Muzakire Ana Sehife Arxiv 17 - Wikipedia - Gecemiz.az

@Atakhanli, salam, bəy. Mümkündürsə, bu bölmədəki Qarabağ FK ilə bağlı xəbər üçün uyğun bir şəkil varsa, onu qoya bilərsən? Hazırkı şəkil köhnədir (3 həftə). Hörmətlə, Gadir^müzakirə 21:58, 25 fevral 2024 (UTC)

salam həmkar. commonsda varmı elə bil şəkil? inanmıram müəllif hüququ olmayan foto ola açığı. Atakhanli (müzakirə) 22:24, 25 fevral 2024 (UTC)

 Y Atakhanli, Gadir — müvafiq şəkil əlavə olundu.— Nicat^{49   ⋠müzakirə⋡} 01:18, 26 fevral 2024 (UTC)

Salam. Ana səhifədən Türk dilli Vikipediyalara keçidin yığışdırılmasını təklif edirəm. Bu keçidlərin heç bir əhəmiyyəti yoxdur. Eminn (müzakirə) 20:15, 20 aprel 2024 (UTC)

Mümkünsə kimsə keçid verilən vikilərdən neçəsində(hansılarda) oxşar bölmənin olduğunu qeyd edərdi də.— Bikar ^müzakirə 20:23, 20 aprel 2024 (UTC)

Cənubi Azərbaycan, Çuvaş, Krım-tatar, Qaraqalpaq, Özbək, Tatar, Tıva, Türkmən, Uyğur, Yakut dillərində mövcuddur. Çoxunda var. Amma bununla nə demək istəyirik? Əsas məsələ budur. Turan ideyasını təbliğ edirik? Ana səhifəyə daxil olan istifadəçini həmin dillərə niyə yönləndiririk ki? Eminn (müzakirə) 20:30, 20 aprel 2024 (UTC)

Məncə də o bölməni ləğv etmək lazımdır. Araz Yaquboglu (müzakirə) 03:30, 21 aprel 2024 (UTC)

Niyə görə? Orada təbliğlik nə var ki? Sadəcə qeyd olunub. Türkdilli vikipediyaların bir arada olması və qeyd olunması yaxşıdır düşünürəm. Durur da, nə zərəri və maneəçiliyi var ki? Niyə görə hesab edirsiniz ki əhəmiyyəti yoxdur? Bir vaxtlar "günün seçilmiş şəkli" bölməsinin də yığışdırılmasını təklif etdiyinizi xatırlayıram. Hörmətlə, Gadir^müzakirə 03:43, 21 aprel 2024 (UTC)

Hər halda ingilisdilli versiyadakı kimi digər vikipediyaları da qeyd etmək olar, cari məqalə sayı ilə. Amma bunlar da qalsın, cari məqalə saylarını qeyd etmək olar. Hörmətlə, Gadir^müzakirə 03:44, 21 aprel 2024 (UTC)

@Atakhanli, @White Demon, @Sura Shukurlu, @Samral, @Solavirum, @Nemoralis kimi istifadəçilərin də fikirləri maraqlıdır. Hörmətlə, Gadir^müzakirə 03:48, 21 aprel 2024 (UTC)

Eminn Həmin bölmədə Azərbaycan dilinə yaxın olan digər dil bölmələri göstərilib sadəcə, burada Turan falan quran və ya qurmaq istəyən kimsə də yoxdur. O zaman belə çıxır ki, sizin də mənsubu olduğunuz "Türkdilli vikimediyaçılar" istifadəçi qrupunun vikimediaçılarıda turanı təbliğ edir ? Hərdən burada təklif xətrinə təkliflər verilir. Bunu qətiyyən doğru hesab etmirəm. — Bu imzasız yazı Baskervill (m • t) adlı istifadəçi tərəfindən əlavə edilib; 05:51, 21 aprel 2024 (UTC)

@Gadir, istifadəçi qrupunun məqsədləri qeyd edilib. Ana səhifədə olmasının önəmi nədir məsələn? Biz istifadəçiləri niyə həmin vikipediyalara yönləndiririk? Zərəri və maneəçiliyi yoxdur, bəs faydası nədir? Şəkil bölməsinin ləğvini ona görə istəmişdim ki, orda başlıq yazmırıq, sadəcə şəkil yerləşdiririk. Baxan istifadəçilər məlumat əldə etmirlər. Eminn (müzakirə) 06:55, 21 aprel 2024 (UTC)

