 |
 |
Gecemiz.az |  |
 |
Anar Sahib oğlu Nağıyev (30 oktyabr 1989, Kirovabad – 8 noyabr 2020, Şuşa rayonu) — Azərbaycan Müdafiə Nazirliyinin Baş Qərargahının tabeliyində olan Xüsusi Təyinatlı Qüvvələrinin giziri; 2020-ci ildə Qarabağ müharibəsi zamanı Şuşanın azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Anar Nağıyev | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Gəncə, Azərbaycan SSR |
| Vəfat tarixi | (31 yaşında) |
| Vəfat yeri | Şuşa, Azərbaycan |
| Dəfn yeri | Qazax rayonu, Azərbaycan |
| Vətəndaşlığı |
 Azərbaycan |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Xüsusi Təyinatlı Qüvvələr |
| Xidmət illəri | 2008—2009 / 2010—2020 |
| Rütbəsi | |
| Döyüşlər | |
| Təltifləri |
        |
Anar Sahib oğlu Nağıyev 1989-cu il, oktyabrın 30-da Gəncə şəhərində anadan olub.[2][1]
2005-ci ildə Qazax rayon S. Nəsirov adına Ürkməzli kənd tam orta məktəbindən məzun olub.[1][1]
2008-ci ildə Qazax Rayon Hərbi Komissarlığı tərəfindən müddətli həqiqi hərbi xidmətə çağırılıb və 2008–2009-cu illərdə N saylı hərbi hissədə xidmət edib.[1]
2010-cu ildə Azərbaycan Silahlı Qüvvələrin Təlim və Tədris Mərkəzinin "MAHHXHQ hazırlığı", 2013-cü ildə isə hərbi hissənin nəzdində "Gizir hazırlığı" kurslarını bitirib.[1]
Azərbaycan müdafiə naziri, general-polkovnik Səfər Əbiyevin 22 iyul 2013-cü il tarixli əmri ilə "K/gizir" hərbi rütbəsi, Silahlı Qüvvələrin Baş Qərargah rəisi, general-polkovnik Nəcməddin Sadıqovun 14 iyun 2019-cu il tarixli əmri ilə "gizir" hərbi rütbəsi verilib.[1]
Azərbaycan Silahlı Qüvvələrində xidmət etdiyi 10 il ərzində motoatıcı taborun minaatan batareyasının minaatan taqımının minaatan komandiri, motoatıcı taborun minaatan batareyasının minaatan taqımı komandirinin müavini - minaatan komandiri, xüsusi təyinatlı alayın xüsusi təyinatlı qrupunun kəşfiyyatçısı (radioteleqrafçı), rabitə bölüyünün reqlament və texniki xidmət manqasının komandiri - texniki, xüsusi əməliyyat taborunun xüsusi əməliyyat qrupunun kəşfiyyatçısı vəzifəsində xidmət edib.[1]
Müxtəlif illərdə müdafiə nazirinin əmrləri ilə "Şücaətə görə", "Hərbi xidmətdə fərqlənməyə görə" 3-cü dərəcəli, "Qüsursuz xidmətə görə" 3-cü dərəcəli medalları, Azərbaycan Silahlı Qüvvələrinin 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Murovdağ zirvələri uğrunda gedən xüsusi əməliyyata, həmçinin Cəbrayılın, Hadrutun və Şuşanın azad edilməsi uğrunda gedən döyüş əməliyyatlarına qatılıb. Noyabrın 8-də Şuşa şəhəri ərazisində xidməti vəzifəsinin icrası zamanı şəhid olub.[1] Qazax rayonunun Ürkməzli kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Şuşanın azad olunmasına görə", "Kəlbəcərin azad olunmasına görə" və "Vətən uğrunda" medalları ilə təltif edilib.[4][5][6][7][8]
Evli idi. Anara adında bir qızı var.
 |
 |
GECEMIZ.AZ |  |
 |
|