Vikipediya Kend Meydani Arxiv Oktyabr 2021 - Wikipedia - Gecemiz.az

Təqvimdə olan 1 yanvar, 2 yanvar, 3 yanvar, 5 noyabr və s. günlər olan məqalələr bərbad gündədir. Hərə nə istəyir yazır və çoxlu saxta-reklam tipli məlumat var. Mən bu məqalələri standartlaşdıra bilərəm amma idarəçilər bütün bu 365-366 gün məqalələrini silsə işim daha rahat olar.

Yəni məqalənin əsas formatını saxlayacam:

• Əhəmiyyətli hadisələr
• Azərbaycanda olan hadisələr
• Doğumlar
• Ölümlər
• Bayramlar və xüsusi günlər

Mənə bu mövzuda kim yardım edə bilər?— Azerifactory (müzakirə) 05:18, 1 oktyabr 2021 (UTC)

Konkret məzmunu olan məqalələri kütləvi silmək düzgün deyil. edərək də yavaş-yavaş sıfırdan inkişaf etdirmək mümkündür. Bu cür kütləvi silmə həm çox risklidir, həm də əhəmiyyəti yoxdur. Məqalənin məzmununu silib yenidən yazmaq mümkündür, niyə tarixçəsi ilə birlikdə silirik? İl məqalələrinin vəziyyəti çox pisdir, pisdir deyəndə, çoxu məzmunsuzdur deyə onları kütləvi silməyi müzakirə etmək olar. O qədər il məqaləsi var ki, bir cümlə belə yoxdur, amma qalır.— White Demツn^yaz 10:59, 1 oktyabr 2021 (UTC)

Onsuz da o məqalələrin 90%-i boş haldadır. Silmək nə lazımdı ki? Onsuz da yenidən yaradılmalıdır. Üzərində işləyə bilərsiz. Məsələn: 2006-cı ildə yaradılan 1989-cu il adlı məqalə 15 il sonra Firuze Nesibli tərəfindən gözəl bir şəkildə zənginləşdirilib. Həmin məqalələr də bu şəkildə işlənilməlidir. — Araz Yaquboglu (müzakirə) 11:43, 1 oktyabr 2021 (UTC)

Araz Yaquboglu, Sürətli silmə kriteriyalarının 1-ci müddəasına görə bu cür məqalələr əslində müzakirəsiz sürətli silinməlidir. Məsələn, E.ə. 442 məqaləsi bomboşdur, oxucu bundan 0 məlumat alır, heç bir məlumat yoxdur, onda bu "məqalə" niyə saxlanılmalıdır, oxucuya heç bir məlumat çatdırmırsa? Onsuz da hansısa istifadəçi geniş variantını yaratmaq istəsə o vaxt yenidən yaradacaq. Bu məntiqlə biz EnVikidəki bütün məqalələri boş şəkildə, məzmunsuz bura köçürə bilərik, qısa müddətdə 1 milyon məqaləmiz olar və deyə bilərik ki, silinməsin, vaxt gələr, kimsə genişləndirər boş məqalələri. Bizdə bir cümləlik şəhər məqalələri çoxdur, amma həmin məqalələrin infoqutularında heç olmasa müəyyən miqdar məlumat var: əhalinin sayı, ölkə, inzibati bölgü, telefon kodu, xəritə və s. Amma bu cür boş il məqalələrində oxucu üçün heç bir məlumat yoxdur.— White Demツn^yaz 12:04, 1 oktyabr 2021 (UTC)

White Demon dediklərinizi qəbul edirəm. Gərək vaxtında yaradılmayaydı. Təzədən onları silməyin özü də vaxt itkisidi. İstəsək o boş məqalələrə məzmun əlavə edə bilərik. Sadəcə gərək o sahəyə həvəs və istək ola. — Araz Yaquboglu (müzakirə) 12:12, 1 oktyabr 2021 (UTC)

