Vikipediya Berpa Ucun Namized Sehifeler Arxiv 2021 Yanvar - Wikipedia - Gecemiz.az

  Bərpa olunsun: Eldar Əhmədov Azərbaycan və Türkiyə səhiyyəsində çalışan bir həkim kimi tanınır. Kiçik bir axtarış etsəniz və sonuncu iş yerinin rəsmi saytına diqqət yetirsəniz onun yetərincə ensiklopedik olduğuna əmin ola bilərsiniz Dr. Eldar Əhmədov. Doğrudur məqalədə ola bilsin ki, yetərincə çatışmamazlıqlar olmuş. Ancaq bu şəxsin qeyri-ensiklopedik olmasına dəlalət etmir. Bir balaca axtarış etsəniz onun ölkəmizdə iki qaraciyər transplantoloqundan biri olduğuna əmin ola bilərsiniz. Məqalənin silinməsinə səs vermiş şəxslərdən rica edirəm ki, bu məsələyə bir daha fikir bildirərdiniz.— namikilisu 06:01, 14 iyul 2020 (UTC)

  Bərpa olunsun: Öncə qeyd edim ki müzakirədə cəmi 3 istifadəçi silinsin deyib, 1-i isə qalsın deyib. SNS-dəki müzakirədə müzakirədə iştirak edən istifadəçi sayı barədə də qaydaya dəyişiklik mütləq lazımdı. Hətta elə məaalələr var ki cəmi 2 müzakirəsiz silinsin sözü ilə məqalələr silinir. Bunu doğru hesab etmirəm. Bu məqalə haqqında internetdə oxudum ki Eldar həkim Bona Deha Beynəlxalq Hospitalında çalışır. Bu hospitala sıradan bir həkimi işə qəbul etmirlər. Hətta hospitalın bir çox həkimləri xarici vətandaşlardı. Məqaləni ensiklopedik hesab edir və bərpasından sonra bura təqdim edən Namiq müəllimdən məqalənin genişləndirilməsini xahiş edirəm. Araz Yaquboglu (müzakirə) 08:09, 14 iyul 2020 (UTC)

  Şərh: Doğru deyirsiniz Araz Yaquboglu. Məqaləni vikiləşdirməyə ehtiyyac var— namikilisu 09:02, 14 iyul 2020 (UTC)

  Əleyhinə: Hörmətli Araz Yaquboglu və Namikilisu şəxs tanınmış həkim olar bilər. Amma bir həkim kimi sizdən soruşuram bu şəxs beynəlxalq tibb aləminə nə kimi mütərəqqi yenilik gətirib? Rezidentura (uzmanlık) bitirən minlərlə həkim var. İndi hamısı üçün məqalə hazırlayaq? Bundan başqa nə uğuru olub bu şəxsin? — Drabdullayev17 (müzakirə) 09:17, 16 iyul 2020 (UTC)

  Cavab: Drabdullayev17 siz bu "beynəlxalq" terminini hardan çıxardınız? Vikipediyada ensikopedik və ya qeyri-ensikopedik anlayışı var. Az.Vikipediyada beynəlxalq aləmdə tanınmayan, ancaq ölkə daxilində yetərincə ensiklopedik olan insanlar var. Yenə də sizə məsləhət bilirəm google-də Eldar Əhmədov yazaraq bir az axtarış edəsiniz.— namikilisu 11:17, 16 iyul 2020 (UTC)

  Cavab: Namikilisu VP:EƏEX qaydasına baxsanız orada bir necə dəfə beynəlxalq sözünü görə bilərsiniz. Siz mənə izah edin görüm şəxsi ensiklopedik edən məqam hansıdır? Digər həkimlərdən nəyinə görə fərqlənir? Hansı elmi nailiyyəti və mükafatı var? — Drabdullayev17 (müzakirə) 12:40, 16 iyul 2020 (UTC)

  Əleyhinə: Drabdullayev17 fikirləri ilə razıyam.— ►Doctor 09:36, 18 iyul 2020 (UTC)

  Əleyhinə: Bu mövzuda Drabdullayev17 ilə həmfikirəm. Hətta heç adıçəkilən xəstəxana da ensiklopedik deyil, amma envikidə yaradılıb. — Toghrul Rahimli • M/F 12:17, 18 iyul 2020 (UTC)

  Bərpa olunsun: Araz Yaquboglu ilə həmfikirəm. hörmətlə vikimediaze müzakirə

•   Bərpa olunsun: Əlavələrə ehtiyac var. — İstifadəçi:Sword313 (müzakirə) 16:53, 19 iyul 2020 (UTC)

  Əleyhinə: --► Hörmətlə: SolaVirum   16:14, 26 avqust 2020 (UTC)