Həmkar, hər ikisini də müzakirəyə çıxara bilərsiniz, əlbəttə. İndi mövzumuz barədə fikir bildirəcəm. Məncə, qalması məsləhətdir. Çünki Azərbaycan dili də türk dilidir və orada türkdilli vikilərin qeyd edilməsində problem görmürəm, düzdü, zəruri də deyil, amma hər halda qalması daha yaxşıdı. Faydası odur ki, oxucu digər türk dillərindəki məzmunla da və vikilərlə də tanış ola bilər rahat şəkildə. Həmçinin yuxarıda qeyd etdiyim təklifi də icra edə bilərik. İngilisdilli versiyanın ana səhifəsinə nəzər yetirin. Hörmətlə, Gadir^müzakirə 07:00, 21 aprel 2024 (UTC)

Digər tərəfdən Baskervill düz deyir, o zaman o qrupu da ləğv edək ki, Turan ideologiyasının təbliği üçün bir araya yığışırıq? :)) Hörmətlə, Gadir^müzakirə 07:02, 21 aprel 2024 (UTC)

@Gadir hələ Vikimedia fondunun maliyyə dəstəyi ilə həyata keçirilmiş Türk Vikimedia Konfransına nə demək olar ? Qalması daha məqsədə uyğundur. Ləğv edilməsi üçün tutarlı arqument yoxdur. Arqumentlər bir növ mən görmək istəmirəm, mənə belə xoşdur təəssüratı yaradır. Baskervill 07:07, 21 aprel 2024 (UTC)

Həmin bölmənin olmasının heç bir əhəmiyyəti yoxdur. İngilis, alman, holland, isveç, dan, norveç, şotland və s. dilləri german dilləri qohum dillərdi, german dilləridir. Amma EnViki həmin dilləri ana səhifəsində bu cür göstərir? Ya da RuVikidə slavyan dilləri üçün ana səhifədə ayrıca bölmə var? EnVikidə heç simple enviki üçün belə keçid yoxdur. Mənə çox maraqlıdır ki, indiyə qədər neçə nəfər ana səhifənin həmin bölməsi ilə digər türkcə vikilərə keçid edib. Ondansa fransızca, rusca, ispanca və s. kimi böyük dil bölmələrinə keçid qoymaq daha məntiqlidir. Mən vallah həmin vikilərə daha çox girmişəm, nəinki bu qeyd olunan dillərə. Kosmik Ozan ^utora! 11:20, 21 aprel 2024 (UTC)

Envikidəki kimi məqalə sayına görə düzə bilərik, təkrar tərtib edərik. Dediyim kimi, bu zəruri deyil, sadəcə olmağı yaxşıdır demişəm, oda ki, subyektiv fikrimdir. Hörmətlə, Gadir^müzakirə 11:22, 21 aprel 2024 (UTC)

@Baskervill, eynilə əks arqumetlər də "bizə belə xoşdur, qalmasını istəyirik" təəssüratı yaradır. Problemi yoxdur, qalsın. 2006-cı ildən Ana səhifədə yerləşdirmişik. Heç o vaxt da bir müzakirə getdiyini tapa bilmədim. Sadəcə @Mehrdad səhifəni yaradıb və əlavə edib. Eminn (müzakirə) 08:06, 21 aprel 2024 (UTC)

Vikinin təzə vaxtları olub, indi belə bir şey edəsi olsaq, konsensusla hərəkət edərdik, təbii ki. Qalsın deyirsinizsə, qalsın da)) Özünüz də problem olmadığını qeyd edirsiniz. Əsas odur ki, VP:MİLLİ pozulmayıb ki. Hörmətlə, Gadir^müzakirə 08:08, 21 aprel 2024 (UTC)

Ləğv olunmalıdır. O vaxtı türklər ləğv etmişdi. Rusca vikidə görmüsünüz ki, slavyan dilləri üçün hissə olsun Ana səhifədə? Ya da envikidə german dilləri üçün? Azərbaycan dilinin lüğətində çoxlu ərəb-fars mənşəli söz var, hətta türk dilləri arasında ən çox bu sözlərə malik olanıdır, onda samidilli və irandilli vikipediyaları da qoyaq. --► Hörmətlə: SolaVirum 10:12, 21 aprel 2024 (UTC)

