Vikipediya Kend Meydani Arxiv Fevral 2020 - Wikipedia - Gecemiz.az

Salam. Bu 3 siyahıya ([1], [2], [3]) baxsaq görərik ki, Azərbaycanda nə qədər icra başçısı var və olub, məlum məsələdir ki, hələ nə qədər də olacaq. Və bu şəxslərin bir çoxu barədə məqalə var azvikidə. Bakı Şəhər İcra hakimiyyətinin başçısı olmuş Hacıbala Abutalıbovun məsələn ensiklopedikliyi məncə şübhəsizdir. Amma axı hər icra başçısı da onun kimi deyil. Onlarla icra başçısı var ki, həyatındakı bizə məlum olan yeganə mühüm fakt odur ki, hansısa tutaq ki, rayonun icra başçısı olub. Başqa heç nə. Hələ 1992-1993-cü illərdə bir neçə ay icra başçısı olanlar da var ki, onlardan da bəzilərinin məqalələri var. Mən bu mövzuda vikicəmiyyətin mövqeyini öyrənmək istəyirəm.--samral ^müzakirə 11:55, 29 yanvar 2020 (UTC)

İcra başçısı rayon rəhbəri olduğundan onları ensiklopedik hesab edirəm, amma rayonların kommunist partiyalarının birinci katiblərini demək çətin məsələdir. Məqalə yaxşı vəziyyətdədirsə, digər ensiklopediklik kriteriyalarına sahibdirsə, məncə problem yaratmamalıdır. Həmçinin Azərbaycanda icra başçıları əksər hallarda bir neçə rayonda təyinat sahibi olduqlarına görə onların sayı çox da olmur =) — Toghrul Rahimli • M/F 12:09, 29 yanvar 2020 (UTC)

İcra başçıları ensiklopedikdir. Buna şübhə yoxdur məncə. --Drabdullayev17 (müzakirə) 12:35, 29 yanvar 2020 (UTC)

Mən də ensiklopedik olduqlarını düşünürəm. Toghrul Rahimli demişkən 1-i 3-4 rayonda başçı olur. O üzdən sürətlə məqalə artımı gözlənilmir. Bir də Toğrul bəy bəzən rayon kommunist partiyasının birinci katiblərindən eləsi olur ki ruvikidə haqqında məqalə olur. Sadəcə tapıb birləşdirmək lazımdı. Bu yaxında biri ruvikidə qarşıma çıxdı və azvikidə olanla vikidatasını birləşdirdim. --Araz Yaquboglu (müzakirə) 12:41, 29 yanvar 2020 (UTC)

Ensiklopedikdilər amma qaralama formasında olanları silsək yaxşı olar.--Azerifactory (müzakirə) 16:56, 29 yanvar 2020 (UTC)

Azerifactory ilə eyni düşünürəm. -- AfraimMammadov (müzakirə) 18:44, 29 yanvar 2020 (UTC)

Toghrul Rahimli, Araz Yaquboglu və AfraimMammadov, bu formada söhbət çox ümumi oldu. Gəlin daha dəqiq və konkret danışaq. Neftçalalı olduğum üçün elə birbaşa Neftçaladan misal çəkəcəm. Fərman Hüseynov Elçibəyin prezidentliyi vaxtı 15-16 ay Neftçalanın icra başçısı olub. Bütün həyat və fəaliyyətindəki yeganə mühüm məsələ budur. Başqa heç nə. İndi bu şəxs bir neçə ay 80 min əhalisi olan bir rayonun (1992-də bəlkə də daha az idi əhali) icra başçısı olub deyə ensiklopedikdi sizcə?--samral ^müzakirə 07:14, 25 fevral 2020 (UTC)

Samral, dediyiniz məntiqlidir, ancaq icra başçıları istənilən halda ensiklopedik sayılmalıdır, məncə. Yəni bu şəxslər Azərbaycandakı inzibati idarə bölgüsünün birinci dərəcəli rəhbərləridir. Yenə də müzakirə olunsa, daha yaxşı olar. AfraimMammadov (müzakirə) 07:20, 25 fevral 2020 (UTC)

Salam, bunu ru:Шаблон:Команда КВН kimsə yarada bilər? Minnətdar olaram--Azerifactory (müzakirə) 18:18, 2 fevral 2020 (UTC)

Salam, Azerifactory. Deyəsən, hazırdır. Nəysə əlavə etmək lazımdırsa, kömək edə bilərəm. — Toghrul Rahimli • M/F 17:47, 3 fevral 2020 (UTC)

Toghrul Rahimli, hər şey yaxşıdı titullar bölməsindən başqa--Azerifactory (müzakirə) 18:42, 3 fevral 2020 (UTC)

Xəbərlər bölməsində yazılıb ki, "Fələstin muxtariyyətinin rəhbəri Mahmud Abbas (şəkildə) İsrail və ABŞ-la münasibətləri kəsdiklərini elan edib." Bu səhvdir. Mahmud Abbas Fələstin muxtariyyətinin rəhbəri yox, Fələstin Dövlətinin Prezidentidir.[4]--samral ^müzakirə 05:33, 3 fevral 2020 (UTC)

