-cü ildə ibtidai təhsili N. Nərimanov rayonunda yerləşən 193 saylı məktəbdə almışdır. Orta təhsilini 2004-cü ildə N. Nərimanov rayonunda yerləşən 45 saylı orta məktəbdə əlaçı kimi bitirmişdir. 2004-cü ildə Azərbaycan Dövlət İqtisad Universitetinə daxil olmuşdur. 2008-ci ildə ali bakalavr təhsilini qırmızı diplomla bitirmişdir. 2008-ci ildə hərbi xidmətə yollanıb, 2009-cu ildə hərbi xidmətini bitirmişdir.
2011-ci ildə DJ Fateh ilə birgə yaratdıqları MANPASI youtube layihəsi Azərbaycanın həmin dövrdə ən çox izlənilən internet verilişinə çevrilmişdir. İnternet sərhədlərini aşaraq, Media FM radiostansiyasında səhər şousuna çevrilən layihə, hal-hazırda isə İctimai Radioda yayımlanan Azərbaycanda bütün zamanların ən dinlənilən səhər şousudur.[26]
 |
 |
GECEMIZ.AZ |  |
 |
|