•   Əleyhinə:Dr.Wiki54 (müzakirə) 20:21, 29 avqust 2020 (UTC)
•   Bərpa olunsun: Salam. Hörmətli həmkarlar, ola bilsin ki, hansısa bir məşhur elm, sənət xadimi və peşəkar mütəxəssis olan Azərbaycanlının rəsmi mənbəyə istinadı olmasın. Belə hallar çoxdur. Bu həmin insanın təvazökarlığıdan, xarakterindən irəli gələ bilər. Belə səhifələri tez silməyə çalışmayın. Baxın, Ermənilər özlərinin olmadığı (Alban) Eçməidzin kilsəsini bütün dünyaya özlərinki kimi tanıtdırıblar. Ancaq biz öz Azərbaycanlımızın səhifəsini silirik. Belə olmaz. Zəhmət olmasa belə halara diqqət edin. Hörmətlə, Malik202045 (müzakirə) 17:37, 22 dekabr 2020 (UTC).
•   Əleyhinə: — Burocan (müzakirə) 17:45, 22 dekabr 2020 (UTC)

 N Göstərilən arqumentlərə əsasən məqalənin bərpa edilməsi mümkün olmadı.— NMW03 (müzakirə) 16:44, 26 yanvar 2021 (UTC)

Vikicəmiyyətin Facebookda olan üzvləri, yəqin ki, bu məqalə ətrafında şəxsi özü tərəfindən yaradılmış qalmaqalı görüblər. SNS-də müzakirə çox geniş aparılmadığına görə sonuncu dəfə yenidən müzakirə etməyi təklif edirəm. İstinad edə biləcəyimiz yeganə prinsip budur. Burdakı bəndlərin heç biri şəxsin fəaliyyəti ilə bağlı reallığı əks etdirmir. Tavush Bot-u 2-ci bəndə aid etmək olarmı? Məqaləni şəxsin populyarlaşdırılması istiqamətində atılan addım kimi qiymətləndirirəm və şəxsin ensiklopedikliyini mübahisəli görürəm. Facebookda gedən gərgin müzakirələrdə Vikipediyadakı digər qeyriensiklopedik məqalələr (xüsusən jurnalistlər və mahnı oxuyanlar haqqında) əsas göstərilir. Əlbəttə, bu arqument ola bilməz. Amma həmçinin özümüzün şəxslər haqda məqalələrə qarşı vaxtında tədbir görməməyimizin nəticəsidir. İstifadəçiləri təkcə bərpa olunsun/olunmasın deməməyə əsaslı şəkildə müzakirədə iştirak etməyə dəvət edirəm.— Eminn (müzakirə) 21:26, 17 dekabr 2020 (UTC)

Səhifə mənim şəxsimə aiddir. Sosial mediada kifayət qədər bu barədə məlumat yazdım. Silinməyə namizəd olanda da mədəni müraciət etdim ki, əsaslı şəkildə arquemntlər olsun.Müharibəyə qədər Azərbaycandan rəsmi olaraq texnoloji jurnalist kimi dəvət aldığın və iştirak etdiyim Beynəlxalq Konfransların siyahısını yazıram: - The Nex Web - Amsterdam 2017 - Avropanın ən böyük texnoloji konfrasnlarından biri - Web Summit - Lissabon 2018- Avropanın ən böyük texnoloji tədbiri - Mobil Dünya Konqresi 2018 - Barcelona - Beynəlxalq texnologiya konfransı - Mobil Dünya Konqresi 2019 - Barcelona - Tech Open Air - 2018 Almaniya - Berlin - Cannes yaradıcılıq və kreativlik festivalı - 2018 və 2019 iki il ard-arda rəsmi media nümayəndəsi olaraq - Ən böyük yaradıcılıq festivalalrından biridir. - CES 2020 - Las Vegas - Amerikanın və Dünyanın ən böyük texnoloji şourlarından biri. - IOI Yaponiya - Beynəlxalq İnformatika Olimpiadasında Azərbaycanı təmsile dən jurnalist. - Bundan başqa Cənubi Koreya və bir sıra ölkələrdə baş tutmuş onlarla media səfərləri və kiçik konfranslar. Bu konfransların hər birinə rəsmi dəvət əsasında jurnalist, texnobloqqer olaraq qoşulmuşam və iştirak eləmişəm.Bu konfransların hər birinə rəsmi dəvət əsasında jurnalist, texnobloqqer olaraq qoşulmuşam və iştirak eləmişəm. Məni, sıradan bir müğənni və jurnalist ilə müqayisə edən və onlardan aşağı yerə qoyan bəzi icma üzvləri üçün bu konfransdan olan badge-lərimi şəkil kimi yükləyirəm. Əksinə Azərbaycan wikipediasında bu konfrasnlar haqqında bir dənə də məlumat yoxdur ki, referans göstərəsən. İcma məlumatı zənginləşdirməlidir. Kiminsə qarşını kəsməli deyil. Yenə qeyd edirəm, icma ilə qərəzliyim yoxdur. Üzr istəməkdən də çəkinmirəm. Mənə əsaslı sübut təqdim edilsə, səbəb göstərilsə, etdiyim şeydən üzr istəyərəm. Yoxsa gəlib rəylərdə sizin başınız çıxmır yazmaq əsas deyil, arqument deyil. Wikipedianı isə kiməsə öyrətməyə çalışmayın, söhbət edəndə başınızı qaldrıb baxın. İddia edirlər ki, reklam üçün edirsən bunu. Mən reklam üçün eləsəm 5-10 manat verib mediada adıma press-relizlər yazıb, məlumatı çıxaltdırardım. Mənə wikipedia hesabı, Google Knowledge panel üçün lazım olub. Google wikipedianı əsas götürərək şəxslərin məşhurluğu dəyərləndirir. Və ona Knowledge panel verir. Bu panel isə mənim beynəlxalq konfranslara qoşulmağım üçün vacibdir. Xarici şəxslər haqqımda araşdırma edəndə, dəvəti verəndə Google-da axtarıb, baxırlar ki, bu adam ölkəsində tanınırmı, kimdir heç olmasa Az wikipediada bir adı varmı. Əlavə olaraq Google-da Fərid Pərdəşünas axtarmaqla haqqımda internetdə olan məlumatlarla tanış ola bilərsiniz. Kifayət qədər mənbə mövcuddur. Pardashunas (müzakirə) 13:06, 18 dekabr 2020 (UTC)

