Muzakire Mehmanxana - Wikipedia - Gecemiz.az

Səhifənin adı "Otel" qoyulub. Təklif edirəm ki, ad ya "Mehmanxana", ya da "Hotel" olsun. --Babək Akifoğlu 16:09, 12 sentyabr 2011 (UTC)Cavabla

Azərbaycan dilində bu gün hər üç variant işlənir. Məsələn, Mədəniyyət və Turizm Nazrliyinin saytınada bura baxın həm "mehmanxana", həm də "otel" iafdəsi var. Ancaq fikrimcə "hotel" olmalıdır. Çünkü, ingilis dilində "hotel" gedir. Bizə isə söz o dildən deyil, rus və türk dilindən keçib. Hər halda söz yazılışına dair mənbələrə bir də baxmaq lazımdır.--Acategory 13:59, 16 sentyabr 2011 (UTC)Cavabla

Müzakirə mövzusu olan qonaq yerləşdirmə obyektləri son zamanlar daha da çox adlarla işarələnməyə başlayıb. Kimi “mehmanxana (fars)”, kimi “qonaq evi (türk)”, kimi “otel (fransız)” deyir və yazır, hətta “xotel” tələffüzünə də rast gəlirik. Bəzi dövlət icra strukturlarında “hotel (ingilis)” niyə görəsə kök salıb.

Eyni məhfumu işarələndirən 5 və daha çox xarici sözlərin işlənilməsi dilimizin “zənginliyinə” mi xidmət edir? Bəlkə də şairlər üçün qafiyə tapmaqda köməklikdir, vəssalam.

Adi insanlar üçün isə dili öyrənməkdə və gündəlik ünsiyyət qurmaqda müəyyən şaşqınlığa səbəb olur. Hansısa bir işarənin seçilməsi və aidiyyətli qurum tərəfindən normativ lüğətə salınması məqsədə uyğun olardı.

Fikrimcə, “otel” yazısı və tələffüzü ən rahat və dilimizin normalarına tam uyğundur. Eyni tələffüz fransız dilindədir (“hötel” yazılır, “otel” tələffüz olunur), müasir türk və rus diliərində də eynilə “otel” -dir, fransızlardan götürülüb. 37.32.77.49 06:52, 8 iyun 2024 (UTC)Cavabla

Hörmətli həmkar, rəy bildirməmişdən əvvəl məqaləni oxusaydınız görərdiniz ki, məqalə ancaq hotel haqqında deyil. Burada ümumiyyətlə mehmanxana tipli obyektlərin təsnifatı verilib. Burada həm hotel, həm motel, həm hostel, həm də başqa tipli qonaq evləri, istirahət mərkəzləri haqda məlumatlar var. Məqalənin adını hotel kimi dəyişdirilsə onda bütün bu məlumatlar məqalədən çıxarılmalıdır. NR SHENER (müzakirə) 20:49, 21 mart 2025 (UTC)Cavabla

Ortaq türk dili ideyasına dəstək məqsədi ilə təklif edirəm ki, belə məsələlərin həllində türk dillərinə uyğun qərar qəbul olunsun. --►Safir yüzüklü Cekli^mesaj 06:56, 17 sentyabr 2011 (UTC)Cavabla

Məqalənin adı "hotel" olsun. Bəyəm "mehmanxana" daha məşhurdur ki? "otel" yox "hotel". Araz Yaquboglu, Sortilegus, Solavirum, Qolcomaq, Azerifactory, Sefer azeri, Turkmen, Dr.Wiki54, Toghrul R, Eldarado, Eminn, Keete 37, Sura Shukurlu, Wertuose, Drabdullayev17, Nicat49, Atakhanli, Burocan, White Demon. dancewithdevil (müzakirə) 22:10, 22 iyun 2022 (UTC)Cavabla

digər həmkarlar da razıdırsa, məncə də dəyişilsin. amma mehmanxana adı da silinməsin, yönləndirmə qalsın, mehmanxanaya verilən keçidlər əvəzlənsə belə. Atakhanli (müzakirə) 22:14, 22 iyun 2022 (UTC)Cavabla