Xankəndi haqqında ingilis dilindəki vikipediyada olan məqalədə şəhərin erməni versiyalı gerbi dərc olunub. Məqalənin müzakirə səhifəsində uzun sürən müzakirədən sonra məqaləyə Azərbaycanda Xankəndi üçün verilən gerbin də əlavə olunması haqqında konsensus əldə olunub. Ancaq Xankəndi məqaləsindəki şəhər gerbi Eldar Gasumov adlı istifadəçinin öz işi kimi yüklənib və heç bir rəsmi mənbəyə əsaslanmır, buna görə ingilis dilindəki məqaləyə daxil edilə bilməz. Bu istifadəçi ilə əlaqə qura bilmədim. Ona görə bu mövzuda məlumatı olan istifadəçilərin köməyinə ehtiyacım var. Xankəndi şəhərinin rəsmi emblemini yaxud gerbini hansı mənbədən tapa bilərəm? Google kömək etmədi. --Thunder Storm (müzakirə) 16:37, 16 fevral 2020 (UTC)

Təəssüf ki, mən də heç nə tapa bilmədim. Lütfən məlumatı olanlar xəbər versinlər.--Nicat^{49   ⋠müzakirə⋡} 19:53, 16 fevral 2020 (UTC)

Bu istifadəçi çoxlu gerb yükləyib commonsa. Bəlkə o kömək edə bilər. --Araz Yaquboglu (müzakirə) 06:06, 17 fevral 2020 (UTC)

Araz Yaquboglu Bunların hər ikisi eyni şəxsdir. Əlaqə məlumatı Vikipediyada yoxdur deyə əlaqə saxlaya bilmədim.--Thunder Storm (müzakirə) 06:53, 17 fevral 2020 (UTC)

Verman1, bu sayt və bu ictimai birlik bəlkə də bu mövzu ilə bağlı məlumatlı ola bilər.--samral ^müzakirə 09:48, 17 fevral 2020 (UTC)

"Azərbaycan Vikimediyaçıları istifadəçi qrupu" olaraq Neftçi PFK ilə görüşümüz zamanı, "İyun" ayında (Vikibahar 2020-dən sonra) Mövzulu ay layihəsi çərçivəsində "Neftçi PFK ayı"nın təşkil olunmasını qərara aldıq. İlk üç yerin sahibinə Neftçi futbol klubu (klubun forması, futbol topu və s.) və Vikimedia fondu tərəfindən müxtəlif hədiyyələr təqdim olunacaq. Yaxın günlərdə plan tərtib olunacaq və marağı olan hər kəs planın tərtibində dəstək ola bilər. Dəstəyi üçün Toghrul Rahimliyə təşəkkür edirəm.
İstifadəçi qrupu olaraq təklif və iradlarınıza hər zaman olduğu kimi açığıq :) Hörmətlə --eldarado ^✉ 10:06, 18 fevral 2020 (UTC)

Çox təqdirəlayiq işdir. Hər kəsə təşəkkür edirəm. Amma Eldarado arada Vikigörüşlər də təşkil etmək olsa çox gözəl olar. --Drabdullayev17 (müzakirə) 12:39, 18 fevral 2020 (UTC)

Təşəkkür edirəm bəy. Bu yaxınlarda planlayırıq, məlumat verəcəyik öncədən.--eldarado ^✉ 15:59, 18 fevral 2020 (UTC)

mənasız bir ay olacaq. "Azərbaycan futbolu" mövzusu daha uyğun olardı. --► Hörmətlə: SolaVirum 17:10, 18 fevral 2020 (UTC)

Eldarado, mən çox təəssüf edirəm ki, mövzulu ay seçimi hələ də şəffaf/hər kəsə açıq şəkildə (Məsələn KM-də və ya burada) aparılmır. Bilmirəm niyə? Neftçi PFK ayı isə maraqlı/fərqli təşəbbüsdü. Planın hazırlanmasında bacardığım köməyi etməyə hazıram. Əlavə olaraq qeyd etmək istəyirəm ki, növbəti aylardan birində 1-31 iyul 2017-ci il tarixində keçirilmiş Vikidata-Azərbaycanlılar ayı yenidən, 2-ci dəfə keçirilə bilər. Planına baxsaz görərsiz ki, o plandan xeyli yaradılmamış məqalə hələ də var. Təşəkkürlər.--samral ^müzakirə 09:26, 22 fevral 2020 (UTC)

Salam Samral, seçimin şəffaf keçirilməməyi barədə fikirləriniz düşünürəm ki, yanlışdır. Çünki dəfələrlə müzakirə açmışam KM-də amma maraq çox olmayıb. Buna görə də ayların boş qalmasındansa hər hansısa ayı təşkil eləməyi qərara almışıq. Ümumiyyətlə isə təklif olunan mövzuları isə heç vaxt geri çevirməmişik. Təklifiniz isə çox gözəldir düşünürəm ki, iyul ayında həyata keçirmək olar. Hörmətlə --eldarado ^✉ 10:12, 22 fevral 2020 (UTC)

Yaxşı plandır. Dəstəkləyirəm--Azerifactory (müzakirə) 00:55, 24 fevral 2020 (UTC)

Dəstəyiniz üçün təşəkkür edirəm Samral, Azerifactory, Drabdullayev17, Toghrul Rahimli. Vaxtınız olduqca buradakı plana əlavələrinizi edə bilərsiniz. Hörmətlə --eldarado ^✉ 12:33, 26 fevral 2020 (UTC)

Mən bilən bizim vikipediyada 10-dan çox idarəçi var lakin artıq 9 gün keçməsinə baxmayaraq "Laboratoriyaya namizəd siyahısı"na əlavə etdiyim məqaləyə baxılmayıb. Nizamnaməyə görə məqalə neçə günə baxılmalıdır və bunun üçün kim məsuliyyət daşıyır? --Canmron (müzakirə) 07:44, 20 fevral 2020 (UTC)

Məndən sonra dünən təqdim edilən məqaləyə baxılıb lakin mənim 10 gün əvvəl təqdim etdiyim məqaləyə hələ də baxılmır. Bu ayrıseçkiliyin səbəbi nədir?--Canmron (müzakirə) 08:23, 21 fevral 2020 (UTC)