Azərbaycan dili türk dilidir axı, ona görə türkdilli vikilər qoyulub. Envikidə məqalə sayına görə edirlər. Elə bir şeyə necə baxırsız? Hörmətlə, Gadir^müzakirə 11:18, 21 aprel 2024 (UTC)

 Y Müzakirəyə əsasən həmin bölmə silindi. Hörmətlə, Gadir^müzakirə 13:36, 1 iyun 2024 (UTC)

@Toghrul R günün seçilmiş şəklinə baxardız. Araz Yaquboglu (müzakirə) 05:07, 14 may 2024 (UTC)

@Araz Yaquboglu,   Yerinə yetirildi, @Toghrul R, yeri gəlmişkən, həmin bölmə mobil versiyada görünmür. Türkdilli Vikipediyalar bölməsi də görünmürdü, amma o zatən konsensusla silindi. Hörmətlə, Gadir^müzakirə 13:51, 1 iyun 2024 (UTC)

Salam. Menyudakı bu ifadəni, təklif edirəm ki, "Təsadüfi məqalə" olaraq dəyişək, onsuz həmin keçid oxucuya məqalə təklif edir, digər səhifələr yox. Hörmətlə, Gadir^müzakirə 15:52, 15 may 2024 (UTC)

Məncə də. Kosmik Ozan ^utora! 16:33, 15 may 2024 (UTC)

Siyahılar necə? Araz Yaquboglu (müzakirə) 18:42, 15 may 2024 (UTC)

Araz bəy, onlar da "məqalə" gedir. Siyahı məqalələr. Fakt məqalə ad fəzasından başqa səhifə çıxmır orada. Sırf buna görə siyahılara səhifə demək doğru deyil, məncə. Hörmətlə, Gadir^müzakirə 18:45, 15 may 2024 (UTC)

@Nemoralis, bunu həll edə bilərsiz? Hörmətlə, Gadir^müzakirə 20:55, 18 may 2024 (UTC)

Burda söhbət hansı menyudan gedir? Soldakı sidebardırsa müzakirə niyə Ana səhifədə açılıb? İfadəni translatewiki:MediaWiki:Randompage/az səhifəsindən dəyişmək mümkündür. Amma nəzərə almaq lazımdır ki, translatewikidən edilən tərcümə bütün layihələrdə eyni olacaq. Yəni vikisitatda filan da "məqalə" yazılacaq. Nemoralis (müzakirə) 21:02, 18 may 2024 (UTC)

Bəli, onunla bağlıdır. Əslində indi fikir verdim, haqlısız ana səhifəyə aid bilib burda açmışam səhvən. Yox, o layihələrdə uyğun olmayacaq, sadəcə bunun üçün edə bilmərik? Hörmətlə, Gadir^müzakirə 21:09, 18 may 2024 (UTC)

Lokalda yarada bilərsiniz: MediaWiki:Randompage Nemoralis (müzakirə) 21:12, 18 may 2024 (UTC)

Təşəkkür edirəm. Vaxt edib imkan olsa aşağıdakı başlığa da nəzər yetirə bilərsiz? Hörmətlə, Gadir^müzakirə 21:15, 18 may 2024 (UTC)

Salam. Seçilmiş məzmunla bağlı qeydlər olsa ki, x məqalə ən son bu vaxt ana səhifəyə çıxıb, hesab edirəm, çox yaxşı olardı. Hörmətlə, Gadir^müzakirə 20:55, 18 may 2024 (UTC)

Eyni zamanda müvafiq məqalələrin müzakirə səhifələrində də bu qeyd edilsə yaxşı olar. Hörmətlə, Gadir^müzakirə 21:00, 18 may 2024 (UTC)

Məsələn, müəyyən müddət, yəni həftə ana səhifəyə çıxmamış məqalələr deyə siyahı olsa çox gözəl olar, texniki olaraq da mümkün olub alınsa belə bir şey. Hörmətlə, Gadir^müzakirə 21:08, 18 may 2024 (UTC)

Salam. Təklif edirəm ki, ana səhifənin yenilənməsində Azərbaycan vaxtından istifadə edək. Nə düşünürsünüz? Hörmətlə, Gadir^müzakirə 20:03, 26 may 2024 (UTC)