•   Bitərəf: düşünürəm ki, şəxs ensiklopedikdir. Lakin məqalə barədə səs verməkdən imtina edirəm (yəni bərpa edilsin, yaxud edilməsin). Çünki Facebook hesabında həm özü, həm də digərləri tərəfindən vikiçilər təhqir edilir (və təhqir edən şəxslərə bunu etməmələri barədə heçnə deyilmir). Şəxsən öz tərəfindən "icma hələ ibtidaidir" sözünün yazıldığını görmüşəm. Mən qərəzli insan deyiləm amma mənim və həmkarlarımın təhqir edilməsini qəbul edə bilmərəm. Heçkəs birlikdə çalışdığı insanların təhqir edilməsini və təzyiq göstərilməsini istəməz deyə düşünürəm. Dərin hörmətlə, Turkmen ^müzakirə 13:31, 18 dekabr 2020 (UTC)
•   Bərpa olunsun: Hər vaxtınız xeyir. Fəaliyyəti, tanınırlığı, özü və gördüyü işlə bağlı yerli və xarici mediada rəsmi mənbə statuslu yazıların olması şəxsi ensiklopedik statusda qiymətləndirməyimizə əsas verir. Rəsmi və etibarlı mənbələrdən əlavə yüzminlik izləyici kütləsi olan səhifələrdə uzun müddət gündəm olması, müzakirə aparılması da buna imkan verir. Əlavə olaraq yetərincə öz sahəsində tanınan blogger və texnojurnalistdir. Vikipediya layihələrində bu tipli məqalələrin ensiklopedik statuslu sayılması üçün kifayət qədər örnəklər var. Hörmətlə, — Yusif Sərrac (müzakirə) 13:33, 18 dekabr 2020 (UTC)

  @İstifadəçi:Yusif Sərrac "Özü və gördüyü işlə bağlı yerli və xarici mediada rəsmi mənbə statuslu yazıların olması şəxsi ensiklopedik statusda qiymətləndirməyimizə əsas verir" – hansı xarici media? "Vikipediya layihələrində bu tipli məqalələrin ensiklopedik statuslu sayılması üçün kifayət qədər örnəklər var" tezisini nə ilə əsaslandırırsınız? -- Şöhrət^✉ 20:36, 18 dekabr 2020 (UTC)

•   Əleyhinə: fəaliyyətinizdə Sizə uğurlar arzu edirəm. Gördüyünüz işlər təqdirəlayiqdir, lakin göstərilən səbəbə görə şəxsin ensiklopedik hesab edilməsi mümkün deyil. Vikipediyanın özündə də xeyli sayda beynəlxalq tədbirlərdə iştirak etmiş şəxslər var. Bundan əlavə, burada başqa qeyri-ensiklopedik məqalələrin mövcud olması arqument sayıla bilməz, onlar da silinəcək zamanla. Yeni yaradılanlar isə ən birinci patrullandığından ilk öncə onlar silinir. Hörmətlə, — Toghrul Rahimli • M/F 13:48, 18 dekabr 2020 (UTC)
•   Bitərəf: Mən çox təəssüf edirəm ki, şəxsin Facebook statusu sayəsində vikipediya istifadəçisi olmayanlarda AzViki barədə olan mənfi fikirlər daha da artdı. Bilə-bilə ki, bu qədər izləyici kütləsi var, bu addım atılmamalı idi. "Könüllüsüz, işinizi layiqincə görün", "İşinizi qınayıram", "Məqalələrin belə olması bizim problemimiz deyil" deyən, fəaliyyətimizə gülən insanların sayını daha da artırdız, cənab Pərdəşünas. Onlar sizi tanıyırlar, amma ingilis dilində Azərbaycan hərbçiləri barədə məqalə yaradan məni və məndən 10 dəfə çox töhfə verən digər həmkarlarımı tanımırlar axı. Baxmayaraq ki, statusunuzda "bir neçə nəfər"i istisna etmişdiz, amma izləyicilər o oxu hamımıza tuşladı. Axı düşmənə qarşı mübarizə aparan siz daha yaxşı anlamalı idiz ki, sizin də, bizim də etdiklərimiz xalq üçündü və təmənnasızdı. Sizə qarşı haqsızlıq var idisə, Kənd Meydanına, ya da status yazmaq əvəzinə AzVikinin Facebook qrupuna yaza bilərdiz. İnanın ki, nəticə daha yaxşı olacaqdı.

