 |
 |
Gecemiz.az |  |
 |
Hüseyn Dehqan Pudeh (fars. حسین دهقانی پوده; 2 mart 1957) və ya Hüseyn Dehqan — İran siyasətçisi və keçmiş hərbi qulluqçusu. O, 2023-cü ildən etibarən Müstəzəflər Fondunun rəhbəri vəzifəsini icra edir.
| Hüseyn Dehqan | |
|---|---|
 | |
| 15 avqust 2013 – 20 avqust 2017 | |
| Əvvəlki | Əhməd Vahidi[d] |
  | |
| 8 may 2004 – 17 iyul 2009 | |
| Şəxsi məlumatlar | |
| Doğum tarixi | 2 mart 1957 (68 yaş) |
| Təhsili | |
| Fəaliyyəti | siyasətçi, mühəndis, hərbi qulluqçu |
| Dini | İslam |
| Hərbi xidmət | |
| Qoşun növü | İslam İnqilabı Keşikçiləri Korpusu |
| Döyüşlər | |
| Rütbəsi | briqada generalı |
|
|
|
 |
|
 Vikianbarda əlaqəli mediafayllar | |
O, əvvəllər İranın müdafiə naziri olmuşdur. Bu vəzifəyə prezident Həsən Ruhani tərəfindən 4 avqust 2013-cü ildə namizəd göstərilmiş və 15 avqustda parlament tərəfindən təsdiq edilmişdir.[1] O, bu vəzifədə 20 avqust 2017-ci ilə qədər qalmışdır.
Dehqan 1957-ci ildə İsfahan ostanının Dehagan şəhristanının Şəhrza şəhərinin yaxınlığında yerləşən Pudeh kəndində anadan olmuşdur.[1][2][3] O, Tehran Universitetində idarəetmə üzrə fəlsəfə doktoru (PhD) dərəcəsi almışdır.[4][5]
Dehqan İran İslam İnqilabı Keşikçiləri Korpusunda (SEPAH) və onun hava qüvvələrində komandan kimi xidmət etmişdir.[6][7] O, 1979-cu il İran İslam İnqilabından qısa müddət sonra doğma şəhərini tərk edərək Tehrana getmiş və SEPAH-a qoşulmuşdur.[2] SEPAH-da tutduğu vəzifələrə SEPAH-ın Tehran bölməsinin komandanı (1980–1982), SEPAH-ın İsfahan, Suriya və Livan bölmələrinin komandanı (1982–1983)[2] və SEPAH Kooperativlər Fondunun baş direktoru (1996) daxildir.[8][9]
İran-İraq müharibəsi zamanı o, Möhsün Rezayi, Rəhim Səfəvi və Əli Şəmxani ilə bərabər SEPAH-ın aparıcı və qərar qəbul edən komandirlərindən biri olmuşdur.[10] Suriya və Livanda SEPAH-ın təlim korpusunun komandanı olmuşdur.[2] 1986-cı ildə SEPAH-ın hərbi hava qüvvələri komandanının müavini təyin edilmiş və 1990-cı ilin aprelində bu qüvvələrin komandanı olmuşdur.[11] O bu vəzifədə 1992-ci ilə qədər qalmış və daha sonra isə həmin vəzifədə onu Məhəmməd Hüseyn Cəlali əvəz etmişdir.[11] Dehqan 1992-ci ildə SEPAH Müştərək Qərargahının rəis müavini təyin edilmişdir.[8] Sonradan ona briqada generalı rütbəsi verilmişdir.[8]
_08.jpg)
Daha sonra o, 1997–2003-cü illərdə Məhəmməd Xatəminin prezidentliyi dövründə müdafiə naziri Əli Şəmxaninin müavini olmuşdur.[8][12][13] 2003-cü ildə müdafiə nazirinin səlahiyyətlərini icra edən şəxs olmuşdur.[14] 2005-ci ildə İranın vitse-prezidenti və şəhid ailələrinə yardım fondu olan "Bünyad Şəhid"in rəhbəri təyin edilmiş və bu vəzifədə 2009-cu ilin iyul ayına qədər xidmət etmişdir.[15][8][9][16] Bundan əlavə, o, keçmiş prezident Mahmud Əhmədinejadında məsləhətçisi olmuşdur.[9][17] 2009–2010-cu illərdə Silahlı Qüvvələrin Strateji Tədqiqatlar Mərkəzində Əli Şəmxaninin müavini olmuşdur.[8] Daha sonra, 2010-cu ildə Məqsədliliyi Müəyyənetmə Şurasının siyasi, müdafiə və təhlükəsizlik komitəsinin katibi təyin edilmişdir.[6] Həmçinin Parlament Sədri Əli Laricani və Tehran meri Məhəmməd Baqir Qalibafa da məsləhətçi kimi xidmət etmişdir.[8] Lakin 2012-ci ildə Əhmədinejaddan uzaqlaşmış və Həsən Ruhaninin rəhbərlik etdiyi Mötədillik və İnkişaf Partiyasına qoşulmuşdur.[8]
O, 4 avqust 2013-cü ildə müdafiə naziri postuna namizəd göstərilmişdir.[18] O, məclis tərəfindən bu vəzifəyə təsdiqlənmiş və Əhməd Vahidinin yerinə təyin edilmişdir. Dehqan 269 lehinə və 10 əleyhinə səslə təsdiqlənmişdir.[19] 22 avqustda keçmiş neft naziri Rüstəm Qasimi Dehqanın müşaviri təyin olunmuşdur.[20] 1 avqust 2017-ci ildə Dehqan birinci Ruhani hökumətindən sonra müdafiə nazirliyindən ayrılacağını elan etmişdir. Hazırda Ali Lider Ayətullah Əli Xameneinin müşaviri kimi fəaliyyət göstərir.[21]
O, 2021-ci il İran prezident seçkilərində öz namizədliyini irəli sürdüyünü elan etmişdir.[22]
2019-cu ilin noyabrında Dehqan ABŞ Dövlət Departamenti tərəfindən sanksiya siyahısına salınmış bir çox İran rəsmiləri arasında yer almışdır. Bu, onun 1983-cü ildə Beyrutdakı kazarma partlayışlarında SEPAH komandiri kimi iştirakı ilə əlaqələndirilirmişdir. Həmin hücumda, iddialara görə, Hizbullah döyüşçüləri tərəfindən 241 amerikalı əsgər öldürülmüşdür.[23]
Hossein Dehghan, a former defence minister and now an adviser to Supreme Leader Ayatollah Ali Khamenei, said in a recent interview with the semi-official Tasnim news agency.
 |
 |
GECEMIZ.AZ |  |
 |
|
