Vikipediya Kend Meydani Arxiv Dekabr 2020 - Wikipedia - Gecemiz.az

Hər kəsə salam. Bir şeyi diqqətinizə yetirmək istəyirəm. İdarəçilər edəcəkləri şeylər üçün seçilib. Amma, demək olar pandemiya başlayan dövrdən biz buna şahid ola bilmirik təəssüf ki. Bunun üçün yaxşı məqalə, seçilmiş siyahı namizədlərinin qiymətləndirilməsi üçün qəbul edilməsi üçün nəzərdə tutulmuş səhifələrə, yaxşı məqalə və seçilmiş siyahı namizədlərinin qiymətləndirilməsi üçün nəzərdə tutulmuş səhifələrə, o cümlədən silinməyə namizəd səhifələrə baxmaq bəs edir. Elə məqalələr var ki, az qala 50 gündür yoxlanmır. Təklif edirəm ki, azsaylı güvənilən istifadəçilərə bu qiymətləndirmələri/səsvermələri yekunlaşdırmaq hüququ verilsin. --► Hörmətlə: SolaVirum 09:51, 13 oktyabr 2020 (UTC)

• Solavirum bu məsələdə sizinlə razıyam.Namizədliyə gec baxılmasına razı olsam da qiymətləndirmə mövzusunda həqiqətən gecikirlər.--Advellerd 10:20, 13 oktyabr 2020 (UTC)

Solavirum : Əla fikirdir,   lehinə. Bunu digər praktikalarda da görə bilərik və digər istifadəçilərə də bu haqların verilməsi işlərin daha da keyfiyyətli və daha sürətli olması üçün önəmlidir. — Turkmen ^müzakirə 20:05, 14 oktyabr 2020 (UTC)

  Lehinə: İllərdir burada fəaliyyət göstərən istifadəçilər var ki, bu kimi mövzularda ədalətli qərar verə bilərlər. SNS/BNS və səhifələrin qiymətləndirilməsində keçirilən səsvermələrin yekunlaşdırılması üçün sadəcə müvafiq qaydalar haqqında məlumatın olması kifayətdir. — Surə ^🗯 08:51, 15 oktyabr 2020 (UTC)

Solavirum digər vikilərdə bu tip hüququn adı nədir? Yaxında müzakirə açıb Fabrikatordan istəmək olar bu hüququ.— Turkmen ^müzakirə 16:17, 16 oktyabr 2020 (UTC)

Turkmen, məlumatım yoxdur, amma çalışıb taparam. --► Hörmətlə: SolaVirum 16:22, 16 oktyabr 2020 (UTC)

Solavirum bu haqda araşdırdım. Bu tip məsələlərə əsasən patrullar nəzarət aparır. Həmçinin əlavə hüquq da yaratmaq olar.— Turkmen ^müzakirə 14:38, 3 dekabr 2020 (UTC)

Turkmen, gözəl. Patrullara bu hüququ vermək üçün səsvermə keçirək. Onsuz da ağır kod məsələsi deyil, sadəcə məqalə silmək funksiyası verilər, bir də SM və YM səhifələri patrullara açılar. --► Hörmətlə: SolaVirum 15:44, 3 dekabr 2020 (UTC)

Solavirum əslində məqalə silmə funksiyası verməyə ehtiyac yoxdur. Sadəcə patrula lazimi səhifələrdə müzakirə yekunlaşdırıb, status vermək hüququ və məqaləni qiymətləndirmə səhifəsinə əlavə etmək kimi haqların verilməsini rəsmi prisipə əlavə etmək lazımdır. Həmçinin mühafizə parametrlərində redaktənin yalnız patrullara və idarəçilərə verilməsi haqqında da Fabrikatora müraciət etmək olar. Bir variant da var ki, heç mühafizə parametrlərinin dəyişilməsinə ehtiyac olmasın, sadəcə patrullar lazımi məqalələrin müvafiq səhifələrə yerləşdirilməsi ilə bağlı idarəçilərə müraciət edə bilərlər.— Turkmen ^müzakirə 15:53, 3 dekabr 2020 (UTC)

