Nezeriyye - Wikipedia - Gecemiz.az

Nəzəriyyə (yun. θεωρία — faktları dəqiq şəkildə izah etmək üçün baxışların, fikirlərin, mövqelərin dəqiqləşdirilməsi və əsaslandırılması forması, proseslərin izah edilməsi, proqnozlaşdırılması və tənzimlənməsi sistemi. Biliklərin sistemləşdirilməsi, predmet haqqında kateqoriya, mülahizə və nəticələrin formalaşdırılması.

1. Dar, xüsusi mənada – gerçəkliyin nəsas obyekti olan sahəsinin qanunauyğunluqları və mühüm əlaqələri haqqında tam təsəvvür yaradan elmi biliyin ən yüksək, inkişaf etmiş təşkil forması.
2. Təcrübəni, ictimai praktikanı ümumiləşdirən, təbiətin və cəmiyyətin obyektiv qanunauyğunluqlarını əks etdirən elmi baxışlar, ideyalar sistemi, təlim.
3. Hər hansı bir elm sahəsinin nəticə və qaydalarının ümumiləşdirilməsi.
4. Hər hansı bir şeyə şəxsi baxış.

Nəzəriyyə ideya və prinsiplərin təlimi və təkmil sistemidir. Elmi təşkil edən ümumiləşdirilmiş qaydaların məcmusudur. O sintetik birlikdir, onun içərisində əvvəlki anlayışlar əvvəlki muxtariyyətlərini itirərək vahid pinsipin tərkib hissəsi olurlar.^[1].