Vikipediya Berpa Ucun Namized Sehifeler Arxiv 2025 Fevral - Wikipedia - Gecemiz.az

Salam. Atam (Mütəlim Şərifli) ilə bağlı məqalə yaradırdım, silmisiniz. Sizdən məqalənin qəbul alması üçün təsdiq almaq istərdim. Atam həmçinin neçə dəfələrlə "Abituriyent" verilişində (2009, 2015, 2018, 2022, 2023-cü illərdə) iştirak etmiş tanınmış bunker müəllimdir. Hal-hazırda həmin verilişlərin linkini tapıb bir araya yığma ərəfəsindəyəm istinad üçün. Və həmçinin fizika-riyaziyyat üzrə elmlər namizədi (indiki riyaziyyat üzrə fəlsəfə doktoru) olmaq ilə yanaşı, bir çox kitab və xarici jurnallarda elmi məqalələri də var (məqalədə də istinad linkləri var). Bunlar ensiklopedik şəxs olmağa kifayət yetmirmi? Burada fəaliyyətim kiçik də olsa, hər zaman nəzakətli və doğru informasiya təqdim etmək tərəfində olmuşam. Sizdən xahişim, məqalənin bərpası üçün köməklik görsətsəniz, çox sevinərəm. Bu mövzu mənim üçün çox vacibdir. Həmçinin məqalə üzərində əziyyətim də var. Orujsharifli (müzakirə) 13:49, 25 fevral 2025 (UTC)

Yekunlaşdırma:   Qəbul edilməməklə birlikdə, Vikipediyaya verdiyiniz töhfələrə görə təşəkkür edirik. Ensiklopedik əhəmiyyətlilik qaydalarını və əlaqəli qaydaları oxuyun. Vikipediyada "təsdiq" deyə bir şey yoxdur və əziyyətinizin olması da heç nəyi dəyişdirmir. Hörmətlə, Qədir (müzakirə) 17:27, 26 fevral 2025 (UTC)

Salam. Azərbaycan Milli Xalça Muzeyinin direktoru, Əməkdar mədəniyyət işçisi, sənətşünaslıq üzrə fəlsəfə doktoru Əminə Məlikovanın vikipediya səhifəsi 16 noyabr 2023-cü il tarixində silinib. Qeyd etmək istərdim ki, Əminə Məlikovanın əmək və ictimai fəaliyyəti çoxşaxəlidir. Belə ki, o bir sıra beynəlxalq və yerli muzey və incəsənət layihələrinin təbliğində fəal iştirak etmişdir. Fəaliyyəti dövründə ilk dəfə olaraq İçərişəhər ərazisində olan muzeylər vahid struktur çərçivəsində birləşdirilmiş, onların vahid sənədləşməsi, avadanlıq və eksponatlarının inventarlaşması həyata keçirilmiş, müvafiq sahələr üzrə mütəxəssislərin, o cümlədən bələdçilərin hazırlanması prosesi təşkil olunmuşdur. 2023-cü ilin əvvəlindən Heydər Əliyev Mərkəzi Sərgi və Tədbirlərin Təşkili Departamentinin direktoru vəzifəsində çalışır. Mərkəzdə keçirilmiş bir çox tədbirlərin təşkilində fəal iştirak etmişdir. 2024-cü ildən Azərbaycan Milli Xalça Muzeyinin rəhbəri kimi muzeyin beynəlxalq aləmdə tanıdılması istiqamətində də bir sıra tədbirlər həyata keçirmişdir və hazırda bu işi uğurla davam etdirir. Bir çox kitabların, elmi məqalələrin və kataloqların müəllifidir. "AZERBAİJAN KELAGAYİ" və "BUTALI" milli brendlərinin təsisçisidir. "Azərbaycan Respublikasının Əməkdar mədəniyyət işçisi" fəxri adı, "Azərbaycan Sərhəd Mühafizəsinin 100 illiyi (1919-2019)" yubiley medalı, "Humay" milli mükafatı ilə təltif olunmuşdur. Qeyd olunanları nəzərə alaraq, Əminə xanımın səhifəsinin bərpa olunmasını xahiş edirik. Kaktu23 (müzakirə) 11:01, 10 fevral 2025 (UTC)

Yekunlaşdırma:  Y Bərpa edilməməsinə qərar verildi. Nemoralis (müzakirə) 01:30, 30 mart 2025 (UTC)