Bütün idarəçilər və istifadəçilərimizi salamlayıram. Məni çox narahat edən, tez-tez üzləşdiyim, lakin vaxt tapıb yaza bilmədiyim bir problem haqqında müzakirə etmək və fikirlərinizi öyrənmək istəyirəm. İdarəçilərimizdən Sortilegus tez-tez bizim vaxt və enerji sərf edərək yaratdığımız kateqoriyaları istədiyi kimi silir. Silinən kateqoriyaların hamısı aktiv istifadə olunan kateqoriyalar olur. Dəfələrlə olub, hansısa məqalə üçün kateqoriya yaradıb içinə yerləşdirmişəm, bir müddət sonra oxşar mövzuda növbəti məqalə yaradanda yenə həmin kateqoriya lazım olub, görmüşəm Sortilegus həmin kateqoriyanı artıq silib. Dünən təsadüfən son dəyişikliklərə baxanda yenə hörmətli idarəçimizin kateqoriyaları sildiyinin şahidi oldum. Əvvəl, məqalə və digər kateqoriyalardan çıxarmaqla kateqoriyalar boşaldılır, daha sonra isə boş kateqoriya kimi silinir. Aşağıda iki skrinşotla dediklərimi əyani şəkildə göstərirəm. Niyə belə baş verdiyini bilmirəm amma bu halın qarşısını almaq lazımdı deyə düşünürəm. Hörmətlə --sefer azeri 13:07, 21 fevral 2020 (UTC)

Bu kimi hal ilə ilk dəfə üzləşmirik. Hörmətli idarəçi Vikipediyada öz istəyinə uyğun kateqoriyalaşdırma tətbiq edir. Şablonların alt səhifələrini silir. İçərisində məqalə olan və intervikiyə malik onlarla kateqoriyanı sildinin şahidi olmuşuq. Bunu şəxsin müzakirə səhifəsində müxtəlif istifadəçilər tərəfindən yazılmış şikayətlərdə açıq şəkildə görə bilərsiniz. Bu halın qarşısının alınması məncə Vikipediyanın xeyrinə olacaq. --Drabdullayev17 (müzakirə) 13:49, 21 fevral 2020 (UTC)

Diqqət etdim ki, Sortilegus kateqoriya adında olan vilayət sözünü əyalət ilə əvəzləyib. Bu hal silmə yox redaktə hesab edilir. Yəni silinən kateqoriya içərisindəki məqalələr yeni adlanmadakında olmalıdı. Florensiya Respublikasının vətəndaşları kateqoriyası isə əlbəttə silinməlidi. Mənasız bir kateqoriyadı. Kateqoriyalarla çox işləyən bir istifadəçi kimi deyə bilərəm ki, envikidə o qədər mənasız və səhv kateqoriyalar yaradıblar ki, onları olduğu kimi azvikidə tətbiqinə qarşıyam. --Araz Yaquboglu (müzakirə) 14:15, 21 fevral 2020 (UTC)

Hörmətli Araz Yaquboglu bilmirəm nədəndir amma siz hər dəfə Sortilegus-u qorumağa çalışırsınız. Amma bəzən özünüz də gülünc hala salırsınız. Kateqoriyalarla çox işləyən bir istifadəçi kimi sizdən soruşuram Kateqoriya:Şəxslər:Florensiya kateqoriyası niyə silinib? Siz izah edin biz də bilək. Qeyd edim ki, bu kateqoriyanın 43 intervikisi var. Əgər siz idarəçimizin müzakirə səhifəsinin arxvinə baxsanız dəfələrlə bu kimi halların baş verdiyini, Sortilegusun öz istəyinə uyğun silmələr apardığının şahidi olarsınız. Buna bir izahınız varmı? --Drabdullayev17 (müzakirə) 15:05, 21 fevral 2020 (UTC)

Drabdullayev17 əvvala burada kiməsə məhkəmə qurmurlar ki onu da müdafiə edək (Hərçənd ki, Sortilegusu qorumağa ehtiyac yoxdu). İkincisi Kateqoriya:Şəxslər:Florensiya kateqoriyasına məncə ehtiyac yoxdu. Çünki Kateqoriya:Şəxslər:İtaliya var. Gərək siz deyən olsa onda o biri şəhərlər üçün də bu kateqoriya yaradıla. Ya da o kateqoriya boş olub. Bir sual da mən sizə verim: Bəs həmkarımız Sortilegus mən yaradan kateqoriyaları nə əcəb silmir? --Araz Yaquboglu (müzakirə) 15:17, 21 fevral 2020 (UTC)

Hörmətli Araz Yaquboglu sizcə ehtiyac yoxdur amma başqasına görə ehtiyac var. O biri şəhərlər üçün də yaratmaq olar. Siz yaradan kateqoriyaları silməməsi digər kateqoriyaları silməsinin doğru qərar olduğunu göstərmir. Burada əsas müzakirə odur ki, hörmətli idarəçimiz özbaşına qərar verir. Vikicəmiyyətin fikrini, iradını və şikayətini nəzərə almır. --Drabdullayev17 (müzakirə) 15:26, 21 fevral 2020 (UTC)