@Gadir, Azərbaycan vaxtının Azvikidə tətbiq edilməsi dəfələrlə müzakirə edilib və icma qərar verib ki, Vikipediyanın öz vaxtı daha məqsədə uyğundur. Axı bura Azərbaycan yox, azərbaycanca vikipediyadır. Azvikiyə təkcə Azərbaycandan daxil olmurlar. Kholat Syakhl (müzakirə) 13:23, 2 iyun 2024 (UTC)

Lokal vaxtın ümumi tətbiqi yox, ana səhifənin yenilənməsi üçün tətbiqi nəzərdə tutulub bu başlıqda. Hörmətlə, Gadir^müzakirə 13:41, 2 iyun 2024 (UTC)

@Gadir sizcə buna ehtiyac varmı ? Kholat Syakhl (müzakirə) 13:45, 2 iyun 2024 (UTC)

Mən lokal vaxt təklifini də hələ də dəstəkləyirəm, amma onun çox fərqi yoxdu. Ana səhifə isə hesab edirəm Bakı vaxtı ilə yenilənsə, daha yaxşı olar. Bu, mənim fikrimdir, təbii ki. Hörmətlə, Gadir^müzakirə 13:47, 2 iyun 2024 (UTC)

• Çinin Çane-6 kosmik gəmisinin eniş modulu Ayın uzaq tərəfindəki təyin olunmuş Cənub Qütbü-Eytken bölgəsinə uğurla enib. Bu barədə Çin Milli Kosmik Agentliyi (CNSA) məlumat yayıb.

Nemoralis, Gadir zəhmət olmasa yuxarıdakı xəbəri müvafiq bölməyə əlavə edərdiniz. Hörmətlə;— Kholat Syakhl (müzakirə) 13:25, 2 iyun 2024 (UTC)

 Y Cari həftəyə və növbəti həftəyə əlavə olundu. Hörmətlə, Gadir^müzakirə 13:45, 2 iyun 2024 (UTC)

23-cü Həftənin seçilmiş məqaləsi

Nemoralis, Ana səhifədəki həftənin seçilmiş məqaləsinin həcmi çox böyükdür. Zəhmət olmasa bu səhifədəki məzmun ilə əvəz edərdiniz Sözügedən keçiddə Ana səhifə ilə bağlı digər məsələlərdə qeyd edilib. Məsələn, seçilmiş siyahını ortadan bölmək lazımdır. Yaxşı məqalənin sonuncu cümləsini isə həcmi böyük olduğu üçün çıxarmaq gərəkdir. Hörmətlə;— Kholat Syakhl (müzakirə) 06:01, 3 iyun 2024 (UTC)

@Kholat Syakhl, diqqətin üçün təşəkkür edirəm. Mən də elə hiss etmişdim, sabah baxacaqdım, @Araz Yaquboglu bəy həll edib artıq. Siyahıya isə düzəlişləri məni qabaqlayan olmazsa, bir azdan edirəm.)) Hörmətlə, Gadir^müzakirə 10:36, 3 iyun 2024 (UTC)

@Gadir təşəkkür edirəm ✌️ Kholat Syakhl (müzakirə) 10:50, 3 iyun 2024 (UTC)

@Atakhanli, @Nicat49, @Kholat Syakhl, salam. Ana səhifə ilə maraqlanan istifadəçi/inzibatçı kimi fikirləriniz maraqlıdır. Sizcə, bu bölmədə max neçə başlıq olsun? Yenilər əlavə olunduqca köhnələr altdan-altdan silinməlidir, yoxsa siyahı bitmədən uzana-uzana gedir. Vizuallıq da pozulur. Bura xəbər lenti deyil, onu da nəzərə alaraq, fikirləriniz maraqlıdır. Envikidə 4-ü keçmirlər, məsələn. Təbii ki, bizə nisbətən ora daha tez-tez yenilənən yerdir. Hörmətlə, Gadir^müzakirə 07:08, 4 iyun 2024 (UTC)