Məncə bu hüququn patrulların hüquqlarına əlavə edilməsi bir qədər doğru olmayacaq. Çünki bütün patrulların bu hüququ layiqincə yerinə yetirməsi şüphəlidi. Elə istifadəçilər var ki, vandalizmlə mübarizə aparır və patruldur. Amma məzmun redaktəsində qüsurları var, qrammatik qaydalarla və ya qiymətləndimə sistemiylə tanış deyil. O zaman bu problemə çevrilə bilər. Plus bəzi istifadəçilər var patrul deyil, amma bu hüquqa layiqdi. Məncə bu hüquqlar eyni adda birləşdirilməsə, ayrı bir hüquq yaradılsa daha faydalı olacaq azviki üçün. Hörmətli Turkmen, qeyd etdiyiniz sonuncu variant effektiv olmayacaq. Çünki idarəçilərə müraciət edilməsi, idarəçilərdən birinin onu cavablandırması və tətbiq etməsi uzun vaxt alacaq. Həm də bunu istənilən bu mövzuda etibarlı istifadəçi edə bilər. — Surə ^🗯 19:06, 10 dekabr 2020 (UTC)

SGrabarczuk (WMF)

15:30, 11 dekabr 2020 (UTC)

Hər kəsə salam, adlandırma ilə bağlı kiçik qarışıqlıq var. Eyni adda 4 şəxs var və ikisinin doğum ili eynidir. Söhbət bu şəxslərdən gedir: Murad Məmmədov. Hələlik doğum ili ilə yanaşı doğulduğu ayı da qeyd etmişəm. Təklifləriniz varsa müzakirə edib ortaq qərar qəbul edək. Hörmətlə — eldarado ^✉ 10:56, 12 dekabr 2020 (UTC)

Bu halda ən yaxşı variant ata adının mörtərizədə yazılmasıdı. — Araz Yaquboglu (müzakirə) 08:11, 14 dekabr 2020 (UTC)

Araz bəyin təklifi daha məqsədəuyğundur. - Xəyal Haşımov (müzakirə) 18:59, 19 dekabr 2020 (UTC)

Məncə də ata adı qeyd olunmalıdır. — Surə ^🗯 17:56, 31 dekabr 2020 (UTC)

Salam. Mətn redaktəsi pəncərəsindəki bu əlavə bütün vikilərdə edilib deyəsən. Bu alətin məqsədi nədir? — Surə ^🗯 14:31, 14 dekabr 2020 (UTC)

Salam hörmətli Sura Shukurlu səhifəni izləmək üçün nəzərdə tutulub. Daimi və ya müəyyən bir müddətə izləməyə ala bilərsiniz. — Drabdullayev17 (müzakirə) 15:01, 14 dekabr 2020 (UTC)

Salam dostlar. Hamıya məlum məsələdir кi, şəhid olan 2800-dən çox hərbi qulluq üçün məqalələr yaradılır. Məqalələrin hal-hazırda 90 faizi fotosuzdur. Mod.gov.az saytında olan əsgər fotoları istisna olmaqla hamısı hərbi geyimdə olan fotolardır. Həmin PDF faylından fotoları çıxarmağa çalışdım, amma çox uğursuz alındı. Kəyfiyyət aşağı düşdü. Düşünürəm кi, məqalələrin eyni üslubda olması üçün eyni tipli fotoların olması yaxşı olardı. Həmin fotoların orijinallarının Viкipediyaya yüкlənməsi üçün icazə almaq lazımdır Müdafiə Nazirliyindən. Dostlardan biri yardım edə bilərmi ? CəlalCavadov✉ 13:45, 16 dekabr 2020 (UTC)

Ümumiyyətlə, Azərbaycan MN-də yayımlanan fotomaterialları müəllif hüquqlarından çıxarmaq lazımdır. Prezident Administrasiyasının saytında olduğu kimi. Bunu Rusiya Müdafiə Nazirliyi də edib, Ermənistan və DQR MN-ları da. "Commons"a baxsanız, görərsiniz ki, Ermənistan propaqandası doludur. Azərbaycanca Vikimediya icması adından məktub göndərmək lazımdır. --► Hörmətlə: SolaVirum 21:55, 16 dekabr 2020 (UTC)

Hər iki istifadəçiyə qatılıram. Bu məsələylə bağlı məktub yazılmalıdı. AfraimMammadov (müzakirə) 16:25, 17 dekabr 2020 (UTC)