Azərbaycanca vikipediya istifadəçilərini 1-31 oktyabr 2021-ci il tarixlərində "Azərbaycan vikimediaçıları" istifadəçi qrupu tərəfindən təşkil edilən Viki Qafqazı Sevir 2021 məqalə müsabiqəsində iştiraka dəvət edirik. Qaliblər 300-200-100 AZN dəyərində hədiyyə kartları və əlavə simvolik hədiyyələr əldə edəcəklər. Hər birinizi müsabiqədə iştirak etməyə dəvət edirik. Uğurlar! Hörmətlə — eldarado(müzakirə | fəaliyyət | meta səhifəsi) 08:48, 2 oktyabr 2021 (UTC)

Salam, həftəsonu baştutmuş vikigörüşdə Vikibahar və Türk marafonu müsabiqələrinin qalibləri mükafatlandırıldı. Şəkillərə bu keçiddən baxa bilərsiniz. Hörmətlə — eldarado(müzakirə | fəaliyyət | meta səhifəsi) 13:51, 4 oktyabr 2021 (UTC)

Hörmətli @Eldarado. Əvvəlki qədər aktiv ola bilmirəm, lakin bu müsabiqələrin xeyrindən çox ziyanının olduğunu düşünürəm. Yəni ən azından qarşıma çıxan məqalələr bunu sübut edir. Böyük əksəriyyəti maşın tərcüməsi (bəzən kiçik toxunuşlar olur) və ya qısa məqalələr olur. Bu da sadəcə kəmiyyət baxımdan artıma səbəb olur. Bəlkə yanılıram. Amma Türk Marafonunun günbəgün məqalələrini izləyən biri kimi deyə bilərəm ki, eyni problem orda da var idi. Həmçinin vaxtı ilə keçirilən Naxçıvan ayı, AXC ayı kimi layihələrdə də %99 copy-paste, tərcümə, qrammatik/leksik və s səhvlərlə dolu məqalələr, alt başlıqların birbaşa məqalə olması kimi hallar həddən artıq çox olub. Bəlkə artıq bu cür yarışmaların formatı dəyişsin? Başa düşürəm ki müəyyən məbləğ qazanılması hamını cəlb edir. Amma keyfiyyətə önəm verməliyik. Məncə təkmilləşdirmə ağırlıqlı müsabiqələt daha xeyrli olar nəin ki məqalə yaratmaq. Onsuz azvikidə yüzlərlə qaralama, vikiləşdirilməmiş, qeyri ensiklopedik məqalə var. İşimizi yüngülləşdirmə üçün başqaformat tətbiq etmək olmaz mı? -Dr.Wiki54 (müzakirə) 14:30, 6 oktyabr 2021 (UTC)

Dr.Wiki54 yəqin bu yazdıqlarınız mənə aid deyil))) — İrövşən (müzakirə) 15:34, 6 oktyabr 2021 (UTC)

• Eldarado təşəkkürlər. Həm mükafatlandırma mərasiminə, həm də şəkillərə görə.— İrövşən (müzakirə) 15:43, 6 oktyabr 2021 (UTC)

Salam @Rövşən bəy. Mən ümumi tənqid etdim. Burada həm təcrübəli, həm yeni istifadəçilərin səhvi olur. Mükafat olduğu üçün cəlbedici olur. Əgər şəxsən siz öz işlərinizi soruşursunuzsa sizin yaratdığınız və təkmilləşdirdiyiniz bir çox məqaləni mən yüksək qiymətləndirirəm :):):):) - Dr.Wiki54 (müzakirə) 16:30, 6 oktyabr 2021 (UTC)