@Gadir, 5 və yaxud 6 başlıq olmalıdır. Bəzi xəbər məzmunlarının uzun olduğunu nəzərə alıb, 5 başlıq etmək də olar. Hər yeni xəbər əlavə edildikcə ən aşağıdakı xəbər arxivləşdirilməlidir. Əgər tanınmış bir şəxs vəfat edibsə, onu ayrıca xəbər kimi yazmağın tərəfdarı deyiləm. Məsələn, Məmməd Məmmədov vəfat edibsə biz onu filankəs, filan yaşda vəfat edib kimi yox, aşağıda son ölümlər xanasında təqdim etməliyik. Sözügedən bölmə 5-6 il bundan əvvəl mənim tərəfimdən yaradılıb və hesab edirəm ki, Azvikinin ən uğurlu bölmələrindən biridir. Son olaraq şəkil məsələsini qeyd edim. Xəbərlər və Bilirsinizmi bölmələrində təqdim edilən fotoların həcmləri 110-120px-dən çox olmamalıdır. Bəzi həmkarlar 180px-lik fotonu ora əlavə edirlər və bu vizual baxımından çox pis görünür. Bu qədər. Hörmətlə; Kholat Syakhl (müzakirə) 07:13, 4 iyun 2024 (UTC)

Bir də aktivlik yoxdur, ona görə əmin deyiləm ki, lazımi maraq olacaq ya yox. Enviki kimi biz də müvafiq alt bölmə yaradıb ora da hansı xəbərlərin əlavə edilib-edilməməsi, diqqətəlayiq olub-olmaması barədə müzakirə (səsvermə) edə bilərik. Amma düşünün ki, 1 həftəyə qərar verənə kimi o xəbər də köhnəlsin artıq. Ona görə də bilmirəm necə olar. Hər halda gələcəkdə olar, indi olmasa da. Son ölümlərlə bağlı fikrinizlə razıyam, bəli. Hadisədə ölənləri də eləcə, hadisə qeyd edilərkən ad da qeyd olunur, bir də son ölümlərə əlavə etmə lüzumu yoxdur, açığı. Piksellərə diqqət edirəm mən. Hörmətlə, Gadir^müzakirə 07:16, 4 iyun 2024 (UTC)

Gadir, Envikidə olan güncəl portalını Azvikidə də, yaradıb, Xəbərlərlər bölməsinə əlavə etmək lazımdır. Bəzi xəbərlər var ki, lokal xarakter daşıyır və Ana Səhifəyə çıxarılacaq qədər əhəmiyyətli olmur. Bütün bunlar isə siz demiş aktivlik üzərində qurulmuş məsələlərdir. Azviki kiçik icmadır və bizim kimi 70-80 vikipediyaçının olduğu vikilərdə belə xəbərlər bölməsi mövcuddur. Vallah mən türkməncə kimi vikipediyalara baxanda, Azvikinin halına min dəfə şükür edirəm. — Kholat Syakhl (müzakirə) 07:22, 4 iyun 2024 (UTC)

Salam. Əlbəttə ki, müəyyən limit olmalıdı. Minimum 5, maksimum 6 başlığın saxlanılmasının lehinəyəm. Son ölümlər bölməsinin də həmçinin. İndiki halda cəmi 2 şəxs qeyd olunub.— Nicat^{49   ⋠müzakirə⋡} 20:12, 4 iyun 2024 (UTC)

Ora əlavə etməyə məqalə yoxdu. Mövcud olmayan mövzuları da əlavə edə bilmərik, ona görə 2 nəfərdir. Onların da üstündən xeyli vaxt keçib, köhnəliblər, boş qalmasın deyə saxlanılıb. Amma lokal viki vəziyyəti də nəzərə alıb max son 1 ay içində ölənləri saxlamaq olar. 7-8 nəfər olar yəqin ki. Hörmətlə, Gadir^müzakirə 20:24, 4 iyun 2024 (UTC)

@Gadir əvvəlki ayların da ölüm statistikasına göz gəzdirin. — Bikar ^müzakirə 20:27, 4 iyun 2024 (UTC)

Baxdım. Yarı-yarı yaxud 3 dəfəyə 1 aya sığışdırmaqla əlavə etmək olar, amma bəzən ora əlavələr edilir və məqalələr yaradılır. Hörmətlə, Gadir^müzakirə 20:29, 4 iyun 2024 (UTC)

Maydakıları əlavə etdim. Hörmətlə, Gadir^müzakirə 20:33, 4 iyun 2024 (UTC)