Salam. Problem Səfərin neçə illərdi azvikidə redaktələr etsə də, buradakı kateqoriyalaşdırma sistemini hələ də öyrənə bilməməsindən qaynaqlanır. İngilis vikisinin kateqoriya sistemini burada tətbiq edir. Problemin kök kateqoriyası budur Kateqoriya:Nikkolo Makiavelli. Səfər bu kateqoriyaya 10-15 kateqoriya da əlavə etmişdi. Buradan baxa bilərsiz. Amma məsələn, şəxslərlə bağlı analoji kateqoriyaların toplandığı Kateqoriya:Yazıçıların kateqoriyalarına girib baxsaydı görərdi ki, azvikidə şəxslərin kateqoriyalarına onların doğum tarixi, doğum yeri və s. kateqoriyalar əlavə olunmur. Bunlar səhifəyə əlavə olunur. Azvikidə bəlkə minə qədər belə kateqoriya var və hamısında bu belədir. Səfər Makiavellinin kateqoriyası üçün müstəsnalıq tələb edirsə, o başqa məsələ. Ya da minlərlə kateqoriyada sistemləşdirməni dəyişməyi müzakirəyə çıxarsın və dəyişdirsin. "Əyalət" və "vilayət" məsələləri müzakirə oluna bilər. Orada kateqoriya silinməyib, ad dəyişikliyi olub. İngilisin "Province"si daha çox rusun "провинция", bizim "əyalət" kəliməsinə uyğun gəlir, "область" daha çox bizim dildə "vilayət"dir. Başqa da dediyim kimi, kateqoriyaları ingilis vikisindəki qədər çox "şaxələndirməyə" gərək yoxdur. Baxırsan 1 məqalədir, iç-içi, iç-içə 40 kateqoriya yaradılıb ona görə. Dediklərim bu qədər. Drabdullayev17 sənə də uğurlar. Ümid edirəm ki, yavaş-yavaş sən də öyrənəcəksən bu məsələləri.--Sortilegus (müzakirə) 09:51, 22 fevral 2020 (UTC)

Hörmətli Sortilegus bax yenə dediyinizi təkrarlayırsınız. "şaxələndirməyə" gərək yoxdur. Bu sizin şəxsi fikrinizdir və Vikipediya sizin fikrinizlə idarə olunmur. Bunu birdəfəlik niyə başa düşmək istəmirsiniz? --Drabdullayev17 (müzakirə) 09:56, 22 fevral 2020 (UTC)

Təbii ki, mənim fikrim ilə idarə olunmur. Amma bir sistemləşdirmə var, hamı o sistemləşdirməyə uymalıdır. Bu sistemləşdirmə kateqoriyalar üçün də var, məqalələr üçün də. Bu sistemləşdirmənin müəllifi mən deyiləm. İllərlə formalaşıb bu. Deyək ki, filmlər haqqında məqalələrdə adlandırmada (film, 0000) yazılır burada. İndi sən durub deyəsən ki, mən bunu istəmirəm, mən başqa cür yazacam. O cür olmaz. Eləcə də oturuşmuş kateqoriyalaşdırma sistemi var. Kateqoriya:İkinci səviyyəli ölkə inzibati vahidlərinə görə şəxslər - bu nə cür kateqoriyalaşdırmadı ki? Olsun ki, intervikiləri var. Olsun ki, ingilis vikisində bu kateqoriya var. Hər kəs ürəyi istəyən kimi kateqoriyalaşdırma aparsa, baxacaqsan ki, bir azdan "Kateqoriya:Yaşadığı evə səhərlər şərqdən günəş işığı düşən şəxslər" və s. kimi kateqoriyalar peyda olacaq. Bizdə tətbiq olunmayan belə kateqoriyalar da iç-içə, iç-içə yaradılanda, lap ucdakı kateqoriyanın içinə bir məqalə əlavə olunanda və o məqalə nə vaxtsa silinəndə, baxırsan ki, 50 kateqoriya boşa çıxır. Bu düzgün deyil. --Sortilegus (müzakirə) 10:10, 22 fevral 2020 (UTC)

Hörmətli Sortilegus yenə eyni bəhanələr, yenə eyni gülünc səbəblər. Sistemləşdirmə və standartlar olmalıdır, bunu mən də qəbul edirəm amma inkişaf da olmalıdır. Yeni kateqoriyaların yaranması bəzən labüddür. Məsələn gəlin konkret bir faktı müzakirə edək : Kateqoriya:ABŞ tarixi (1789-1849) adlı kateqoriyanın silinmə səbəbini mənə izah edə bilərsiniz? --Drabdullayev17 (müzakirə) 10:32, 22 fevral 2020 (UTC)

ABŞ tarixi ilə bağlı azvikidə 15-20 məqalə var. Bu cür kateqoriyalaşdırma da ingilis vikisindən götürülüb. Bu şərt deyil təbii ki — bəlkə burada ABŞ tarixi ilə bağlı 1000 məqalə olacaq, onda bu cür kateqoriyalaşdırma aparılacaq. Onda da sənin sistemsizliyin bir qarışıqlıq yaradacaq. Bir kateqoriyanı Kateqoriya:ABŞ tarixi (1776–89), bir kateqoriyanı Kateqoriya:ABŞ tarixi (1789-1849) kimi yaradacaqsan. Tire nədir, defis nədir — öncə bunları öyrənmək lazımdır. İkinci il bütünmü yazılmalıdır, yoxsa son iki rəqəmi yazılmalıdır və s. və i. Bu gün azvikidə kateqoriyalaşdırma, şablonlaşdırma və s. sahələrdə bir normal düzən varsa, bu dəqiq sənin və Səfərin sayəsində deyil. Sənin də fəaliyyətində envikidən copy-paste üstünlük təşkil etdiyi üçün, Səfəri belə dəstəkləməyini təbii qarşılayıram. Kateqoriyalaşdırmanda da, {{Nyu-York şəhəri}} kimi sənin tərəfindən alayarımçıq hazırlanıb atılan şablonlarda da. Mən fikrimi yazdım, artıq söz güləşdirməyi yersiz sayıram. --Sortilegus (müzakirə) 10:30, 23 fevral 2020 (UTC)