Solavirum, tamamilə razıyam. Şəhidlərin fotolarının orijinal versiyalarını göndərsəydilər, əla olardı. 2800-dən çox məqalənin harada 1000-də orijinal fotolarda olardı. CəlalCavadov✉ 21:44, 17 dekabr 2020 (UTC)

Gecəniz xeyir. Biz ən qısa zamanda Vikipediya:Ensiklopedik əhəmiyyətlilik (şəxslər) prinsipini qəbul etməliyik. Xüsusən, alimlər, yaradıcı şəxslər və sənətçilərlə bağlı kriteriyaları ətraflı yazmaq lazımdır. Digər şəxslərdə (diplomatlar, idmançılar və s.) ciddi problem olmur. Lakin alimlər, yazıçılar, jurnalistlər çox ciddi problemə çevrilib. Hətta bir müddətlik SNS-in fəaliyyətini məhdudlaşdırıb bu prinsiplə ciddi məşğul olmağı təklif edirəm. Bu prinsipi qəbul edəndən sonra SNS-in də yükü xeyli azalacaq.— Eminn (müzakirə) 21:32, 17 dekabr 2020 (UTC)

Eminn, bu çoxdan olunmalı qərardır. Bu dəqiqə q/e məqalələri SNS təqdim edilsə, AzViкipediya haradasa 1-2 ilə təmizlənər. Hələ SNS-də olan "bir gündə üç məqalə" qaydasından danışmıram. İdmançılarla bağlı olan hissəyədə əl gəzdirilsə yaxşı olar. Bu dəqiqə 300-dən çox idmançı məqaləsinə "sil" şablonu qoyulmalıdır. Ötən həftə məşğul olmaq istədim. Bir sıra məqaləri SNS təqdim elədim. Ammma SNS vaxt itкisidir. Qaydalar qəbul olunub, məqalələr yerindəcə silinməlidir :-) Ən əsas AzViкipediya təmizlənməlidir bu məqalələrdən. CəlalCavadov✉ 21:48, 17 dekabr 2020 (UTC)

Eminn Razıyam. Məncə xüsusilə alimlər, elm adamları məqalələri tənzimlənməlidi. CavidRasul (müzakirə)

Razıyam. Yaxşı olardı - Xəyal Haşımov (müzakirə) 18:46, 19 dekabr 2020 (UTC)

Bir də. Məncə, silinməyə namizəd verib "qeyri-ensiklopedik", ya da "ensiklopedikliyi" şübhə doğurur yazmasınlar. Yazanlar da gələn əks-arqumentlərə bir zəhmət cavab versinlər. --► Hörmətlə: SolaVirum 20:58, 19 dekabr 2020 (UTC)

Tamamilə razıyam. SNS-dəki məqalələrin 99 faizi (bəzən hamısı) şəxslərdir. Alimlər, əsasən də fəlsəfə doktorları haqqında məqalələr insanda sual doğurur. Dəqiq kriteriya bəlli deyil, odur ki hamı öz fikri əsasında münasibətini bildirir. Standart prinsip olaraq qəbuledilməlidir mütləq. Hal-hazırda ən aktiv bölmə SNS, ən çox ehtiyac duyulan qayda isə budur. — Surə ^🗯 17:54, 31 dekabr 2020 (UTC)

Hamıya salam! Vikianbar'daki Kateqoriya:Murovdağ adlı səhifədə qərəzli bir istifadəçi qeyri-real erməni baxışlarını əks etdirməyə çalışır. Eyni istifadəçinin digər səhifələrdə də oxşar fəaliyyətləri var. Bu istifadəçi ilə bağlı kömək istəyirəm. Əvvəlcədən təşəkkür edirəm.— BSRF ^💬 04:50, 20 dekabr 2020 (UTC)

Keçən il Faiq İsmayılov səhifəsi səs vermə ilə silinmişdir. Bu şəxs Tarixi Abidələrin Bərpası İctimai Birliyinin sədridir. Faiq müəllim indi işğaldan azad olunmuş ərazilərdə tarixi abidələrin bərpası komissiyasının üzvüdür və bu işdə aktiv iştirak edir. Hal hazırda Şuşa şəhərində bərpa planının tərtibi üçün səfərdədir. Bu işlərdən sonra şəxs ensiklopedik sayılırmı? Adam həm də fəlsəfə doktorudur.— Rövşən İşık (müzakirə) 14:28, 21 dekabr 2020 (UTC)