Ensiklopedikliyə gəlincə, şəxsin məqaləsinin ilkin versiyasından və qeyd etdiyi 15 istinaddan xəbərim yoxdur. Yuxarıda xarici mənbələrin olduğu da qeyd olunur. Həmin mənbələrlə tanış ola bilsəm, ensiklopediklik barədə fikrimi bildirə bilərəm. Texnobloggerlər haqda EnVikidə məqalə varsa, onları da qeyd etsəz, sevinərəm. Azərbaycan dilində 3 mötəbər mənbə tapa bildim. TavushBota görə bir daha şəxsə təşəkkürümü bildirirəm.— Firuze Nesibli (müzakirə) 14:13, 18 dekabr 2020 (UTC)

•   Əleyhinə: şəxsin fəaliyyəti ensiklopedil deyil. Bu bir mənalı olaraq belədir. Facebookda təzyiq etməklə belə şeyə nail olmaq olmaz. Fəaliyyətində uğurlar.İnanırıq ki, gələcəkdə ensiklopedik olar və sevə-sevə bərpa edərik. — Qızılbaş (müzakirə) 16:35, 18 dekabr 2020 (UTC)
•   Şərh: Hörmətli icma üzvləri aranızda olan bir neçə şəxsin kəsgin və qərəzli rəylər yazması səbəbindən icma icminə zərər dəyir. Siz məni ittiham eləməkdənsə, ilk öncə icmanı sorğulayın. Reketliklə, qoçuluqla nəsə əldə olunmur. Bugün mənim viki səhifəm olmayacaq bu elədə önəmli deyil. Amma icmada əməyi olan insanların imici böyük təhlükə altında qalacaq. Bir neçə qoçuya görə buna dəyməz. Sosial şəbəkələrdə rəylərdə trolluq eləməklə icma olmur. İcmanın hörmətli şəxsləri çıxıb vasitəçi olmalı və məsələni bitirməlidirlər. Pardashunas (müzakirə) 18:25, 18 dekabr 2020 (UTC)
•   Əleyhinə: Şəxsin fəaliyyəti ensiklopedik deyil, bu birmənalıdır. Üstəlik şəxs bu məqalədən özünə PR və reklam məqsədi üçün istifadə etməyə can atması da açıq-aydın görünür. Bunlar yetmirmiş kimi, facebook-da öz səhifəsində onun məqaləsinin silinməsinə səs vermiş şəxslər haqqında qərəzli yazıları və hətta təhqiredici şərhləri yaymaqla məşğuldur. Sonuncu fakta görə əslində istifadəçinin özü də həmişəlik bloklanmalıdır. Azvikini belə aşağılamaqla məşğuldursa nəyə görə öz adına burada məqalə olması üçün bu qədər canfəşanlıq göstərməsi də qaranlıq məsələdir.— Thunder Storm (müzakirə) 18:45, 18 dekabr 2020 (UTC)
•   Şərh: Pardashunas, sizin haqqınızda yazmış, qeyri-azərbaycandilli məhşur saytlardan istinad gətirə bilərsinizmi?-- Şöhrət^✉ 20:30, 18 dekabr 2020 (UTC)

  Əleyhinə: Qeyri ensiklopedikdir. Şəxs öz sahəsində vacib biri hesab olunmur və istinad edilmir. Yaratdığı TavushBot ölkədə məşhur olsada, yeni konsepsiya, nəzəriyyə və yaxud elmi yenilik deyil. Şəxs qeyd edir ki bu məqalə ona Google Knowledge Panel üçün lazımdır. Yəni məqalənin ensiklopedik olub-olmamasının önəmi yoxdur? Vikipediya fərdi reklam yeri deyil. Googleda Fərid Pərdəşünas axtardıqda isə ancaq şortik və TavushBot barədə xəbərlər çıxır. TavushBot barədə fikrimi qeyd etmişəm. Şortik haqqında isə yazmağa yəqin ki ehtiyac yoxdur. Pardashunas, sizdən nəzakət qaydalarına riayət etməyinizi xahiş edirəm. — NMW03 (müzakirə) 23:45, 18 dekabr 2020 (UTC)

