Vikipediya Sesverme Ip Redaktelerin Patrullanmasi - Wikipedia - Gecemiz.az

IP-redaktələrin patrullanmasına dair səsvermə

Son aylarda və xüsusilə də son günlərdə az-vikidə IP-ünvanlardan edilən vandalizm xarakterli redaktələrin sayı kəskin artıb. Vandalizm deyərkən təkcə məqalələrə təcrübəsizlikdən zərər yetirilməsini yox, həm də bəzi istifadəçilərin ünvanına, yaxud məqalənin məzmununa aid təhqiramiz ifadələri və söyüşləri nəzərdə tuturam. İdarəçilərin, bəzi vaxtlarda sayı gündə 100-dən artıq olan, belə vandalizm hallarını saf-çürük etməsi çətin olur və bir sıra hallarda məqalələrdə istənməyən ifadələr bir neçə ay qala bilir. Kənd meydanında bununla bağlı aparılan müzakirədən anlaşılan odur ki, IP-redaktələrin patrullanmasına ehtiyac var. Yəni, IP-lərdən edilən dəyişikliklər idarəçilərin, yaxud patrul statusu olan adi istifadəçilərin təsdiqindən sonra səhifədə görünəcək. Zənnimcə, bu yenilik vandalizm hallarının böyük ölçüdə azaldılmasına imkan verəcəkdir. Çünki istifadəçi adını qeydiyyata almaq üçün müəyyən prosedurları keçmək lazımdır və bu, vaxtaparan proses olduğu üçün, vandalizm etmək istəyən istifadəçiləri fikirlərindən daşındıracaqdır. Son bir neçə ayda IP-lər tərəfindən yol verilmiş vandalizm hallarının çox kiçik bir hissəsi ilə bu linklərdən tanış ola bilərsiniz. Söyüş və təhqirlər olan linkləri paylaşmıram.

[1][2][3][4][5][6][7][8][9][10][11][12][13][14][15][16][17][18][19][20][21][22][23][24][25][26][27][28][29][30][31][32][33][34][35][36][37][38][39][40][41][42][43][44][45][46][47][48]

Yuxarıda qeyd edilənlərlə əlaqədar olaraq və Kənd meydanında aparılan müzakirənin nəticəsi kimi, bu səsverməni başladıram və vikicəmiyyətin bununla bağlı qərar verməsini xahiş edirəm. Səsverməni əsaslandırmaq üçün yuxarıda yazdığım fikirlər ümid edirəm ki, hər kəsə aydındır və bu səbəbdən, əleyhinə verilən səslərin əsaslandırılmasını xahiş edirəm.

Səsvermə bu səhifənin yaradıldığı andan başlayır və Bakı vaxtı ilə 31 dekabr günü saat 23:59:59-da başa çatacaqdır. Yekunda yalnız səsvermə hüququ olan istifadəçilərin səsləri nəzərə alınacaq, lakin digər istifadəçilərin də şərhlərini görmək istərdik.