Salam. Hər vaxtınız xeyir olsun. Wikipediada ensiklopedik olan şəxslərə qarşı münasibət mövsümü və ya müvəqqəti xarakter daşımamalıdır. Ensiklopedik olan şəxsi əgər bir qrup inzibatçılar müzakirə edib və qoruyub saxlayıblarsa düşünürəm onu illər sonra yenidən müzakirə etmək və sildirmək cəhdi doğru deyil. Bu hərəkət ondan əvvəl gələn inzibatçı sələflərinə qarşı hörmətsizlikdir, onların fikrinə sayğısızlıq göstərmək deməkdir. Eyni zamandan bu wikipedianın bir vahid orqanizm kimi fəaliyyətindəki ardıcılıq və davamlılıq prinsipinə zidd davranışlardır. Bir məqaləni nə qədər yaradıb silmək olar. Əgər bir dəfə qorunub saxlaılıbsa bu qərara sona qədər hörmət etmək lazımdır. Müzakirə edilib saxlanılmasına qərar verilən ensiklopedik olan bir alimin yəni Mehdi İskəndərlinin silinməsi də başından xətalı idi. İllər uzunu yaşayan bir səhifə anidən silinməyə qərar verilir. Düşünürəm ki, bu səhifə bərpa edilməlidir. Bu həkim Ülvi Mirzoyev, Mircəlal Kazimi, Toğrul Ömərov və s kimi həkimlər qədər edib ki, az etməyib. Onların səhifəsi durursa bununku da durmalıdır. Məqalə qısadırsa eninə-boyuna uzatmaq olar. Bol-bol məqalələri var həkimin əlavə etmək olar. Bir çox bu məqalədə qeyd edilməyən ilklər də var. Yazmaq olar. Əlavə düzəlişləriniz varsa da söyləyin korreksiya edək. Hörmətlə 109.127.39.228 16:53, 26 fevral 2025 (UTC)

Heç kimin redaktə etmə kimi bir məcburiyyəti yoxdur. Tənqid etmək əvəzinə yaxşı olar ki, şəxsin niyə ensiklopedik olduğunu əsaslandırasınız. Məqalənin mühafizə səbəbi isə onun müzakirə ilə silindikdən sonra spam şəklində müxtəlif başlıqlarda təkrar-təkrar eyni məzmunda yaradılmasıdır və bu halda da mühafizənin tətbiq olunması Vikipediya qaydalarına uyğundur. Hörmətlə, Qədir (müzakirə) 17:21, 26 fevral 2025 (UTC)

Görünən dağa nə bələdçi. Vikipediya:Ensiklopedik əhəmiyyətlilik (elm xadimləri) kriteriyalarında yazılıb ki, 9 meyardan hər hansı biri varsa yetərlidir. Bu qaralama məqaləsi onu göstərir ki, bu şəxs bir necə kriteriyanı qarşılaya bilir. Hətta bəzi məlumatlar yazılmayıb hansı ki, digər kriteriyaları da qarşılaya bilər. Məsələn 2 və 3-cü meyar bu şəxs tərəfindən qarşılanıb və kifayət edir ki, onu ensiklopedik etsin. Azərbaycan tibbi dərnəklərin varlığı ilə yoxluğunun bilinmədiyi vaxtda bu adam European Academy of Dermatology and Venereology (EADV) – cəmiyyətinin fellow üzvüdür. Yəni, bu şəxs dərnəyin prezident seçkilərində iştirak edir və səs verir. Bundan əlavə adı keçən dərnəyin hər il verilən Jhon Stratigos qrant mükafatını əldə edib və təltif edilib. ^[1] Bu isə 3-cü meyarı qarşılayır. Sizdən gözləyirəm deyəsiz yox Nobel mükafatı lazımdır o xırda şeydir. Bağışlayın amma təbabətimizin və elmimizin düşdüyü esfələsafilin (dini term) məqamı üçün bunlar çox yüksək mükafatlardır hansı ki, heç bir Azərbaycanlı dermatoloq alimi hələ ki, ala bilməyib ancaq Dr.Mehdi İskəndərliyə nəsib olub. Saxta stomatoloq, kosmetoloq, plastik cərrah, psixoloqun tüğyan etdiyi bir ölkədə bu alimin beynəlxalq mükafatları və digər performansları onu avtomatik hiperensiklopedik edir. Qərara verərkən Azərbaycanın düşmüş olduğu acı reallığı nəzərə almaq lazımdır. 109.127.39.228 10:32, 27 fevral 2025 (UTC)

Onda zəhmət olmasa etibarlı mənbə ilə sübut edin. Qaralama versiyadan gördüyüm qədərilə sizin tək sübutunuz şəxsin öz saytına əlavə edilmiş JPG faylıdır. Google-da axtarış etdikdə də görünür ki, üzvlük application əsasında olur, hansı ki məncə şəxsi önəmli biri etmir. Jhon Stratigos isə sadəcə təqaüddür, mükafat yox. Mediada əhatəsi belə yoxdur. Azərbaycanın acı reallığı Vikipediyanın problemi deyil, əziyyət çəkib korrupsiyaya bulaşmış sistemi təmizləsinlər. Nemoralis (müzakirə) 22:05, 4 mart 2025 (UTC)

Sizin şərhiniz məşhur lətifədəki merkantil maraqlar güdən və əlaçı tələbəni yıxmaq istəyən korrupsioner universitet müəlliminin son çarə kimi ikinci dünya müharibəsində bütün ölənlərin adlarını say sualına xatırlatdı. Yazdılqarınız peşəkar inzibatçı təsəvvürün yaratmadı.

2. Şəxs ölkə və ya dünya səviyyəsində yüksək prestijli mükafat almış və ya uğur əldə etmişdir.

· Nobel mükafatı, MacArthur təqaüdü, Filds medalı, Bancroft mükafatı, Pulitser mükafatı kimi öndə gələn akademik mükafatlara layiq görülmə 2-ci kriteriyanı hər zaman ödəyir.