Bu bölmənin ləğvini, daha doğrusu, digər seçilmiş bölmə ilə birləşdirilməsini təklif edirəm. Onsuz da mahiyyətcə ikisi də seçilmiş məqalədir, əhatəli siyahılar olanda onu ana səhifəyə çıxararıq, belə də ana səhifə çox uzun görünür və vizuallıq korlanır. En və trvikidə də seçilmiş məzmunla bağlı 2 məqalə var və ana səhifələri bizə nisbətən daha yığcamdır. Fikirləriniz maraqlıdır. Yeni ana səhifənin tərtibatı ilə bağlı yaxında təklif verəcəm. Hörmətlə, Gadir^müzakirə 14:14, 8 iyun 2024 (UTC)

@White Demon, @Atakhanli, @Nicat49, salamlar, bu bölmə ilə maraqlanan inzibatçı həmkarlar. {{Xəbərlər}} şablonu yaradıb ana səhifəyə əlavə etdim, düşündüm ki, belə daha səmərəli və rahat olar. Vahid səhifədən yenilənən bölmə kimi, bu bölmə ilə maraqlana bilərsiniz. Lütfən növbəti dəfə əlavələrinizi bu səhifədən edin. Belə silib-pozmaq, düzəliş etmək də bizə daha rahat olacaq. Hörmətlə, Gadir^müzakirə 15:01, 15 iyun 2024 (UTC)

Salam. Xəbərlər bölməsində Naxçıvan Ali Məclisinin prezident İlham Əliyev tərəfindən buraxıldığı qeyd olunur. Bu yalnışdır. Ali Məclis Naxçıvan Muxtar Respublikası Ali Məclisinin sədr əvəzi Anar İbrahimovun imzaladığı qərarla buraxılmış və onun imzaladığı qərarla Naxçıvan Muxtar Respublikasının Ali Məclisinə növbədənkənar seçkilər təyin edilmişdir. Bax: Naxçıvanda parlament seçkiləri (2024) - Dr.Wiki54 (müzakirə) 20:07, 6 iyul 2024 (UTC)

@Dr.Wiki54, salam. Bildirdiyiniz üçün təşəkkür edirəm, mexaniki səhv olub, indi düzəliş edirəm. Hörmətlə, Gadir^müzakirə 20:11, 6 iyul 2024 (UTC)

@Turkmen, salam. Burada bu düymə nə funksiya görür? MediaViki səhifələrində heç yoxdur, yəqin texnikidir. Nəsə heç bir işə yaramırsa bunu buradan silsək yaxşı olmaz? Hörmətlə, Gadir^müzakirə 12:48, 16 iyul 2024 (UTC)

@Gadir, salam, vizual redaktor az-vikidə "əsas (məqalə)" fəzada olan bütün səhifələrdə akitvləşdirildiyi üçün Ana səhifədə də görünür. Çünki Ana səhifə də "əsas" fəzadadır. Yəni normaldır. Turkmen ^müzakirə 12:57, 16 iyul 2024 (UTC)

Aha, elədir, bunu gizlədə bilmərik? Hörmətlə, Gadir^müzakirə 12:59, 16 iyul 2024 (UTC)

@Gadir, səhv etmirəmsə mümkün deyil. Çünki səhifə əsas fəzadadır. Turkmen ^müzakirə 13:03, 16 iyul 2024 (UTC)

Problem deyil onda, sadəcə heç bir işə yaramadığı üçün dedim. Sehrli sözlərlə falan olsaydı yaxşı olardı, amma deyəsən o da mümkün deyil. Hörmətlə, Gadir^müzakirə 13:06, 16 iyul 2024 (UTC)

Salamlar. Bu bölmənin müvəqqəti də olsa ləğvini təklif edirəm, çünki bu bölmə sadəcə fayllardan ibarətdir, izah da olmalıdır, amma yoxdur. Hazırda aktivlik və maraq da olmadığı üçün, bunu da nəzərə alaraq bu bölmənin hələlik ləğvini təklif edirəm. Həmin bölmə Vikianbardan copy-paste üsulu ilə işləyir hazırda. Fikirləriniz maraqlıdır. 1 həftə ərzində qərar qəbul edə bilsək gələn aydan bu bölməni ləğv edərdik. Hörmətlə, Gadir^müzakirə 09:34, 22 iyul 2024 (UTC)

Şəkil seçmirik eləmirik, onsuz copy-pastedi. Qoy qalıb da. — Bikar ^müzakirə 09:48, 22 iyul 2024 (UTC)

İş orasıdır ki, izah olmadığı üçün fayllar oxucuya məlumat çatdıra bilmir. Gələcəkdə maraq olarsa bərpa etmək olar. Hörmətlə, Gadir^müzakirə 09:59, 22 iyul 2024 (UTC)