Salam Dr.Wiki54, müəyyən qədər haqlısınız. Lakin bu beynəlxalq müsabiqədir və əksər vikilərdə bu cür müsabiqələr keçirilir və şərtləri də demək olar ki eynidir. Bəli son müsabiqədə maşın tərcümə ilə yaradılmış məqalələr çoxluq təşkil edirdi. Misal üçün Ruslan Cavadzadə adlı istifadəçinin demək olar ki, 90% yaratdığı məqalələr silinməlidir. Sadəcə hələki vaxt edib yoxlaya bilmirəm. Bu cür məqalələr hər bir vikidə olur. Zamanla həmin məqalələr ya təkmilləşdirilir ya da silinir. Maşın tərcüməsinin qarşısının alınması ilə bağlı təklifləriniz varsa bildirə bilərsiniz. Biz də bunu müzakirə edib müsabiqə şərtlərinə əlavə edə bilərik. Hörmətlə — eldarado(müzakirə | fəaliyyət | meta səhifəsi) 05:40, 7 oktyabr 2021 (UTC)

@Eldarado bir daha salam bəy. Mən şəxslər üzərindən irad bildirmək istəmirəm. Təcrübəli istifadəçilər də eyni səhvləri edir. Mənim dediyim budur ki, elə etmək lazımdır ki, o 90% məqalələr vaxtında disklafikasiya edilib silinsin. AXC ayı 2018-də təşkil olunmuşdu %90 məqalələr keyfiyyətsiz idi silinəcək olanları mən 2021-də sildirdim. Sizcə də 3 il çox uzun müddət deyil mi? Hər vikidə belə problemlər olur olmağına ama bizim vikidə nəsə məqalə sayına çox önəm verilir. Mən isə tərsinə dərinlik parametrinə üstünlük verirəm. Əgər birbaşa belə beynəlxalq müsabiqələrin şərtlərini dəyişmək olmursa, lokal və təşkilatçısı olduğumuz layihələrdə təkmilləşdirmələrinə üstünlük verək. Mümkün deyilsə, maşın tərcüməsi aşkarlanan istifadəçilərin nəticəsi ləğv olunsun və ya məsələn bu onun xal hesabına -50 kimi təsir etsin. Ağlıma indilik bunlar gəlir. - Dr.Wiki54 (müzakirə) 20:34, 8 oktyabr 2021 (UTC)

salam eziz dostlar xais ediremki vikipedyada Sevinc xanim hakdada melumat paylasilsin cunki azerbaycanin xanendelik ve mugaminda onunda ezyeti olub xais edirem onuda bura elavə edeyin — Bu imzasız yazı Eli 01 02 (m • t) adlı istifadəçi tərəfindən əlavə edilib;

Eli 01 02 məqaləni özünüz də yarada bilərsiniz. — Xeyal ^(müzakirə) 16:03, 3 oktyabr 2021 (UTC)

Salam. Bu yaxınlarda Bakı Fəlsəfə Akademiyası deyə bir layihə ilə rastlaşdım. Olduqca əhatəli yazılar dərc olunur. Gördüyümə görə, proyekt çərçivəsində kitab və məqalə tərcüməsi, video səsləndirmə, birbaşa efir formatında videolar və təlimlər təşkil edilir. Sizcə ensiklopedikdir bu mövzu? --► Hörmətlə: SolaVirum 10:43, 9 oktyabr 2021 (UTC)

Deyəsən sayt yenidir. Ensiklopedik olması üçün əvvəlcə azad mənbələrə baxmaq lazımdır, əks halda belə ensiklopedik sayılmır.— White Demツn^yaz 10:52, 9 oktyabr 2021 (UTC)

İki ilindir. Belə şeylər tapdım: 1, 2 --► Hörmətlə: SolaVirum 11:23, 9 oktyabr 2021 (UTC)

Xeno (WMF) 02:25, 14 oktyabr 2021 (UTC)