Təqaüd sözünü oxuya bilirsiz ? Təqaüd də mükafatdır. Grant mükafatıdır. Ona görə bu ‘’sadəcə təqaüd’’ deyil. Bu kriteriyalara uyğun gələn təqaüddür. Ola bilər təqaüdü siz aylıq verilən pensiya ilə qarışdırısız. Qarışdırmayın. Adına nə qoyursuz qoyun axır bu alim təltif edilib, uğur əldə edib. Bunar sadəcə JPEG faylı deyil. Onlar mükafatın və ya təqaüdün üstündə verilmiş şəhadətnamədir. Bu da bəs etmirsə məqalədəki 22-ci istinada baxa bilərsiz. Qurumun öz rəsmi səhifəsində alimin təqaüd aldığı da qeyd edilib. Beynəqlxalq saytda bu fakt qeyd edilibsə yerli mediaya nə hacət ? Bu təqaüd də elə akdemiyanın üzvlərinə verilir. O ki qaldı korrupsiyaya, onun wikipedia inzibatçıları arasına da yayılması haqqında iddiaları eşittik və gördük. Bəzi inzibatçıların da dövlət qurumlarında işlədiyi bilidirilir.

Bundan əlavə Mircəlal Kazımlının səhifəsinin bərpa səbəbi kimi ölkədə etdiyi ilklər göstərilib inzibatçılar tərəfindən. Bu alimimiz də ölkəmizdə bir çox ilklərə imza atıb o cümlədən ölkəmizdə ilk dəfə meymunçiçəyi xəstəliyini aşkara çıxarıb. Mediada da gedib istinadlar da var. Bu da nəzərə alınmalıdır. 109.127.39.230 13:16, 5 mart 2025 (UTC)

müəllim, xahiş edirəm, müzakirəni daha sakit və konstruktiv aparaq. bu tonda danışmaq müzakirənin səmərəliliyini azaldır. kiminsə kimdənsə daha çox iş gördüyünü və ya hansısa məsələnin daha doğru olduğunu bu cür müqayisələrlə ifadə etmək xoş olmaz. digər məsələyə gəldikdə isə, əgər şübhəli məqam varsa, məqalənin silinməsi üçün təqdim edə bilərsiniz. Atakhanli (müzakirə) 18:07, 5 mart 2025 (UTC)

Sizin "yüksək prestijli mükafat" adlandırdığınız təqaüdü onu verən təşkilatdan başqa heç kim tanımır. Nemoralis (müzakirə) 18:22, 5 mart 2025 (UTC)

Siz yaxşı olar özünüzə yeni peşə və ya xobbi tapasız. Yalan məlumatlar payalaşanlar inzibatçı ola bilməz. 109.127.39.230 01:27, 6 mart 2025 (UTC)

Burda məqaləni bir qırağa qoyub şəxsiyyətdən danışacağıqsa məqalənin bərpası yaxın vaxtda olmayacaq Nemoralis (müzakirə) 12:02, 6 mart 2025 (UTC)

Əgər sizcə, şəxsiyyətdən danışmaq məqalədən daha önəmlidirsə, o zaman Vikipediya cəmiyyətinin əsas məqsədinə zidd gedirik. Vikipediya, müzakirələrin şəxsiyyətdən uzaq, obyektiv və məlumat yönümlü olması lazım olan bir yerdir. Məqalə üzərində işləyərkən şəxsi yanaşmalar və subyektiv fikirlər yerə düşür. Məqalənin bərpası və inkişafı yalnız konkret məlumat və müvafiq qaydalara uyğun olmalıdır. Şəxsi münasibətləri qırağa qoyub, Vikipediyanın prinsiplərinə sadiq qalmaq daha məqsədəuyğundur. 109.239.17.141 21:44, 8 mart 2025 (UTC)

Burada bir şəxsiyyət var o da Mehdi İskəndərlidir hansı ki, ensiklopedik şəxsiyyət (alim) kimi müzakirəsi gedir. Burada başqa şəxsiyyət yoxdur ki, müzakirəsi aparılsın. Cavab verənlər İP adresi, müxtəlif nikneymlərdir hansı ki, bunların arxasındakı real şəxsiyyət anonimdir. Gercək adları, soyadları, fotoları məlum deyil. Onların şəxsiyyəti ortada yoxdur ki, onları müzakirə edək. Burada yazışanlar istifadəçilərdir, inzibatçılardır və ya hər hansı wikipediyadakı virtual funskionerlərdir ki, hansı ki, anonimdirlər və onlarla müzakirə zamanı şəxsiyə keçmək texniki cəhətdən mümkün deyildir. Şəxsiyə keçə bilmək üçün ortada şəxsiyyət olmalıdır o da yoxdur. İp adresi və nikneymlərlə pərdələnmiş anonimlik var sadəcə ortada. Ancaq, bəli sizinlə razıyam ki, wikipedia prinsiplərinə sadiq qalaraq biz ancaq və ancaq məqalədəki ensiklopedik şəxsiyyət haqqında danışmalıyıq. 109.127.39.230 12:09, 9 mart 2025 (UTC)

Şəxsin məqalə bərpası bir kənara,"burada bir şəxsiyyət var nədir ?" "nickname nədir" bu üzv öz aləmində nəyisə belə tərzdə edəcəyəni düşünürsə onda çox düşünəcək. Redivy (müzakirə) 14:58, 9 mart 2025 (UTC)

