Arif Quliyev - Wikipedia - Gecemiz.az

Arif Əli oğlu Quliyev 1965-ci ildə Bakı Mədəni-Maarif Texnikumunun "Dram və kino aktyorluğu" fakültəsinə daxil olmuşdur. 1968-ci ildə texnikumu bitirərək Mingəçevir Dövlət Dram Teatrına təyinatla göndərilmişdir. 1973-cü ildə Azərbaycan Dövlət İncəsənət İnstitutunun Musiqili komediya aktyorluğu fakültəsinə daxil olmuş, 1975-ci ildə Musiqili Komediya Teatrına dəvət olunmuşdur. 1979-cu ildə isə İncəsənət İnstitutunu bitirmişdir. İrəvan Dövlət Azərbaycan Dram Teatrında və daha sonra Özəl Satira Teatrında bədii rəhbər kimi fəaliyyət göstərmişdir (1988-ci ildən).^[5]

Arif Quliyev 7 may 2021-ci il tarixində koronavirus infeksiyası səbəbindən vəfat etmişdir. Bakı şəhərindəki “Qurd qapısı” qəbiristanlığında dəfn olunmuşdur.^[6][7][8]

Arif Quliyev müxtəlif səpgili və xarakterli rollarda çıxış etmişdir. Aşağıdakı teatr obrazları onun uğurlu komediya janrında çıxış etdiyi nümunələrdir:^[9]

• Şərbətəli – "Təzə gəlin" (S.Dağlı, C.Cahangirov)
• Salyanski – "Gözün aydın" (F.Əmirov, M.Əlizadə)
• Əli – "Qaynana" (M.Şamxalov, Z.Bağırov)
• Dursun – "Durna" (S.Rüstəmov)
• Mürsəl – "Gurultulu məhəbbət" (S.Ələsgərov, S.Qədirzadə)
• İbişov – "Özümüz bilərik" (Ş.Qurbanov, S.Ələsgərov)
• Dursunov – "Hicran" (S.Rəhman, E.Sabitoğlu)
• Tofiq – "Ev bizim, sirr bizim" (Ş.Axundova, N.Gəncəli)
• Hambal – "Məşədi İbad" (Ü.Hacıbəyov)
• Mirzəqulu – "Durnalar qayıdanda" (Hidayət)
• Səbzəli – "Məhəbbət, şeytan və ağ ölüm" (M.Haqverdiyev)

Azərbaycan Televiziyasında da geniş fəaliyyət göstərmişdir. Onun oynadığı teletamaşalardan bəziləri:

• Şans
• Bığ əhvalatı
• Qaynana
• Lift əhvalatı
• Yarım ştat
• Evləri köndələn yar

• 1982 – Respublika Gənclər mükafatı
• 1989 – Əməkdar artist fəxri adı
• 1993 – “Humay” mükafatı
• 1993 – Milli Dram Teatrına dəvət və Xalq artisti fəxri adı
• 2006 – “Qızıl Dərviş” mükafatı^[10]
• 2012 – “Zirvə” mükafatı
• 2014 – Sənətkar medalı^[11]
• Prezident təqaüdçüsü olub.

1. İşgüzar adamlar (film, 1977) — ərizəçi
2. Evləri köndələn yar (film, 1982) — bazar satıcısı
3. Eksperiment (film, 1984)
4. Layiqli namizəd (film, 1984)
5. 100 (film, 1985) (qısametrajlı bədii film-Mozalan № 100) — sərxoş
6. Cazibə qüvvəsi (film, 1985)
7. Əbədi mühərrik (film, 1985)
8. Bəyin oğurlanması (film, 1985) — Miriş
9. Qəm pəncərəsi (film, 1986) — kərbəlayi
10. Yay gününün xəzan yarpaqları (film, 1986) — bufetçi
11. Sehrli çıraq (film, 1987)
12. Yaramaz (film, 1988) — dazbaş kişi
13. Güzgü (film, 1990)(II)
14. Bəxt üzüyü (film, 1991) — milis nəfəri
15. 777 №-li iş (film, 1992) (tammetrajlı bədii film)
16. O dünyadan salam (film, 1991) — Hacı Kazım
17. Mənim ağ şəhərim (film, 1993) — Piri
18. Yarımştat (film, 1996) — Şirulla
19. Bakı oğrusu — molla
20. Olacağa çarə yoxdur (film, 2003) — Hacıağa
21. Şans (film, 2004) — Kəlam
22. Adam ol! 2 (film, 2006) (tammetrajlı bədii film) — Sərxanın tanışı
23. Adam ol! 3 (film, 2007) (tammetrajlı bədii film) (Lider TV) — Arif
24. Qoy oturmuşuq (veriliş, 2007)
25. Halal pullar (film, 2008)
26. Evləri göydələn yar (film, 2010) — Badambəyli
27. Bığ əhvalatı
28. Axırıncı dayanacaq (film, 2014) — Tapdıq
29. Qız atası (teleserial, 2014) — Qasım (9-cu bölüm)
30. Dörd yoldaş və qardaş (film)^[12]
31. Bəxt üzüyü 2 (film, 2017) — taksi sürücüsü

• Sənətsevər. Arif Quliyev