Əziz Həmkarlar. Bəzən vandalizm hallarında qeydiyyatsız istifadəçilərin redaktələrin geri qaytarmaq məcburiyyətində oluruq. Belə vəziyyətdə mən səhifənin tarixçəsində sonuncu redaktə etmiş A istifadəçinin adının qarşısında "əvvəlki halına qaytar" sözünə klik edirəm. Lakin çox tez-tez rastlaşıram görürəm bəzi Həmkarlar belə hallarda redaktələri geri qaytararkən qeyd bölməsində yazılır ki məsələn A tərəfindən edilmiş redaktələr geri qaytarılaraq Vahid Məmmədov tərəfindən yaradılan sonuncu versiya bərpa olundu. Zəhmət olmasa mənə bunu necə etdiyinizi izah etməyinizi xahiş edirəm. Yəni səhifənin tarixçəsində A istifadəçisinin etdiyi redaktəni geri qaytarıb B istifadəçisi tərəfindən yaradılan sonuncu versiya ilə bərpa etmək istəyirəm. Menyu düymələrin çox qurdaladım amma tapa bilmədim. Profil nizamlamalarında bir çox parametrləri dəyişdirmişəm geri qaytarmada yaşadığım çətinliyin bununla bir əlaqəsi varmı bilmirəm əgər varsa zəhmət olmasa bildirərsiniz. Öncədən təşəkkür edirəm. —Vahid Məmmədov (müzakirə) 20:49, 14 oktyabr 2021 (UTC)

Siz dediyiniz funksiya rollback funksiyasıdır, rolbaker hüququnda var. Həmin funksiyanın aktiv olması üçün VP:İHM-dən rolbaker hüququ üçün müraciət edə bilərsiniz. — Xeyal ^(müzakirə) 20:59, 14 oktyabr 2021 (UTC)

Movement Strategy Implementation grants now provide more than $2,000 USD to put Movement Strategy plans into action. Find out more about Movement Strategy Implementation grants, the criteria, and how to apply.

MNadzikiewicz (WMF) (talk) 13:30, 29 October 2021 (UTC)

Məqalə namizədləri və Silinməyə namizəd səhifələrə baxış lazımdır. İkincidə mən çalışacam, çoxunu yekunlaşdırım, lakin birincidə mənim də namizəd göstərdiyim məqalə var deyə müdaxilə etməyəcəyəm. --► Hörmətlə: SolaVirum 07:52, 18 oktyabr 2021 (UTC)

Hərkəsə salam. Vikipediya:Ödənişli redaktorluq qaydasını hazırlamışam və müzakirə üçün buraya yazıram. Fikirlərinizi bildirə bilərsiniz. Son zamanlar pulla məqalə yaradanların sayında artım var. İnstagramda hər 1k izləyicisi olana məqalə yaradanları görməkdən bezmişəm artıq. Bu qayda həmin istifadəçiləri kimdən pul aldıqlarını açıqlamağa məcbur edəcək. Qeyd edim ki bu Vikimedia Fondunun İstifadə Şərtlərində də qeyd edilib. Qaydada həmin bölməyə keçid yerləşdirilib. NMW03 (müzakirə) 19:40, 1 oktyabr 2021 (UTC)

Qəşəngdir, səsverməyə çıxarsaydınız əla olardı. --► Hörmətlə: SolaVirum 11:19, 3 oktyabr 2021 (UTC)

@Solavirum açıqlamayanların bloklanması müddəasını əlavə etsək daha yaxşı olmaz mı? Şəffaflığa səbəb olar məncə. Yekunlaşdırdıqdan sonra müzakirəni, səsvermə başlatsaq yaxşı olar. -Dr.Wiki54 (müzakirə) 11:46, 15 oktyabr 2021 (UTC)

Etmək olar, "Reporting undisclosed paid editors" başlığını tərcümə etmək uyğundur məncə. Sadəcə problem çıxır – necə biləcəyik ki, hansısa yuzer ödənişli əsaslarla məqalə yaradır və bunu açıqlamır? --► Hörmətlə: SolaVirum 11:57, 15 oktyabr 2021 (UTC)