Dırnaqlardan istifadə etməklə siz konteksdən çıxarış edirsiz və mövzunu təhriv edilən şəkildə təqdim etmiş kimi görsənə bilərsiz. İsifadəçiləri manipulasiya etmək cəhdi kimi anlaşılma ehtimalınız var. Xatırladım ki, inzibatçıların fəaliyyəti səhifəsində bəzi qaydalar qoyulub. Məsələn, istifadəçilərə istehzalı sözlər yazmamamlıdır deyilir. İstifadəçilərə qarşı iznibatçılar qarşı səbrli olmalıdır deyilir. Bundan əlavə inzibatçılar wikipedia qaydalarını yaxşı bilməlidir və ondan sonra şərhlər yazmalıdır deyilir və s. 109.127.39.230 15:25, 9 mart 2025 (UTC)

Qaydaları bu qədər yaxşı bilirsinizsə zəhmət olmasa yuxarıdakı suallarıma cavab verin. Mövzudan yayınıb "özünüzə başqa peşə tapın" kimi cümlələr yazsanız bu məqalənin bərpası mümkün olmayacaq. Nemoralis (müzakirə) 15:36, 9 mart 2025 (UTC)

Mövzüdan yayınan siz olduz inzibatçılıq haqqında qaydaların 3,4,5-ci bəndlərinə zidd olaraq istehzalı şəkildə dırnaqarasında - Sizin "yüksək prestijli mükafat" adlandırdığınız təqaüdü onu verən təşkilatdan başqa heç kim tanımır - deməklə. Özü də bu sual yox bəyanat idi hansı ki, istifadəçilərin qərarına mənfi təsir göstərə bilərdi və hansı ki, içində yalan vardı. Yalan isə o idi ki, guya heç yerdə tanınmır. EU-nın yəni Avropa Birliyinin dermatologiya akademiyasının təqaüdü necə tanınmaya bilər ? Elə bu yalan inzibatçı kimi sizi etibarsızlaşdırdı və inzibatçılıq qaydalarının pozuntusu məsələsini gündəmə gətirdi. Bir araşdırma edin. Qaralamaya girin istinadları yoxlayın. Hər şey yazılıb. Tanınmamasına dair faktınız və arqumentiniz varsa istinad göstərin. 109.127.39.230 16:33, 9 mart 2025 (UTC)

Siz qeyd etdiniz ki, Avropa Birliyi dermatologiya akademiyasının təqaüdü tanınmır deyə bir iddia ortada var. Bunun əksini göstərən bir fakt varsa, yəni bu təqaüdün geniş şəkildə tanınması ilə bağlı etibarlı mənbələr varsa, əlbəttə, o zaman bu müvafiq şəkildə qeyd edilməli və düzəlişlər edilməsi zəruridir. Əgər belə bir mənbə varsa, bu məlumatı şübhəsiz olaraq paylaşmaq və onu müvafiq şəkildə müzakirə etmək lazımdır. 109.239.17.141 19:39, 9 mart 2025 (UTC)

Belə bir iddia və müzakirə yoxdur heç yerdə. Kim belə bir iddia atırsa gərək əvvəl ispatlasın. Bundan əlavə Vikipediya:Ensiklopedik əhəmiyyətlilik (elm xadimləri) kriteriyalarının 2-ci bəndində mükafatın tanınmışlığı haqqında nə ifadə, nə də ki, tələb var. Mükafatlar akkreditə olmur ki, onu kimsə tanısın ya tanımasın. Deməli inzibatçı subyektiv tələb irəli sürür. Bu wikipediya qaydalarının 2-ci bəndinin pozulması deməkdir və avtomatik inzibatçını diskredite edir. Subyektiv iddia irəli sürübsə də işin etikası gərəyi heç olmasa gərək özü ilkbaşda bu mükafatın tanınmadığını dair dəlil gətirsin. Mükafatın mötəbərliyini onu verən qurum təyin edir. EADV isə mötəbər qurumdur. Mükafatın tanınmışlığı kimi anlayış ümumiyyətlə 2-ci bənddə yoxdur. 37.61.114.204 05:41, 10 mart 2025 (UTC)

  Bərpa olunmasın: Məqalə açıq-aşkar PR xarakterlidir. İstifadə edilmiş 28 istinad xəbər və JPG faylları ilə doludur. İki məqalə istinadı var ki, mətnə heç bir dəxli yoxdur. Yalnız 2 istinad məlumat daşıyır. Ensiklopedikliyin əsas kriteriyasını, yəni "əgər şəxs haqqında etibarlı, bir-birindən və mövzudan asılılığı olmayan ikinci dərəcəli mənbələrdə əhəmiyyətli məlumat mövcuddursa, o ensiklopedik hesab oluna bilər" kriteriyasını ödəmir. Yousiphh (müzakirə) 13:23, 28 mart 2025 (UTC)