Hörmətli Sortilegus yalan danışmağa davam edirsiniz. ABŞ tarixi ilə bağlı bəlkə də yüzlərlə məqalə var. Defis, tire və ya rəqəm məsələsi silmək üçün əsas deyil. Əgər adlandırma səhvdirsə onda kateqiriyanı adını dəyişib məqalələri ora daşımaq olar. Silmək üçün bu əsas deyil. Biz burada bir mövzunu müzakirə edək dedim siz söhbətin məğzini dəyişirsiniz. Bir də ki o kinayəli sözləri özünüzə saxlayın. Heç olmasa bəzi istifadəçilər Vikipediyanın dərinləşməsi üçün çalışırıq sizin kimi sadəcə silmə ad dəyişmə etmirik. Siz sonuncu dəfə hansı məqaləni genişləndirmisiniz, hansı şablonu yaratmısınız? --Drabdullayev17 (müzakirə) 11:37, 23 fevral 2020 (UTC)

Hörmətli Sortilegus xahiş edirəm Nəsib Ərizə səhifəsinin də silinmə səbəbini izah edərdiniz. --Drabdullayev17 (müzakirə) 12:15, 23 fevral 2020 (UTC)

Sən mənim fəaliyyətimi deyəsən təftiş edirsən? Kimdir ki, Nəsib Ərizə? 3-4 vikipediyada planlı şəkildə haqqında məqalə yaradılıb, o cümlədən də bizim vikipediyada İP tərəfindən. Heç bir istinadsız-filan. --Sortilegus (müzakirə) 12:20, 23 fevral 2020 (UTC)

Birincisi mən sizi yox son dəyişikliklər səhifəsini izləyirəm. İkincisi İP tərəfindən yaradılması mövzunun qeyri-ensiklopedik olduğunu göstərmir. Üçüncüsü isə qeyri-ensiklopedik olduğunu düşündüyünüz məqaləni xahiş edirəm SNS-yə təqdim edəsiniz. --Drabdullayev17 (müzakirə) 12:36, 23 fevral 2020 (UTC)

Salam hörmətli Sortilegus, anladığım qədəri ilə heç bir qaydanı əsas gətirmədən və silərkən heç bir səbəb yazmadan kütləvi şəkildə kateqoriyaları silirsiniz. Bununla da bir neçə istifadəçini həvəsdən salmaqla yanaşı onlara qarşı Nəzakət qaydalarının 1-ci bəndini pozursunuz. Əgər kateqoriyaların silinməsinə əsas olan qaydalar varsa zəhmət olmasa bizimlə də tanış edin öyrənmiş olaq. Əks halda bu cür fəaliyyətinizi dayandırın. Biz azvikinin inkişafı üçün, daha çox istifadəçinin cəlb olunması üçün çalışarkən siz də onları həvəsdən salmağa çalışmayın. Hörmətlə --eldarado ^✉ 13:36, 23 fevral 2020 (UTC)

Sortilegus təkcə kateqoriyaları yox, ürəyi istəyən dəqiqləşdirmə səhifələrini filan da heç bir müzakirəsiz və xəbərdarlıqsız silir. Məsələn Prezident MM-ə 3 ombudsman namizədi təqdim edəndə mən də bir sıra araşdırmalar edib bəzi dəqiqləşdirmə səhifələri filan yaratdım. Götürdü hamısını müzakirəsiz, xəbərdarlıqsız filan sildi. Bu barədə özünə yazdım, cavab verməyə belə ehtiyac görmədi. Söhbət uzanmasın deyə bu məsələdə ilişmədim, tay heç nə yazmadım. İndi gördüm ki, bu müzakirə açılıb, ona görə bu barədə yazdım.--samral ^müzakirə 08:30, 24 fevral 2020 (UTC)

Razıyam, son dəyişikliklərdə bu cür silinmələri tez-tez görürəm. Ümidvaram, idarəçi bununla bağlı daha izahlı bir açıqlama verər.AfraimMammadov (müzakirə) 07:23, 25 fevral 2020 (UTC)

Aktiv istifadəçilərin idarəçi və bürokratın bu silmələrindən əziyyət çəkməsini tez-tez eşitmişəm. Şaxələndirmənin olmasında bir problem görmürəm.--Baskervill (müzakirə) 09:15, 25 fevral 2020 (UTC)

