 |
 |
Gecemiz.az |  |
 |
Həmidov Şaiq Məmməd oğlu (9 oktyabr 1951, Mingəçevir – 7 iyun 2020) — Azərbaycan Milli Paralimpiya Komitəsinin vitse-prezidenti.[1]
| Şaiq Həmidov | |
|---|---|
| Şaiq Məmməd oğlu Həmidov | |
| Doğum tarixi | 9 oktyabr 1951 |
| Doğum yeri | |
| Vəfat tarixi | 7 iyun 2020 (68 yaşında) |
| Həyat yoldaşı | Elmira Həmidova |
| Uşaqları | Gülşən, İnarə, Fidan |
| Atası | Məmməd Həmidov |
| Anası | Anaş Həmidova |
| Milliyyəti | azərbaycanlı |
| Mükafatları |
 |
9 oktyabr 1951-ci ildə Mingəçevir şəhərində anadan olmuşdur. Özbəkistan SSR-də Daşkənd Rus dili və Ədəbiyyatı İnstitutunu bitirmişdir. 1969-cu ildə Mingəçevir şəhərində əmək fəaliyyətinə başlamış və bir sıra idarə və müəssisələrdə müxtəlif işlərdə çalışmışdır.
1983-cü ildən 1995-ci ilə kimi Azərbaycan "Spartak" Könüllü İdman cəmiyyəti Mingəçevir şəhər şurasının sədri, Azərbaycan OAD KYC Mingəçevir avtomobil məktəbində rəis müavini, xalq deputatları Sovetində təşkilat şöbəsinin müdiri vəzifəsində işləmişdir.
1991-ci ildən 2006-cı ilə kimi Mingəçevir şəhər İcra hakimiyyəti başçısının müavini, Mingəçevir şəhər avtomobil məktəbinin rəisi, Azərbaycan Respublikası KHVTİC RS-i sədrinin müavini vəzifələrində çalışmışdır.
2006-cı ildən 8 fevral 2013-cü ilə kimi Azərbaycan Milli Paralimpiya Futbolu İctimai Birliyinin Vitse prezidenti, Azərbaycan Əlillər Futbolu Federasiyasının prezidenti və Milli Paralimpiya Komitəsinin İcraçı Direktoru vəzifələrində işləmişdir.[2]
8 fevral 2013-cü ildə Milli Paralimpiya Komitəsinin IV hesabat Seçki Konqresində Milli Paralimpiya Komitəsinin Vitse prezidenti vəzifəsinə seçilmişdir. 2008-ci ildə Pekin, 2012-ci ildə London Yay Paralimpiya Oyunlarında iştirak edən Azərbaycan nümayəndə heyəti rəhbərinin müavini olmuşdur.
7 iyun 2020-ci ildə vəfat etmişdir.[3]
2016-cı ildə "Tərəqqi" medalı ilə təltif edilib.[4]
 |
 |
GECEMIZ.AZ |  |
 |
|