  Bərpa olunsun: Siz nəyə görə bütün bərpa olunmaqda olan səhifələrə şablon şəhrlər yazırsız ki, bərpa olunmasın ? Bir məqaləni ətraflı oxuyun və istinadları araşdırın sonra rəy verin. Görmürsüz ki, Mehdi İskəndərli məqaləsi ensiklopedik əhəmiyyətli alim statusunda hazırlanıb ? Onun bütün kriteriyaları bu təlimata əsasən hazırlanıb. Sizin isə dırnaq arasında yazdıqlarınız ümumi ensiklopedik əhəmiyyətli şəxsilərin təlimatlarından konteksdən çıxarılmadır hansı ki alimlərə şamil edilmir. İstifadəçiləri niyə çaşdırırsız ? Əgər hazırlığınız yoxdursa bu işdə lütfən imkan verin ədalət hissini qorunmuş istifadəçilər səhifəni bərpa etsinlər. JPG fayıllar bir növ sübut və dəstək xarakterlidir. Lakin çox saylı digər istinadlar alimin akademik faəliyyətinin nüfuzlu beynəlxalq jurnalarda o cümlədən pubmeddə, calrivatedə, akademiyanın öz rəsmi səhifəsində əks olduğunu təsdiq edir. Ensiklopedik əhəmiyyətli alim üçün bu istinadlar mötəbərdir və kafidir. Təlimatları qarışdırmayın zəhmət olmasa.

5.44.39.179 18:41, 28 mart 2025 (UTC)

Ensiklopedik əhəmiyyətli alim üçün hansı istinadların kafi olduğu qaydalarda açıq şəkildə yazılıb. JPG faylı nəyinsə mənbəsi ola bilməz. Bu düzəldilməmiş səhifənin bərpa olması mümkün görünmür. Nemoralis (müzakirə) 21:10, 28 mart 2025 (UTC)

  Bərpa olunsun: Qaralamada texniki sehvler ola biler. Adi ustunde qaralamadir.Ancaq soz vermelisiz ki berpadan sonra jpg fayillari silesiz.Mence diger istinadlar bu sexsi yeteri qeder ensiklopedik alim edir.Azerbaycanda taninmis hekim alimdir.Meymunciceyi movzusuds cox maraqli edir bu seyfeni.Ona gore bu sehifenin berpa olunmasina ses verirem.

46.18.66.219 13:11, 30 mart 2025 (UTC)

JPG fayıllı istinadlar ləğv edildi. Texniki səhvlər də aradan qaldırıldı. 37.61.120.97 09:44, 7 aprel 2025 (UTC)

Mən deyirdim ki, JPG faylı mənbə ola bilməz. İndi keçidləri silib həmin JPGləri vikinin özünə yükləmisiz. Nə fərqi oldu ki? Nemoralis (müzakirə) 05:08, 11 aprel 2025 (UTC)

@Nemoralis həmin şəkillərin hamısı Commons-da silindi. Yükləyən İstifadəçi:Drdrmtlgst isə bloklandı. Burada müzakirə aparanları bilmirəm, amma bu şəxs Vikipediyanın Təhqir, təhdid və aqressiyaya yol verilməməlidir qaydasını iki dəfə kobud şəkildə pozub: [1] və [2] Yousiphh (müzakirə) 12:48, 11 aprel 2025 (UTC)

Elə yuxarıda rəy yazan digər IP ünvan da özüdü. Bəzi istifadəçilər inzibatçıları uşaq hesab edir. Yuxarıda da qeyd etdiyim kimi, VP:ALİM kriteriyasına uyğun etibarlı mənbə göstərilməyəcəksə bu məqalənin bərpası mümkün olmayacaq. Şəxsin Azərbaycanda ilk olduğunu deyən mənbə lent.az-dırsa, deməli bu məqaləni ciddiyə almağa da ehtiyac yoxdur. Nemoralis (müzakirə) 12:54, 11 aprel 2025 (UTC)

Lent.az bəs eləmədi. İTV-də bəs eləmir ? 109.127.39.48 17:12, 14 aprel 2025 (UTC)

1 və 2 nömrəli qeydlərə baxdım. Bloka atdığınız istifadəçi burada verilən məsləhətlərə uyğun olaraq jpg fayılları istinad kimi ləğv edib şəkilləri qaralamaya daxil etmişdir.Burada nə təhqir var ki, onu bloka atıb şəkilləri silmisiz ? Bir başa salardız hamıya. Üstəlik baxıram tövhə verdiyi məqalələrdəki şəkilləri də silmisiz gəcə hamı yatmışkən.Sizcə bu hərəkətin özü vandalizm və barbarizm deyilmi ? 109.127.39.48 18:03, 11 aprel 2025 (UTC)

  Bərpa olunmasın: Məqalə enskilopedik üslubda deyil və oxuyarkən yalnız xəbər saytlarında paylaşılmış "Meymunçiçəyinə ilk diaqnoz qoyuldu!" tipdə xəbər təəssüratı verdi.

Təqaüd və yayımladığı məqalələr məsələsinə gəlincə isə hazırkı zamanda bir çox həkimlər müxtəlif təşkilatlardan təqaüd və qonorarlar alırlar, bu gün nəinki həkimin, tibb tələbəsinin belə məqaləsi müxtəlif dillərə tərcümə edilib fərqli xarici jurnallarda çap olunur. Bu səbəbdən şəxsi ensiklopedik edən və önə çıxaran xüsusi nailiyyət və ya fəaliyyətini görmədim. -- Rüfət Həsənli 16:02, 15 aprel 2025 (UTC)

