 |
 |
Gecemiz.az |  |
 |
Rəhim Qədir oğlu Hüseynov (1 iyul 1984, Zərdab rayonu – 20 oktyabr 2020, Qubadlı rayonu) — Azərbaycan Müdafiə Nazirliyinin Sülhməramlı Qüvvələrinin mayoru; 2020-ci ildə Qarabağ müharibəsi zamanı Qubadlının azad edilməsi uğrunda gedən döyüş əməliyyatları zamanı şəhid olub, ölümündən sonra "Qarabağ" ordeni ilə təltif edilib.[1]
| Rəhim Hüseynov | |
|---|---|
| Fayl:Rəhim Hüseynov.tif | |
| Şəxsi məlumatlar | |
| Doğum tarixi | |
| Doğum yeri | Zərdab rayonu, Azərbaycan SSR |
| Vəfat tarixi | (36 yaşında) |
| Vəfat yeri | Qubadlı rayonu, Azərbaycan |
| Dəfn yeri | 2 saylı Şəhidlər Xiyabanı |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü | Sülhməramlı Qüvvələr |
| Xidmət illəri | 2005—2020 |
| Rütbəsi |
 Mayor |
| Döyüşlər |
• NATO-nun Əfqanıstandakı "Qətiyyətli Dəstək" qeyri-döyüş missiyası |
| Təltifləri |
         |
2020-ci ildə NATO-nun Hamid Kərzai adına Beynəlxalq Hava Limanının (HKIA) Qüvvə Mühafizəsi Qrupu Taborunun Komandiri vəzifəsini icra edib, NATO-nun Baş Katibi Yens Stoltenberq tərəfindən "Ləyaqətli Xidmət Medalı" ilə təltif edilib. Bu medala layiq görülən yeganə Azərbaycan hərbçisidir.
Rəhim Qədir oğlu Hüseynov 1984-cü il, iyulun 1-də Zərdab rayonunun Gəlmə kəndində anadan olub.[2][1]
1990-1998-ci illərdə Zərdab rayonu M. F. Axundov adına Gəlmə kənd orta məktəbində təhsil alıb. 1998-ci ildə sənədlərini Cəmşid Naxçıvanski adına hərbi liseyə verib və 2001-ci ildə oradan məzun olub. 2001-2005-ci illərdə Heydər Əliyev adına Azərbaycan Ali Hərbi Məktəbinin Quru Qoşunları fakültəsində təhsil alıb. 2006-cı ildə Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Səfər Əbiyevin 23 iyun 2005-ci il tarixli əmri ilə "leytenant" hərbi rütbəsi verilib.[1]
Azərbaycan Silahlı Qüvvələrində xidmət etdiyi 15 il ərzində motoatıcı taqım komandiri, motoatıcı taborun (əməliyyat imkanları konsepsiyası üzrə) motoatıcı taqım komandiri, əməliyyat imkanları konsepsiyası bölüyü komandirinin müavini, bölüyün komandiri, əməliyyat bölməsinin rəisi - qərargah rəisinin müavini, tabor komandirinin müavini, tabor komandiri, sülhməramlı qüvvələr taborunun komandiri vəzifələrində xidmət edib.[1]
Çexiya, Almaniya, Macarıstan, ABŞ, Türkiyə, Bolqarıstan, Rumıniya və Bosniya və Herseqovinada beynəlxalq səviyyəli kurslarda olub. NATO təlimləri və kursları çərçivəsində baş tutan tədbirlərdə Azərbaycan Silahlı Qüvvələrini təmsil edib.
Əfqanıstanda aparılan "Qətiyyətli Dəstək" qeyri-döyüş missiyasında xidmət edib. 21 yanvar 2020-ci ildən 12 avqust 2020-ci ilədək Azərbaycan Sülhməramlı Kontingentinin, eyni zamanda, Hamid Kərzai adına Beynəlxalq Hava Limanının (HKIA) Qüvvə Mühafizəsi Qrupu Taborunun komandir müavini və komandiri vəzifələrini icra edib. NATO-nun Baş Katibi Yens Stoltenberq tərəfindən "Ləyaqətli Xidmət Medalı" ilə təltif edilib. Hüseynov bu medala layiq görülən yeganə Azərbaycan hərbçisidir.
Müxtəlif illərdə müdafiə nazirinin əmrləri ilə 2-ci və 3-cü dərəcəli "Qüsursuz xidmətə görə" medalları, Azərbaycan Silahlı Qüvvələrinin 90 və 95 illiyi, həmçinin "Azərbaycan Ordusunun 100 illiyi" yubiley medalları ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın və Qubadlının azad edilməsi uğrunda gedən döyüş əməliyyatlarına qatılıb. Oktyabrın 20-də Qubadlı rayonu ərazisində döyüş tapşırığının icrası zamanı şəhid olub.[1] 2 saylı Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Qubadlının azad olunmasına görə" və "Vətən uğrunda" medalları ilə təltif edilib.[4][5][6]
Evli idi. Hikmət, Rüfət və Fikrət adında üç oğlu var.
 |
 |
GECEMIZ.AZ |  |
 |
|