  Əleyhinə: Qeyri ensiklopedikdir. Şəxs özü facebookda etiraf edib ki, məqalə ona google panel üçün lazımdır. Şəxs haqqında google üzərindən axtarış aparan zaman əldə tutulacaq bir nəticə çıxmır. Yenə də, son sözü icma deməlidir. — Baskervill (müzakirə) 23:57, 18 dekabr 2020 (UTC)

  Əleyhinə: özünüreklam cəhdi. --► Hörmətlə: SolaVirum 01:20, 19 dekabr 2020 (UTC)

•   Şərh: İstifadəçi bu facebook postunda açıq şəkildə istifadəçiləri təhqir etdiyi üçün (Azərbaycanlı bəzi Wikipediaçılar reketlik, imkanlardan sui istifadə və qərəzlik prinsipləri ilə rəftar edirlər) bloklanmasını xahiş edirəm. Bununla da mövzu bağlanmış hesab edilə bilər. — Thunder Storm (müzakirə) 01:46, 19 dekabr 2020 (UTC)
•   Bərpa olunsun: Salam. Mən bu məqalənin qısa müddətdə silinməsini heç anlaya bilmirəm. Məgər qeyri-ensiklopedik məqalələr azdır? Ola bilsin ki bu şəxsin ensiklopedik olmasına dair kriteriyalar çox azdır. Amma çoxsundan lazımlı,unikal şəxsdir. Silindi,ya da silinməyə namizəd oldu,nə artdı? Hörmətlə, — Sword313 (müzakirə) 10:15, 19 dekabr 2020 (UTC)
•   Şərh: Şəxsin Vikipediya ilə bağlı yazdıqları şəxsi münasibətlərə təsir edə bilər, amma məqalənin statusu ilə bağlı mövqeyə təsir etməməlidir. Çox ağır müqayisədir, amma təsəvvür edin ki, kimsə Seyran Ohanyan məqaləsinin silinməyini istəyir, səbəb kimi də göstərir ki, o, azərbaycanlıların öldürülməsində iştirak edib. Yəni mövqe şəxsə yox məqalənin əhəmiyyətinə görə olmalıdır. Digər şəxslərin Vikipediya ilə bağlı harda nə dediyini bilmirik. Bu halda da şəxsin özü yox, ensiklopedikliyi müzakirə olunmalıdır.— Eminn (müzakirə) 07:27, 19 dekabr 2020 (UTC)
•   Əleyhinə: Fərid bəy, öncə fəaliyyətinizdə uğurlar arzu edirəm! Vətəndaş olaraq tutduğumuz vəzifə və mövqedən asılı olmayaraq, ölkəmizin maraqlarını qorumaq hər birimizin borcudur. Sadaladığınız halları nəzərdən keçirdim, amma bunlar sizin ensiklopedik şəxs hesab edilmənizi şərtləndirmir. İştirak etdiyiniz tədbirlər də bu kateqoriyadandır. İnanıram ki, gələcəkdə Vikipediya meyarları üzrə ensiklopedik sayılacaq fəaliyyətləriniz də bol olar və səhifəniz burada yerləşdirilər. Unutmaq lazım deyil ki, qərəzli informasiyalarla mübarizədə vikipediyaçılar da müxtəlif dillərdə ölkəmizin haqq mövqeyini hər zaman müdafiə ediblər. Lakin bu, onların ensiklopedik şəxs sayılmasına dəlalət edən hal sayıla bilməz. Uğurlar arzu edirəm!میرعلی 797 (müzakirə) 09:24, 19 dekabr 2020 (UTC)
•   Əleyhinə: Qeyri-ensiklopedik şəxs. Fəaliyyətinizdə uğurlar! — Leila1717 (müzakirə) 10:29, 19 dekabr 2020 (UTC)
•   Əleyhinə: Google məlumat paneli üçün wikipedia olması önəmli deyil başqa yolları mövcuddur. - İlkin Şükürov 12:23, 22 dekabr 2020 (UTC)
•   Əleyhinə: Ensiklopedik deyil. Reklam və şəxsi maraq üçün yaradılmışdır. Və sosial şəbəkələr üzərindən bir çox istifadəçi və idarəçilərə qərəzli fikirlər söyləmişdir.— namikilisu 15:03, 24 dekabr 2020 (UTC)
•   Şərh: Hörmətli @İlkin Şükürov, zəhmət olmasa Google məlumat panelini əldə etməyin başqa yolu mövcuddursa, onda istiqamət verərdiniz ki, sizin göstərdiyiniz istiqamətdən yararlanmış olsun və google knowledge graph id əldə etməyin yolunu sizin sayənizdə öyrənmiş olsun, şəxs özü haqda Vikipediyada məqaləsinin olmaması ilə barışmış olar bu zaman, həmdə bu çürə uzun müzakirədən ən azından yararlana, cox güman ki, yazılanları oxuyur özü. Vikipediya cəmiyyəti tərəfindən yazılanların onun üçün də, bir xeyri dəymiş olar belə olduğu təqdirdə. Yuxarıda yazılanlardan belə başa düşdüm ki, şəxs Google panelinin olması üçün öz səhifəsini yaratmaqda israrlı olub amma əfsuslar olsun ki, bu mümkün olmayıb bildiyimiz kimi.— Elshad Iman (Elşad İman) (müzakirə) 15:54, 24 dekabr 2020 (UTC)