  Bərpa olunsun: Hansı alim beynəlxalq mötəbər qurumdan təqaüd alıb bu alim kimi, elmi işlər nüfuzlu jurnallarda çap edilir onlara aid ensiklopedik alim şəxsiyyət kriteriyalarına uyğun məqalə hazırlaya bilərsiz. Bu məsələ ensiklopedik şəxs-alim kriteriyalarında açıqça qeyd edilib. Oxumamısız ? Oxuyun. Yuxarıda şərhlərdə sübut edilib. Azərbaycanda beynəlxaq mükafatlar alan alimlər barmaqla sayılacaq qədər azdır. Bilirsinizsə də məqalələrini hazırlayın. Tibb tələbəsi azərbaycanda almaniyaya qaçmaq üçün alman dili kursuna gedir nə məqaləsi, nə tərcüməsi )) Yuxarıda şərhlərdə adı keçən həkimlərin səhifəsi qalırsa, bu alim dünəndən qalmalıdır. Cünki onların səhifəsinin bərpası zamanı verilən arqumentlər ümumiyyətlə alim kriteriyalarından kənar tezislərdir.Gedin o şərhləri də oxuyun.Ancaq diqqətli olun gülməkdən qarnınız ağrıya bilər )) 109.127.39.48 18:43, 15 aprel 2025 (UTC)

Əvvəla, cənab (xanım), mən sizinlə bu üslubda danışmamışam ki, mənə göstəriş verirsiniz. Daha doğrusu, sizinlə, ümumiyyətlə danışmamışam, yalnız məqalə mövqeyimi bildirmişəm.

İkincisi, nümunə olaraq gətirdiyiniz məqalələrdəki şəxslər tibb sahəsində kifayət qədər tanınan, önəmli işlər görmüş, xüsusən, Azərbaycanda bu sahədə innovativ və mühüm addımlar atmış, yeni texnikalar tətbiq etmiş, öz ixtiralarının patentini almış, hazırda diqqətəlayiq statusa yüksəlmiş həkimlərdir. Lakin hazırda müzakirəsini apardığımız məqalədə veneroloqla bağlı ensiklopedik əhəmiyyətli məlumat görmürəm. Ola bilsin ki, çox peşəkardır və mühüm işləri var, amma məqalənin hazırkı vəziyyəti ilə qəbulunu doğru hesab eləmirəm. Həmçinin məzmunun azlığından əlavə, kifayət qədər qrammatik və orfoqrafik səhvlər də var. Tövsiyəm budur ki, burada bu tərzdə cavablar vermək əvəzinə, həmin zamanı məqaləni təkmilləşdirməyə və təklifləri nəzərə almağa ayırasınız. Unutmayaq ki, bu səsvermə və müzakirə sisteminin mahiyyəti də bundan ibarətdir, yoxsa bütün məqalələr yoxlanış və senzura olmadan yayımlanardı.

P.S. Yaxşı olardı ki, siz də Vikipediya:Nəzakət səhifəsini oxuyasınız. -- Rüfət Həsənli 22:37, 15 aprel 2025 (UTC)

  Bərpa olunsun: Ödənişli əsaslarla işləyən vəkillər kimi heç bir bazisi olmayan pafoslu cümlələrlə müdafiə etmək lazım deyil Mircəlal Kazımlını.Arqumentlərə arqumentlərlə punkt punkt cavab vermək lazımdır. Sizin işiniz vəkillik yox əsaslandırmaqdır.Mircəlal Kazımlının hansı yenilikləri istinadlarla göstərilib ? Patenti hansı istinadda qeyd edilib ? Bu şəxsin bütün istinadları yerli korrupsioner media saytlarıdır.İstənilən vaxt ödəniş edərək istədiyini yazdıra bilərsən.Mircəlal Kazımlının səhifəsinin bərpa arqumentlərində harada patent və yeniliklər əsas gətirilib ? ( Baxın bu səhifə hansı arquementlərlə bərpa edilib - https://az.wikipedia.org/wiki/?q=Vikipediya:B%C9%99rpa_%C3%BC%C3%A7%C3%BCn_namiz%C9%99d_s%C9%99hif%C9%99l%C9%99r/Arxiv/2023_Mart#Mirc%C9%99lal_Kaz%C4%B1mi )Ancaq Mehdi İskəndərlinin istinadları bir baş beynəlxalq istinadlardır. Yenilikləri bir məqaləsində əks olunub. Məqələsi də beynəlxalq dərs vəsaitində kitaba keçib. Beynəlxalq mükafatları da var istinadıları ilə birgə. Əgər ətraflı oxusaydız bilərdiz ki, meymunçiçəyi elə veneroloji yolla yəni cinsi yolla keçir əsasən, onu da ilk dəfə Mehdi İskəndərli aşkar edib ölkəmizdə. ITV-də sujeti də var. Əsl nəzakətsiz ikilistandartlı olmaqdır, əsl nəzakətsizlik qaraya ağ, ağa qara deməkdir, əsl nəzakətsizlik sifarişli fəaliyyət göstərməkdir, əsl nəzkətsizlik bilərəkdən faktı təhriv etməkdir, əsl nəzakətsizlik istifadəçiləri əsassız yerə bloklamaqdır, əsl nəzakətsizlik wikipedia təlimatı ilə deyil öz kefinə görə rəy vermək və səs verməkdir, əsl nəzkətsizlik bir dənə istinadı olan o da işləməyən səhifələri saxlayıb ( https://az.wikipedia.org/wiki/?q=Na%C4%9Fd%C9%99li_Zamanov) Mehdi İskəndərli kimi beynəlxalq performanslı alimi silməkdir. Bu nəzakətsizlikləri də bəzi inzibatçılar və bəzi istifadəçilər edib biz yox. 109.127.29.209 08:23, 16 aprel 2025 (UTC)