@Gadir orada Azərbaycanla bağlı şəkil yoxdur. Məsələn: Qız qalası ilə bağlı şəkil yoxdur. Ceyhun Midiyalı (müzakirə) 10:16, 22 iyul 2024 (UTC)

İzahı olmaması ilə bağlı fikirlərinizlə razıyam. Amma qalmasının heç bir ziyanı yoxdur axı. Bəzən maraqlı şəkillər də olur. Araşdırıb baxdıqlarım olub. Xüsusi günlərdə Azərbaycana aid şəkil yerləşdirməyimiz də texniki olaraq mümkündür həmin bölməyə manual olaraq Atakhanli (müzakirə) 12:41, 22 iyul 2024 (UTC)

Gəlin izah əlavə etməklə saxlayaq. Mən qalmasının tərəfdarıyam. Amma izah məsələsinə mütləq baxaq. Hörmətlə, Patriot (müzakirə) 13:36, 22 iyul 2024 (UTC)

Bir ayı öncəki aydan qısa izahlarla (faylı təsvir etmək üçün ən azından) hazır etmək olar. Uzun izahlarla heç kim məşğul olmayacaq məncə. Faylları copy-paste edirik, ona uyğun izahları da qeyd edə bilərik. Ümumiyyətlə, Ana səhifənin tərtibatı ilə bağlı ciddi addımlar atmaq lazımdır, ürəkaçan vəziyyətdə deyil. Hörmətlə, Gadir^müzakirə 14:37, 22 iyul 2024 (UTC)

copy-paste olduğunu bildik, bəs avtomatlaşdırmaq olmaz? — Bikar ^müzakirə 14:55, 22 iyul 2024 (UTC)

Digər bölmələr kimi baxım lazımdı buna da. Öncədən 2-3 ayı hazırlamaq da olar. Amma tək ya da bir neçə istifadəçi ilə olan iş deyil, hər halda yenə sadəcə fayl olacaq. Hörmətlə, Gadir^müzakirə 14:58, 22 iyul 2024 (UTC)

Bu bölmə demək olar ki, 1 aydır yenilənmir. Yəqin ki, bu bir ay içində ölmüş şəxslərdən azvikidə məqaləsi olanlar olar. Bunu necə görə və yoxlayıb bura (həmçinin müvafiq səhifəyə) vaxtaşırı əlavə edə bilərik? Bu bölmənin də köhnə qalmasına könlüm razı deyil :) Hörmətlə, Gadir^müzakirə 18:25, 22 iyul 2024 (UTC)

@Toghrul R, @Nemoralis, bu bölməni aşağıda bir yerdə (ya da uyğun bir yerdə uyğun şəkildə) hissədə mobil üçün də görünməsini təmin edə bilərsiz? Hörmətlə, Gadir^müzakirə 23:30, 1 avqust 2024 (UTC)

@Nemoralis, ana səhifədən mühafizənin kilidini götürə bilərik? Tam yerində deyil, klikliyəndə də mediavikiyə yönləndirir — Bikar ^müzakirə 09:56, 20 avqust 2024 (UTC)

Danışmışıq bu barədə, həll edib, yəqin görünməsi bir neçə gün çəkəcək. Məqalə ad fəzası da eynidir hələ. Hörmətlə, Qədir (müzakirə) 09:58, 20 avqust 2024 (UTC)

  Həll edildi Nemoralis (müzakirə) 09:58, 22 avqust 2024 (UTC)

@Turkmen, ana səhifədəki YM və SS məzmun digərinə görə çox kiçik qalır, bu da vizual olaraq pis görünür. Hörmətlə, Qədir (müzakirə) 07:26, 30 sentyabr 2024 (UTC)

@Gadir, bu şəxsi fikirdir. Əsas olan oradakı sütunların yan-yana olmasıdır. İnterfeysin əsası budur. Turkmen ^müzakirə 07:28, 30 sentyabr 2024 (UTC)

Demək olar YM-da daxili keçid də azdır, məzmun bol olanda gözəl görünür, biri bol, digərləri isə az olanda da sönük qalır yanlarında, sütunu isə ana səhifəni redaktə edərək həll etmək olar; görün burada nə qəşəngdir. Hörmətlə, Qədir (müzakirə) 07:30, 30 sentyabr 2024 (UTC)