@İstifadəçi:Solavirum Əslində bir çox hallarda oxşar mövzuları yaradan istifadəçilərdə bunu aşkar etmək olur. Sosial şəbəkələrdə "Haqqında" hissəsinə qoyulan viki keçidlərin keçid verdiyi məqalələrin yaradıcıları məsələn :) - Dr.Wiki54 (müzakirə) 13:25, 15 oktyabr 2021 (UTC)

spekulyasiyadan artıq bir şey deyil. --► Hörmətlə: SolaVirum 12:00, 16 oktyabr 2021 (UTC)

buna oxşar təsdiqlənmiş hallar da mövcud idi - Dr.Wiki54 (müzakirə) 20:53, 17 oktyabr 2021 (UTC)

Mən bu qaydanı dünən görüb oxudum və çox bəyəndim lazım idi lakin dünən mənə qaranlıq qalan bir məsələ ki oldu indi isə fürsət düşmüşkən onu açıqlamaq istəyirəm. Məsələn məqalədə yazılıb ki "İşəgötürənini, müştərisini və mənsubiyyətini açıqlamayan ödənişli redaktorların redaktə etməsi qadağandır." Aydındır ki bu qeyd göz boyamaq üçündür. Məsələn bizə məlumdur ki Coğrafiya İnstitutunun bəzi əməkdaşları AMEA tərəfindən ödəniş alır vikipediyada redaktorluq fəaliyyətindən dolayı. Kimlər olduğunu isə bilirik. Lakin onların fəaliyyətinə heç bir məhdudiyyət gətirilə bilməz. Əgər yuxarıda yazdığım cümlə göz boyamaq üçün deyilsə o zaman onları aşkar edib fəaliyyətləri məhdudlaşdırılmalıdır qaydalara əsasən. Gəlin dürüst olaq əgər bir istifadəçi ödənişli fəaliyyət göstərmədiyini deyirsə idarəçilər bunun əksin sübut edə bilməz. Düşünə bilərsiniz ki istifadəçinin fəaliyyətinə baxıb sübut edə bilərik lakin əgər istifadəçi israrla ödəniş almadığını fəaliyyətinə baxmayaraq yenə də deyirsə o zaman idarəçi istifadəçini əlində sübut olmadan sadəcə ittiham etmiş olacaq. İstifadəçi deyə bilər ki mənim Coğrafiya, Tarixə və ya Astronomiya marağım var deyə sırf bu sahədə vikipediyada fəaliyyət göstərirəm. ​Əgər məqsəd ödənişli redaktorların qarşısın almaq isə məsələn onlara töhfələrinə görə ulduzların verilməsinin qarşısı alınsın, daha əvvəllər verilibsə ulduzlar geri götürülsün. İdarəçi, bürokrat, avtopatrul və digər statuslara namizəd olmaları qadağan olunsun lakin redaktə etməsi qadağan olunmasın. Yuxarıda qeyd etdiyim cümlə göz boyamaq üçün deyilsə belə yenə də o cümlə çıxarılmalıdır məqalədən. Çünki ödənişli fəaliyyətin qarşısın almaq mümkün deyil. Ən azından indilik. —Vahid Məmmədov (müzakirə) 21:27, 3 oktyabr 2021 (UTC)

@Vahid Məmmədov Ödənişli redaktorluq bütün vikilər üçün problemdir. Amma bu açıq şəkildə elan olunduğu təqdirdə problemli deyil. Qayda qəbul olunarsa və iddia etdiyiniz hallarda açıqlanmazsa onda idarəçi həmkarlarımız iddihamları təsdiqlədiyi halda həmin şəxsləri bloklaya bilər. - Dr.Wiki54 (müzakirə) 08:29, 6 oktyabr 2021 (UTC)

•  Y Səsvermə başladıldı.— Turkmen ^müzakirə 18:34, 23 oktyabr 2021 (UTC)