Təbii ki, silinməyəcək. "Mehmanxana"da adlanır. Prembuladakı bold verilən bütün adlar yönləndirmə verir. dancewithdevil (müzakirə) 22:17, 22 iyun 2022 (UTC)Cavabla

Rusca Vikipediyada "Гостиница" (mehmanxana ilə eyni mənada; "оте́ль" əvəzinə) variantı əsas ad kimi verilib, Belarus, qazax, erməni, tacik, Litva, latış, avar vikilayihələri də həmçinin. Görünür, postsovet elmi ədəbiyyatında "mehmanxana" daha uyğun ad hesab edilir. --► Hörmətlə: SolaVirum 22:47, 22 iyun 2022 (UTC)Cavabla

Mehmanxana ilə otel fərqli anlayışlar deyillər ki? İngilis dilindəki "inn" və "hotel" kimi. White Demツn^yaz 00:18, 23 iyun 2022 (UTC)Cavabla

@White Demon mənə də elə gəlir ki, mehmanxana daha çox "qonaq evi" (ing. Pension) anlayışını ifadə edir. Burocan (müzakirə) 01:37, 23 iyun 2022 (UTC)Cavabla

White Demon, haqlıdır. Onda belə çıxır hərəsinə ayrı səhifə açmalıyıq? dancewithdevil (müzakirə) 02:56, 23 iyun 2022 (UTC)Cavabla

Məncə də @White Demon haqlıdır. Hərəsi ayrı anlayış kimi qəbul olunmalıdır. Drabdullayev17 (müzakirə) 09:45, 24 iyun 2022 (UTC)Cavabla

Hər xırda məsələyə görə bu qədər insanı işarələməyiniz düzgün deyil. Mövzu ilə əlaqəli, maraqlı şəxsləri işarələsəniz yetərlidir. Dr.Wiki54 (müzakirə) 07:41, 23 iyun 2022 (UTC)Cavabla

Dr.Wiki54, haqlısınız, amma neyləmək olar? Hər kəsi fikir bildirməkləri üçün işarələmişəm, xoşumdan deyil. Çünki adətən buradakı müzakirələrdən əksəriyyət bixəbər olur. Bəlkə fikir bildirmək istəyəcəkləri bir mövzudur? Fikir bildirib-bildirməmək isə sərbəstdir. Hörmətlə, dancewithdevil (müzakirə) 12:35, 23 iyun 2022 (UTC)Cavabla

dancewithdevil, siz hər iştirak etdiyiniz və ya iştirak edəcəyiniz müzakirəyə fikir bildirmək üçün məni də dəvət edəcəksinizsə, elə mən indidən "müzakirə" adlar fəzasında sizin fəaliyyətinizi nəzarətə götürüm bəlkə? Siz mənim adımı ora "taqlamadan" gəlim fikir bildirim. Əgər sizi narahat edən məqam varsa, məqaləni yaradan istifadəçini, məqalədə əsaslı redaktə edən istifadəçini, məqalənin adını dəyişən istifadəçini müzakirəyə dəvət edin. Yoxsa azvikidə 184 000 məqalə var, hamısına görə fəal inzibatçıları və redaktorları müzakirəyə dəvət etmək düzgün deyil. Çox redaktorun diqqərini maraqlanmadıqları mövzu ilə yayındırırsınız.— Sortilegus (müzakirə) 17:42, 23 iyun 2022 (UTC)Cavabla

Sortilegus, AzVikidə mövzuya fikir bildirənlər azdır, ona görə edib deyə düşünürəm. Mənim fikrimcə, xoş niyyət güdüb xoş niyyətli formada müraciət etmək lazımdır. dancewithdevil, bu kiçik mövzuda konsensusun əldə edilməsi üçün 20+ istifadəçiyə ehtiyac yoxdur. Yuxarıda həmkarın yazdığı kimi həmin kateqoriyada istifadəçiləri teq etmək, ya da ümumiyyətlə "Son dəyişikliklər" səhifəsini izləyən istifadəçiləri gözləmək bəs edir. Kütləvi etiketləməni qaydalar haqqında dəyişiklikləri nəzərdən keçirərkən etmək məqbul sayıla bilər. --► Hörmətlə: SolaVirum 23:00, 23 iyun 2022 (UTC)Cavabla