Aktiv və ictimaiyyət tərəfindən tanınan biridir. Xeyli elmi məqalələri var. Bərpa edilməlidir. — Araz Yaquboglu (müzakirə) 15:27, 21 dekabr 2020 (UTC)

Yox sayılmır. — sefer azeri 19:16, 21 dekabr 2020 (UTC)

• qeyri-ensiklopedikdir — Thunder Storm (müzakirə) 12:21, 25 dekabr 2020 (UTC)

Əziz redaktorlar, xahiş edirəm, VP:SNS səhifəsində səs verərkən, ya da namizəd irəli sürərkən düz əməlli arqument ortaya atın. Sadəcə {{qalsın}}/{{silinsin}} yazmaqla deyil axı. Mövcud arqument varsa, "filankəsin rəyi əsasında" yazın, ya da arqumenti özünüz qeyd edin. "Ensiklopedikliyi şübhə doğurur", "qeyri-ensiklopedik" kimi ifadələr isə qətiyyən arqument hesab oluna bilməzlər. --► Hörmətlə: SolaVirum 09:04, 23 dekabr 2020 (UTC)

Salam Azviki əhli. Medallara görə şablonlar yaratmağı düşünürəm. Düşünürəm ki, şablonlar olarsa daha rahat digər medal alanları da görə bilərik. Fikirlərinizi bilmək maraqlı olardı - Xəyal Haşımov (müzakirə) 18:42, 24 dekabr 2020 (UTC)

Xəyal Haşımov, söhbət tam olaraq hansı medallardan və nə tipdə şablondan gedir? — Surə ^🗯 15:22, 27 dekabr 2020 (UTC)

Sura Shukurlu, "Vətən uğrunda" medalından başlayaraq sonuncu medala kimi hamısı. İstədiyim şablon tam olaraq burdakı kimidir. - Xəyal Haşımov (müzakirə) 11:05, 28 dekabr 2020 (UTC)

Xəyal Haşımov əgər yaradılması digərləri tərəfindən də mütənasib görülsə hazırlanmasında kömək edə bilərəm. — Surə ^🗯 19:45, 28 dekabr 2020 (UTC)

Salam. Azwiki-də fin adlarının transliterasiyası ilə bağlı bəzi problemlər var. Məsələn, Kimi Raykkönen məqaləsi ilə bağlı qeyd etmək olar. Məqalənin adı Kimi Raykkonen və ya Kimi Rəykkönen kimi adlandırılmalıdır. Yəni fin dilində də Azərbaycan dilində olduğu kimi ahəng qanunu mövcuddur. Fin dilindən transliterasiya əsasında Kimi Räikkönen Kimi Rəykkönen kimi olacaqdır. Onu da qeyd edim ki, bir çox mənbələrdə, həmçinin, Kimi Raykkonen formasından da istifadə edilir, yəni bu cür də ola bilər. Lakin Kimi Raykkönen forması düzgün deyil. Həmçinin, Saku Ylatupa məqaləsi, ümumiyyətlə, transliterasiya edilməyib. Çünki fin dilində y hərfinin ekvivalenti Azərbaycan dili üçün ü-dür. Yuho Huvarinen məqaləsində isə ad transliterasiya olunub, soyad isə olunmayıb (olunacağı təqdirdə Hüvərinen kimi verilməli idi). Bir neçə belə məqalələr olduğu üçün burada yazdım. Hər birində fərqli cür formadan istifadə olunmuşdur, vahid şəkildə olsa, daha əlverişli olardı. --IBAnk (müzakirə) 17:41, 25 dekabr 2020 (UTC)

IBAnk, Vikipediyada adlandırmalar mənbələr vasitəsilə edilir. Yəni, bununla bağlı əlinizdə çoxlu (və ya yükü ağır olan) mənbələriniz varsa, buyurun. --► Hörmətlə: SolaVirum 17:34, 31 dekabr 2020 (UTC)