Yaxşı tənqid edənlər komandası toplanıb :) 2-3 nəfər daha qalıb, onlar da şərh yazsalar, tam komplektləşmiş komanda olacaq. Xüsusilə 2 dost bürokratın ikisinin də belə "təcili" reaksiya verməsi təqdirəlayiqdir. Təbii ki, kukla hesabla redaktələr edib səsvermədə iştirak edən üçün "Silmədən əziyyət çəkmək" böyük faciədir. Amma bu müzakirədən də görünür ki, xüsusilə bizim bürokratlar və ya qısa müddətə idarəçilərimiz olan vikipediyaçılar vikinin texniki məsələlərindən çox az şey anlayırlar, ana səhifəyə nəsə əlavə edib çıxarmağa böyük texniki iş sayırlar. Amma onu deyim ki, azvikinin kateqoriyalaşdırılması, şablonlaşdırılması, sistem fayllarının tərcüməsi, şəkillərinin yerbəyer edilməsi (azad şəkillərlə əvəzlənməsi, adlarının dəqiqləşdirilməsi) və s. bu kimi bəlkə görünməyən onlarla texniki işi demək olar ki, təkbaşına mən və bir də çox sağ olsun, müəyyən qədər Araz müəllim görür. Buraya baxın: İstifadəsiz fayllar, İstifadəsiz kateqoriyalar və s. bir çox texniki səhifənin demək olar ki, "0" problemli olması bunlara kiçik misaldır. Kateqoriyasız səhifələr, Kateqoriyasız şablonlar, İstifadəsiz şablonlar və sair onlarla belə texniki səhifələr var ki, inanıram burada məni tənqid edən həmkarlarımın heç onlardan xəbərləri yoxdur. O, səhifələrdə də problemlər "0" olacaq. Məsələn, elə bir Drabdullayev17in və daha 2-3 vikiçinin 5-6 aylıq fəaliyyəti bəsdir ki, "İstifadəsiz şablonlar" bölümü "dolub-daşsın". Eləcə də burada müzakirəyə çıxardığınız kateqoriyalaşdırma, kateqoriya adlandırılmasının sistemləşdirilməsi məsələləri və s. Siz düşünə bilərsiniz ki, məsələn, Kateqoriya:1257-ci ildə doğulanlar kateqoriyası elə öz-özünə sistemləşdirilib? Amma burada bu kateqoriyalaşdırılma müzakirəsi başlayanda bəlkə də hələ çoxunuz vikipediya nədir bilmirdiniz. "doğulanlar" olsun, ya anadan olanlar, "1257-ci" yazılsın, ya sadəcə "1257" və s. və i. müzakirələr gedib aylarla. Və ya deyək ki, o vaxtdan Kateqoriya:1960-cı il filmləri kimi yanlış kateqoriya adlandırması oldu, bu günə qədər aradan qaldırmaq mümkün olmayıb. Olmalıdı Kateqoriya:1960-cı ilin filmləri. Necə ki, Kateqoriya:1960-cı ilin əsərləri kimi yüzlərlə doğru adlandırılan analoji kateqoriya var. Səfər də kateqoriyaları əsasən ingilis vikisindən götürdüyü üçün adlandırılmasında da, şaxələndirilməsində də ara-sıra (həmişə deyil) problem olur. Bir dəfə olur Kateqoriya:Ölkələrinə və şəhərlərinə görə kateqoriyalar (azvikidə bu standartdır), bir dəfə olur Kateqoriya:Ölkə və şəhərə görə tarix, ya hərfi tərcümə edir və Kateqoriya:İncəsənətdə döş əmizdirmə və ya Kateqoriya:Yerlərinə görə italyanlar kimi gülməli adlandırmalar ortaya çıxır. Bunların da böyük əksəriyyətini mən düzəldirəm. Məsələn, Kateqoriya:Hadisələrin cərəyan etdiyi ölkələrə görə video oyunlar adlandırılması Kateqoriya:Keçdiyi yerlərə görə oyunlar idi. Nə oyun, harada keçdiyi - bunlar aydın olmurdu. Kateqoriya:Hadisələrin baş verdiyi ölkələrə görə əsərlər kimi adlandırmalar da vardı. Amma standart oturandan sonra digər kateqoriyalar da buna uyğun yaradıldı və belə də davam etdi. Demək istədiyim odur ki, kateqoriyalarda silmə, ad dəyişmə və s. məsələləri sizi narahat etməsin. Boş kateqoriyanın silinməsini isə ümumiyyətlə, problem etməyin. Olub ki, öz yaratdığım kateqoriya da nə vaxtsa boşalıb, onu silmişəm. Kateqoriya adlandırılması doğrudursa, kateqoriya gərəklidirsə, o yenə yaradılacaq. Ümid edirəm anlayanlar anladı, anlamayanlar yenə də "silmələrdən əziyyət çəkdiyindən" şikatələnə bilər :) --Sortilegus (müzakirə) 21:07, 25 fevral 2020 (UTC)

Hörmətli Sortilegus birincisi siz yenə nəzakət qaydalarını pozmağa davam edirsiniz. İkincisi yalnız sizin və Araz bəyin texniki işlər gördüyünü demək heç də doğru deyil. Turkmen, Toğrul və Nərimanın gördüyü işlər də çox böyükdür bu mövzuda. Üçüncüsü siz hələ də yuxarıda göstərdiyim məqalənin silinmə səbəbini izah edə bilmədiniz. Dördüncüsü siz deyirsiniz ki bu cür şaxələndirmə olmamalıdır. Buna niyə siz təkbaşına qərar verməkm istəyirsiniz? Xahiş edirəm cavab verəsiniz? --Drabdullayev17 (müzakirə) 22:38, 25 fevral 2020 (UTC)