Salam hər kəsə. Solavirum, o 20 nəfərdən 2-3 istifadəçi fikir bildirir ancaq. Oda həmişə eyni adamlar. "Son dəyişiklər" yerinə bunun üçün ayrı bir səhifə olsa yaxşı olardı, KM kimi. Mövcud müzakirələr deyə əsas menyu da. Sortilegus, bildiriş xarabdı, gəlmədi sizdən. Bilirəm, düz deyil, ancaq inzibatçılar məncə buna etiraz etməməlidirlər. İkincisi, müzakirəsiz dəyişdirəndə etiraz gəlir sonradan ki, "müzakirə lazım idi". Müzakirə edəndə də fikir bildirmirlər həmin şəxslər. Ona görə kim var kim yox işarələyirəm. İş orasındadırkı kimə maraqlıdı onu hardan bilim? "Bir bildiriş" narahatçılıq verir ki? İşarələyirəm, kim istəyir fikir bildirir, kim istəyir yox. Seçim etməkdə azadsınız. dancewithdevil (müzakirə) 00:12, 24 iyun 2022 (UTC)Cavabla

Son dəyişiklik bölməsində elə bir səhifənin olmasına ehtiyac yoxdur, hər kəs özünə aid filter yarada bilir. Məsələn, mənim bir filterim var, sadəcə son müzakirələri göstərir. White Demツn^yaz 09:50, 24 iyun 2022 (UTC)Cavabla

Məncə də qalsın. Bu arada dilimizdə həm "otel", həm də "hotel" sözünün olması qəribədir. White Demon sizin qeyd etdiyiniz "inn" sözünün qarşılığı isə "motel"dir. :D — Surə ^🗯 15:39, 24 iyun 2022 (UTC)Cavabla

Yox, "mehmanxana"dır, yəni ən azından ingiliscə-azərbaycanca lüğətinə görə elədir. White Demツn^yaz 18:43, 24 iyun 2022 (UTC)Cavabla

Hörmətli həmkarlar, mən belə görürəm ki, bəzi istifadəçilər həmişə olduğu kimi məqaləni oxumamış fikir bildiriblər. Məqalənin adının "hotel" və ya "inn" kimi dəyişdirilməsini təklif edənlərin nəzərinə çatdırıram ki, məqalə geniş mənada işlənən mehmanxana tipli obyektlər haqqındadır, onların təsnifatını verir. Bura həm kiçik mehmanxana, həm hotel, həm hostel, həm inn, həm SPA, həm lodge, həm villige və s. tipli istirahət zonaları haqqında məlumatlar verilib, təsnifata ayrılıb. Əgər siz məqalənin adını dəyişib hotel qoymaq istəyirsinizsə onda zəhmət bütün məqaləni redaktə edin, bütün başqa tipli obyektlər haqqında olan məlumatları, paraqrafları, şəkilləri, silin və ya başqa bir məqaləyə köçürün. Və onda burda hansı məlumat qalacaq və məqalənin ölçüsü nə boyda olacaq məlumdur. O başqa ki, istəyənlər hotel haqqında yeni bir məqalə yarada bilər.