• •   Şərh: Hörmətli Elshad Iman (Elşad İman) şəxs özü yenə wikipedia müraciət edib bu səfər ingilis wikipediası yaradıb amma artıq google məlumat lövhəsi yaranıb yəqin ki, artıq bacara bilib. - İlkin Şükürov 16:31, 24 dekabr 2020 (UTC)

•   Şərh: @İlkin Şükürov, siz dediyiniz bu məqalə silinəcək, müzakirəyə nəzər yetirəndə belə bir qənayətə gəlmək olur. Məqalə silinəndən sonrada bu google panel qalmayacaq, ona görədə google knowledge graph id- ilə əlaqədar məlumatınız varsa paylaşmanız yaxşı olar, qoy cəmiyyətin faydalı olduğundanda məlumatlı olsun. — Elshad Iman (Elşad İman) (müzakirə) 17:22, 25 dekabr 2020 (UTC)

•   Əleyhinə: - Şəxsin öz sosial şəbəkə hesablarında azərbaycandilli vikipediyaya qarşı paylaşımları viki icmanın çoxu üzvü kimi məni də məyus etdi. Hər dəfə bu tipdə destruktiv tənqidləri ortaya qoymaq və azvikiyə qarşı, onsuz da, zəif olan inamı azaltmaq yerinə, "bu layihəni necə inkişaf etdirə bilərik?" deyə mümkün həll yolları axtarmaq daha xoş olardı. Ancaq bütün bunlar Fərid Pərdəşünas məqaləsini yaratmamaq üçün əsas deyil. Hətta, şəxs mövzuya paralel olaraq "Vikipediyanın mənfi cəhətləri" adı altında ona çox populyarlıq qazandıracaq bir məqalə və ya kitab da yaza bilər və bu da onun ensiklopedikliyini artırar. Xülasə, vikipediyaya qarşı olmaq və onun imicini zədələməyə çalışmaq şəxs barədə məqalənin yaradılmasına əngəl deyil. Ancaq, şəxsin sırf ensiklopedikliyini araşdırdıqda əldə tutulacaq heç bir maddə yoxdu. Yuxarıda qeyd edildiyi kimi KİV-də şortik və TavushBotla tanınır. Şortik məsələsi nəticəsində Azərbaycan qanunlarında hər hansısa bir dəyişiklik olsa və ya buna görə hər hansısa bir etiraz dalğası başlasa (misal üçün:bütün kişilərin sürücülük vəsiqəsi imtahanına şortiklə getməsi kimi) Fərid Pərdəşünası belə bir məsələni ölkə gündəminə gətirdiyi üçün ensiklopedik saya bilərdik. Ancaq KİV-də yazılanlar bizə bunun belə olmadığını göstərir. Digər tərəfdən TavushBota baxsaq, informasiya müharibəsində ölkəmiz üçün çox müsbət bir alətə çevrildi. Nə qədər effektivdi və ya deyil, bu müzakirə edilə bilər, ancaq bu bot proqramlaşdırma sahəsində hər hansısa bir yeniliyi əks etdirmir, etdirirsə bilmək istəyərəm. Əlavə olaraq, Fərid Pərdəşünas yuxarıda iştirak etdiyi tədbirləri qeyd edib. Əgər o tədbirlərdə hər hansısa bir yazı və ya məqalə dərc etdiribsə və ya bu tədbirlərin əsas təşkilatçılarından biri olubsa, şəxs ensiklopedik sayıla bilər. Bəlkə mən görməmişəm, çox istəyərdim ki, özü bizə bununla bağlı keçidləri təqdim etsin. Şəxsi olaraq Fərid Pərdəşünasın ölkəmiz adına çox potensiallı insan olduğunu düşünürəm və ümid edirəm ki, gələcəkdə öz sahəsində çox tanınmış biri olar və biz də onun haqqında yaxşı məqalə səviyyəsində bir məqalə yazarıq. Sonda, özümüzü, yəni vikiicmanı tənqid etsək, həqiqətən də, ensiklopediklik tələbləri və buna bənzər məsələlərlə bağlı tez zamanda iş görmək lazımdır. Hər kəsə uğurlar. AfraimMammadov (müzakirə) 10:09, 25 dekabr 2020 (UTC)
•   Əleyhinə: İcmanı istədiyi kimi tənqid edə bilər, təhqir etmədiyi müddətcə problem yoxdur. Reketlik məsələsinə gəldikdə, şəxsin özü facebookda ən böyük nümunəni nümayiş etdirir. Məqalə hal-hazırda ensiklopedik deyil, gələcəkdə şəxsin fəaliyyətindən asılı olaraq dəyişə bilər. Ensiklopedik şəxs olduğu təqdirdə məqalənin bərpası üçün danışa bilərik. İndiki şəraitdə məqalənin bərpası mümkün deyil. Facebookda paylaşım etməkdənsə, vikipediyada müzakirə müddətində məqalənin ensiklopedik olması ilə bağlı arqumentlər gətirsəydi inanıram ki, daha faydalı olardı. Hörmətlə: — Khidirzada (müzakirə) 04:48, 6 yanvar 2021 (UTC)