Hörmətli Sortilegus, birincisi çox xahiş edirəm, rişxənd və tənəli ifadələrinizi özünüzdə saxlayasınız və nəzakət qydalarına riayət edəsiz, problemlə bağlı mən yazmışam, mən heç bir komandaya daxil deyiləm və heç kimlə xüsusi bir əlaqəm yoxdu. Sadəcə vaxtım olduqca vikini təkmilləşdirməyə çalışıram və bunu da heç bir məqsəd güdmədən edirəm. Sadəcə olaraq vikidə işləmək, məlumat ötürmək xoşuma gəlir. İkincisi, məsələ yuxarıda skrin edib paylaşdığım iki-üç kateqoriya ilə bağlı deyil, onları sadəcə olaraq nümunə kimi göstərmişəm, halbuki siz bu vaxta kimi yüzlərlə lazımlı kateqoriyalar silmisiniz və dəfələrlə sizin özünüzə də bu haqqda müraciət etmişəm. Yuxarıda bir neçə yerdə "azvikidə kateqoriyalaşdırma standartı" kimi fikirlər səsləndirirsiz, amma 10 ildən çox azvikidə fəaliyyət göstərən biri kimi nə vaxtsa kateqoriya adlandırmalarının və hansı kateqoriyaların azvikiyə lazım olub, hansılarının olmamasının müzakirə edildiyini xatırlamıram. Əgər bu cür müzakirə olubsa link verin yaddaşımı yeniləyim. Yuxarıda nümunə gətirdiyiniz film adlandırmaları standartı isə dəfələrlə müzakirə edilib və ortaq qərar qəbul edilib. Hörmətli Sortilegus, izah edin zəhmət olmasa siz hansı haqqla mənim və belə görünür ki, digər istifadəçilərin də vaxt və enerji sərf edib yaratdığı kateqoriyaları kefiniz və əhvalınız istədiyi kimi silirsiz? Nəyə görə mən bu gün yaradıb içinə məqalə/şablon/kateqoriya yerləşdirdiyim kateqoriyanı bir ay sonra istifadə etmək istədikdə hər dəfə yenidən yaratmalı və yenidən vaxt sərf etməliyəm? Nəyə görə sizə kateqoriyaların içini boşaldıb sonra boş kateqoriya kimi silirsiz? Həqiqətənmi bu qədər çox vaxtınız var və əgər bu qədər boş vaxtınız varsa fəaliyyətinizi məqalələrin yaradılması və zənginləşdirilməsinə sərf etməniz daha doğru olmazmı?

Bəli, mən envikini nümunə alıram, məqalələrin zənginləşdirilməsində, şablonların və kateqoriyaların yaradılmasında envikidə hazır status almış və ya yaxşı səviyyədə olan materiallardan istifadə edirəm. Hansı qaydada yazılıb ki, azvikidə envikidəki kimi kateqoriyalar yaratmaq olmaz? Əgər hansısa kateqoriyada yazılmayıbsa niyə müzakirə etmədən özbaşına silmələr edirsiz? Nəyə görə azvikidə işləyən bu qədər adam hər xırda silinməni müzakirəyə çıxarır, vaxt və enerji sərf edir, siz isə ürəyiniz istədiyi kimi birdən birə 50-60 silmə edirsiz? Siz bu qədər adamdan artıqsızmı bəyəm? Etdiyiniz bu hərəkətlər səlahiyyətlərinizdən sui-istifadə deyilmi? Hörmətlə --sefer azeri 05:36, 26 fevral 2020 (UTC)

Hörmətli Sortilegus, mən artıq sizin bu rişxənd və sancmalı ifadələrinizi aldırmıram, çünki siz hər dəfə cavabsız suallarla üz-üzə qalanda mənimlə hörmətli Baskervillin dostluğunu ortaya atırsınız. Hətta bu qədər olanlardan sonra. Dost dostu metaya şikayət etdi, dost dostun statusun alınması üçün səsvermə başlatdı və s. Lap tutaq ki, dostuq bunun məsələyə nə aidiyyatı var. İki vikipediyaçı dost ola bilməz? Hələ mən sizin etdiklərinizə münasibət bildirməmişəm. Sadəcə etiraz edənlərin olduğunu və hər zamanki kimi nəzakətsiz davranışlarını qeyd etdim. Siz nə qədər də böyük işlər görsəniz belə bu heç kəslə nəzakətsiz davranmağa əsas vermir. Mən artıq sizə növbəti və son xəbərdarlığımı edirəm. Bir daha istifadəçilərlə nəzakətsiz davransanız bunun üçün tədbir görmək məcburiyyətində qalacağam. Özünüz də inanmasaz belə şahidi oldunuz ki, səsverməsiz belə ümumi qaydaları ciddi şəkildə və ya dəfələrlə pozan statuslu şəxslərdən bu status asanlıqla alına bilir. Bizə azvikiyə ziyan vurmadan xeyir verən şəxslər lazımdır. Hörmətlə --eldarado ^✉ 10:31, 26 fevral 2020 (UTC)

Hərkəsə salam. Gördüyüm qədərilə müzakirə böyüyür və getdikcə aqressivləşirsiz. Lütfən özünüzü toplayın və bu məsələni kökündən həll edək getsin. Belə ki Azərbaycanca Vikipediyada bizim Vikipediya:Kateqoriyalaşdırma adlı qaydamız var. Təklif edirəm bu qayda üzərində bu müzakirədə altbaşlıq açmaqla danışaq, qaydanı təkmilləşdirək və səsverməyə qoyaq. Əgər aranızda narazı yoxdursa mən 2 gündən sonra lazımi tədbirləri başladım. Hamınıza hörmətlə,--Turkmen ^müzakirə 13:59, 26 fevral 2020 (UTC)

Salam hörmətli Turkmen, məsləhət görərdim ki yuxarıdakı müzakirəni bir dəfə də oxuyun. Məsələ kateqoriyalaşdırma deyil o həll oluna bilən mövzudur. Diqqət yetirsəniz uzun müddətdir ki, həll olunmayan mövzular var. Aqqresivləşməyin, özünüzü toplayın, nəzakətli olun və s. deməklə həll olunsaydı çoxdan olunardı. Demək ki, belə alınmır. Bir zamanlar Cekli də belə idi kimlə necə gəldi danışırdı və qarşısını almaqda çətinlik çəkirdik. Hörmətlə --eldarado ^✉ 14:14, 27 fevral 2020 (UTC)