Və nəhayət, bu cür, məqaləni oxumamış, ayaqüstü rəy bildirməkdənsə heç bildirməmək yaxşıdır və taq etməklə bu cür müzakirəyə çağırmaq məncə də düzgün deyil. NR SHENER (müzakirə) 21:13, 21 mart 2025 (UTC)Cavabla

Məqalənin adı yerindədir və dəyişdirmək düzgün olmaz, çünki onda məqalə öz mahiyyətini itirər NR SHENER (müzakirə) 21:14, 21 mart 2025 (UTC)Cavabla

Və məncə burdakı şablonu silin artıq. O ki, qaldı mehmanxana, hotel və inn terminlərinin fərqinə, fikir versəniz məqalədə bu haqda yazılıb. Mehmanxana - "yer və yemək" xidməti göstərən obyekt, hotel - daha geniş, daha komfortlu servis (resepşn, mühafizə, restoranlar, barlar, basseyn, SPA və s.) təklif edən, "inn" isə köhnəlmiş bir termindir, bizim dildə analoqu təqribən karvansaray olan,yəni yolçuların gecələdiyi və ya qaldığı bir yer. NR SHENER (müzakirə) 21:26, 21 mart 2025 (UTC)Cavabla

@NR SHENER, məqalədəki “Təsnifat” bölməsi ümumiyyətlə silinməlidir. Çünki böyük ehtimalla məqalənin ən aşağısında mənbə kimi göstərilən və indi ölü olan bu linkdən olduğu kimi kopyalanıb ki, bu da müəllif hüquqları pozuntusu deməkdir. samral ^müzakirə 16:28, 24 mart 2025 (UTC)Cavabla

@samral "Təsnifat" bölməsi heç bir linkdən kopyalanmayıb, ingilis, rus dillərindəki məqalələrdən tərcümə olunub. Və ordakı link istinad kimi verilib. Bu gün o link ölüdürsə, paraqraf, məlumat silinməli deyil, sadəcə istinad yenilənməlidir. Və bunu da mən edəcəm. Həmin paraqrafı da qaytaracağam. Məqalənin başqa dillərdəki versiyalarına baxın. Hamısında təsnifat paraqrafı var. Ümumiyyətlə necə bu haqda olan məlumatları silmək olar? Siz də qaydalardan danışırsınızsa özünüz redaktə edəndə səbəbi qeyd etməlisiniz. NR SHENER (müzakirə) 22:26, 24 mart 2025 (UTC)Cavabla

Söhbət ondan gedir ki, bu məqalə intervikiyə uyğunlaşdırılmalı və "hotel" adlandırılmalıdır. Hörmətlə, Qədir (müzakirə) 22:37, 24 mart 2025 (UTC)Cavabla

@Gadir, məncə daha ümumişlək olan “otel” olmalıdır məqalənin adı. samral ^müzakirə 15:58, 15 aprel 2025 (UTC)Cavabla

@NR SHENER, salam. Buradakı etirazınıza əsasən məqaləyə bir də mən nəzər yetirdim, burada kiçik ölçüdə bir MHP görsəm də, bu redaktədə qeyd edilən linkə daxil ola bilmədim, web.archive.org ilə də axtarış etdim, amma arxivlərinə də daxil ola bilmədim. @Samral, zəhmət olmasa, həmin linki bura da qeyd edə bilərsiniz? NR SHENER, səhv eləmirəmsə, qeyd etmişdiniz ki, həmin məlumatlar digər viki ya da vikilərdən tərcümə edilmişdi, konkret hansı vikilərdən, qeyd edə bilərsiz? Həm də onu da qeyd edim ki, lap MHP olmasa belə, həmin məzmun bütünü ilə mənbəsiz olduğu üçün silinməsi üçün uyğundur. Bu halda da silinmə səbəbi yalnış ola bilər, amma silinmə yox. Bu versiyaya diqqət yetirin, tək bir mənbə belə qeyd edilməyib, həmçinin üslubu da ensiklopedik tərzdə deyil və bu məqalə 15 ildir belə bu vəziyyətdədir. Məqaləni yaradan Cekli829 adlı istifadəçidir, hansı ki, mən də inanıram ki, ortada MHP pozuntuları var (məzmuna gözucu nəzər yetirmək kifayətdir; elə bu bəs edir), hansı ki, bu istifadəçinin bu istiqamətdəki fəaliyyəti vaxtilə Metaya kimi gedib çıxmışdı. Hörmətlə, Qədir (müzakirə) 14:16, 8 aprel 2025 (UTC)Cavabla