Mircəlal Kazımlı səhifəsinin bərpası siz bəyənmədiyiniz arqumentlərlə bərpa edilib. İlk dəfə onu edib, ilk dəfə bunu edib Azərbaycanda.Onda belə çıxır siz Mircəlal Kazımlı səhifəsini təzədən SNS-ə verməlisiz.Verəcəksiz?Bu şərhlə verməlisiz. Ona görə düşünürəm inzibatçılar və istifadəçilər ziddiyyətli, ikilistandartlı uzaq durmalıdırlar.Pis görsənir. 109.127.39.48 19:00, 15 aprel 2025 (UTC)

Həmin məqaləyə etirazınız varsa SNS müzakirəsi aça bilərsiniz. Sizin bu whataboutism cəhdləriniz bu məqalənin bərpa olunmasına kömək etməyəcək. Nemoralis (müzakirə) 07:42, 16 aprel 2025 (UTC)

Bizim məqaləyə etirazımız yoxdur.Mircəlal Kazımlı yaxşı həkimdir.Bizim etirazımız sizin kimi qeyri-peşəkar inzibatçılaradır.Bu səhifəni fəaliyətinizin ( ikilistandartlarla dolu, təlimatdan uzaq, qərəzli, kefəbağlı) iç üzünü açmaq üçün nümunə gətirdik.Yoxsa bu səhifə qalmalıdır.Burada whataboutism hadisəsi də yoxdur.Siz yaxşı olar bu mövzuda bir az da araşdırma edəsiz.Ümumiyyətlə yuxarıda təlimata uyğun bənd-bənd, qıfılbənd tərzi şərhlərlə istifadəçilər sizin,bir inzibatçı kimi qıflınızı vurub.Təkrar təkrar eyni spamvari şərhlər yazmağın nə mənası var.Köhnə kişilər, keçmiş azərbaycanlılar buna bənzər vəziyyətlərə düşəndə,haqsız olduqlarını başa düşəndə vaxtında abrına qısılıb geri çəkilərdirlər daha pis biabır olmamaq üçün. Təbii ki,bu bir ərdəmlik nümunəsi idi onlar tərəfindən 109.127.29.209 09:31, 16 aprel 2025 (UTC)

@Yousiphh Siz bütün səhifələrə PR, reklam deyib sildirirsiz. Belə başa düşülür ki, sizin üçün ensiklopedik şəxslər ancaq ölmüş insanlar ola bilər. Sağ adamlar ensiklopedik ola bilməz. Siz bu səhifəyə də reklam xarakterli olduğunu qeyd edən tag əlavə eləmisiz. Bu iddianızı əsaslandırmalısız. Məqalənin PR xarakterli oldğunu göstərən kriteriyalar hansılardır və bu səhifədə hansı kriteriya pozulmuşdur izah edin. Əks halda səhifəni geri qaytarmalı olacağıq. Cünki bu səhifə ensiklopedik şəxs alim kriteriyalarının tələblərinə uyğun hazırlanıb. Ümumiyyətlə ensiklopedik alim məqaləsin PR-ilə suçlamaq məntiqdən kənar bir işdir. Alim reklamı ümumiyyətlə dünyada yoxdur. Bu alimi niyə reklam eləmək istəyək ki ? Bu reklam onun elmi məqalələrini necə artıra bilər ki ? İddianızda gərək məntiq də olsun. 109.127.29.209 07:21, 1 may 2025 (UTC)

Birinci cümlədən hər şey aydın olur. Həm də dəri xəstəliklərinə bu alimin adını və saytlarını yerləşdirmənizdən də hər şey bəllidir. Məqalə bərpa olunmayacaq. Buradakı müzakirəyə bir daha nəzər yetirin. Yousiphh (müzakirə) 09:53, 1 may 2025 (UTC)

Yekunlaşdırma: VP:BLOKDANYAYINMA və VP:TYV qaydalarının pozulmasını əsas götürərək müzakirəni yekunlaşdırıram. Səhifə VP:Ü5 kriteriyasına əsasən silinir. İstifadəçi bir müddət öncə blokdan azad olmaq üçün müraciət etmişdi. 10:38, 1 may 2025 (UTC)

Son zamanlar globalda videosu məhşurlaşan Panturalın Vikipediya səhifəsini axatrdıqda rast gəlmədim. Sonra isə silinməyini gördüm. Həmin səhifəni yenidən yaratmaq və ya bərpa etmək mümkündürmü? Bunun üçün nə etmək lazımdır? FacelessWarrior (müzakirə) 11:23, 17 fevral 2025 (UTC)

Salam. Əgər şəxsin Vikipediya:Ensiklopedik_əhəmiyyətlilik_(şəxslər)#Yaradıcı_mütəxəssislər tələblərini ödədiyini düşünürsüzsə və bunu təsdiq edəcək mənbələr varsa, onda məqaləni yenidən yaradıb(əvvəlki versiyaya düzəliş edib) Vikipediya:Bərpa üçün namizəd səhifələrə təqdim edə bilərsiz. — Bikar ^müzakirə 16:13, 17 fevral 2025 (UTC)