IBAnk, Finlandiya mövzuları ilə bağlı məqalə yaradarkən mən də eyni çətinliklə üzləşdim. Sonda, digər "problemli sözlərdə" olduğu kimi, bunda da rus dilindəki məqalələri meyar götürdüm. Bir də, Əli Həsənov və Adil Vəliyevin [1] kitabında Finlandiya siyasi sistemiylə bağlı bir neçə şəhərin transliterasiyası verilib. Bunları da nəzərə ala bilərsiz. Bundan başqa, əlinizdə Skandinaviya və ya Finlandiya haqqında yazılı elmi məqalələr varsa, bölüşsəz, çox məmnun olaram. Çox axtarsam da, təəssüf ki, dilimizdə bu mövzuyla bağlı əsərlərin çox az olduğunu gördüm.AfraimMammadov (müzakirə) 21:22, 31 dekabr 2020 (UTC)

Solavirum, təəssüf ki, məndə kifayət qədər mənbələr yoxdur, sadəcə, IPA-ya əsasən adlandırmanın düzgün olmadığını hesab edirəm. Bir çox hallarda, bütün transliterasiya ru:Финско-русская практическая транскрипция əsasında aparılır. Bu isə tamamilə rus dili fonetik qaydalarına uyğunlaşdırılmış haldır, yəni Azərbaycan dili üçün ä-nin evkivalentinin ə olduğu halda, bu hərfin я - ya kimi transliterasiyası, fikrimcə, düzgün deyil. AfraimMammadov, çox təəssüf ki, elmi mənbələri mən də tapa bilməmişəm. Bəy, qeyd etdiyiniz kitaba baxdım, orada 306-cı səhifədə qeyd edilmiş vilayətlərin adı tamamilə yuxarıda qeyd etdiyim fin-rus transliterasiyası qaydalarına uyğun yazılıb. Məsələn, fin dilində Päijät-Häme vilayətinin adı IPA-ya əsasən, Pəyyət-Həme kimi olmalıdır. Forvo servisində olan tələffüzdə də bu aydın görünür, yəni prinsip etibarilə, fin və Azərbaycan fonetikası bənzərdir. Sadəcə, rus dilində "ə", "ö", "ü" hərfləri olmadığı üçün onlar müvafiq olaraq "я", "ё", "ю" hərflərindən istifadə edirlər. Çünki rus dili üçün daha uyğun ekvivalentlər bunlardır, məsələn, bəzi sözlərdə "я" sırf "ya" kimi oxunursa (яблоко tipli sözlərdə), bəzi hallarda "я" çox yumşaq tələffüz edilir deyə, müəyyən qədər "ə" kimi səslənir (пять tipli sözlərdə). Yəni bu səbəbdən Päijät-Häme rus dilində Pyayyat-Xyame kimi verilmişdir, çünki rus dili üçün transliterasiya zamanı alernativ variant yoxdur. Azərbaycan və türk adları da rus dilinə transliterasiya olunan zaman da eyni qaydalardan istifadə olunur. Bu səbəbdən, məncə, Azərbaycan dilində rus dili qaydalarına əsaslanan transliterasiyadan istifadə olunmamalıdır. --IBAnk (müzakirə) 12:44, 1 yanvar 2021 (UTC)

IBAnk, sizə qatılıram, tam haqlısız, məncə. Ancaq bəyənsək də, bəyənməsək də elm adamlarının yazdığı və dəfələrlə redaktə edilmiş mənbələrə əsaslanmalıyıq deyə düşünürəm. Yəni bu sadəcə vikipediyada düzgün tranliterasiya aparmaqla düzələcək şey deyil. Gərək ölkədə bu işlə məşğul olan insanlara (varsa yəni) müraciət edək. Hörmətlə - AfraimMammadov (müzakirə) 13:26, 1 yanvar 2021 (UTC)

AfraimMammadov, əlbəttə, mənbələrə əsaslanmaq daha məqsədəuyğundur. Təəssüf ki, mənim də bu tipli məsələlərlə kimin məşğul ola biləcəyi barədə məlumatım yoxdur. Azərbaycan dilində də lazımi mənbə tapa bilmədim, bu səbəbdən, fin dilində Azərbaycan dilinin transliterasiyası üçün mənbələr axtarmağa çalışdım. Az olmasına baxmayaraq, Yukka Korpelanın müəllifi olduğu saytda yerləşdirilmiş 1-ci mənbə və 2-ci mənbənin (170-ci səhifənin sonunda) müəyyən qədər köməkliyi ola bilər. Burada hərflərin qarşılıqları verilmişdir. Başqa mənbə tapa bilmədim. Hörmətlə, --IBAnk (müzakirə) 19:06, 1 yanvar 2021 (UTC)