Eldarado, bu məsələnin "mustafası" mənim statuslarımın müzakirəyə, səsverməyə çıxarılmasıdırsa, elə ondan başlamaq lazım idi. Təbii ki, yuxarıda adını çəkdiyiniz Cekli də daxil bəzi idarəçilər bir-bir sıradan çıxarıldıqdan, bəziləri isə nəyin hesabına olursa-olsun müdafiə edilib qorunandan sonra, mən nə vaxtsa bu qruplaşmanın hədəfində olacağımı anlayırdım, bilirdim, bununla bağlı açıq xəbərdarlıq da almışdım. Sadəcə mən şəxsi facebook yazışmalarımı açıqlamağı sevmirəm və heç vaxt da bunu etmərəm. Məncə məsələni çox da uzatmayın, planı həyata keçirməyə başlaya bilərsiniz :) Amma təbii ki, onu da unutmayacaqsınız ki, bu dəfə bot fəaliyyəti filan olmadan azvikidə 200 000 redaktə sayını keçən tək idarəçiyə, azvikinin təməli atılandan bu günə qədər onun hər inkişaf mərhələsində aktiv iştirak edən və bu gün də bu fəaliyyətini davam etdirən, hər məsələdə müstəqil mövqe tutan (buna görə də təbii ki, məlum qruplaşmanın hədəfində olan) birinə qarşı gedirsiz. Bir də azvikidə mən inanıram ki, hələ də müstəqil mövqeyi olan xeyli vikipediyaçı var. Heç də hamı dostluğu, tanışlığı, qrup həmrəyliyini əsas tutmur. Yəni dediyim kimi özünüzə çox da əziyyət verib mənim fəaliyyətimdə hansısa uyğunsuzluq axtarmağa gərək yoxdur. Müzakirə mövzusu ilə bağlı əsaslı fikirlərimi yuxarıda yazmışam və bu müzakirədə bundan sonra iştirak etməyi uyğun hesab etmirəm. Ona görə də siz əsas planın icrasına başlayın. --Sortilegus (müzakirə) 19:42, 27 fevral 2020 (UTC)

Sortilegus müzakirəni mən başlatmışam və bunu fəaliyyətinizin mən də daxil bir çox istifadəçilərin işinə mane törətdiyinə görə etmişəm. Sizdən nəyə görə bu və ya digər addımı atdığnızı soruşduqda, ya izah etməkdən qaçınır, ya da söhbəti tam başqa mövzulara çevirirsiz. Mən heç bir qruplaşmanın üzvü deyiləm, heç kimlə danışıb kiməsə qarşı heç bir addım atmıram, yüz ildi ki, vikigörüşlərdə olmuram. Müzakirə mövzusu sizin davranışınız və vikiqaydalara hörmətsizliyinizdir. Başqa bir məsələ axtarmaq lazım deyil. Hörmətlə --sefer azeri 14:04, 29 fevral 2020 (UTC)

Hörmətli Sortilegus, hamıya məlumdur ki, qruplaşma söhbətini siz müzakirə mövzusunu öz üzərinizdən atmaq üçün ortaya çıxarmısınız. Çünki hər dəfə sizdən şikayət olduqda bu şikayət əyani sübutlarla göstərilir. Lakin siz qruplaşma mövzusunda bir əsas ortaya atmamısınız. Buna görə də xahiş edirəm heç kəsin üzərinə iftira atmayın. Həm yuxarıda qeyd etdiyim kimi bunun mövzuya nə dəxli var ki, lap tutaq ki, qruplaşma var. Axı sizin etdikləriniz ortadadı. Uzun illərdir fəaliyyətiniz var. Lakin hələ də nəzakət qaydalarını öyrənə bilməmisiniz. Hələ də istifadəçilərlə nəzakətsiz formada danışır, onları təhqir edir və iftira atırsınız. Sonra da deyiriniz ki, mənə qarşı qruplaşma var. Əgər nəyisə yanlış deyirəmsə yuxarıda qeyd etdiyiniz xeyli sayda müstəqil vikipediyaçılar yanlış olduğumu qeyd etsinlər zəhmət olmasa. Mənim sizdən istəyim vikiqaydaları pozamamaq və bir bürokrat kimi istifadəçilərin problemlərinin həlli üçün çalışmaqdır. Hörmətlə --eldarado ^✉ 07:14, 6 mart 2020 (UTC)

Sorry, for writing this text in English. If you could help to translate it, it would be appreciated.

You might know the new interface for edit conflicts (currently a beta feature). Now, Wikimedia Germany is designing an additional interface to solve edit conflicts on talk pages. This interface is shown to you when you write on a discussion page and another person writes a discussion post in the same line and saves it before you do. With this additional editing conflict interface you can adjust the order of the comments and edit your comment. We are inviting everyone to have a look at the planned feature. Let us know what you think on our central feedback page! -- For the Technical Wishes Team: Max Klemm (WMDE) 14:14, 26 fevral 2020 (UTC)

Bu məqaləyə kimsə göz gəzdirib, səhvləri düzəldə bilər? Kəlbəcər döyüşü.--Azerifactory (müzakirə) 21:16, 26 fevral 2020 (UTC)

Bərbad və bəzi yerlərdə naşı tərcümə olunub. Azvikinin ən böyük dərdlərindən biridir, çoxları xarici dil biliyi zəif olduğu halda mənbələri incələmədən kor-koranə aşağı keyfiyyətli tərcümə ilə məşğuldur. Hətta bəzən bu cürə məqalələr yaxşı məqalə statusunu belə alır. --Thunder Storm (müzakirə) 19:44, 29 fevral 2020 (UTC)

Verman1 Harası bərbaddır?--Azerifactory (müzakirə) 00:16, 2 mart 2020 (UTC)