 |
 |
Gecemiz.az |  |
 |
 | Bu, keçmiş müzakirələrin arxividir. Zəhmət olmasa, bu səhifədəki məzmunu dəyişdirməyin. Bunun yerinə, buradakı müzakirələrə istinad edə bilərsiniz. Yeni bir müraciət etmək istəyirsinizsə, əsas səhifədən istifadə edə bilərsiniz. |
Son vaxtlar yaranmış, eləcə də əvvələr baş vermiş mübahisə və fikir ayrılıqları barədə artıq idarəçilərin təkbaşına qərar verməsi həm çətin həm də müəyyən mənada yanlış hesab oluna bilər. İdarəçi özü heç kimlə müzakirə aparmadan gəldiyi bu qərarda səhvə yol verə bilər. Ona görə də təklif edirəm ki, digər vikipediyalarda olduğu kimi bu cür mübahisələr barədə yekun qərarı verə biləcək arbitrasiya komitəsi yaradılsın. Bu barədə mənim müəyyən fikrim var amma indi vaxt azlığından təklifi tam detallı olaraq təqdim edə bilmirəm. O vaxta qədər bu barədə fikri olan istifadəçilərdən xahiş edərdim fikirlərini burda bildirsinlər. Təşəkkürlər. --TimBitsتِمبِتس 15:05, 10 Avqust 2007 (UTC)
Orası məni də narahat edir amma belə bir komitənin yaradılmasını vacib hesab etdiyim üçün artıq bu və ya digər şəkildə həmin problemləri həll etməliyik. Bu komitəyə daxil olan üzvlərin bütün vaxt vikipediyada olmalarına ehtiyac yoxdur məncə. Lazım olan vaxtda hansısa məsələ komitənin səlahiyyətinə verilərsə onda üzvlər müzakirə səhifəsi və/və ya e-məktub vasitəsi ilə xəbərdar edilə bilərlər. İndiki halda aktiv istifadəçilər az olduğu üçün komitəyə üzvlük istifadəçilərin öz namizədliklərini irəli sürmələri ilə deyil, aktiv hesab etdiyimiz istifadəçilərin siyahısını çıxardaraq bu siyahıdan sıra ilə (məsələn əlifba sırası) üzv təyin edilmə yolu ilə ola bilər. İstifadəçi bundan imtina edərsə növbəti istifadəçi həmin vəzifəyə təyin edilə bilər. Komitə üzvlərinin sayı məncə 3 və ya 5 olmalıdır. Sayın tək rəqəm olması sonda qərar alına bilməsi üçündür. 5 üzv olsa daha yaxşı olardı çünki nə qədər çox istifadəçinin iştirakı ilə qərar alınarsa bu qərarın ədalətli olmaq ehtimalı bir o qədər çoxalar. Amma indiki halda aktiv istifadəçilərin sayını nəzər alaraq bu say 3 də ola bilər. Bu 3 istifadəçidən birinin idarəçi olmasını məsləhət bilirəm, komitənin aldığı qərarların tətbiq edilməsini təmin etməsi üçün. Bu işdə sıra ilə bütün 5 idarəçiyə vəzifə verilə bilər. Komitənin səlahiyyət müddəti 3 və ya 6 ay ola bilər. Əgər komitə üzvlərindən biri komitəyə təqdim olunmuş və ya olunması düşünülən məsələdə tərəfdirsıə onda həmin istifadəçinin yerinə növbəti istifadəçi bu məsələ ilə əlaqədar müvəqqəti olaraq həmin üzvü əvəz edə bilər. Hələlik mənim ağlıma gələnlər bu qədər. Əlavəsi, düzəlişi və ya etirazı olanlar buyursun. --TimBitsتِمبِتس 01:07, 15 Avqust 2007 (UTC)
Elə məsləhətdi elə olsun. Sadəcə elə bu mövzuya olan münasibətdən başa düşmək olar ki, bu barədə müzakirələr nə səviyyədə olacaq. Problem həll etmək üçün yaradılan komitənin özünün problem olmasını istəməzdim. Amma necə məsləhətdirsə elə edək. Bu barədə rəsmi təklifin hazırlanıb müzakirəyə təqdim edilməsi işini sənə tapşırsaq necə olar? --TimBitsتِمبِتس 09:47, 16 Avqust 2007 (UTC)
Niyə ki, başlamışıq davam edək də. Heç olmasa sadə də olsa belə bir mexanizmin olması lazımlıdır. Əgər lazımdırsa onda sonraya qoymağın mənası da yoxdu. --TimBitsتِمبِتس 11:13, 16 Avqust 2007 (UTC)
Az. Vikipediya 15000 məqalə oldu. Hamınızı təbrik edirəm!
--Vusal1981 16:43, 15 Avqust 2007 (UTC)
Değerlendirmene sevindim. Amma düşünürəm ki, kaş buradakı istifadəçilərin hamısı sənin kimi fəal olaydı. O zaman bizə batan olmazdı. Sakın fəaliyyətini burada dayandırma, olurmu? Və məhz 15000-ci məqaləni sənin yaratdığın üçün sənə də böyük təbrik düşür. Aferin. Bizde derler ki : Sükanı belə saxla... sükan=vites saxla=tut :))
--Vusal1981 17:08, 15 Avqust 2007 (UTC)
Saytın bir idarəçisi - yəni adminstratoru - siyasi dillə desək, prezidenti - olmalıdı. Elə bir adam ki, bütün bu "qarmaqarışıqlığı" "yönləndirə" bilsin. Yoxsa ki, mən burda məqalə yazım, hansısa başdanxarab mən yazdığımı silsin - elə olsa ən uzağı, 10-15 məqalə yazaram) Və bu sayta... (üç nöqtə). Bir adam olmalıdı ki, bütün yazılanların və redaktələrin həqiqiliyini yoxlasın. --Sortilegus 22:02, 28 Avqust 2007 (UTC)
 |
 |
GECEMIZ.AZ |  |
 |
|