Salam. Vikidə belə bir kateqoriya mövcuddur: Kateqoriya:Ensiklopedik coğrafiya terminləri Nə bu kateqoriyanın nə də bu kateqoriyaya daxil olan məqalələrin intervikisi var. Məqalələrin hamısı eyni bir mənbədən, İzahlı Ensiklopedik Coğrafiya Terminləri Lüğətindən copy-paste edilib yaradılıb. Baxa bilərsiniz. Bu kateqoriya səhifələri ilə birlikdə silinməlidir. Bəli, aralarında ensiklopedik olanlar da var, amma bu halıyla qalmamalıdır.

Vikipediya lüğət deyil

Vikipediya kataloq deyil

P.S.Bu kateqoriyada da eyni problem mövcuddur. Çoxsu bu tipli məqalələrdir. Amma digər kateqoriyadan fərqli olaraq burada ensiklopedik məqalələr də daxildir və zamanım olduğunda problemliləri SNS-ə təqdim edəcəm.

— Surə ^🗯 19:25, 27 dekabr 2020 (UTC)

• İnformatika ilə bağlı yaradılan məqalələrdə də eyni problem var.Məsələ burasındadır ki hamısı qaralama halındadır, və İsmayıl Sadıqovun "İnformatika terminlərinin izahlı lüğəti" kitabından kopi-past edilib.İstifadəçilərə bunu bildirmək lazımdır ki, burası vikipediyadır, vikilüğət deyil! --Advellerd 04:27, 28 dekabr 2020 (UTC)

Hər kəsə salam. Bildiyiniz kimi istifadəçilərin müzakirə səhifələrinə {{xg}} şablonu yerləşdirilərkən imza da əlavə olnur. Sizcə bunun hər hansı önəmi varmı? Fikrimcə heç bir əhəmiyyəti yoxdu və plus şablondan sonra vizual olaraq da yaxşı görünmür. Nə düşünürsünüz, bu şablonu yerləşdirərkən (hələ də əl ilə yerləşdirilir) imza qoyulmaması daha doğru olmazmı? — Surə ^🗯 15:21, 27 dekabr 2020 (UTC)

• Ancaq bir məsələdə varki yeni istifadəçilər suallarını verə biləcək şəxs tapa bilməyəndə, imzanı yerləşdirən şəxsə müraciət edirlər.Azvikidə buna aid botun olması yaxşı olardı (deyəsən buna aid müzakirədə olmuşdu).Çünki istifadəçilərin az hissəsi də olsa şablondakıları oxuyur və təəsüf ki, hər istifadəçinin müzakirə səhifəsinə şablon yerləşdirilmir.Və buda yeni istifadəçilərin təcrübəsizliyini irəli gətirib çıxarır.--Advellerd 04:20, 28 dekabr 2020 (UTC)
• Advellerd-in fikirlərinə qatılıram. Elə istifadəçilər olur ki, XG şablonu yerləşdirilmir və təcrübəsizliyə gətirib çıxarır. Bu kimi halların olmaması üçün Azvikidə hər bölməyə hər hansı bir nəfəri həvalə etmək olar ki, boşluq olmasın. Bu problem təkcə xg şablonunda deyil. digər şablonlarda da var. - Xəyal Haşımov (müzakirə) 09:51, 4 yanvar 2021 (UTC)

Vikipediyanın ana səhifəsində indi 53-cü həftə olmalıdır yoxsa 1-ci həftə. İdarəçilərdən kimsə əl gəzdirə bilər?— Azerifactory (müzakirə) 04:46, 28 dekabr 2020 (UTC)

1-ci həftə, 2021.— NMW03 (müzakirə) 15:51, 28 dekabr 2020 (UTC)

NMW03 niyə 53-cü həftə ön səhifədə gedir?— Azerifactory (müzakirə) 07:53, 30 dekabr 2020 (UTC)