 Y Vikicəmiyyətin yekun mövqeyi ilə məqalənin bərpa olunması təklifi qəbul edilmədi. Bu qərar şəxsin fəaliyyətində yeniliklər olacağı təqdirdə haqqında məqalə yaradılmasını qadağan etmir.— Eminn (müzakirə) 15:47, 10 yanvar 2021 (UTC)

Malik202045 (müzakirə) 13:34, 19 dekabr 2020 (UTC)Salam, hörmətli və əziz Vikipediyaçılar. Zəhmət olmasa, göstərilən silinməyə nəzər yetirərdiz: Eldəniz Məmmədov (Elman oğlu) və ya bu məqaləni bərpa olunduqdan sonra Eldəniz Məmmədov (tar.ü.f.d.)kimi də adlandırmaq olar. Düşünürəm ki, bu səhifə vandalizmə məruz qalaraq (bir neçə şəxsin əvvəlcədən razılaşması ilə) silinmişdir. Bu şəxs (E.Məmmədov) alimdir, pedaqoqdur, ensiklopedik şəxsdir. Araz Yaquboğlu və istifadəçi adı "Mirzəfilankəs" kimi qeyd olunan vikipediyaçılar bunu təsdiq edə bilərlər. Onun, hətta vikibuksda biblioqrafiyası da var. Google Scholar səhifəsində də bu alim haqqında səhifə vardır. Biz özümüz öz Azərbaycanlı alimimizə qarşı bunu ediriksə, başqasından nə gözləyək? Sizlərdən, zəhmət olmasa, bu məsələnin araşdırılmasını və səhifənin bərpa olunmasını nəzərdən keçirməyinizi rica edəcəm.Malik202045 (müzakirə) 13:34, 19 dekabr 2020 (UTC)

●   Bərpa olunsun: Salam. Hər birinizi salamlayıram. Hörmətli Malik202045, yazdıqlarınızı oxudum. Dedikləriniz ilə razıyam. Həqiqətən də bu səhifənin silinməsinə səs verənlər arasında Eldəniz müəllimin imtahandan kəsdiyi tələbə də var. Vikipediya idarəçilərindən xahiş edirəm ki, belə məqsədli şəkildə silinməsi təşkil olunmuş səhifələri bərpa etsinlər. Belə səsvermələr ləğv edilməlidir. Mirzefilankes (müzakirə) 23:06, 19 dekabr 2020 (UTC)

●   Bərpa olunsun: Salam. Deyilən fikirlər ilə razılaşıram. Mən də bu alimin səhifəsinin bərpa olunmasına tərəfdaram. Sebuhi2222 (müzakirə) 20:22, 21 dekabr 2020 (UTC)