@Gadir, adla bağlı müzakirəni gərək arxivləşdirməzdin. Yekun qərara gəlmədik axı. samral ^müzakirə 14:34, 8 aprel 2025 (UTC)Cavabla

@Samral, o barədə həmin müzakirəyə də istinad edərək yeni bir müzakirə açmağı düşünürdüm, məzmun böyük idi, fikir bildirəcəklərə mane olmasın deyə arxivləşdirdim. MHP ilə bağlı keçid varsa, qeyd edərdin zəhmət olmasa, belə onsuz da açıq şəkildə MH pozuntuları görünür, deyəsən məqaləni silib sıfırdan yazmalı olacağıq. Amma saytın arxivləri də əlçatan deyil, + bağlanıb. Bu halda MHP sayılır? Hörmətlə, Qədir (müzakirə) 14:37, 8 aprel 2025 (UTC)Cavabla

@Gadir, o ad müzakirəsini qaytar. Çünki müzakirə bağlanmayıb. EnVikidə filan belə nümunələr var ki, 1 müzakirə illərlə gedir. O ki qaldı link və MHP məsələsinə düzü mən də linki bərpa edə bilmədim, amma sənin qeyd etdiyin səbəblərdən əmin oldum deyə bir növ VP:ÖRDƏK-ə uyğun olaraq əmin olub sildim. samral ^müzakirə 04:18, 9 aprel 2025 (UTC)Cavabla

@Samral, qaytardım. Məqaləni isə silib qaralama halında yenidən yazmaq da olardı, amma müvafiq versiyaları gizlətdim. Hörmətlə, Qədir (müzakirə) 08:26, 15 aprel 2025 (UTC)Cavabla

@Gadir salam, qeydlərinizə indi baxdım və bildirim ki, bu məqaləni mən yazmamışam və müəllifin kim olduğuna da heç vaxt fikir vermirəm. Ancaq həmin məqalənin redaktə etməyimin səbəbi də elə onun bərbad üslubda və vəziyyətdə olması olub. Ümumiyyətlə mən heç vaxt hansısa məqaləni redaktə etmək üçün gəlmirəm, sadəcə təsadüfən görüb redaktə etmək, şəkillər əlavə etmək qərarına gəldim. Məqalədə böyük informasiya olduğuna görə və özümün bu sahədə mütəxəssis olmadığıma görə onları silmədim, sadəcə əlavələr etdim, deyəsən təsnifat adlı paraqrafı yaradıb ora yerləşdirdim. İndi yadımda deyil konkret olaraq hansı dildən (vikidən) tərcümə etmişəm, amma qeyd edə bilərəm ki, ancaq ingilis, rus və hərdən türk dillərindən tərcümə edib yerləşdirirəm. Bundan əlavə alman və italyan (bəzən fransız və ispan da maşın tərcüməsi ilə) dillərinə də hökmən baxıram. Ancaq bu dilləri pis bildiyim üçün yazmağa risk etmirəm.

İndi ki, məqalə bu vəziyyətə düşdü, demək olar ki, bütün məlumatlar silindi mən bu məqaləni yenidən yazacağam, istinad və şəkillər də yerləşdirəcəyəm. Hələ ki, başqa dillərdə olan məqalələrə baxıram.

Bura tarixən müxtəlif ölkələrdə necə adlandırılması barədə (məs. karvansara, fondaco, locanta, inn, , funduk, han, qonaq evi, трактир постоялый двор və s) qısa məlumatlar da əlavə edəcəyəm. Buna görə də hesab edirəm ki, məqalənin adı elə "mehmanxana" olaraq qalmalıdır, çünki bu yazilanlar hotel adlandırılmır. Ancaq hotel sözü elə preambulada və ya ayrıca verilə bilər. Və əgər məqalələr, məlumatlar geniş olsa "Mehmanxana. dəqiqləşdirmə" səhifəsi də açila bilər. NR SHENER (müzakirə) 22:06, 10 aprel 2025 (UTC)Cavabla