Sarvan Cəfərov məqaləsini mən düzəltmişdim. Kənd təsərrüfatı naziri müavinidir. Köməkçisi mənlə əlaqə saxlayıb səhifəsinin silinməsini istəyib. Deyir özünü ensiklopedik hesab etmirəm, Silin. Mən də silinməyə namizəd səhifələr bölümünə qoymuşam. Sual olunur silinə bilər şəxs. Özü istəyir. — Rövşən İşık (müzakirə) 10:09, 28 dekabr 2020 (UTC)

Rövşən İşık, məqalə ensiklopedik olduğu halda şəxs özü istəsə belə məqalə silinmir. Şəxs bunun üçün OTRS-ə müraciət etməlidir.— NMW03 (müzakirə) 15:49, 28 dekabr 2020 (UTC)

• NMW03 (müzakirə) o nə bilir OTRS-ə nədir? Deyir istəyirəm.— İrövşən (müzakirə) 16:11, 17 yanvar 2021 (UTC)

Finlandiyanın Pirkanmaa vilayəti ilə bağlı məqalə yaratmaq istədikdə, edit notices hissəsində bu səhifənin qara siyahıda olduğu yazısı gəlir. Səbəb nədir?AfraimMammadov (müzakirə) 15:10, 28 dekabr 2020 (UTC)

• AfraimMammadov, bu MediaWiki:Titleblacklist ilə bağlıdır. Eminn 2 ay əvvəl test üçün .*aaa* əlavə edib. Artıq yaradabilərsiniz.— NMW03 (müzakirə) 15:38, 28 dekabr 2020 (UTC)

NMW03, cavab və düzəliş üçün minnətdaram.AfraimMammadov (müzakirə) 16:02, 28 dekabr 2020 (UTC)

NMW03, düzəliş üçün təşəkkür edirəm. Amma məqalədə iki "a" hərfi var, mənim əlavəmdə üç hərf olub. Əslində qara siyahıya düşməməli idi. Elə deyil?— Eminn (müzakirə) 15:55, 10 yanvar 2021 (UTC)

Eminn, xeyr. Regexdə .* "hər şey" deməkdir. Yəni bu kod bütün "a"-ları seçir. Buradan baxa bilərsiniz— NMW03 (müzakirə) 17:34, 11 yanvar 2021 (UTC)

Salam, əziz Vikipediya istifadəçiləri. Mən vikipediyaçıyam, bu günə qədər şəhidlərimizə bir çox məqalələr həsr etmişəm. Qarabağ müharibəsinə də redaktələr etmişəm, Gəncə bombalanması haqqında məqalə yazmışam, müzakirələrdə aktiv iştirak etmişəm. 2 aydan çox idi hərbi xidmətdə idim, müharibə iştirakçısı oldum. Artıq qayıtmışam, şəhidlərimiz və Qarabağ müharibəsi məqalələrini gördüm, çox duyğulandım. İnşallah mən yenidən bu yöndə öz töhfəmi verməyə çalışacağam, şəhidlərimiz haqqında Viki məqalələr yaradacağam. Şəhidlərimizi yaşatmaq hamımızın əsas borcumuzdur. Bir daha hamınıza təşəkkür edirəm. Hörmətlə, Anar Allahverdiyev.Xəzərli (müzakirə) 15:15, 30 dekabr 2020 (UTC)

Şəhidlərimizi Unutmayıb haqqında məqalə yazdığına görə sənə təşəkkür edirəm. İstifadəçi:Niko Azizoff (müzakirə) 10:42, 11 yanvar 2021 (UTC)

Hamını Dünya Azərbaycanlılarının Həmrəyliyi Günü və Yeni İl Bayramı münasibəti ilə təbrik edirəm.— Azerifactory (müzakirə) 06:57, 31 dekabr 2020 (UTC)

Hörmətli Azerifactory, təşəkkür edirəm. Sizinlə bahəm. — Surə ^🗯 17:57, 31 dekabr 2020 (UTC)

• Azerifactory (müzakirə) təşəkkürlər. Sizlə bahəm. Neçə-neçə belə qələbəli illərə.— Rövşən İşık (müzakirə) 18:51, 31 dekabr 2020 (UTC)