 |
 |
Gecemiz.az |  |
 |
Evan Koll (ing. Evan Call; 29 iyun 1988, Kaliforniya) – Yaponiyada fəaliyyət göstərən ABŞ bəstəkarı. "Violet Evergarden" və "Frieren: Beyond Journey's End" kimi anime seriallarının bəstəkarıdır.
| Evan Koll | |
|---|---|
| Doğum tarixi | 29 iyun 1988 (37 yaş) |
| Doğum yeri | |
| Təhsili | |
| Fəaliyyəti | bəstəkar |
| Fəaliyyət illəri | 2012-ci ildən |
Evan Koll 29 iyun 1988-ci ildə ABŞ-nin Kaliforniya ştatında doğulmuşdur.[1] Yeniyetmə olanda ona oksipital nevralgiya diaqnozu qoyulmuşdur, bu səbəbdən bir müddət məktəbə gedə bilməmişdir. Həmin dövrdə yerli bir müəllimdən blyuqrass gitarada ifa etməyi öyrənmişdir. Koll bir dostunun vasitəsilə Yaponiya animeləri və videooyunları ilə tanış olmuşdur. Bundan sonra onda orkestra musiqisi bəstələməyə maraq yaranmışdır.[2] Liseyə daxil olduqdan sonra xor klubuna qoşulmuşdur.[3] Məzun olduqdan sonra Berkli Musiqi Kollecində təhsil almış və film bəstəkarlığı üzrə ixtisaslaşmışdır.[3][4][5]
Kollecdən məzun olduqdan sonra Hollivudda film musiqisi karyerasına başlayıb başlamamaq barəsində tərəddüd yaşamışdır.[6] Sonda turist vizası ilə Yaponiyaya köçməyə, anime və oyun sənayesində işləməyə qərar vermişdir.[6] Yaponiyaya gəldikdən sonra üç sonra "Elements Garden" şirkətində musiqi yaradıcısı kimi işləyən Cunpey Fucita ilə tanış olmuşdur.[3] Müsahibədən keçdikdən sonra "Elements Garden" şirkətinə qoşulmuşdur. O, 2012-ci ildə Yaponiyada musiqi bəstələməyə başlamış və simfonik musiqilərinə görə diqqət cəlb etmişdir.[6] O, "Kyoto Animation" studiyasının səs rejissoru Yota Tsuruoka ilə tanış olmuşdur.[3] Koll studiya tərəfindən istehsal olunmuş "Tokyo ESP" və "Violet Evergarden" anime seriallarının bəstəkarı olmuşdur.[7][8] Anime serialları ilə yanaşı "Josee, the Tiger and the Fish" kimi anime filmləri üçün musiqi bəstələməyə başlamışdır.[9] O, 2025-ci ildə səs/performans kateqoriyası üzrə Tokio Anime Mükafatının qalibi olmuş[10] və "Frieren: Beyond Journey's End" animesindəki işinə görə Crunchyroll Anime Mükafatına namizəd göstərilmişdir.[11]
Koll 30 iyun 2016-cı ildə "Elements Garden" şirkətindən ayrılmış[12] və 2017-ci ildə "Miracle Bus" agentliyinin üzvü olmuşdur.[4]
Evan Koll "Tokyo ESP"[7] (2014), "Big Order"[13] (2016), "Hakumei and Mikochi"[14] (2018), "Violet Evergarden"[8] (2018), "Midnight Occult Civil Servants"[15] (2019), "My Happy Marriage"[16] (2023), "Frieren: Beyond Journey's End"[17] (2023) kimi anime seriallarının bəstəkarıdır. "Violet Evergarden: Eternity and the Auto Memory Doll"[18] (2019), "Violet Evergarden"[19] (2020) və "Josee, the Tiger and the Fish"[9] (2020) anime filmlərinin musiqisini bəstələmişdir.
 |
 |
GECEMIZ.AZ |  |
 |
|