Son zamanlar çox keyfiyyətli işlər gördüyünü görürəm. Ölkədə alternativi olmayan işlər görür zənnimcə. Çox kreativ iş görən şəxs yoxdur ölkədə ki, qlobal miqyasda izlənsin və diqqət toplasın. Bu şəxsin isə viral olan bir çox işləri mövcuddur. Eyni zamanda bir çox layihənin və kinonun, kreativ işin müəllifidir. Məsələn qısa müddət öncə qlobal miqyasda viral olan bu videosu: https://www.instagram.com/p/DFnB2AuNcI0/ . Ümumiyyətlə şəxsin instagram profilinə daxil olanda ölkə səviyyəsində unikal və qlobal səviyyədə maraq doğuran işləri olduğunu görmək olar. Profil linki: https://www.instagram.com/pantural/

Biraz araşdırma edib haqqında bu linkləri tapa bildim fəaliyyəti haqqında:

https://www.topgear.com/car-news/cgi-news-rendered-speechless-2009

https://render.ru/ru/articles/post/10150

https://m.imdb.com/name/nm12730212/?ref_=nmnw_rvi_t_1

https://www.youtube.com/watch?v=K50qIr3HM_A

https://www.youtube.com/watch?v=iVMcIZN_fQ0

İşinin unikallığını, xüsusilə 3dmax proqram təminatında dünya səviyyəli mühəndislərdən biri olmasını nəzərə alsaq şəxs haqqında öncədən bağlanmış viki məqaləyə uyğun düzəlişlər etməklə bərpa etmək olar. FacelessWarrior (müzakirə) 11:39, 24 fevral 2025 (UTC)

Salam, @FacelessWarrior, qaralamada olan səhifədə düzəlişlər edə, bərpası üçün arqumentləri burada yaza bilərsiniz. Hörmətlə, — Toghrul R (m) 18:27, 17 fevral 2025 (UTC)

Unikal və ya "maraq doğuran" işlər gördüyünü müstəqil mətbuat orqanları və s. deməlidir, biz yox. TopGear 2009-cu ildəki işdən bəhs edir, nə qədər etibarlıdır bilmirəm. Render.ru müsahibədir, diqqətə alınmır. IMDb və YouTube isə ümumiyyətlə ensiklopedikliliyi təyin edən mənbə hesab edilmir. Nemoralis (müzakirə) 12:06, 24 fevral 2025 (UTC)

Ölkədə yüzlərlə bu şəxs kimi (qrafik) dizaynerlər var. Bəziləri haqqında mənbə daha çox tapdım nəyinki Panturalın haqqında. Sadəcə YouTube və İnstaqram platforması zəngindir. Patriot (müzakirə) 14:11, 25 fevral 2025 (UTC)

Pantural qrafik dizayner deyil. 3d Engineer sayılır. VFX sahəsində onun elədiklərinə oxşar iş görməmişəm respublikada. Eyni zamanda o rejissordur, bir çox filmlərin də müəllifidir. Etdiyi bütün işlər də hər zaman fərqlilik ehtiva edib və maraq doğurub. Bir şəxs haqqında mətbuatda yetərincə məlumat çıxmayıbsa bu həmin şəxsin işlərini görməzdən gəlmək lazım olduğuna səbəbiyyət vermir. Bu günkü dövrdə heç kim mətbuatı özəlliklə bu sahədə Portfolio kimi qəbul etmir. 3dmax proqramında nəinki ölkə səviyyəli, dünya səviyyəli işləri var adamın. Və ən əsası bu şəxs uzun müddətdir ki, bu sektordadır və bu işlə məşğuldur. FacelessWarrior (müzakirə) 14:19, 25 fevral 2025 (UTC)

@FacelessWarrior gördüyü işlərdən məlum olur ki, o həm də qrafik dizayner hesab edilə bilər. Diqqət etsəniz mən qrafik sözünü mötərizədə göstərmişəm. Siz şəxsi təkcə 3d engineer hesab edə bilməzsiniz. Bunun üçün gərək o sadəcə mühəndislik dizaynı ilə məşğul olsun. Müzakirəmiz bu deyil. Amma bu barədə geniş müzakirə apara bilərik. Siz mənbəni təkcə xəbər saytı hesab etməyin. Reklam xaraketri daşımasın deyə adını çəkməyəcəm, bir veb sayt dizayneri ölkənin ən öndə gedən jurnallarının birində üz qabığında yer almışdı. Mənbə dedikdə düşündüyünüz sadəcə hansısa mətbuatda müsahibə olmasın. Patriot (müzakirə) 14:29, 25 fevral 2025 (UTC)

  Bərpa olunmasın: Məqalə açıq-aşkar PR xarakterlidir. Ensiklopedikliyin əsas kriteriyasını, yəni "əgər şəxs haqqında etibarlı, bir-birindən və mövzudan asılılığı olmayan ikinci dərəcəli mənbələrdə əhəmiyyətli məlumat mövcuddursa, o ensiklopedik hesab oluna bilər" kriteriyasını ödəmir. Yousiphh (müzakirə) 13:25, 28 mart 2025 (UTC)

  Bərpa olunmasın: --► Hörmətlə: ChanisCaucasi 04:49, 16 aprel 2025 (UTC)

 N İmtina edildi.--Turkmen ^müzakirə 08:42, 16 iyun 2025 (UTC)