•   Lehinə: Yetərincə tanınmış alimdir.Yeniheyat2020 (müzakirə) 08:50, 24 dekabr 2020 (UTC)
•   Şərh: mövzunu şəxs üzərinə yönəldərək, bir Azərbaycanlıya qarşı ediriksə ifadəsinin istifadəsi düzgün deyil. Vikipediyada heç kim heç kimin düşməni deyil. Vikipediyanın şərtlərinə uyğun olmayan (hansı ki ümumi rəylər və səsvermə ilə qəbul olunur) məqalələr silinir. Şəxsin vikibuksda kitabının olması onun nə qədər ensiklopedik ettiyini deyə bilmərəm, məqaləni də görməmişəm. Hər halda iddihamlardan kənar bir şəkildə mövqeyinizi müdafiə etməyiniz yaxşı olar. Eldəniz bəyə fəaliyyətində uğurlar. — Dr.Wiki54 (müzakirə) 08:55, 24 dekabr 2020 (UTC)
•   Bərpa olunsun: Od olmayan yerdən tüstü çıxmaz. Səhifələri məqsədli şəkildə silinmək üçün səsverməyə çıxartmağa son qoyulmalıdır. - Muxtar4Turan (müzakirə) 17:50, 24 dekabr 2020 (UTC)
•   Bərpa olunsun: - Belə alim və əsl pedaqoqun səhifəsini silməyə cəhd etmək? Çox təəssüf edirəm. Hörmətlə, Lee Chi Chek (müzakirə) 08:48, 25 dekabr 2020 (UTC) Lee Chi Chek (müzakirə) 08:48, 25 dekabr 2020 (UTC)
•   Şərh: - Lee Chi Chek, alim və pedaqoq olmağı barədə etibarlı mənbə varmı? - Xəyal Haşımov (müzakirə) 10:20, 25 dekabr 2020 (UTC)
•   Əleyhinə:— Dr.Wiki54 (müzakirə) 12:02, 25 dekabr 2020 (UTC)
•   Şərh: Xəyal düz buyurur. Sualı ilə əlaqədar internetdə araşdırma etdim. http://realfakt.az/index.php?newsid=9172 - belə bir mənbədə Azərbaycan Milli Kitabxanasının dövri mətbuat fondu haqqında yazdığı monoqrafiyası şərh olunub. O cümlədən Google Scholar-da onun elmi əsərlərinə istinad edilib. Bu o deməkdir ki, bu şəxs tək Azərbaycanda deyil, xaricdə də tanınır. Həmçinin xüsusi qeyd edim ki, etibarlı və rəsmi mənbə olmasa Google Scholar heç bir alimi qeydiyyata almır. Hörmətlə, Mirzefilankes (müzakirə) 16:05, 25 dekabr 2020 (UTC)
• Müzakirədə iştirak edən bəzi istifadəçilərin nəzərinə çatdırıram ki, Vikipediya demokratiya deyil. Zəhmət olmasa ensiklopedik olduğu barədə arqumentlər göstərin.— NMW03 (müzakirə) 09:01, 27 dekabr 2020 (UTC)
•   Şərh: Salam. Bəli, NMW03 düz buyurur, burada demokratiya və humanizm qaydaları bəzən sıxışdırılır. Ancaq ədalətli, savadlı cavanlarımız var. Sağ olsun belə cavanlar. Bayaq vikipedianın "Silinməyə namizəd səhifələr"ində mərhum alim Məmməd Xeyirovun səhifəsini gördüm. Sizi Allah qorusun, yazdım, belə alimlərin səhifəsini silmək olmaz dedim. Məqalə vikipedia qaydalarına uyğun hazırlanmaya bilər. Ancaq bu səsvermələrdə tez-tez hər kəsin istifadə etdiyi "ensiklopedik deyil" və ya "qeyri-ensiklopedikdir" ifadələri belə alimlərə aid deyil. Hörmətli Vikipediyaçılar, İdarəçilər, Bürokratlar, sizlərə səslənirəm, zəhmət olmasa alimlərimizi müdafiə edin. Mirzefilankes (müzakirə) 12:33, 27 dekabr 2020 (UTC)
•   Bərpa olunsun: Salam. Burada yetərincə etibarlı mənbə göstərilib. Biblioqrafiyasında qeyd olunan Tədris proqramlarının adını adam tələffüz etməyə belə çətinlik çəkir. Bəlkə çoxlarının bu fənlərdən xəbəri yoxdur. Alimlərin səhifəsini silməyin. Olmaz. Kenizx (müzakirə) 14:46, 30 dekabr 2020 (UTC)
•   Əleyhinə: Təəssüf ki, başlıq altında məqalənin ensiklopedikliyi istiqamətində konkret faktlardan daha çox spekulyasiya xarakterli rəylər dövr edir. — Burocan (müzakirə) 02:21, 1 yanvar 2021 (UTC)
•   Əleyhinə: spekulyasiya xarakterli rəylər var yuxarıdakı fikirlə razıyam.— ►Doctor 12:06, 3 yanvar 2021 (UTC)
•   Əleyhinə: Burocan ilə tamamilə razıyam. Çox saylı hesablardan sui istifadədə ola bilər. — Khidirzada (müzakirə) 16:31, 3 yanvar 2021 (UTC)
•   Şərh: Müzkirədə iştirak edənləri salamlayıram. Bakı Dövlət Universitetinin rəsmi səhifəsində Eldəniz Məmmədovun 2017-ci ilə qədər olan fəaliyyətinə və şəxsinə dair məlumatlar vardır. Bu şərh etibarlı mənbə axtarışında olanlar üçündür. İstinada daxil olub səhifəyə keçid ala bilərsiz. - Malik202045 (müzakirə) 19:38, 3 yanvar 2021 (UTC)

 Y Yekunlaşdırma: Göstərilən arqumentlərə əsasən məqalə bərpa edildi.— NMW03 (müzakirə) 21:22, 15 yanvar 2021 (UTC)